ငါတို့ရရှိခဲ့တာ
ဝေးကွာခြင်းနဲ့ ကွေ့ကွင်းရခြင်း
ငါတို့လိုချင်ခဲ့တာ
အောင်မြင်မှုရဲ့ ပန်းတိုင်သရဖူ
ဘဝမှာ
ဘာမှမစံရသေးခင်
အမိဝေး အဖဝေး
မျှော်လင့်ချက်ဝေးဝေးတွေနဲ့
အဝေးစံနေရတဲ့သူလေ
အနုပညာကိုမြတ်နိုး
အမှန်တရားကိုခုံမင်
အပေါင်းအသင်းကိုငြိတွယ်
မငြိတွယ်ခဲ့တဲ့
ငွေစကြေးစတွေကိုတော့ ပစ်ခွာလို့
အမှန်တရားလမ်းကြောင်းထဲကို
ရဲရဲဝံ့ဝံ့
လျှောက်လှမ်းခဲ့တာလေ
ကိုညိုရေ ....
မျက်ရည်စက်များကို သိမ်းခေါက်
မတိမ်းမှောက်တဲ့
ငါတို့နှလုံးသွေးများနဲ့
ဒီအာဏာရူး
စစ်ဘီလူးတို့
သိမ့်သိမ့်မှောက်မှောက်
တုန်ခါစေရမှာပေါ့
ကိုညိုရေ ....
လောကကို သက်သေတည်
နှောင်းလူမှာ
ရာဇဝင်တွင် ကျန်ရစ်မယ့်
ငါတို့များရဲ့ “ကိုညို”
ကိုညိုရေ ....
ယနေ့ယခုချိန်မှာ
ပန်းလိုကြွေ မြေမှာဝပ်စင်းနေရပေမယ့်
အများတောင့်တခဲ့တဲ့
ဒီမိုကရေစီအောင်ပွဲကြီးဟာ
မနှောင်းတော့မယ့်
အရုဏ်ဦးနဲ့ အတူ
ဤ အာဏာရူး စစ်ဖိနပ်အောက်က
ငါတို့
လွတ်မြောက်ရမှာပေါ့။ ။
မိုးမခ
ထောင်အတွင်းမှ ထောင်အပြင်ရောက်ချိန်အထိ စိတ်မကျန်းမမာ ကိုယ်မကျန်းမမာ
ဖြစ်နေသော ကဗျာဆရာညိုမင်းထက် (ခ) ကိုညိုလေးသို့
Saturday, 19 September 2009
ဒီမိုကရေစီတိုက်ပွဲကြီးထဲက ကိုညို
အကျိုးစီးပွားအတွက် သွင်းကုန်ခွန်စည်းကြပ် တံတိုင်းကာရံခြင်း
The New York Times
Published: September 12,2009
တရုတ်ပြည်မှ ကားတာရာ တင်သွင်းမှုနဲ့ ပတ်သက်ပြီး နာရီပိုင်းအတွင်းချမှတ်လိုက်တဲ့ သမ္မတ အိုဘား မားရဲ့ ဆုံးဖြတ်ချက်ကြောင့် တရုတ်အာဏာပိုင်တွေက အမေ ရိကန်ပြည်ထောင်စုဟာ နိုင်ငံတကာ ကုန်သွယ်မှု ဥ ပဒေကို ချိုးဖောက်ကျူးလွန်တဲ့အပြင် ကုန်ရောင်း ကုန်ဝယ်ဖောက်ကားမှု ပြုလုပ်ရာတွင် ယှဉ်ပြိုင်နိုင်စွမ်း မရှိလို့် နိုင်ငံရေးအင်အားသုံးပြီး ကိုယ်ကျိုးစီးပွား ကာ ကွယ်ရေးမူဝါဒကို ကျင့်သုံးခြင်းဖြစ်ကြောင်း စွပ်စွဲပြော ဆိုလိုက်တယ်။ စနေနေ့မှာ တရုတ်ကုန်သွယ်ရေးဝန် ကြီးဌာနမှ အမေရိကန်ရဲ့ ကိုယ် ကျိုးစီးပွားကာကွယ်ရေးမူဝါဒနှင့် ပတ်သက်ပြီး အပြင်းအထန် ဆန့်ကျင်ကန့်ကွက်ကြောင်း ထုတ်ပြန် ကြေငြာခဲ့တယ်။
အမေရိကန်အစိုးရပိုင်း တာဝန်ရှိသူတွေအနေနဲ့ ကမ္ဘာ့စီးပွားရေး ပြန်လည်ဦးမော့လာရေးအပြင် အီရန် ရဲ့ နျူးကလီးယား အစီအစဉ်နဲ့ပတ်သက်ပြီး ထပ်မံပိတ်ဆို့မှုတွေ ပြုလုပ်ဖို့ရာအတွက် တရုတ်ပြည်ရဲ့ အ ခန်းကဏ္ဍနဲ့ အကူအညီကိုလိုအပ်တဲ့အတွက် ထိရောက်မြန်ဆန်သည့် တုန့်ပြန်မှုတွေကြောင့် မလိုလား အပ်တဲ့ ပြဿနာတွေနှင့် ထိခိုက်မှုတွေထွက်ပေါ်လာမှာကိုတော့ လိုလားခြင်းမရှိကြဘူး။ သမ္မတ အိုဘား မား 9:15p.m မှာ ယဉ်ကျေးသိမ်မွေ့စွာ သုံးနှုန်းထုတ်ပြန်လိုက်တဲ့ ဆုံးဖြတ်ချက်ကြေငြာစာတမ်းဟာ အ တော့်ကိုစိတ်ပျက်ဖွယ် တွေးတောစရာတွေ ပြည့်နှက်နေပြီး တရုတ်ပြည်ရဲ့ကားတာရာတင်သွင်းမှုအပေါ် 35% အခွန်စည်းကြပ် ပြဋ္ဌာန်းလိုက်ခြင်းပဲဖြစ်တယ်။
ဒီထုတ်ပြန်ကြေငြာချက်ဟာ ၀ယ်လိ်ုအားကျဆင်းဖို့ရာအတွက် သွင်းကုန်အခွန် စည်းကြပ်လိုက်တာဖြစ် တဲ့အတွက်ကြောင့် သဏ္ဍာန်သစ်တွေနဲ့ တရုတ်ပြည်စီးပွားရေးကို စတင်ယှဉ်ပြိုင် တိုက်ခိုက်လိုက်ခြင်းပဲ ဖြစ်တယ်။ မစ္စတာအိုဘားမားဟာ လွတ်တော်မှာထောက်ခံမှုရဖို့အတွက် သမဂ္ဂတွေဆီကနေ မဲအရေအ တွက်တွေရခဲ့သည့်အပြင် ကျန်းမာရေးဆိုင်ရာကြည့်ရှုစောက်ရှောက်မှုစနစ်ကို အောက်ခြေကနေ ပြုပြင် ပြောင်းလဲဖို့ရာအတွက် တိုက်ပွဲဝင်ခဲ့သူဖြစ်တယ်။ ၀ါရင့်အိမ်ဖြူတော်အရာရှိ တယောက်အဆိုအရ ကုန် သွယ်မှုဥပဒေကို တင်းကြပ်လိုက်တာဟာ ကိုယ်ကျိုးစီးပွားကာကွယ်တာ မဟုတ်သလို အသိအမှတ်ပြု ခြင်းမှ ငြင်းပယ်လိုက်တာလည်း မဟုတ်ပါဘူး။
အမေရိကန်အစိုးရဟာ တရုတ်ပြည်နဲ့ ဆက်ဆံရေး ပြေပြစ်ကောင်းမွန်ဖို့ရာအတွက် အလေးဂရုပြုသလို တရုတ်ပြည်မှာအခြေစိုက် ရင်းနှီးမြုပ်နှံထားတဲ့ အမေရိကန် စီးပွားရေးကုမ္ပဏီကြီးတွေထဲမှာ ကားတာရာ ထုတ်လုပ်တဲ့ စက်ရုံတွေလည်းပါဝင်ပြီး တရုတ်ပြည်ရဲ့တိုးတက်များပြားလာတဲ့ လူဦးရေနှင့်ကြီးမားလှ တဲ့ ဈေးကွက်အတွင်း ပို့ကုန်ကျယ်ပြန့်စွာ ထိုးဖောက်နိုင်ရေးအတွက် အမေရိကန်ကုမ္ပဏီ အတော်များ များဟာလည်း ထိုးဖောက်ဝင်ရောက်နေကြတယ်။ ဒီလထဲမှာပဲ အိမ်ရှင်အဖြစ် လက်ခံကျင်းပမယ့် Pitts burgh မြို့မှာ G-20 စက်မှုထိပ်သီး နိုင်ငံမှခေါင်းဆောင်တွေအပါအ၀င် တရုတ်ခေါင်းဆောင်တွေနဲ့ပါ သမ္မတ အိုဘားမားဟာ လက်ခံတွေ့ဆုံဖို့ရှိသလို လာမယ့် နိုဝင်ဘာလ စင်ကာပူနိုင်ငံမှာ ကျင်းပမယ့် အာရှထ်ိပ်သီး အစည်းအဝေးပွဲကို တက်ရောက်ဖို့ရှိတဲ့အပြင် နောက်ခရီးစဉ်အဖြစ် ပီကင်းကို ၀င်ရောက် မယ်လို့တော့ မျှော်လင့်ရတာပဲ။
တရုတ်ကုန်သွယ်ရေးဝန်ကြီးဌာနရဲ့ ပြောခွင့်ရပုဂ္ဂိုလ် Yao Jian ကတော့ တရုတ်ပြည်အနေနဲ့ တရုတ် ကုမ္ပဏီတွေရဲ့ အကျိုးစီးပွားအပေါ် အပြည့်အ၀ တာဝန်ယူလုပ်ဆောင်သွားမယ်လို့ အစိုးရပိုင် စင်ဟွာ သတင်းဌာနကနေ ပြောကြားသွားခဲ့တယ်။ ဒီဆောင်းပါးမှာတော့ တန်ပြန်လုပ်ဆောင်မယ့် ထုတ်ပြန်ချက် ကိုတော့ မဖော်ပြထားပါဘူး။ တရုတ်ပြည်ဟာ အမေရိကန်ရဲ့ ဒုတိယ အကြီးဆုံး ကုန်သွယ်ဖက်ဖြစ် သ လို အများဆုံးကြွေးတင်နေသူလည်း ဖြစ်တာကြောင့် သမ္မတအိုဘားမားရဲ့ လုပ်ဆောင်ချက်ဟာ ထိခိုက် မှု တစုံတရာတော့ရှိလာနို်င်တယ်။ အမေရိကန် ကုမ္ပဏီတွေနှင့် အလုပ်သမားထုတွေအတွက် သွင်းကုန် တရစပ် ထိုးဖောက်ဝင်ရောက်လာခဲ့မယ်ဆိုရင် အိုဘားမား အုပ်ချုပ်ရေးကာလ တရုတ်ပြည်နဲ့ ညှိနှိုင်းသ ဘောတူထားတဲ့ သွင်းကုန်စည်းကြပ်မှုနှင့်ပတ်သက်ပြီး အထူးထောက်ပံ့မှု အခွင့်အရေးအပေါ် အလုပ်သ မားသမဂ္ဂမှ သဘောထား တောင်းဆိုမေးမြန်းခဲ့တယ်။ လွတ်လပ်သည့်အဖွဲ့အစည်း တခုဖြစ်သော နိုင်ငံ တကာ ကုန်စည်ကူးသန်းရောင်းဝယ်မှု ကော်မရှင်ကတော့ တရုတ်ပြည်ရဲ့သွင်းကုန်အပေါ် ဆုံးဖြတ်ချက် ချမှုဟာ ပြည်တွင်းစက်မှုလုပ်ငန်းတွေသာ တကယ်ထိခိုက်ဆုံးရှုံးမှု ရှိတယ်လို့ဆိုတယ်။ သွင်းကုန်ခွန် စည်းကြပ်မှု သက်တမ်းကာလဟာ သုံးနှစ်အကျုံးဝင်မှာဖြစ်ပြီး ကနဦးကာလမှာ ၅၅% ဖြစ်ပြီးနောက်ပိုင်း တဖြည်းဖြည်း ကျဆင်းလာမှာဖြစ်တယ်။
တရုတ်ကုမ္ပဏီတွေအပေါ် ထောက်ပံ့မှု ဒါမှမဟုတ် မျှတမှုမရှိတဲ့ ဘယ်လိုယှဉ်ပြိုင်မှုမျိုးကိုမဆို ပြုလုပ်ပါ က အကျသက်သာစေမယ့် အထူးအခွင့်အရေး ခံစားခွင့်မရှိခြင်းကြောင်း ဘာလို့လဲဆိုတော့ တခြားသွင်း ကုန်အပေါ်ဆန့်ကျင်တဲ့ ကာကွယ်မှုဟာ တခြားသောနည်းလမ်းတွေထက် လွယ်ကူအဆင်ပြေလို့ပဲဖြစ် တယ်။ သမ္မတ အိုဘားမားရဲ့ တရုတ်ပြည်အပေါ် အခုလို ရုတ်တရက် လုပ်ဆောင်ဆုံးဖြတ်ချက်ချမှုဟာ စက်ရုံတွေနဲ့ အလုပ်သမား သမဂ္ဂတွေရဲ့ စိတ်သောကကို ပြေလျော့အောင် လုပ်တာလားဆိုတာက တော့ မဖြစ်မနေမေးကို မေးရမယ့်မေးခွန်းတခုလို့တောင်ဆိုလိုက်ချင်တယ်။ တရုတ်ပြည်ရဲ့ပို့ကုန် ကျယ် ပြန့်အောင်မြင်လာတာနဲ့အမျှ တချို့သောအဖွဲ့အစည်းတွေဟာ၂၀၀၁ခုနှစ်မှာ အမေရိကန် ပြည်ထောင်စု အပေါ် တောင်းဆိုမှုတွေပြုလုပ်လာတဲ့အတွက် နိုင်ငံတကာ ကုန်စည်ကူးသန်းရောင်းဝယ်မှု ကော်မရှင်ရဲ့ ထောက်ခံမှုကိုရခဲ့ပေလို့ အကိုင်းအခက် အဆင့်အဖြစ်အသတ်မှတ်ခံခဲ့ရသလို သမ္မတဘုရ်ှရဲ့ကန့်ကွက်မှု ကြောင့် ကော်မရှင်ရဲ့ထောက်ခံအဆိုပြုချက်ဟာ အဟောသိကံ ဖြစ်ခဲ့ရတယ်။
သမ္မတ ကလင်တန်လက်ထက် အမေရိကန်ပြည်ထောင်စုရဲ့ ကူးသန်းရောင်းဝယ်ရေးဆိုင်ရာ တာဝန်ခံ Charlene Barshefsky ရဲ့ အဆိုအရ ဒီဆုံးဖြတ်ချက်ကြောင့် ကူးသန်းရောင်းဝယ်ရေးဆိုင်ရာ မူဝါဒတွေ ဟာ ဘယ်လိုနည်းနဲ့မှ နောက်ပြန်ဆုတ်စေသည့် အနှုတ်လက္ခဏာမျိုးကို ထင်ဟပ်စေမှာ မဟုတ်ဘူးလိ်ု့ ဆိုတယ်။ လွတ်လပ်တဲ့ ဈေးကွက်စီးပွားရေးစနစ်မှာ စီးပွားရေးပြန်လည်ဦးမော့ နလံထူနိုင်ဖို့ရာအတွက် ပြုပြင်ပြောင်းလဲမှုဟာ အခရာကျတယ်ဆိုတာ သံသယဖြစ်စရာမလိုကြောင်း Ms.Barshefsy က အခိုင် အမာပြောဆိုထားတယ်။
မန်ဇူး(ဘာသာပြန်သည်)
China Denounces New Tire Tariffs
By EDMUND L.ANDREWS and EDWARD WONG
Edmund L. Andrews reported from Washington and Edward Wong from Beijing.
.....
မန်ဇူး(ဘာသာပြန်သည်)
ကမ္ဘာပြားပေါ်က မြန်မာအလုပ်သမားများ
၂၁ ရာစုဒီဘက်ပိုင်းမှာ ကမ္ဘာကြီးပြားသွားပြီ ဆိုတဲ့အသံတွေ နားမဆံ့အောင်ကို ကြားနေ ရပါတယ်။ ပြားသွားတယ်ဆိုတာက တကမ္ဘာလုံးရဲ့စီးပွားရေး ဆက်သွယ်ရေး ကူးသန်းရေး တွေ တဆက်တည်း ဖြစ်သွားပြီလို့ပြောတာ ဖြစ်ပါတယ်။ စက်ရုံအလုပ်ရုံတွေကို မဖွံ့ဖြိုး သေးတဲ့နိုင်ငံတွေမှာ လာဖွင့်ကြတယ်၊ သူဋ္ဌေးတွေက တကမ္ဘာလုံးနဲ့ တမုဟုတ်ချင်း ထိုင် ရာမထ ဆက်သွယ်ပြီး ရောင်းဝယ်နိုင်ကြတယ်၊ ဒါကြောင့် တချိန်က အလုပ်ရှားပါး လုပ်ခ နိမ့်ကျ ဖွံ့ဖြိုးမှုနောက်ကျခဲ့တဲ့ နိုင်ငံတွေ ဒေသတွေ အလုပ်တွေပေါ ဝင်ငွေတွေတိုးပြီး ဆင်း ရဲတွင်းကလွတ်လာကြတယ်လို့ ကမ္ဘာပြားရှေ့နေတွေက မစားရဝခမန်း ဝါဒဖြန့်ကြော်ငြာ နေပါတယ်။ ဥပမာတွေအဖြစ် တရုတ်၊ ဗီယက် နမ်၊ ထိုင်း၊ မလေးရှား၊ အိန္ဒိယတို့ကိုလည်း ထောက်ပြနေကြပါတယ်။
နောက်ပြီးတော့ ကမ္ဘာ့ပဒေသာပင်ခေတ်ကြီး ရောက်ပြီဆိုပြီး စိုက်ပျိုးရေးတို့၊ စက်မှုလုပ် ငန်းတို့နေရာမှာ နည်းပညာအဆင့်မြင့်လုပ်ငန်းတွေ၊ အသိဉာဏ်လုပ်ငန်းတွေက အစား ထိုးလွှမ်းမိုးသွားပြီလို့လည်း တဆိတ်ကို တအိပ်လုပ် ကြွေးကြော်နေကြပြန်ပါတယ်။
ဒါကြောင့် စာအုပ်တွေထဲပြောတာတွေကို အသာထားပြီး တကယ့်လက်တွေ့ အခြေအနေ တွေကိုလေ့လာ ကြည့်ကြရအောင်။
စက်မှုလုပ်ငန်းထွန်းကားတဲ့ ပင်ရင်းနိုင်ငံတွေကိုကြည့်တဲ့အခါ အမေရိကန်နိုင်ငံမှာ အနိမ့် ဆုံးလုပ်အားခက တနာရီကို ၇ ဒေါ်လာ တနှစ်ကို ဒေါ်လာ ၁၅ဝဝဝ ရှိပါတယ်။ ပြင်သစ်မှာ တနာရီ ၉ ယူရို တနှစ်မှာ ဒေါ်လာ ၁၇ဝဝဝ၊ ဂျပန်မှာ တနာရီ ယန်း ၇ဝဝ တနှစ်ကို ဒေါ် လာ ၁၁ဝဝဝ၊ တောင်ကိုးရီး ယားမှာ တနာရီ ဝမ် ၄ဝဝဝ တနှစ်မှာ ဒေါ်လာ ၁ဝဝဝဝ၊ တိုင် ဝမ်မှာ တနာရီကို တိုင်ဝမ်ဒေါ်လာ ၁ဝဝ တနှစ်မှာ ဒေါ်လာ ၁၂ဝဝဝ၊ ဟောင်ကောင်မှာ တ လကို ဟောင်ကောင် ဒေါ်လာ ၃၅ဝဝ တနှစ်ကို ဒေါ်လာ ၈ဝဝဝ ရှိကြပါ တယ်။
အဲဒီနိုင်ငံတွေက အထည်ချုပ်စက်ရုံကို တရုတ်၊ ဗီယက်နမ်၊ မလေးရှား၊ ထိုင်း၊ မြန်မာနိုင်ငံ စတဲ့ ဖွံ့ဖြိုးမှုနိမ့်တဲ့နိုင်ငံတွေဆီ ရွှေ့ပြောင်းဖွင့်ကြတဲ့အခါ တရုတ်ပြည်မှာသွားဖွင့်ရင် လုပ် အားခ တလကို ယွမ် ၁ဝဝဝ တနှစ်ကို ဒေါ်လာ ၁၅ဝဝ၊ ဗီယက်နမ်မှာ တနှစ်ကို ဒေါ်လာ ၁ဝဝဝ ၊ ထိုင်းမှာ တရက်ကို ဘတ် ၂ဝဝ တနှစ်ကို ဒေါ်လာ ၂၃ဝဝ၊ မလေးရှားမှာ တလကို ရင်းဂစ် ၃၅ဝ တနှစ်ကို ဒေါ်လာ ၄၅ဝဝ၊ မြန်မာနိုင်ငံမှာ တရက် ကျပ် ၁ဝဝဝ တနှစ်မှာ ဒေါ်လာ ၃ဝဝ နှုန်းပေးရပါတယ်။
အိန္ဒိယနိုင်ငံဟာ အမေရိကန်နဲ့ တခြားအနောက်နိုင်ငံတွေအတွက် ကွန်ပျူတာ အင်တာ နက် တယ်လီဖုံးစတဲ့ အဆင့်မြင့်ဆက်သွယ်ရေး ဝန်ဆောင်လုပ်ငန်းတွေကို လက်ခွဲလုပ် ပေးနေရပါတယ်။ အဲဒီ အလုပ်သမားမျိုးကို အမေရိကန်နိုင်ငံမှာဆိုရင် လုပ်ခ တနှစ်ကို ဒေါ်လာ ၂ဝဝဝဝ ကျော်ပေးရပေမဲ့ အိန္ဒိယမှာတော့ ဒေါ်လာ ၉၅ဝဝ လောက်ဘဲ ပေးရ ပါတယ်။
ကျနော်တို့နဲ့ဆိုင်တဲ့အပိုင်းကို ကြည့်မယ်ဆိုရင် ထိုင်းနိုင်ငံမှာ တရားဝင်သတ်မှတ်ထားတဲ့ အနိမ့်ဆုံး လုပ်ခက ဘတ် ၁၄ဝ လောက်ရှိပါတယ်။ ဒါပေမဲ့ ကျနော်တို့ မြန်မာပြည်က လာတဲ့ အလုပ်သမား တွေရတာက (မဲဆောက်မှာ) အလွန်ဆုံး ၈ဝ လောက်ဘဲ ရပါတယ်။ အများစုကတော့ ၅ဝ-၆ဝ လောက်ဘဲ ရကြပါတယ်။ သူဋ္ဌေးက နေစရိတ် စားစရိတ်တွေ မတန်တဆ ဖြတ်ထားလို့ပါ။ စိုက်ပျိုးရေး အလုပ်သမားတွေနေရတဲ့ ဘဝက ပိုဆိုးပါတယ်။ တောထဲ တောင်ထဲမှာ လူတယောက် ခြေထောက်ဆန့်အိပ်လောက်အောက်ဘဲကျယ်တဲ့ တဲအိမ်ကလေးတွေမှာ ကြယ်မြင်လမြင် နေရပါတယ်။ ထရံကို စက္ကူတွေ ဆာလာအိပ်ခွံ တွေကာထားပြီး ကျနော်တို့တိုင်းပြည်က လယ်တဲသာသာဘဲရှိပါတယ်။ ပညာရေး ကျန်း မာရေး အားကိုးစရာ မရှိသလောက်ပါဘဲ။ အခုနောက်ပိုင်း ဝိုင်းဝန်းကြိုးပမ်းမှုကြောင့် ကျောင်းကလေးတွေ ပေါ်လာပေမဲ့ ကျန်းမာရေးအတွက်အားကိုးစရာ မယ်တော်ဆေးခန်း ကိုတော့ ထိုင်းရဲအဖမ်းခံရမယ့် အန္တရာယ်ကြားက စွန့်စားသွားရပါတယ်။ ထိုင်းရဲအပြင် ထိုင်းလဝက၊ လူဆိုးဂိုဏ်းတွေနဲ့ ထိုင်းလမ်းသရဲတွေ ငွေညှစ် ဗိုလ်ကျနှိပ်စက်တာကလည်း ရှိပါသေးတယ်။
ရနောင်း၊ မဟာချိုင်ဘက် ငါးဖမ်းစက်လှေနဲ့လိုက်ရတဲ့ မြန်မာအလုပ်သမားတွေကတော့ မနက်တိုင်း မျက်နှာသစ်စရာခေါင်းရှိသေးလား စမ်းနေရတဲ့ဘဝမှာ ခပ်များများဖြစ်ပါတယ်။
ဒါကြောင့် ကမ္ဘာပြားတဲ့အကျိုးအမြတ်အဖြစ် အလုပ်သမား ၁ဝဝ ရှိတဲ့ စက်ရုံပိုင်သူဋ္ဌေးဟာ အမေရိကန်ကနေ မဲဆောက်ကို ရွှေ့လာတဲ့အတွက် တနှစ်ကို ဒေါ်လာ ၁ သန်း ၃ သိန်း ပိုမြတ်သွားပါတယ်။ တိုင်ဝမ်သူဋ္ဌေးဆိုရင်တော့ တနှစ်မှာ ဒေါ်လာ ၁ သန်းပိုမြတ်ပါလိမ့် မယ်။ မြန်မာအလုပ်သမားတွေအနေနဲ့တော့ ဗမာပြည်မှာ မဝယ်နိုင်တဲ့ ရွှေတို ရွှေစ ဝယ် နိုင်၊ ဟဲင်းဖုံးကိုင်နိုင်၊ မြို့ပေါ်အလုပ်သမားတွေဆိုရင် ၂၄ နာရီလျှပ်စစ်မီးနဲ့နေနိုင်တဲ့ ထိုင်း နိုင်ငံမှာ အလုပ်လုပ်တာဟာ ဗမာပြည်မှာထက် တနှစ်ကို ဒေါ်လာ ၂ဝဝဝ လောက် ဝင်ငွေ ပိုလာပြီး မလေးရှားမှာဆိုရင် ဗမာပြည်ထက် တနှစ်ကို ဒေါ်လာ ၄၂ဝဝ ပိုဝင်မှာဖြစ်ပါ တယ်။ ဒါဟာ အမေရိကန်အလုပ်သမားရဲ့ အစွန်းထွက်လောက်ဘဲ ရတာဖြစ်ပြီး သူတို့ ထက် ဒေါ်လာ ၁ဝဝဝဝ ကျော်လျော့နေပါသေးတယ်။ ဒါကြောင့် ကမ္ဘာပြားတယ်ဆိုတာ စက်ရုံရှင် လုပ်ငန်းရှင်သူဋ္ဌေးတွေအတွက်ပဲ အဓိကဖြစ်နေပါတယ်။
လုပ်ငန်းပုံစံပိုင်းကိုပြောရရင် တတိယလှိုင်းလို့ပြောတဲ့ အဆင့်မြင့် ကွန်ပျူတာ အင်တာ နက် ဆက်သွယ်ရေးစတဲ့ အသိဉာဏ်ပညာ အခြေခံလုပ်ငန်းတွေက ရှေ့ဆောင်အခန်းမှာ ရှိတယ်လို့ ပြောနေပေမဲ့ လက်တွေ့ကွင်းထဲမှာတော့ စက်မှုလုပ်ငန်းကဘဲ အဓိကလွှမ်းမိုး နေပြီး ထမင်းကျွေးနေတာဖြစ်ပါတယ်။ မြန်မာရွှေ့ပြောင်းအလုပ်သမား ၄-၅ သန်းထဲက အားလုံးလိုလို ရပ်တည်နေရတာဟာ အထည်ချုပ်စက်ရုံ၊ ဖိနပ်ချုပ်စက်ရုံ၊ ငါးပုဇွန်စက်ရုံ၊ ဆောက်လုပ်ရေး၊ တောင်ယာ၊ ရာဘာခြံ၊ ဆီအုန်းခြံ၊ စားသောက်ဆိုင်၊ ဈေးဆိုင် စတဲ့လုပ် ငန်းတွေဘဲဖြစ်ပါတယ်။ အမေရိကန်ရောက်သွားတဲ့ မြန်မာဆရာဝန် ဆူရှီလိပ်နေရတာ၊ ဂျ ပန်ရောက်သွားတဲ့ မြန်မာအင်ဂျင်နီယာတွေ အိုးတိုက် ပန်းကန်ဆေး နေရတာဟာ ကမ္ဘာ ပြား တတိယလှိုင်းဝါဒဖြန့်ချက်တွေကို သရော်နေတာ ဖြစ်ပါတယ်။
မြန်မာအလုပ်သမားတွေတင်မကပါဘူး၊ တကမ္ဘာလုံးမှာ လုပ်ငန်းတန်ဖိုးအကြီးဆုံးလုပ်ငန်း ၃ ခုက (၂ဝဝ၂ ခု စာရင်း အရ) တရားဝင်စီးပွားရေးနယ်ပယ်မှာ ရေနံထုတ်လုပ်ရေး၊ မော် တော်ကားထုတ်လုပ်ရေး၊ ကမ္ဘာလှည့်ခရီးသွား လုပ်ငန်းတို့ဖြစ်ပြီး တရားမဝင်စီးပွားရေး နယ်ပယ်မှာတော့ လူကုန်ကူးလုပ်ငန်း၊ လက်နက်ကုန်ကူးလုပ်ငန်းနဲ့ မူးယစ်ဆေးကုန်ကူး လုပ်ငန်းတို့ဖြစ်ပါတယ်။ ကွန်ပျူတာလုပ်ငန်း၊ တယ်လီဖုံးလုပ်ငန်းတွေ မဟုတ်ပါဘူး။ စ တော့ ရှယ်ယာ တန်ဖိုးမှာတော့ ကွန်ပျူတာလုပ်ငန်းက ရှယ်ယာတွေက တန်ဖိုးမြင့်နေပြီး ကွန်ပျူတာလုပ်ငန်းနယ်ပယ်က အလုပ်သမားတွေဟာ လုပ်ခကောင်းပေမဲ့ စီးပွားရေး လောက တခုလုံးထဲမှာတော့ အင်အားအကြီးဆုံး မဖြစ်သေးပါဘူး။
ကမ္ဘာ့အကြီးဆုံးကုမ္ပဏီ ၅ ခုက (၂ဝဝ၆ ခုစာရင်း) အက်ဆွန်မိုဘင်းလ် (ရေနံလုပ်ငန်း)၊ ဂျီ အီး (လျှပ်စစ်လုပ်ငန်း)၊ စီးတီး (ဘဏ်လုပ်ငန်း)၊ ဘီပီ (ရေနံလုပ်ငန်း)၊ ရှဲလ် (ရေနံလုပ် ငန်း) တို့အစဉ်လိုက်ဖြစ်ပြီး မိုက်ကရိုဆော့ဖ် (ကွန်ပျူတာ လုပ်ငန်း) က နံပတ် ၇ အဆင့် ပဲရှိပါတယ်။ ဒါ့အပြင် ကမ္ဘာ့အကြီးဆုံးကုမ္ပဏီ ၁ဝ ခုထဲမှာ အဆင့်မြင့်နည်းပညာလုပ်ငန်း က အဲဒီမိုက်ကရိုဆော့ဖ် တခုဘဲပါပါတယ်။
ဒါကြောင့် ကမ္ဘာပြားတာတွေ အဆင့်မြင့်နည်းပညာခေတ်ရောက်တာတွေဟာ ကျနော်တို့ အလုပ်သမားတွေ အထူးသဖြင့် မြန်မာအလုပ်သမားတွေအတွက် လက်တွေ့မကျတဲ့ စိတ် ကူးယဉ်အိပ်မက်တွေသာဖြစ်ပါတယ်။ မဲဆောက်က မြန်မာအလုပ်သမားတယောက်ဟာ အမေရိကန်ကအလုပ်သမားတယောက်နဲ့ တန်းတူလုပ်ခ မရသရွေ့၊ အိန္ဒိယက ကွန်ပျူတာ ပညာရှင်အလုပ်သမားတယောက်ဟာ အမေရိကန်က ကွန်ပျူတာပညာရှင် အလုပ်သမား တယောက်ရတဲ့ လစာ မရသေးသရွှေ့ ကမ္ဘာကြီးပြားနေတယ်လို့ မပြောနိုင်သေးပါဘူး။ အလွန်ဆုံးပြောရရင် အပြားလိုက်ကြီးစောင်းနေတယ်လို့ဘဲ ပြောနိုင်မှာဖြစ်ပြီး ပွင့်ပွင့်လင်း လင်းပြောရရင်တော့ သူဋ္ဌေးတွေက ပုံစံသစ်နဲ့ လူလည်ကျတာလို့ဘဲ ပြောချင်ပါတယ်။
ကမ္ဘာမှာ အဆင့်မြင့်နည်းပညာတွေ ရှေ့ဆောင်နေပြီး ဂလိုဘယ်လိုက်ဇေးရှင်း လို့ခေါ်တဲ့ တကမ္ဘာလုံးချီ ဆက်နွယ်မှုတွေ လွှမ်းမိုးလာပြီလို့ ပြောနေဟောနေပေမဲ့ ကမ္ဘာ့အလုပ်သ မားအများစုကြီးရဲ့ ဘဝကတော့ အဲဒီကမ္ဘာပြားတွေ တတိယလှိုင်းတွေနဲ့ အလှမ်းဝေးနေ ဆဲပါဘဲ။ မြန်မာရွှေ့ပြောင်းအလုပ်သမားတွေ မြန်မာပြည်တွင်းအလုပ်သမားတွေ ဆိုရင် နအဖစစ်အစိုးရ လက်ချက်ကြောင့် နိုင်ငံတကာ အလုပ်သမားတွေထက်ပိုပြီး အခွင့်မသာ ဖြစ်နေရပါတယ်။
ဂါမဏိ
သင့်ရဲဘော် ဂျာနယ်၊ အတွဲ(၃) အမှတ်(၁) သြဂုတ် ၂၀၀၉
Friday, 11 September 2009
မြန်မာပြည်သူတွေအတွက် မလိုအပ်တဲ့ 'ရွေးကောက်ပွဲ'
ဂါမဏိ(ဘာသာပြန်သည်)
မကြာသေးခင်က အထက်လွှတ်တော်အမတ် ဂျိမ်းဝက်ဘ် ကျနော့်တိုင်းပြည်ကို အလည်အပတ်သွား ခဲ့တာ၊ ဗိုလ်ချုပ်မှူးကြီး သန်းရွှေ၊ အကျဉ်းကျခံနေရတဲ့ ငြိမ်းချမ်းရေးနိုဘယ်ဆုရှင် ဒေါ်အောင်ဆန်းစု ကြည်တို့နဲ့ တွေ့ဆုံစကားပြောခဲ့တာတွေအပေါ် လူတွေက အများကြီးအာရုံစိုက်ခဲ့ကြပါတယ်။ ဝက်ဘ် က မြန်မာပြည်ရဲ့ အုပ်စိုးသူအာဏာပိုင်တွေနဲ့ အဓိပ္ပာယ်ရှိရှိတွေ့ဆုံ ဆွေးနွေးချင်တာကို ကျနော် နား လည်ပါတယ်။ ကံမကောင်းအကြောင်းမလှတာကတော့ သူ့ကြိုးပမ်းချက်တွေဟာ ကျနော်တို့ ဒီမိုက ရေစီလှုပ်ရှားမှုကြီးကို ထိခိုက်နစ်နာစေပြီး မှားယွင်းတဲ့အကြောင်းအရာပေါ်မှာ အလေးထားခဲ့တာဖြစ် ပါတယ်။ အဲဒီ အကြောင်းအရာကတော့ ရေရှည်နိုင်ငံရေးမဟာဗျူဟာရဲ့ အစိတ်အပိုင်းတခုအဖြစ် ပါ ဝင်ဆင်နွှဲဖို့ ဝက်ဘ်က ကျနော်တို့ကို စဉ်းစားစေချင်တဲ့ ရှေ့နှစ် "ရွေးကောက်ပွဲ" အလားအလာဖြစ်ပါ တယ်။ ဒါပေမဲ့ စစ်အစိုးရက စီစဉ်ထားတဲ့ ဟန်ပြရွေး ကောက်ပွဲဟာ ကျနော်တို့ ပြည်သူလူထုတွေ လိုလားနေတဲ့လွတ်လပ်ရေးကို သရော်မော်ကားလုပ်ပြီး စစ်အာဏာရှင်စနစ်ကို ထာဝရတည်တန့် အောင် လုပ်သွားမှာဖြစ်ပါတယ်။
ကျနော်တို့ဆီက နောက်ဆုံးကျင်းပခဲ့တဲ့ လွတ်လပ်တဲ့ရွေးကောက်ပွဲမှာ မြန်မာပြည်သူတွေဟာ မဲဆန္ဒ အပြတ်အသတ်နဲ့ စစ်တပ်အုပ်စိုးမှုကို ပယ်ချခဲ့ပြီး ကျနော်တို့ အမျိုးသားဒီမိုကရေစီအဖွဲ့ချုပ်ကို လွှတ် တော်နေရာ ၈၀ ရာခိုင်နှုန်း နှင်းအပ်ခဲ့ပါတယ်။ ဒါပေမဲ့လည်း အဖွဲ့ချုပ်ကို အစိုးရဖွဲ့ခွင့်ပေးဖို့ စစ်အုပ်စု က ငြင်းဆန်ခဲ့ပါတယ်။ အဲဒီရွေးကောက်ပွဲပြီးနောက် ၁၉ နှစ် အတွင်းမှာ မြန်မာ့ဒီမိုကရေစီရေး လှုပ် ရှားတက်ကြွသူတွေဟာ တရားမျှတမှု၊ တဦးချင်းအခွင့်အရေး၊ တိုင်းရင်းသား အခွင့်အရေး၊ မြန်မာ ပြည်သူအားလုံးကိုကိုယ်စားပြုတဲ့ ဒီမိုကရေစီအစိုးရပုံသဏ္ဍာန်တို့ကို ငြိမ်းချမ်းစွာတောင်းဆို ဖော်ပြ နေရင်း အကျဉ်းချမှု၊ ခြိမ်းခြောက်မှု၊ ညှဉ်းပန်းနှိပ်စက်မှုနဲ့ အသက်ဆုံးပါးမှုတို့ကို ကြုံခဲ့ရပါတယ်။
အဖွဲ့ချုပ်ဟာ ကျနော်တို့ရဲ့ ဒီမိုကရေစီရေးတိုက်ပွဲကို တခါမှမရပ်နားခဲ့သလို စစ်အစိုးရနဲ့ ထိတွေ့ဆက် ဆံပြီး ငြိမ်းချမ်းရေးနဲ့ အပြန်အလှန်လေးစားရေးအခြေခံပေါ်မှာ မြန်မာပြည်ရဲ့အချက်အချာ နိုင်ငံရေး ပြဿနာ လူမှုရေးပြဿနာတွေ ကိုင်တွယ်ဖြေရှင်းနိုင်မယ့် တွေ့ဆုံဆွေးနွေးပွဲပြုလုပ်ဖို့လည်း တောက် လျှောက်ကြိုးပမ်းခဲ့ပါတယ်။ ဒီကိစ္စနှစ်ရပ်ဟာ ဆက်စပ်နေတာကို လုံးဝသံသယမရှိပါနဲ့။ မြန်မာနိုင် ငံဟာ တချိန်တခါက အာရှတိုက်ရဲ့ စပါးကျီကြီး ဖြစ်ခဲ့ပါတယ်။ ဒီကနေ့မှာတော့ စစ်အစိုးရရဲ့ စီးပွား ရေးအဖျက်ပေါ်လစီတွေနဲ့ စစ်အာဏာထိန်းထားနိုင်ဖို့ ဖိနှိပ်အုပ်ချုပ်နေတာကြောင့် ဆင်းရဲတွင်းနက် နေတဲ့ ဗယုတ်သုက္ခတိုင်းပြည် ဖြစ်နေပါပြီ။
စစ်အစိုးရဟာ ဟန်ပြ "ရွေးကောက်ပွဲ" ကတဆင့် သူ့ကိုယ်သူ တရားဝင်မှုမျက်နှာဖုံးတပ်ဖို့ ကြိုးပမ်း နေပြီး "စည်းကမ်းပြည့်ဝ တဲ့ဒီမိုကရေစီ"ကို လာမယ့်နှစ်မှာထူထောင်မယ်လို့ ကြွေးကြော်နေပါတယ်။ ၂၀၀၈ ခု မေလမှာ ဧရာမလေမုန်တိုင်းကြီး တခုက ဗမာပြည်ကို ထောင်းထောင်းချေ၊ လူ တသိန်း ကျော်အသက်ဆုံးစေခဲ့ပြီးနောက် ရက်ပိုင်းအတွင်းမှာ စစ်အစိုးရက ရယ်စရာကောင်းတဲ့ လုပ်ဇာတ် တခုသုံးပြီး၊ စစ်အာဏာကို ရာသက်ပန်ဦးထိပ်ထားမယ့်အခြေခံဥပဒေကို မဲဆန္ဒရှင် ၉၃ ရာခိုင်နှုန်းက ထောက်ခံကြောင်း ကြေညာခဲ့ပါတယ်။ အဲဒီအခြေခံဥပဒေဟာ အဓိပ္ပာယ်ရှင်းရှင်းလင်းလင်း မရှိလှတဲ့ "နိုင်ငံခြားအဆက်အသွယ်" ရှိသူတွေကို အစိုးရရာထူးမယူစေဖို့ တားမြစ်ထားပြီး ဒေါ်အောင်ဆန်းစု ကြည် နဲ့ ဒီမိုကရေစီ လှုပ်ရှားတက်ကြွသူတွေ အာဏာမရနိုင်အောင် ကျယ်ကျယ်ပြန့်ပြန့်တားမြစ် ပိတ်ပင်ထားတဲ့ ပြဋ္ဌာန်းချက်တွေထည့်သွင်း ထားပါတယ်။
တချို့သော နိုင်ငံတကာလေ့လာစောင့်ကြည့်သူတွေက ရှေ့နှစ်မှာလုပ်ဖို့စီစဉ်ထားတဲ့ ရွေးကောက်ပွဲ တွေကို အခွင့်အလမ်း တခုအဖြစ် မြင်နေကြပါတယ်။ ဒါပေမဲ့ စစ်အုပ်စုရဲ့ အခြေခံဥပဒေမှာ ချမှတ် ထားတဲ့ စည်းကမ်းချက်များအရ ရွေးကောက်ပွဲဟာ အတုအယောင်ဘဲဖြစ်ပါလိမ့်မယ်။ မြန်မာပြည်သူ သန်းပေါင်းများစွာတို့ ချီတက်လှုပ်ရှား၊ အဖမ်းအဆီးခံ၊ နှိပ်စက် ညှင်းပန်းခံ၊ အသက်ဆုံးပါးခံ တိုက် ပွဲဝင်ခဲ့ကြတဲ့ ဒီမိုကရေစီအခြေခံမူတွေကို ကျနော်တို့တိုင်းပြည်အတွက် လွတ်လပ်မှုဆောင် ကျဉ်းလာ ဖို့ နည်းနည်းလေးမှ မျှော်လင့်ချက်မရှိတဲ့ ဖြစ်စဉ်တခုထဲ သွားပါဝင်ခြင်းအားဖြင့် မစွန့်လွှတ်နိုင်ပါဘူး။
အဖွဲ့ချုပ်ရဲ့တောင်းဆိုချက်တွေဟာ ကျိုးကြောင်းဆီလျော်တရားမျှတပါတယ်။ ဧပြီလတုံးက ကျနော် တို့ဟာ နောက်ထပ် ကြေညာချက်တရပ် ထုတ်ပြန်ခဲ့ပြီး စစ်အုပ်စုနဲ့ထိတွေ့ဆက်ဆံဖို့ အားပေးတိုက် တွန်းရင်း နိုင်ငံရေးအကျဉ်းသားအားလုံး ပြန်လွှတ်ပေးဖို့၊ အခြေခံဥပဒေကို အပြည့်အစုံပြန်လည်သုံး သပ်ဖို့၊ အဖွဲ့ချုပ်ရုံးခန်းတွေ ပြန်ဖွင့်ခွင့်ပေးဖို့နဲ့ လွတ်လပ်စွာ စည်းရုံးလှုပ်ရှားခွင့်တွေပေးဖို့ တောင်းဆို ခဲ့ပါတယ်။ ဒါပေမဲ့ စစ်အစိုးရကတော့ ဒေါ်အောင်ဆန်းစုကြည်နဲ့တကွ တခြား လှုပ်ရှားတက်ကြွသူ ၂၀၀၀ ကို ဆက်လက်အကျဉ်းချ၊ တိုင်းရင်းသားတွေကို အကြီးအကျယ်ထိုးစစ်ဆင်တိုက်ခိုက်ပြီး ဒီမို ကရေစီကိုလည်ပင်းညှစ် နှိပ်ကွပ်မယ့်စည်းကမ်းချက်တွေ အတင်းတိုးမြှင့်ကြပ်မတ်တဲ့လုပ်ရပ်နဲ့ တုံ့ပြန်လိုက်ပါတယ်။
ဒီတော့ နိုင်ငံတကာမိသားစုတွေက ဘယ်လိုအခန်းကဏ္ဍတွေကကနေ အကျိုးရှိရှိ ပါဝင်ပတ်သက်ကြ မှာလဲ။ ပထမဦး ဆုံးကတော့ ဂျိမ်းဝက်လိုတာဝန်ရှိလူကြီးတွေက တရုတ်ပြည်နဲ့လှည့်ခြောက်တာကို စွန့်လွှတ်ရပ်တန့်ဖို့ဖြစ်ပါတယ်။ တရုတ်ကို ကန့်သတ်ထိန်းချုပ်ဖို့ မြန်မာစစ်အစိုးရနဲ့လက်တွဲစို့ ဆိုတဲ့ သူ့လေသံဟာ ခေတ်နောက်ကျပြီး လက်တွေ့မကျတဲ့ အယူအဆပေါ် အခြေခံထားပါတယ်။ ဒေါ် အောင်ဆန်းစုကြည်ကိုယ်တိုင်ကလည်း ဒီလိုအယူအဆတွေကိုပယ်ချပြီး ဂျိမ်းဝက်ကို “ကျမတို့က ဘယ်သူ့ကိုဖြစ်ဖြစ် အကြောက်တရားတွေ စိုးရိမ်ကြောင့်ကြစိတ်တွေ အခြေခံပြီး ဆက်ဆံမှာမဟုတ် ဘူး။ ဘယ်သူ့မဆို ဆက်ဆံမှာဖြစ်တယ်။ တရုတ်၊ အမေရိကန်၊ အိန္ဒိယ၊ အားလုံးနဲ့ ရင်းရင်းနှီးနှီး တန်း တူညီမျှဆက်ဆံမှာ ဖြစ်တယ်။ ကျမတို့ဟာ ကိုယ့်အိမ်နီးချင်းကို ကိုယ်ရွေးချယ်နိုင်ခွင့်ရှိတာမဟုတ်လို့ တရုတ်နိုင်ငံနဲ့ ကောင်းမွန်တဲ့ဆက်ဆံရေး လိုအပ်တယ်ဆိုတာကို နားလည်တယ်” လို့ပြောခဲ့ပါတယ်။
ဒုတိယအချက်ကတော့ အဖွဲ့ချုပ်ကိုယ်တိုင်က တခြားနိုင်ငံတွေ၊ နိုင်ငံတကာအဖွဲ့အစည်းတွေကို စစ် အုပ်စုနဲ့ ထိတွေ့ဆက်ဆံဖို့ အားပေးတိုက်တွန်းနေတာ ဖြစ်ပါတယ်။ ဒီနိုင်ငံတကာမိသားစုတွေက ဗမာ စစ်ခေါင်းဆောင်တွေကို ကျနော်တို့တတွေရယ် တိုင်းရင်းသားအဖွဲ့တွေရယ်နဲ့ ထိတွေ့ဆက်ဆံအောင် တိုက်တွန်းဖြောင်းဖြပေးဖို့ ထိတွေ့ဆက်ဆံစေချင်တာ ဖြစ်ပါတယ်။ ခုချိန်မှာ အမေရိကန်နဲ့ တခြားနိုင် ငံတော်တော်များများက ဗမာပြည်ကို ပိတ်ဆို့အရေးယူမှုတွေ ချမှတ်ထားပါတယ်။ ဒါဟာ သူတို့ကိုယ် ပိုင်ဆုံးဖြတ်ချက်ဖြစ်ပြီး ကျနော်တို့အားလုံး အလွန်တန်ဖိုးထားတဲ့ ဒီမိုကရေစီတန်ဖိုးတွေအတွက် သူ တို့တွေက ဖြစ်သင့်ဖြစ်ထိုက်စွာ အတူတကွသွေးစည်းရပ်တည်နေတာ ဖြစ်ပါတယ်။ အကယ်၍သာ စစ်အစိုးရက အဖွဲ့ချုပ်နဲ့တကွ တိုင်းရင်းသားကိုယ်စားလှယ်တွေနဲ့ စစ်မှန်တဲ့ ထိတွေ့ဆက်ဆံရေးကို ဆောင်ရွက်မယ်၊ နိုင်ငံရေးအကျဉ်းသားတွေ လွှတ်ပေးမယ်၊ တိုင်းရင်းသား လူနည်းစုတွေအပေါ် တိုက်ခိုက်ပစ်ခတ်တာတွေ ရပ်စဲမယ်၊ ပြီးတော့ စစ်မှန်တဲ့ဒီမိုကရေစီ လူ့ဘောင်တည်ဆောက်ဖို့ လို အပ်တဲ့ခြေလှမ်းတွေ လှမ်းလာမယ်ဆိုရင် အခုရှိနေတဲ့ ပိတ်ဆို့အရေးယူမှုတွေဟာ သင့်တော်တဲ့ အ ချိန်တွေမှာ ရုပ်သိမ်းသွားမှာ ဖြစ်ပါတယ်။
လောလောဆယ်မှာတော့ ကျနော်တို့ခံယူချက်အပေါ် ဘယ်လိုမှ တွေဝေသံသယစိတ်တွေ မပွားကြ ပါနဲ့။ အဖွဲ့ချုပ်ဟာ ဗမာပြည်သူလူထုကြီး တိုက်ပွဲဝင်ရယူနေတဲ့လွတ်လပ်ရေးကို အဓမ္မလုယူမယ့်၊ ရှင် လမ်းမရှိအောင် ချို့ယွင်းပျက်စီးနေတဲ့ နိုင်ငံရေးဖြစ်စဉ်ထဲမှာ သွေးကြောင်တွေဝေစွာနဲ့ ဒူးထောက်ပါ ဝင်မှာ မဟုတ်ပါဘူး။ ကျနော်တို့ဟာ ထိတွေ့ဆက်ဆံဖို့ အမြဲ အသင့်ရှိပါတယ်၊ ဒါပေမဲ့ ကျနော်တို့ အသက်သွေးချွေးတွေ ဘဝတွေ အများကြီးစွန့်လွှတ်ရင်းနှီးခဲ့ပြီးတဲ့ ဒီမိုကရေစီတန်ဖိုး တွေဆွတ်ခူးရ ယူနိုင်ရေးတိုက်ပွဲကို ဆက်လက်ဆင်နွှဲဖို့ဆိုရင်တော့ အသင့်ရှိတာထက်တောင် ပိုပါတယ်။
ဦးဝင်းတင်
(အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်ကော်မတီဝင်၊ အဖွဲ့ချုပ်စတင်တည်ထောင်သူ တဦး၊ ၁၉၈၉ မှ ၂၀၀၈ အထိ နိုင်ငံရေးအကျဉ်းသား)
စက်တင်ဘာ ၉ ရက် ၂၀၀၉
ဝါရှင်တန်ပို့စ် သတင်းစာ
Wednesday, 2 September 2009
ဒီနေ့ အဓိက ဦးတည်လုပ်သင့်တဲ့ လုပ်ငန်း (ရဲဘော်ဖိုးသံချောင်း)
ဒီနေ့ဗမာပြည်နိုင်ငံရေးမှာ စစ်အစိုးရဆန့်ကျင်သူတွေဟာ လုပ်ငန်းစဉ်တွေ အမျိုးမျိုး ချမှတ်ကြပါတယ်။ ပါတီအဖွဲ့အစည်းတွေအနေနဲ့ရော၊ တပ်ပေါင်းစုတွေအနေနဲ့ပါ လုပ်ငန်းစဉ်တွေ ထွက်ပေါ်လာတာ မကြာခဏ တွေ့ကြရပါတယ်။ ဒါပေမယ့် ဒီနေ့အခြေအနေ၊ အထူးသဖြင့် သူ့ဖက်ကိုယ့်ဖက် အခြေအနေကို သုံးသပ်တာ အတော်လေး တွေ့ရခဲပါတယ်။ ကိုယ်ဖြစ်စေချင်တာ၊ ကိုယ်လုပ်ချင်တာကိုပဲ တင်ပြနေတာတွေက ပိုများသလားလို့။
သူ့ဖက်ကိုယ့်ဖက် အနေအထား၊ အင်အားကိုတွက်တာ အင်မတန်မှ အရေးကြီးပါတယ်။ ဒါကို အမှန်အတိုင်းမြင်နိုင်မှ ဘာလုပ်ရမယ်ဆိုတာကို အမှန်အတိုင်း ချမှတ်နိုင်မှာဖြစ်ပါတယ်။ အင်အားချိန်ခွင်လျှာကို တွက်ရာမှာ ရေရှည်သမိုင်းအမြင်နဲ့ လက်ငင်းလက်တွေ့အမြင်ရယ်လို့ နှစ်မျိုး ရှိပါတယ်။ ရေရှည်သမိုင်းအမြင်သဘောပြောရရင် ပြည်သူလူထုဟာ မုချအောင်ပွဲခံမှာပါ။ စစ်အုပ်စု၊ စစ်အာဏာရှင်တွေဟာ မုချကျဆုံးမှာပါ။ ဒါကြောင့်မို့ ကျနော်တို့ဟာ အနာဂတ်ကိုပိုင်ဆိုင်တဲ့ ပြည်သူလူထုကြီးနဲ့ လက်တွဲတာ ဖြစ်ပါတယ်။
ဒါပေမယ့် လက်တွေ့လက်ငင်းအခြေအနေမှာ ပြည်သူလူထုဟာ အောင်ပွဲမခံနိုင်သေးပါဘူး။ ဒါ့အပြင် အင်အားလည်း သေးငယ်ပါသေးတယ်။ ကိုယ့်ဖက်က ထိုးစစ်မဆင်နိုင်ဘဲ စစ်အာဏာရှင်တွေက သူတို့ရဲ့လမ်းပြမြေပုံကို တောက်လျှောက် အကောင်အထည်ဖော်နေနိုင်တာဟာ ဒီလက္ခဏာပဲဖြစ်ပါတယ်။ ဒီအချက်ကို ပိုမြင်သာအောင် ၁၉၈၈-၉ဝ ကာလနဲ့ ဒီနေ့ကာလကို ယှဉ်ပြောပါ့မယ်။ ရှစ်လေးလုံးအရေးတော်ပုံကနေ ၉ဝ ခုနှစ် ရွေးကောက်ပွဲအထိကာလဟာ စစ်အစိုးရနဲ့ကိုယ်နဲ့ အင်အား ဆတူလောက်လို့ ပြောနိုင်လိုက်တဲ့ ကာလဖြစ်ပါတယ်။ လှုံ့ဆော်ပြီးဖြစ်နေတဲ့ လူထု၊ လှုပ်ရှားမှုအတွေ့အကြုံရှိနေတဲ့ လူထုနဲ့ ရှေ့တန်းက ပါဝင်ခဲ့သူတွေ အသင့်ရှိနေပါတယ်။ စစ်အစိုးရရဲ့ စစ်တပ်နဲ့ အုပ်ချုပ်ရေးယန္တရားကြီးထဲမှာလည်း အရေးတော်ပုံရဲ့ဂယက်ဟာ ရှိနေဆဲ ဖြစ်ပါတယ်။ နိုင်ငံတကာ အာရုံစိုက်မှုရောကိုပါ ထည့်တွက်လိုက်ရင် စစ်ရေးမပါ၊ အတွေးအခေါ်ရေး၊ နိုင်ငံရေးမှာ ကိုယ့်ဖက်က သာနေတယ်လို့တောင် ပြောလို့ရပါတယ်။ ဗကပ ပြိုကွဲတဲ့အတွက် ဒီချုပ်ကို မထိခိုက်ခဲ့ပါဘူး။ ဒါပေမယ့် ဗကပ ပြိုကွဲတဲ့အတွက် စစ်အစိုးရမှာ စစ်ရေး အချိုးအစားအရ အများကြီး သာသွားပါတယ်။ တပ်တွေလည်း အများကြီး အားသွားပါတယ်။ ထိုင်းနယ်စပ်မှာ သူတို့ရဲ့တပ်တွေ အများကြီး တိုးချဲ့နိုင်သွားပါတယ်။
ဗကပပြိုကွဲပေမယ့် နိုင်ငံရေးအရ ပြည်သူတွေဖက်က အသာစီးရနေပါသေးတယ်။ ဒါကို ၁၉၉ဝ ရွေးကောက်ပွဲက အထင်ရှားဆုံး သက်သေပြခဲ့ပါတယ်။ ပြည်သူလူထုကြီးက မဲပုံအောထည့်ခဲ့တာကိုကြည့်ရင် ပြည်သူလူထုထဲမှာ တိုက်ပွဲစိတ်ဓာတ်တွေ လွှမ်းမိုးဖြိုးဝေနေဆဲဆိုတာကို ပြနေပါတယ်။ နောက်တပွဲ စမ်းချင်သေးလားဆိုတဲ့ စိတ်ဓာတ်မျိုး ရှိနေဆဲဖြစ်ပါတယ်။
ဒါပေမယ့် အခုအခါမှာ အခြေအနေက အဲဒီလိုမဟုတ်ပါဘူး။ အချိုးအစားအရ သူ့ဖက်က အများကြီး သာနေပါတယ်။ နိုင်ငံရေးခေါင်းဆောင်တွေကို ထောင်ထဲထည့်ပစ်တာ၊ သစ္စာဖောက်တွေ မွေးထုတ်တာ၊ ခွဲထုတ်တာ၊ ကိုယ့်အတွင်းက ကွဲပြဲတာ၊ တယောက်တပေါက် ပြောနေတာတွေဟာ နအဖအဖို့ အကျိုးရှိသလောက် ရှိနေတယ်ဆိုတာ ဝန်ခံရမှာပါ။ နအဖအဖို့ ချောချောမွေ့မွေ့ မဟုတ်တောင်မှ သူတို့လုပ်ချင်တာတွေကို လုပ်နိုင်နေပါတယ်။ ဒါဟာ ကိုယ့်ဖက်က အားမရှိလို့ဆိုတာ အထူးပြောစရာမလိုပါဘူး။
ဒီလို အင်အားချိန်ခွင်လျှာကို ပြောင်းလဲမပစ်နိုင်သရွေ့ ဘာမှဖြစ်မလာနိုင်ဘူးဆိုတာ သတိပြုရပါမယ်။ ကိုယ့်ဖက်က သိသိသာသာကြီး အားနည်းနေရင် လူထုကိုလည်း လှုပ်နှိုးနိုင်မှာမဟုတ်ပါဘူး။ ထိရောက်တဲ့ လှုပ်ရှားမှုကြီးတွေလည်း ဆင်နွှဲနိုင်မှာမဟုတ်ပါဘူး။ အခုလိုအနေအထားမှာ နအဖကို အပြတ်အလဲ ထိုးနိုင်မယ့် တိုက်ပွဲကြီး သူ့အလိုလို ပေါ်လာမယ်လို့ မျှော်လင့်လို့မရပါဘူး။ စက်တင်ဘာသံဃာ့အရေးအခင်းဟာ မထင်တဲ့နေရာက မထင်ဘဲ ပေါ်ထွက်လာတာဆိုတော့ နအဖရော အတိုက်အခံတွေပါ ပြင်ဆင်မှုမရှိ၊ အလစ်အငိုက် ခံလိုက်ရသလို ဖြစ်သွားပါတယ်။ အတိုက်အခံတွေအဖို့ တိုက်ပွဲကို တခြားနယ်ပယ်တွေထဲ မတိုးချဲ့နိုင်ခဲ့ဘူးဖြစ်ခဲ့ရပါတယ်။ သံဃာတော်တွေဟာ အထီးကျန် တိုက်ပွဲဝင်ရသလို ဖြစ်သွားခဲ့ပါတယ်။ တန်ဖိုးမသေးတဲ့ သင်ခန်းစာပါ။
ပြည်သူလူထုက စားဝတ်နေရေးထဲ နစ်နေတယ်၊ ကြောက်နေတယ်ဆိုတာဟာ ယာယီကိစ္စ ဖြစ်ပါတယ်။ ၁၉၈၇-၈၈ ကာလတွေတုန်းကလည်း ပြည်သူလူထုရဲ့ စီးပွားရေးအခြေအနေဟာ မကောင်းပါဘူး။ ငွေစက္ကူတွေ အလဟဿဖြစ်ကုန်ရတဲ့ အမှောင့်ကြောင့် ပိုဆိုးနေတဲ့အချိန်ပါ။ ဒီလို ပြောနည်းရဲ့ လောဂျစ်အတိုင်းဆိုရင် လူတွေဟာ စားဝတ်နေရေးပြေလည်မှ နိုင်ငံရေးလုပ်ကြမှာလိုလို၊ လမ်းပေါ်ထွက် ဆန္ဒပြကြမှာလိုလို ဖြစ်နေပါတယ်။ မဟုတ်ပါဘူး။ ခေါင်းဆောင်လုပ်မယ့် လူတွေကသာ ပြည်သူလူထုကို တကယ်တမ်း သဘောပေါက်အောင်၊ တကယ်ယုံကြည်လာအောင် ရှေ့ဆောင်လမ်းပြလုပ်နိုင်မယ်ဆိုရင် အိမ်ရှင်မတွေတောင်မှ ငြုတ်ဆုံနဲ့ တံမြက်စည်းကို အောက်ချပြီး လမ်းပေါ်ကို ထွက်လာကြမှာပါ။ ကိုယ့်ဖက်က ပြင်ဆင်တာ၊ လုပ်ကိုင်တာမကောင်းတာကို ပြည်သူလူထုအပေါ် ပုံချလို့ အဖြေမထွက်ပါဘူး။ ပြည်သူလူထု နားလည်သဘောပေါက်အောင်၊ ပါဝင်ချင်အောင် ကိုယ်က လုပ်မပြ၊ ပြောမပြနိုင်တာဟာ ကိုယ့်ရဲ့ ပြဿနာ ဖြစ်ပါတယ်။ ရှစ်လေးလုံး တုန်းက လူထုကြီးပါလာတာဟာ ရှေ့ကလုပ်ပြတဲ့ လူတွေ များလို့ဖြစ်ပါတယ်။ ပြောတာသက်သက်နဲ့ မဖြစ်ပါဘူး။ ဒါကြောင့် စစ်အာဏာရှင်စနစ်ကို မလိုလားသူတွေအဖို့ ဒီနေ့ အဓိကလုပ်ရမယ့် လုပ်ငန်းဟာ အင်အားအချိုးအစား ပြောင်းလဲနိုင်ရေးဖြစ်ပါတယ်။ အင်အားအချိုးအစား ပြောင်းလဲရေးဆိုတာမှာ ပြည်တွင်းမှာ အင်အားအချိုးအစား ပြောင်းလဲရေးကို ပြောတာပါ။ ပြည်ပမှာကတော့ အခုတောင်မှ ကိုယ့်ဖက်က အရေအတွက်အရရော၊ နိုင်ငံရေးအရရော အများကြီး သာလွန်နေတာပဲ။ ဒါပေမယ့် ဘာမှ ထိထိရောက်ရောက် မလုပ်နိုင်ဘူး မဟုတ်ပါလား။
ကိုယ့်တိုင်းပြည်ကြမ္မာကို ကိုယ့်လက်ထဲမှာထား၊ ကိုယ့်အစွမ်းအစနဲ့ကိုယ် ဖန်တီးဖို့ သိပ်အရေးကြီးပါတယ်။ သူတပါးနိုင်ငံက၊ ပြည်ပက ပါဝင်ဖြေရှင်းတာဟာ အကျင့်ပါတတ်ပါတယ်။ အဲဒီလို သမိုင်းကြောင်းရှိခဲ့လို့ အခုအထိ ကိုယ့်ပြည်တွင်းရေးကိစ္စတွေ ဖြေရှင်း၊ လုပ်ကိုင်ရာမှာ ပြည်ပနိုင်ငံတွေ ကန့်လန့်ပါနေတဲ့ နိုင်ငံတွေ ကမ္ဘာမှာ အများအပြား တွေ့နေရဆဲဖြစ်ပါတယ်။ ဒါဟာ ကိုယ့်နိုင်ငံရဲ့ ဂုဏ်သိက္ခာကို ထိခိုက်စေတဲ့အပြင် ကြာတော့ ပိုရှုပ်ထွေးတာတွေ ဖြစ်တတ်ပါတယ်။
ပြည်ပအကူအညီဆိုတာ မလိုအပ်ဘူးမဟုတ်၊ လိုအပ်ပါတယ်။ အထူးသဖြင့် ဒီနေ့ ကာလလိုအခါမှာ ကိုယ့်အတွက်အကျိုးရှိရင် လက်ခံရမှာပါ။ ဒါပေမယ့် ဒါကို အဓိကအခန်း မပို့မိဖို့ သိပ်သတိထားရပါမယ်။ နောက်ပြီး ပြည်ပအကူအညီဆိုတာဟာ ကိုယ်က တောင်းချင်တိုင်း တောင်းလို့ရတာမဟုတ်၊ သူတို့က သူတို့နိုင်ငံအတွက် အကျိုးရှိတယ်ထင်မှ ပေးတယ်ဆိုတာကို မေ့လို့မဖြစ်ပါဘူး။ တဆက်ထဲမှာ ပြည်ပအကူအညီ လျော့နည်းသွားလို့ စိတ်ပျက်တာ၊ များလာလို့ အားတက်တာ စသဖြင့် မဖြစ်သင့်ပါဘူး။ ဒီတကွေ့မှာ နိုင်ငံတကာအခြေအနေဟာ ဘာမဆို ဖြစ်နိုင်ပါတယ်။ အဲဒီအတွက် ကိုယ့်တပ်ကိုယ် ပြင်ဆင်ထားဖို့လိုသလို ရှေ့ခြေလှမ်းကို ပြည်တွင်းဖက် သေချာဦးတည်ထားဖို့ လိုပါတယ်။
ပြည်တွင်းမှာ ကိုယ့်အင်အားတွေ တိုးပွားသလား၊ ဆုတ်ယုတ်သလားဆိုတာသာ အရေးကြီးဆုံး ဖြစ်ပါတယ်။ ဗမာပြည်ရဲ့ အရေးတော်ပုံကို ဒီအချက်က အဆုံးအဖြတ်ပေးမှာပါ။ ဒါကြောင့် အခြေအနေကို ရဲရဲကြည့်ပါ။ အမှန်ကို ဆုပ်ကိုင်နိုင်အောင် ကြိုးစားပါ။ အခြေအနေမှန်ပေါ် ကနေ လုပ်ငန်းချမှတ်ပါ။ လက်တွေ့လည်းလုပ်ပါ။
ရဲဘော် ဖိုးသံချောင်း
Thursday, 27 August 2009
Monday, 6 July 2009
သက္ကရာဇ်များရဲ့ ကိုလာ့ဂ်ျ်ပန်းချီကားတချပ်
(စိုးနေလင်း)
အဲ့ဒီလို
နှစ်လုံးပေါက်အောင် စောင့်ခဲ့ရ
ဒဏ်ရာကျ သွေးစက်တွေလို
နေ့ရက်တွေကို
တရက်ချင်း ရေတွက်ရင်း
လေညှင်းမဲ့
လရောင်မဲ့
ကြယ်စင်အလင်း ချစ်ခြင်းမဲ့
သားရဲတွင်း လှောင်စိမ့်ခြင်းထဲ
ကွဲရှအိပ်မက်တွေကို စပ်ဆက်
မနက်ဖြန်ဆိုတာကလည်း…..။
ခွဲခွာခြင်း အတွက်
ပေါက်ကွဲသံစဉ် ပြင်းပြင်းနဲ့
ရက်ပ်သီချင်းတပုဒ် သီဆိုပါ
အချိန်ဟာ မှုန်မှိုင်းဆဲ
အားနည်းမြေပြင်ကို လှုပ်နှိုးလို့
လေးညှို့သံ ပေးရပေလိမ့်မယ်။
ဝေးလွင့်ကောင်းကင် အပြာရောင်
ပီကာဆို ငှက်ရဲ့တောင်ပံ ခတ်သံမှာ
ပါလက်စတိုင်း အစ္စရေးလ်
“ဒါဖား” ငြိမ်းချမ်းရေး တဲ့
သွေးစွန်းလက်တွေကို ဆေးကြောဖို့
သူတို့ ကြိုးစားနေကြပြီ
ဧရာဝတီ….ရေ။
ဟောဒီရွက်ကြွေတောထဲ မတော့
မေ့လျော့မိန်းမူးခြင်း လေရူးက
ပင်ပျိုတွေကို ပူးဝင်နှောက်ယှက်
ဈေးကွက်ရ ပျော်ရွှင်ခြင်း တိမ်တိမ်မှာ
အချိန်တွေကို ရှည်လျှားစေလိုက်ပြန်ရဲ့ …။
မှားယွင်းတဲ့ ချစ်ခြင်းတွေဟာ
စစ်ပွဲတွေကို ဖြစ်ပွားစေနိုင်တယ်ကွယ့်…
အဲဒီ အမှောင်တွင်းနက် ကျဉ်းကျဉ်းထဲ
ကျားကုတ်ကျားခဲ ယက်သွင်း
အဆိပ်ပြင်းမြွေဆိုးတွေရဲ့ ဦးခေါင်းထဲမှာ
ကမ္ဘာကြီးရဲ့ ကံကြမ္မာ
လဆန်း လဆုတ်
သမုဒ္ဒရာအောက် မီးတောင်များရှိလေရဲ့ …။
ဒီလိုနဲ့ပဲ
ခြေရာတွေကို အထပ်ထပ်ဖျောက်ဖျက်
နောက်ပွက်စာ မျက်နှာတွေထဲ
သဲထဲရေသွန်နေ့ရက်တို့ အတုံးအရုံး
အမည်းရောင် မျက်လှည့်ပုံးတခုမှာ
သစ္စာတရားကို မွှေနှောက်ထားခဲ့ကြ
အရှည်မျောဆုံး ညကို
ကုန်ဆုံးလွန်မြောက် ပစ်လိုက်ချင်ပြီ။ ။
(၁၇-၈-၀၇)
ခေတ်ပြိုင်...မှ
အရိပ်မဲ့အရောင်
(စိုးနေလင်း)
အနာဂတ်ပုံပြမျဉ်းကို မှန်းဆမရ
ဒီကနေ့ မနေ့က
ဘာဆိုဘာမှ ကျောချစရာမရှိ
ဇာတိ ဇရာ၊ ဗျာတိ မရဏာ
သေချာခြင်းကို မသေချာချင်သေးသောခဏ။
နွံတွင်းနက်နက် တခုထဲမှာ
ဝေေ၀၀ါးဝါး
ဒါဟာ ဘာဝနာပွားတရားယူစရာလား
ကြာကြာဝါးစရာ မလိုသောခါးသည်းခြင်း
သီချင်းဖြစ်သွားတဲ့အခါ ရသ
အဝေးကြည့်မှာ လှပနေပြန်၏။
ကံကံ၏ အကြောင်းတရားဆိုလည်း
ခဲလေသမျှဖြစ်ခဲ့ရသော ကောင်းကင်ထဲ
စံလွဲတန်ဘိုးများက မင်းမူ
“လူ” ၏ အဓိပ္ပာယ်သတ်မှတ်စံနှုန်းကိန်း
ပိန်းပိန်းပိတ် ကွယ်ပျောက်ခဲ့ရပြီ။
ငါဟာ
စ်ိတ်ကူးယဉ် ဇာတ်လမ်းတပုဒ်ထဲ ကျွံနစ်
မြစ်ကိုအလျားလိုက် ကူးနေမိလေသလား
ပျားပန်းခတ် နေရာယူနေသူတွေကြားမှာ
(ဇာတ်သိမ်းခန်းကို)
နောက်ဆုံးတန်းက ကြည့်ခွင့်ရရင်ပဲ
သဲထဲရေသွန်ဘ၀ကို ကျေနပ်
ခပ်မဆိတ် နေပစ်လိုက်ချင်ပြီ။ ။
(၃၁-၁၂-၀၇)
ခေတ်ပြိုင်...မှ
အိပ်မက်အတုတွေအကြောင်း
(ကမာပုလဲ)
အိပ်မက်တွေကပဲ ကြေးကြီးနေတာလား
ကိုယ်ကပဲ ရင်းစားပေးရမှာ တွန့်နေတာလား
သမားရိုးကျ နံနက်ခင်းတွေနဲ့သာ
ဒို့တတွေ လုံးပါး ပါးလို့ ။
ပြောကြတယ်
သူ့ အလိုလို ကျဆုံးသွားမှာပါတဲ့
ပြောကြတယ်
ရာသီစာ အတွေးအခေါ်တွေ
အေးရာအေးကြောင်းအယူအဆတွေ
ကိုယ့်ကိုယ်ကို နှစ်သိမ့်ကျေနပ်နေတဲ့
ရေပေါ်ဆီနေတတ်၊ ထိုင်တတ်၊
အရိုးမမျက်အောင် စားသောက်တတ်မှုတွေ။
ကိုယ်ကပဲ အစွဲကြီးနေတာလား
သူတို့ကပဲ ခေတ်ရှေ့ ကြိုရောက်နေတာလား
စကားလုံး ပဉ္စလက်တွေ ကခုန်နေတဲ့ နှုတ်ခမ်းတွေနဲ့
ဆိုခဲ မြဲတတ်တဲ့ နှုတ်ခမ်းတို့
အတူတွဲ ခုတ်မောင်းနေတဲ့ ရထားတစီးခမျာ
ဘယ်ဘူတာဆိုက်ရမယ်မှန်းမသိ
အဲဒီအရပ်မှာ
စိုက်ပျိုးခြင်းမဲ့ လက်တွေက
အနာဂတ်ကို ရိတ်သိမ်းမယ်ဆိုတဲ့အဖြစ်
အမေရယ်
စိတ်ညစ်လိုက်တာဗျာ ။ ။
(၂၄-၁၂-၀၇)
ခေတ်ပြိုင်...မှ
*ပလိပ်ဝတ္ထုထဲ၌ ပိတ်မိခြင်း
(သစ်ကောင်းအိမ်)
မသေချာတာက
အိုရန်မြို့ကြီးထဲမှာလား
ရန်ကုန်မြို့ကြီးထဲမှာလား
မသေချာတာက
စတာလင်ခေတ်ထဲမှာလား
နာဇီစစ်ဖိနပ်အောက်မှာလား
ချောင်းတချက်ဟန့်ရင်း
ဖန်ခွက်ထဲ
ရေကို အသံထွက်အောင်လောင်းထည့်
သတင်းပဲလွှင့်လွှင့်
သီချင်းပဲ လွှင့်လွှင့်
(လူသံကြားရပြီးရော)
ရေဒီယိုကိုဖွင့်ထားခဲ့။
စာမျက်နှာလည်း ပြည့်စုံပါတယ်
ဇာတ်ကောင်စရိုက်လည်း ပြည့်စုံပါတယ်
အီးမေးလ်နဲ့
ပန်းခြင်းလောက်ပဲ
ဒီဝတ္ထုရဲ့
မျက်နှာဖုံးအောက်
လူနာမေးရောက်ခဲ့တာက
“ကြွက်သေ” ဟာ
“ဟစ်တလာ” ထက်
ကြောက်စရာကောင်းလို့ပဲဖြစ်မယ်။ ။
*ပလိပ်= ပြင်သစ်ဖြစ်တည်မှုပဓာန၀ါဒ စာရေးဆရာကြီးအဲလ်ဘတ်ကမူး၏ ၀တ္ထု
(၁၈-၁၂-၀၇)
ခေတ်ပြိုင်...မှ
ဘယ်သူမှမသိလိုက်ပဲ ကျတဲ့မျက်ရည်
(ဒီလက်မျိုး)
တွယ်ရာမဲ့ညမှာ
ကြိတ်ပြီးကျတဲ့မျက်ရည်တွေက
တဖြည်းဖြည်းကျယ်လောင်လာတယ်။
ချစ်နှစ်သက်သောသူနဲ့လည်း မပေါင်းရ
မချစ်မနှစ်သက်သောသူနဲ့လည်း ဆုံတွေ့ရ
အဲဒီလိုနဲ့
ညဟာပိုပြီး အသက်ဝင်လာတယ်။
ရောင်စုံမီးတွေလင်းလာတယ်
မိတ်ကပ်နံ့တွေသင်းလာတယ်
ဘီယာပုလင်းတွေ ပိုပိုပြီးများလာတယ်။
အမေ့ကျန်းမာရေး
မောင်လေးတွေကျောင်းတက်ဖို့
လေဖြတ်ထားတဲ့အဖေ
ဟဲလို ဦးအားလား ဘယ်မှာတွေ့ကြမလဲဟင်
ဟုတ်ကဲ့
ဒုသနသောဟာ ရေတိမ်နစ်သွားခဲ့ပါပြီ။
တယောက်ကိုတယောက်
ကယ်တင်မယ့် စွန့်စားခန်းတွေကြားထဲ
ဘယ်သူမှမသိလိုက်တဲ့ မျက်ရည်တစက်
တိတ်တိတ်လေး ကျသွားခဲ့ပါတယ်။
(၁၄-၁၂-၀၇)
ခေတ်ပြိုင်...မှ
ဘယ်သူမှမသိလိုက်ပဲ ကျတဲ့မျက်ရည်
(ဒီလက်မျိုး)
တွယ်ရာမဲ့ညမှာ
ကြိတ်ပြီးကျတဲ့မျက်ရည်တွေက
တဖြည်းဖြည်းကျယ်လောင်လာတယ်။
ချစ်နှစ်သက်သောသူနဲ့လည်း မပေါင်းရ
မချစ်မနှစ်သက်သောသူနဲ့လည်း ဆုံတွေ့ရ
အဲဒီလိုနဲ့
ညဟာပိုပြီး အသက်ဝင်လာတယ်။
ရောင်စုံမီးတွေလင်းလာတယ်
မိတ်ကပ်နံ့တွေသင်းလာတယ်
ဘီယာပုလင်းတွေ ပိုပိုပြီးများလာတယ်။
အမေ့ကျန်းမာရေး
မောင်လေးတွေကျောင်းတက်ဖို့
လေဖြတ်ထားတဲ့အဖေ
ဟဲလို ဦးအားလား ဘယ်မှာတွေ့ကြမလဲဟင်
ဟုတ်ကဲ့
ဒုသနသောဟာ ရေတိမ်နစ်သွားခဲ့ပါပြီ။
တယောက်ကိုတယောက်
ကယ်တင်မယ့် စွန့်စားခန်းတွေကြားထဲ
ဘယ်သူမှမသိလိုက်တဲ့ မျက်ရည်တစက်
တိတ်တိတ်လေး ကျသွားခဲ့ပါတယ်။
ခေတ်ပြိုင်...မှ
အောင်မြေတွေဆီ
(ငြိမ်းလူ)
ထောင်တွေကို
အောင်မြေတဲ့
ဘုရားဘုရား
ကျုပ်လည်းလိုက်ပါရစေ
အဲ့ဒီအောင်မြေတွေဆီ
ဓမ္မကို တခါရိုက်တိုင်း
လှိုင်းတွေပိုထန်
မုန်းတိုင်းဆန်လာတယ်။
ခုတော့
မြို့ပြကလူအားလုံး
တောပုန်းကြီးစံဖဲ
ဒီမှာ ယက်ပတူရှင်ကို
ကမ္ဘာ့မြေပုံပေါ်က
ပုတ်သင်ညိုလောက်ရှိတဲ့
မြို့မှာ
လက်နက်တော့မချဘူး
ပန်းလေးတွေပွင့်နေကြတယ်
သူပုန်ထမယ်
လိုက်မလား
(၃၀-၁၁-၀၇)
ခေတ်ပြိုင်...မှ
၉၂ နှစ်ပြည့် လူထုအမေသို့ အလွမ်းစာ
(ဒေါက်တာလွဏ်းဆွေ)
“အမေ နေကောင်းလား” လို့
ခရီးရောက်မဆိုက် ကျနော်တို့ ပြေးတွေ့တော့
ခပ်နွေးနွေး ရင်ငွေ့က
ကျနော်တို့ဆီ ပြန်ပြေးလာ
“ငါ့သားတို့ ဘယ်ရထားနဲ့ လာကြလဲကွဲ့
ထိုင်ကြ … ထိုင်ကြ” တဲ့
နွေးထွေးတဲ့ အမေ့ နှုတ်ဆက်သံ
ကြည်မွေ့တဲ့ အမေ့ အပြုံး
ကျနော်တို့ကို ဖုံးလွှမ်း
ခရီးပန်းသမျှ
ကျနော်တို့ လန်းဆန်းခဲ့ရပါတယ် အမေ …။
“အမေ … ဒီမှာ ဆရာမြေဇာ
ဒီမှာ ဆရာဝသုန်
ဟိုဘက်ခုံမှာ ကိုအောင်ဝေး
ဒီဘေးက ကိုသာချို
ဟိုဘက်က ကိုချစ်ဝင်းမောင်” လို့
ခပ်ရို့ရို့ ကျနော် မိတ်ဆက်တော့ …
အမေက
“မြင်တာပေါ့ ငါ့သား
အမေ့သားတွေ အားလုံးကို
အမေ အကုန်လုံး မြင်တာပေါ့” ဆိုပြီး
ပြုံးပြုံးကြီး ကြည့်နေတဲ့
အမေ့ရဲ့ပုံရိပ်
ရင်ထဲကို ယိုဖိတ်စီးဆင်း
အေးမြတဲ့ မြစ်တစင်းဖြစ်ခဲ့ရပါတယ် အမေ …။
“ငါ့သားတွေ အရက် သိပ်မသောက်ကြနဲ့နော်”
“အမေတို့ဘက်ကလူတွေ အသက်ရှည်တာကိုပဲ အမေမြင်ချင်တယ်”
“ကိုချစ်ဝင်းမောင်တို့၊ ကိုလွဏ်းဆွေတို့
မဂ္ဂဇင်းတွေ အခြေအနေ ကောင်းကြရဲ့လား
အမေ့စာမူတွေ အချိန်မီရကြရဲ့လား
အမေလည်း ရေးဖြစ်တာဆိုလို့
ကိုဝင်းငြိမ်း၊ ကလျာနဲ့ဆို ဒီလေးအုပ်ပဲ ရှိတာ
ငါ့သားတို့ အဆင်မပြေရင်
အမေ့ကို စာမူခ မပေးနဲ့နော်” လို့
တိုးလျလျ အသံနဲ့
စိုးရိမ်ပူပန်တဲ့ စကား
အမေပြောကြားလေတော့
ကျနော့်စိတ်ထဲ
ပီတိတွေနဲ့ အားဖြစ်ခဲ့ရပါတယ် အမေ …။
ဦးပိန်တံတားပေါ် လမ်းလျှောက်ရင်း
လေညင်းက ပြေးဝင်ဆောင့်တော့
ကျနော့်စိတ်တွေ ခပ်မြောက်မြောက်ဖြစ်သွား
အဲဒီ အကြောင်းတရားထဲမှာ
ကျနော်လို အယ်ဒီတာ ငချွတ်ငတားလေးကို
အမေက စာမူတွေ ချီးမြှင့်ပြီး
အသိအမှတ်ပြုခဲ့တာဟာ
အဓိက အကြောင်းတရားပါ အမေ …။
နှင်းမြူတွေ ဝေနေတဲ့
တောင်သမန် နံနက်ခင်းမှာ
အမေ့မေတ္တာတွေက
နှင်းမြူတွေနဲ့အတူ ရွာကျ
အယူအဆတူ
ယုံကြည်ချက်တူ
ရည်မှန်းချက်တူ
ရင်ဘတ်ချင်းတူကြတဲ့
အမေ့သား အမေ့သမီးတွေအားလုံး
အပြုံးကိုယ်စီ ယှက်သန်း
အလွမ်းကိုယ်စီ ပွေ့ထွေး
အနာဂတ်ရေးအတွက် တိုင်ပင်
တောင်သမန် တခွင်လုံး
ငြိမ်းချမ်းတဲ့ ရသတွေ ပြည့်ဖုံး
ပျော်လို့မဆုံး ပြုံးလို့မ၀ ဖြစ်ခဲ့ကြပါတယ် အမေ …။
အခုတော့
အမေ့သား အမေ့သမီးတွေလည်း
စစ်အာဏာရှင်တွေရဲ့ အကြမ်းဖက်မှုအောက်မှာ
တမလွန် ရောက်သူရောက်
ဘ၀တက္ကသိုလ် ရောက်သူရောက်
လွတ်မြောက်နယ်မြေ ရောက်သူရောက်
တတိယနိုင်ငံ ရောက်သူရောက်
ကမောက်ကမ
ကစဥ့်ကလျားနဲ့
ပြေးလွှားရုန်းကန်နေကြရပေမယ့်
အမေ့ မေတ္တာထီးရိပ်က
ကျနော့်တို့အပေါ်
ထာဝရ အုပ်မိုးပေးထားလို့
စိတ်ဓာတ်ခွန်အား မဖောက်မပြန်နဲ့
ဖြောင့်မှန်တဲ့ လမ်းပေါ်မှာ
ကျနော်တို့ ဆက်လျှောက်နေနိုင်တာပါ အမေ …။
အခုအခါမှာ
လွတ်မြောက်နယ်မြေရောက်
အမေ့သား တယောက်အနေနဲ့
“အမေ နေကောင်းလား” လို့
ပြေးတွေ့ နှုတ်ဆက်ခွင့်မရတာ
သုံးနှစ်သုံးလီ ကြာခဲ့ပေမယ့်
အမေဟာ ကျနော်နဲ့ မဝေး
ကျနော့်ရဲ့ အတွေး၊ ကျနော့်ရဲ့ဘေးမှာ
မြင့်မြတ်တဲ့ အဘိဓမ္မာ
မြင့်မြတ်တဲ့ မေတ္တာတရား
မြင့်မြတ်တဲ့ စိတ်ဓာတ်ခွန်အားတွေနဲ့
ထာဝရ အနီးကပ်
မတ်မတ်ရပ်နေဆဲလို့
ယုံမြဲယုံကြည်လျက်ပါ အမေ …။ ။
(၂၉-၁၁-၀၇)
ခေတ်ပြိုင်...မှ
၉၂ နှစ်ပြည့် လူထုအမေသို့ အလွမ်းစာ
(ဒေါက်တာလွဏ်းဆွေ)
“အမေ နေကောင်းလား” လို့
ခရီးရောက်မဆိုက် ကျနော်တို့ ပြေးတွေ့တော့
ခပ်နွေးနွေး ရင်ငွေ့က
ကျနော်တို့ဆီ ပြန်ပြေးလာ
“ငါ့သားတို့ ဘယ်ရထားနဲ့ လာကြလဲကွဲ့
ထိုင်ကြ … ထိုင်ကြ” တဲ့
နွေးထွေးတဲ့ အမေ့ နှုတ်ဆက်သံ
ကြည်မွေ့တဲ့ အမေ့ အပြုံး
ကျနော်တို့ကို ဖုံးလွှမ်း
ခရီးပန်းသမျှ
ကျနော်တို့ လန်းဆန်းခဲ့ရပါတယ် အမေ …။
“အမေ … ဒီမှာ ဆရာမြေဇာ
ဒီမှာ ဆရာဝသုန်
ဟိုဘက်ခုံမှာ ကိုအောင်ဝေး
ဒီဘေးက ကိုသာချို
ဟိုဘက်က ကိုချစ်ဝင်းမောင်” လို့
ခပ်ရို့ရို့ ကျနော် မိတ်ဆက်တော့ …
အမေက
“မြင်တာပေါ့ ငါ့သား
အမေ့သားတွေ အားလုံးကို
အမေ အကုန်လုံး မြင်တာပေါ့” ဆိုပြီး
ပြုံးပြုံးကြီး ကြည့်နေတဲ့
အမေ့ရဲ့ပုံရိပ်
ရင်ထဲကို ယိုဖိတ်စီးဆင်း
အေးမြတဲ့ မြစ်တစင်းဖြစ်ခဲ့ရပါတယ် အမေ …။
“ငါ့သားတွေ အရက် သိပ်မသောက်ကြနဲ့နော်”
“အမေတို့ဘက်ကလူတွေ အသက်ရှည်တာကိုပဲ အမေမြင်ချင်တယ်”
“ကိုချစ်ဝင်းမောင်တို့၊ ကိုလွဏ်းဆွေတို့
မဂ္ဂဇင်းတွေ အခြေအနေ ကောင်းကြရဲ့လား
အမေ့စာမူတွေ အချိန်မီရကြရဲ့လား
အမေလည်း ရေးဖြစ်တာဆိုလို့
ကိုဝင်းငြိမ်း၊ ကလျာနဲ့ဆို ဒီလေးအုပ်ပဲ ရှိတာ
ငါ့သားတို့ အဆင်မပြေရင်
အမေ့ကို စာမူခ မပေးနဲ့နော်” လို့
တိုးလျလျ အသံနဲ့
စိုးရိမ်ပူပန်တဲ့ စကား
အမေပြောကြားလေတော့
ကျနော့်စိတ်ထဲ
ပီတိတွေနဲ့ အားဖြစ်ခဲ့ရပါတယ် အမေ …။
ဦးပိန်တံတားပေါ် လမ်းလျှောက်ရင်း
လေညင်းက ပြေးဝင်ဆောင့်တော့
ကျနော့်စိတ်တွေ ခပ်မြောက်မြောက်ဖြစ်သွား
အဲဒီ အကြောင်းတရားထဲမှာ
ကျနော်လို အယ်ဒီတာ ငချွတ်ငတားလေးကို
အမေက စာမူတွေ ချီးမြှင့်ပြီး
အသိအမှတ်ပြုခဲ့တာဟာ
အဓိက အကြောင်းတရားပါ အမေ …။
နှင်းမြူတွေ ဝေနေတဲ့
တောင်သမန် နံနက်ခင်းမှာ
အမေ့မေတ္တာတွေက
နှင်းမြူတွေနဲ့အတူ ရွာကျ
အယူအဆတူ
ယုံကြည်ချက်တူ
ရည်မှန်းချက်တူ
ရင်ဘတ်ချင်းတူကြတဲ့
အမေ့သား အမေ့သမီးတွေအားလုံး
အပြုံးကိုယ်စီ ယှက်သန်း
အလွမ်းကိုယ်စီ ပွေ့ထွေး
အနာဂတ်ရေးအတွက် တိုင်ပင်
တောင်သမန် တခွင်လုံး
ငြိမ်းချမ်းတဲ့ ရသတွေ ပြည့်ဖုံး
ပျော်လို့မဆုံး ပြုံးလို့မ၀ ဖြစ်ခဲ့ကြပါတယ် အမေ …။
အခုတော့
အမေ့သား အမေ့သမီးတွေလည်း
စစ်အာဏာရှင်တွေရဲ့ အကြမ်းဖက်မှုအောက်မှာ
တမလွန် ရောက်သူရောက်
ဘ၀တက္ကသိုလ် ရောက်သူရောက်
လွတ်မြောက်နယ်မြေ ရောက်သူရောက်
တတိယနိုင်ငံ ရောက်သူရောက်
ကမောက်ကမ
ကစဥ့်ကလျားနဲ့
ပြေးလွှားရုန်းကန်နေကြရပေမယ့်
အမေ့ မေတ္တာထီးရိပ်က
ကျနော့်တို့အပေါ်
ထာဝရ အုပ်မိုးပေးထားလို့
စိတ်ဓာတ်ခွန်အား မဖောက်မပြန်နဲ့
ဖြောင့်မှန်တဲ့ လမ်းပေါ်မှာ
ကျနော်တို့ ဆက်လျှောက်နေနိုင်တာပါ အမေ …။
အခုအခါမှာ
လွတ်မြောက်နယ်မြေရောက်
အမေ့သား တယောက်အနေနဲ့
“အမေ နေကောင်းလား” လို့
ပြေးတွေ့ နှုတ်ဆက်ခွင့်မရတာ
သုံးနှစ်သုံးလီ ကြာခဲ့ပေမယ့်
အမေဟာ ကျနော်နဲ့ မဝေး
ကျနော့်ရဲ့ အတွေး၊ ကျနော့်ရဲ့ဘေးမှာ
မြင့်မြတ်တဲ့ အဘိဓမ္မာ
မြင့်မြတ်တဲ့ မေတ္တာတရား
မြင့်မြတ်တဲ့ စိတ်ဓာတ်ခွန်အားတွေနဲ့
ထာဝရ အနီးကပ်
မတ်မတ်ရပ်နေဆဲလို့
ယုံမြဲယုံကြည်လျက်ပါ အမေ …။ ။
(၂၉-၁၁-၀၇)
ခေတ်ပြိုင်...မှ
မွှေးမြ မကြွေ ..အိုအမေ
(စိုးနေလင်း)
မြန်မာနိုင်ငံလွတ်လပ်ရေးမှာ
အမေ့ကျေးဇူးတရားတွေ ရှိခဲ့တယ်
မြန်မာ စာပေအရေးအသားမှာ
အမေ့ကျေးဇူးတရားတွေ ရှိခဲ့တယ်
မြန်မာနိုင်ငံရဲ့ စတုတ္ထမဏ္ဍိုင်ခိုင်တည်မြင့်မားရေးမှာ
အမေ့ကျေးဇူးတရားတွေ ရှိခဲ့တယ်
မြန်မာပြည်သူလူထု အကျိုးစီးပွား
လူတန်းစားတိုက်ပွဲ တရားမျှတမှု လူ့အခွင့်အရေး
ဒီမိုကရေစီရေး ငြိမ်းချမ်းရေး ယဉ်ကျေးမှုတွေမှာ
အမေ့ကျေးဇူးတရားတွေ ရှိခဲ့တယ်
လူထုဒေါ်အမာ
(သူဟာ)
သမိုင်းစဉ်လာ ကလောင်သွား
မြားသွားလို ချွန်မြစူးရှ
အဓမ္မအားလုံးရဲ့ ရန်သူ
ပြည်သူလူထုရဲ့ နှလုံးသား
အစားထိုးမရနိုင်တဲ့ အမေ။
အမေဟာ
ရေ မြေ လေ မီး
ဓာတ်ကြီးလေးပါး
ရုပ်တရားများမှ လွန်မြောက်
ကွယ်ပျောက်မသွားနိုင်ဘူးလေ။ ။
(အမေလူထုဒေါ်အမာရဲ့ အသက် (၉၂) နှစ်မြောက် မွေးနေ့ကို ဒီကဗျာနဲ့ ဦးညွတ်ဂုဏ်ပြုပါတယ်)
(၂၉-၁၁-၀၇)
ခေတ်ပြိုင်...မှ
၂၀၀၇ အော့နှလုံးကဗျာ
(ရဲဝင့်သူ)
ဒါဟာတကယ့်ကို ဖြစ်ခဲ့တာ
ရယ်ရမလို ငိုရမလိုပါပဲ
“ညီလေးရေ”
မင်းစားချင်တယ်ဆိုတဲ့
အင်းယားက ဗူးသီးကျော်တောင်
တကယ့်ကို ဒီမိုကရေစီရေးဖြစ်ခဲ့ပြီ…
ဒင်းတို့က ငရဲကိုတောင်
အာဏာသိမ်းလိုက်ကြ
အုတ်တချပ် သဲတပွင့်များလည်း
“အိမ်ပြန်လမ်းဝေး” လို့အော်ဆိုရင်း
“မြို့ပြလရောင်တမ်းချင်း” နဲ့သာ။
မော်ဒန်ချစ်ပုံပြင်တော့မဟုတ်
ချစ်သူပြန်လာချိန်ကို
ရေဒီယိုမှာ မျှော်နေတဲ့ချစ်သူတွေ
လမ်းမတွေဟာ ဆယ်ကျော်သက်တို့ရဲ့
ရင်ခုန်သံတွေနဲ့ မဲမှောင်နေပြီ။
ဖရောင်းတိုင်မီးရောင်အောက်
(၂၁) ရာစု ငယ်ရွယ်သူအိမ်မက်များ
ပိုးဖလံတွေလို ဟိုတစ ဒီတစ
လိပ်စာမတပ်နိုင်တဲ့စာတွေ
လွမ်းသူတွေအိပ်ယာအောက်
ခေါက်ရိုးကျိုးသေနေကြပြီ။
အနီဆုံးသွေးတွေဟာ
အမှောင်ဆုံး တံခါးတွေနောက်
ရဲရဲတောက်လို့သာ
အသက်ရှုကြပ်နေတဲ့ ငါ
ဒီအမှောင်ဆုံးညကို
အပြင်းဆုံးမီးနဲ့ ထိုးခွဲပစ်ချင်တယ်။ ။
(၂၀-၁၁-၀၇)
ခေတ်ပြိုင်...မှ
Message from U Win Tin
This's the poetic message of U Win Tin, the veteran
journalist-cum-politician given through Mr. Paulo Sergio Pinheiro
to all the human beings in the world.
uwintin
မှတ်ချက်။ နိုဝင်ဘာ (၁၅) ၇က်က အင်းစိန်ထောင်တွင်း သွားရောက်လေ့လာခဲ့သော
မစ္စတာပီညဲရိုးကို သတင်းစာဆရာကြီးဦးဝင်းတင်ကရေးပေးလိုက်သည့် ကဗျာဖြစ်သည်။
(၁၉-၁၁-၀၇)
ခေတ်ပြိုင်...မှ
အ … ညီလာခံ
(ကမာပုလဲ)
ခေတ်ပျက်ထဲ
ငါ … အနုပညာမြောက်အောင်
ဆက်ထုံးတွေ
စံပယ်ပွင့်တွေလို သီကုံးတုန်းက
ငါ့လက်ထဲ ပါမလာတဲ့
ရေပေါ်ဆီ မျက်နှာပြောင်တိုက်မှုများ …။
ဘုရားကားတခြား၊ မျောက်ကားတခြား
မိတ်ဆွေတခြား၊ ရန်သူတခြား
အနုပညာတခြား၊ ကြေးစားတခြား
အနှစ်သာရတခြား၊ မာယာတခြား
မကွဲပြားတဲ့
ငါတို့ ဘ၀ပတ်ဝန်းကျင်မှာ …။
ဒီနေရာမှာနေ
ဒီအစားအစာကိုစား
ဒီငွေကြေးကိုယူ
ပြီးတော့
ဒီပြဋ္ဌာန်းချက်အတိုင်းပြော
ပြီးရင်
မင်းဟာ မဟာအနုပညာရှင်က၀ိအကျော်ပေါ့ …။
အော်…
တွေးလိုက်တိုင်း အရိုးနာသည်
မဆီမဆိုင်ပေမယ့်
ငါ့လျှာကိုသာ ဖြတ်လိုက်ချင်ရဲ့။ ။
(အချုပ်တန်းဆရာဖေနှင့် ဦးပုညအမှတ်တရ)
(၁၃-၁၁-၀၇)
ခေတ်ပြိုင်...မှ
ဓမ္မအောင်ပွဲ
(စိုးနေလင်း)
မြေသားကို ဆုပ်ကိုင်
ပြိုင်တူကြိမ်ဆိုလိုက်ကြ …
အဓမ္မ၀ါဒ ကျဆုံးစေ
အဓမ္မ၀ါဒ ကျဆုံးစေ
အဓမ္မ၀ါဒ ကျဆုံးစေ။
မေတ္တာတရားကို ယုံကြည်စူးနစ်
အမှန်တရားကို ချစ်မက်
ဒီမိုကရေစီအတွက် အသက်ပေးလှူ
သံဃာ၊ ကျောင်းသား၊ ပြည်သူ
ပြိုင်တူညီညာ လမ်းလျှောက်ခဲ့ကြ
အဓမ္မ၀ါဒ ကျဆုံးစေ။
ကမ္ဘာမကြေဘူး
ရွှေဝါရောင်ဓမ္မ သွေးစွန်းခဲ့ရ
ကြွေကျနှလုံးသားတို့ ရဲမြ
ရိုင်းမိုက်လိုက်ကြပလေ …
မြေငလျင်တော်လဲ ကွဲအက်
ဖက်စစ် စစ်အာဏာရှင်တို့ ကျဆုံးစေ။
မြေသားကို ဆုပ်ကိုင်
ပြိုင်တူတိုင်တည်လိုက်ကြ …
ဗုဒ္ဓ ဓမ္မ ဓမ္မစက်က
အရက်စက်ဆုံး အာဏာစက်ကို အောင်ပွဲခံ
ဗုဒ္ဓံ သရဏံ ဂစ္ဆာမိ
ဓမ္မံ သရဏံ ဂစ္ဆာမိ
သံဃံ သရဏံ ဂစ္ဆာမိ။ ။
(ဤကဗျာဖြင့် ရွှေဝါရောင်တော်လှန်ရေးအတွင်း အသက်၊ ဘ၀၊ သွေး၊ ချွေး ပေးဆပ်ခဲ့ကြ၊ ပေးဆပ်နေဆဲဖြစ်သော ရဟန်း၊ သံဃာ၊ ကျောင်းသား၊ ပြည်သူအပေါင်းအား ဦးညွှတ် ဂုဏ်ပြုပါသည်။)
(၂၄-၁၀-၀၇)
ခေတ်ပြိုင်...မှ
ကျကျန်ခဲ့သော ၀ါကျတကြောင်း
(ခင်လွန်း)
ဒီလိုချည်းရွှေ့ရွှေ့ လာလိုက်တာ
စုန်းစုန်းမြုပ်တော့မယ်။
သောင်းတိုက်ကကြားအောင်
အလံတွေဆန်တက်လာကြ။
ကြိုးစကို ဆွဲထားရမလား
သက်ကယ်ဘောကို လေမှုတ်ထားရမလား
လူစုံမှ
ဥသြသံရှည်ဆွဲရမယ်
“ဟလို အက်စ်အိုအက်စ်
အက်စ်အိုအက်စ်”
အသက်မျှင်းမျှင်းရှုကာ
သူလွန်ဆွဲနေတယ်
စုန်းစုန်းမြုပ်တော့မယ်။
မေးခွန်းတွေ …
“တကိုယ်စာဖော့ထားရုံလေးနဲ့
မြုပ်မသွားတော့ဘူးလား”
“ကိုယ့်လူတို့
ရေအောက်မြုပ်သွားရင်တောင်
မာလိန်မှူးဆိုတာ အတူပါသွားရမယ်” တဲ့။
စုန်းစုန်းမြုပ်တော့မယ်။
သမိုင်းကိုဖတ်ရင်
စာမကျစေနဲ့ကလေးရေ
ဒီပွဲမှာ
ဝါကျတကြောင်း လပ်သွားခဲ့။ ။
(၁၉-၁၀-၀၇)
ခေတ်ပြိုင်
ရွေှ့ဝါရောင် ဥဒါန်း
(သစ်ကောင်းအိမ်)
သာသနာတော်တောင် သွေးစွန်းခဲ့ရ
ဟော့ဒီ ကာလဟက်တက်ကြီးထဲ
အလွမ်းကိုလည်း တကျွန်းပို့ထားရပေါ့
မောင့်ဂူစတီနာ
မီးသဂြိုဟ်စက်တလုံးလို
ကိုယ့်ကိုယ်ကို လောင်ကျွမ်းကြ
ပက်ပက်စက်စက် လောင်ကျွမ်းကြ
ဒါ နှင်းဆီရောင်အလှတရားလား
စုန်းမအိုရဲ့ မြည်တွန်တောက်တီးသံတွေလား
ဒါမှမဟုတ် သွေးနံ့ရတဲ့ ပင်လယ်လား
ငါတို့ ရေနန်းယာဉ်သာ သင်္ဘောကို မမျှော်နဲ့
ငါတို့ ကောင်းဘွိုင်ကြီး ဂျွန်ဝိန်းကို မမျှော်နဲ့
ဝါးလုံးဆွေးကို အလံထောင်လို့
မိစ္ဆာက ဟားတိုက်ရယ်နေရဲ့
ငါတို့ ဖိနပ်သာ ငါတို့ သေနတ်ဖြစ်တယ်
သွေးကြွေးဆိုတော့
ဆွေးနွေးဖို့ မရှိတော့ပါ။ ။
(၁၆-၁၀-၀၇)
ခေတ်ပြိုင်...မှ
အမေ…သို့
(ကမာပုလဲ)
ဘယ်လိုခေတ်ကြီးလဲ
ကိုယ့်ရင်သွေးကို ရင်ထဲထည့် ၀ှက်တာတောင်
မလုံခြုံနိုင်တဲ့အဖြစ်။
အမေ့ကို လွမ်းလွန်းလို့
ကဗျာတပုဒ်ရေးကြည့်တယ်
စာရွက်ပေါ်မှာ မှင်တွေကမပြာဘဲ
သံဃာတော်တွေရဲ့ သွေးတွေသာ နီရဲလို့။
ကျနော်ပြန်အလာကို မစောင့်နိုင်တဲ့အမေ
ဒီကြေကွဲမှုတွေနဲ့ ဒီနိုင်ငံမှာ
အမေအကြွေစောပေမယ့်
မနှမြောတော့ဘူး။ ။
(၁၂-၁၀-၀၇)
ခေတ်ပြိုင်...မှ
တိုက်ပွဲက ငါတို့ကို စိန်ခေါ်နေပြီ
(ဒေါက်တာလွဏ်းဆွေ)
၈၈-မျိုးဆက်ခေါင်းဆောင်တွေကို ဖမ်းကုန်ပြီတဲ့
ညက ရေဒီယိုမှာ ကြေညာသွားတယ်
ဒီလောက်နဲ့ပဲ ပြီးလိုက်ကြတော့မှာလား
တိုက်ပွဲက ငါတို့ကို စိန်ခေါ်နေပြီ။
ပခုက္ကူသံဃာနှစ်ပါးကို ဓာတ်တိုင်မှာ ကြိုးတုတ်ပြီး ရိုက်သတဲ့
ညက ရေဒီယိုမှာ ကြားလိုက်ရတယ်
ဒီလောက်နဲ့ပဲ ကျေနပ်လိုက်ကြတော့မှာလား
တိုက်ပွဲက ငါတို့ကို စိန်ခေါ်နေပြီ။
သံဃာတော်တွေ ပတ္တနိက္ကုဇ္စန ကံဆောင်နေကြပြီတဲ့
ညက ရေဒီယိုမှာ ပြောသွားတယ်
ဒီလောက်နဲ့ပဲ တင်းတိမ်ကြတော့မှာလား
တိုက်ပွဲက ငါတို့ကို စိန်ခေါ်နေပြီ။
သံဃာတွေနောက်ကို ပြည်သူတွေပါလာပြီတဲ့
ညက ရေဒီယိုမှာ အသံလွှင့်သွားတယ်
ဒီလောက်နဲ့ပဲ ရောင့်ရဲကြတော့မှာလား
တိုက်ပွဲက ငါတို့ကို စိန်ခေါ်နေပြီ။
ဂျပန်သတင်းထောက်ကို စစ်ခွေးတွေ ပစ်သတ်လိုက်တာ
ညက တီဗွီမှာ ကြည့်လိုက်ရတယ်
ဒီလောက်နဲ့ပဲ ပြီးကြတော့မှာလား
တိုက်ပွဲက ငါတို့ကို စိန်ခေါ်နေပြီ။
စစ်ခွေးတွေ ပစ်သတ်တာ ပြည်သူတွေသေကုန်ပြီတဲ့
ညက ဘီဘီစီမှာ ကြေညာသွားတယ်
ဒီလောက်နဲ့ပဲ ကျေနပ်လိုက်ကြတော့မှာလား
တိုက်ပွဲက ငါတို့ကို စိန်ခေါ်နေပြီ။
ဘုန်းကြီးကျောင်းတွေကို ညပိုင်းဝင်စီးတာ
သံဃာတွေ တော်တော်အဖမ်းခံရတယ်တဲ့
ညက အာရ်အက်ဖ်အေမှာ ကြားလိုက်ရတယ်
ကြေကွဲဝမ်းနည်းရုံနဲ့ ပြီးကြတော့မှာလား
တိုက်ပွဲက ငါတို့ကို စိန်ခေါ်နေပြီ။
သံဃာအလောင်းတလောင်း
ငါးမိုးရိပ်ချောင်းထဲမှာ ပေါ်လာသတဲ့
မနေ့က အင်တာနက်မှာ ကြည့်လိုက်ရတယ်
သံရုံးတွေရှေ့မှာ ဆန္ဒပြရုံနဲ့ ပြီးကြတော့မှာလား
တိုက်ပွဲက ငါတို့ကို စိန်ခေါ်နေပြီ။
ဂမ်ဘာရီ မနေ့က ပြန်သွားပြီတဲ့
ညက ဗွီအိုအေမှာ ပြောသွားတယ်
ဆင့်ဟိုဒင်း ခွေးမျော်ရုံနဲ့ ပြီးကြတော့မှာလား
တိုက်ပွဲက ငါတို့ကို စိန်ခေါ်နေပြီ။
သတင်းမေး သတင်းလွှင့်ရတာလည်း
စိတ်မကောင်းစရာတွေ ချည်းပါကွယ်
စုတ်သပ်ရုံလောက်နဲ့ပဲ နေကြတော့မှာလား
တိုက်ပွဲက ငါတို့ကို စိန်ခေါ်နေပြီ။
ဆန္ဒပြသူတွေကို စစ်ခွေးတွေ ၀ိုင်းရိုက်တာ
စီအန်အန်မှာ ကြည့်လိုက်ရတယ်
စိတ်ဆိုးဒေါသထွက်ရုံနဲ့ ပြီးကြတော့မှာလား
တိုက်ပွဲက ငါတို့ကို စိန်ခေါ်နေပြီ။
ခေါင်းဆောင်တွေ ဘယ်ရောက်နေကြလဲ
အဖွဲ့အစည်းတွေ ဘာလုပ်နေကြလဲ
ငါတို့မဲပေးထားတဲ့သူတွေ ဘယ်မှာလဲ
ပြည်သူတွေ မေးနေကြပြီ
အစည်းအဝေးထိုင်ရုံလောက်နဲ့ ပြီးကြတော့မှာလား
စတိတ်မန့်ထုတ်ရုံလောက်နဲ့ ပြီးကြတော့မှာလား
ရေဒီယိုမှာ ဟိုပြောဒီပြောနဲ့ ပြီးကြတော့မှာလား
တိုက်ပွဲက ငါတို့ကို စိန်ခေါ်နေပြီ။
သံဃာတွေ ပြည်သူတွေ သွေးချောင်းစီးနေတာတောင်
အာဖရိက မြင်းကျားတွေလို
မြက်စားမပျက်ကြပါလားကွာလို့
အပြောခံကြတော့မှာလား
တိုက်ပွဲက ငါတို့ကို စိန်ခေါ်နေပြီ။
မြန်မာပြည်သားဆိုတာ
ငုံ့ခံတတ်တဲ့ လူစားတွေပါကွာလို့
သမိုင်းအရေးခံကြတော့မှာလား
တိုက်ပွဲက ငါတို့ကို စိန်ခေါ်နေပြီ။
ဒီကဗျာကို
အံချလိုက်ရရင်
သေပျော်ပြီကွာလို့ ယူဆနေသလား
တိုက်ပွဲက ငါတို့ကို စိန်ခေါ်နေပြီ။
အားလုံး …
အားလုံး …
ဒီမိုကရေစီကို လိုလားတဲ့
မြန်မာပြည်သားအားလုံး
ကြက်သေ သေမနေကြပါနဲ့
ငါတို့ဘာလုပ်ရမလဲဆိုတာကို
ပျံလွန်တော်မူသွားတဲ့ သံဃာတွေက လမ်းပြသွားခဲ့ပြီ
လမ်းမပေါ်မှာ ပစ်သတ်ခံရတဲ့ ပြည်သူတွေက လမ်းပြသွားခဲ့ပြီ
အဖမ်းဆီးခံ သံဃာနဲ့ပြည်သူတွေက လမ်းပြသွားခဲ့ပြီ
အချိန်သိပ်မရှိတော့ဘူး
တိုက်ပွဲက ငါတို့အားလုံးကို အကြီးအကျယ် စိန်ခေါ်နေပြီ
တိုက်ပွဲက ငါတို့အားလုံးကို အကြီးအကျယ် စိန်ခေါ်နေပြီ
တိုက်ပွဲက ငါတို့အားလုံးကို အကြီးအကျယ် စိန်ခေါ်နေပြီ။ ။
(၉-၁၀-၀၇)
ခေတ်ပြိုင်...မှ
လမ်းလျှောက်ထွက်ခြင်း
(နန္ဒအိမ်)
လမ်းလျှောက်ခြင်းနေ့တွေက
ရင်ဖွင့်ပြလိမ့်မယ်
ရက်လနှစ်များစွာ
မျိုသိပ်မှုများစွာ ...။
လူတယောက်ရဲ့သားနဲ့လူတယောက်ရဲ့သမီးဟာ
လရောင်ဆမ်းထားတဲ့ ညချမ်းမှာ
စိမ်းလန်းတဲ့ မနက်ခင်းမှာ
ဒါမှမဟုတ် ဇိမ်ခံဟိုတယ်ကြီးတွေမှာ
ရင်တဆတ်ဆတ် တုန်နေချိန်မှာ
လူတယောက်ရဲ့သားနဲ့လူတယောက်ရဲ့သမီးဟာ
လူယုတ်တွေရဲ့ ညှင်းပန်းရေးဇာတ်ထုတ်ထဲမှာ
ကျဉ်းမြောင်းပိတ်လျောင်ထားတဲ့ အမှောင်ခန်းထဲမှာ
ဒါမှမဟုတ် သားသတ်သမားတို့ရဲ့ စစ်ကြောရေးညတွေမှာ
ရှည်လျားခါးသီးလွန်းလှတယ် ...။
အို မြန်မာပြည်
ငါ ပျံသန်းခဲ့
ခရီးသွားခဲ့
တေးဆိုခဲ့
ရက်ပေါင်းများစွာ စကားပြောခဲ့
အဲဒီမှာ ဆန်နဲ့ ဓာတ်ငွေ့ဟာ
လူရဲ့လက်ထဲက
ဘီးလူးသဘက်တွေရဲ့ လုယက်ခြင်းခံရ
ညဟာ မီးမလာ
ဆာလောင်ငတ်မွတ်နေတာ
လွတ်လပ်မှုကို ကာကွယ်ဖို့ မဟုတ်တဲ့
စစ်ဘီလူးများကို ကူညီမစနေရဲ့ ...။
ဘာမှဆုံးဖြတ်ပိုင်ခွင့်မရှိ
အဲဒီတရားဥပဒေဟာ
သွေးစွန်းတဲ့လူမိုက်တွေက
ဥာဏ်ပညာရှိသူကို သတ်တဲ့တရားဥပဒေသာဖြစ်တယ်။
ဘာမှလုပ်ပိုင်ခွင့်မရှိ
အဲဒီစီးပွားရေးဟာ
ရိုင်းစိုင်းတဲ့ စစ်ဗိုလ်များအတွက်
ဓာတ်ငွေ့နဲ့ရေနံကိုစိန်တုံးများအဖြစ်
ပြောင်းလဲပေးတဲ့ စီးပွားရေးသာဖြစ်တယ် ...။
ဘာမှပြောပိုင်ခွင့်မရှိ
အဲဒီနိုင်ငံရေးဟာ
လူတယောက်က လူများစွာကိုသတ်တဲ့
သွေးတွေ စွဲဆိုနေတဲ့လက်နဲ့
ပါးစပ်ကိုပိတ်
တိတ်တိတ်နေခိုင်းတဲ့ နိုင်ငံရေးသာဖြစ်တယ် ...။
လူများစွာအိမ်ကိုတော့ပြန်လာပါရဲ့
ဒါပေမယ့်
သန်းပေါင်းများစွာရဲ့ မှတ်ဥာဏ်ထဲမှာ
သူတို့ရဲ့ခေါင်းဆောင်အတွက်
ကမ္ဘာမကြေဘူးသီချင်းကို သွေးနဲ့ဆိုခဲ့ရတယ် ...။
ဒေါင်းပျိုလေးတို့ရေ
လမ်းတွေကို မြန်မြန်လျှောက်ကြ
နှစ်အလီအလီသေနတ်ပြောင်းအောက်က
အလှပျက်သွားတဲ့ အပျိုမတွေအတွက်
ငတ်မွတ်ဆာလောင်သူတို့အတွက်
လျှပ်စစ်ကြိုးတွေရဲ့ အတို့ခံရသူတို့အတွက်
ယုံကြည်ချက်အကျဉ်းသားတို့အတွက်
သင်တို့တောင်ပံတွေရဲ့အရိပ်တွေနဲ့
လွှမ်းခြုံပေးဖို့ ...။
ရိုးအီနေတာမဟုတ်တဲ့
ဖြစ်ပေါ်လာတဲ့အမှန်တရားဟာ
လှပခမ်းနားနေရဲ့
ထွက်လာခဲ့
တယောက်မကျန်ထွက်လာခဲ့
အဲဒီနေ့ရဲ့လမ်းလျှောက်ထွက်ခြင်းမှာ
လက်ဖမိုးတွေကိုမြှောက်ချီလို့
သင်တို့ရဲ့မျိုးဆက်များနဲ့လမ်းလျှောက်ထွက်ဖို့ ... ... ...။
(၅-၁၀-၀၇)
ခေတ်ပြိုင်...မှ
တကယ့်ရွှေဖြစ်စို့
(ရဲဝင့်သူ)
တို့သမိုင်း တို့ရေးမယ့်လမ်းတွေပေါ်
တို့တွေ ခြေသံပြင်းပြင်းလျှောက်
ရင်ဘတ်တွေ လှိုက်ဖိုသွားတဲ့အထိ
သံပြိုင်ဆိုကြဖို့သီချင်းက သမိုင်းရဲ့
ဟော့ဒီ သီချင်း `ကမ္ဘာမကြေ´။
လာကြဟေ့ တို့ခေတ်ရောက်လာပြီ
ပြေးသူပြေး တွေးသူတွေး
ငေးသူငေး ရေးသူရေး
ကိုယ့်သမိုင်းနဲ့ကိုယ်
ဟောဟိုကရောင်နီကို ရဲရဲမော့ကြည့်
ခြေထောက်တွေ အားယူပြီး
တချက်ပဲ ကုန်းထလိုက်
အနာဂတ်ကို တို့ပိုင်ရမယ်လို့
အတောင်တွေကို လွတ်လပ်လှပဖို့
ဟော့ဟိုကောင်းကင်ကို အဆုံးအစမဲ့တဲ့
အပြာရောင် ချယ်ရအောင်။
ရှိရှိသမျှ အညစ်အကြေးအားလုံးကို
ငါတို့ခေတ်မှာ တို့လက်နဲ့ကြုံးပြီး
နာတာရှည် ငိုနေရှာတဲ့
တို့ချစ်တဲ့ဧရာဝတီမြစ်ထဲ မျှောပစ်ရအောင်
နေထွက်နဲ့ နေ၀င်လေးမှာတင်
တို့ကြမ္မာတို့ ဖန်တီးနိုင်ကြောင်း
နောက်မျိုးဆက်တွေ သိစေရမယ်လေ။
တို့ရွှေတွေ တကယ်ရွှေဖြစ်ဖို့
သမိုင်းသစ်တံခါးကို စုံကန်ဖွင့်ကြစို့။ ။
(၂၆-၉-၀၇)
ခေတ်ပြိုင်...မှ
လွတ်မြောက်ရာ ဘ၀
(ငြိမ်းလူ)
ဒီညတော့
သူတို့ပုံရိပ်တွေပဲ
အထပ်ထပ်အခါခါ
ပြူးကြောင်ကြောင်မျက်လုံးတစုံက
အဖုံးမရှိတော့သလို…
သြဂတ်လမိုးစက်ထဲမှာ
ခန္ဓာကိုယ်ကရွှဲနစ်ပေါ့ …။
လူနှစ်ဆယ် ဖမ်းလိုက်တာနဲ့
နှစ်ထောင်လောက်ဖြစ်လာတဲ့
လမ်းမကို
အငမ်းမရနမ်းပစ်လိုက်တယ်။
သူတို့တွေသေမှ မသေသေးပဲနော်
ရဲဝံ့လိုက်ပုံများ
နှစ်ပေါင်း နှစ်ဆယ်နား… ကွာသွားတာတောင်
ချစ်သူတို့ရဲ့… ရဲဘော်တွေ
ကိုယ်ထင်ပြလိုက်ပုံများ
မောင်းပြန်ကို ဒေါင်းအလံနဲ့တိုက်မတဲ့။
ညမှ အပေါင်ဆိုင်ကပြန်ရွေးရတဲ့
စောင်ကလေးဘ၀
လွတ်မြောက်ရတော့မယ်ထင်ပါရဲ့…
ရောင်နီကလည်း သန်းလာလိုက်တာ
အိမ်ရှေ့လမ်းမှာ
မိုးစက်တွေကိုနမ်းလို့။ ။
(၁၈-၉-၀၇)
ခေတ်ပြိုင်...မှ
အမှောင်လွှမ်းတဲ့ စက်တင်ဘာ
(စိုးနေလင်း)
တကယ်ဆို
စက်တင်ဘာကို ငါတကယ်မုန်းခဲ့တယ်။
တောင်စွယ်နေမကွယ်ခင်
ကြယ်စင်တွေ တဖြုတ်ဖြုတ်ကြွေလွင့်သွားရဲ့
အမျှဝေသံတွေတောင် အမှောင်ရိပ်ချ
မိစ္ဆာညက ဖုံးလွှမ်းသွားခဲ့ပြီ။
သဲ့သဲ့ပျပျမျှသာ
ပင်လယ်လှိူင်းပုတ်သံကို ငါရှုရှိုက်နိုင်ခဲ့
မြစ်ရဲ့ရေစီးမှာ ဗေဒါပင်တို့ပိတ်ဆီး
ခရီးမတွင်နိုင်သောကာလ
မြားကလည်း တောင်ပံကိုဖောက်စူးထားခဲ့ပြီ။
ခဏနေကြပါဦး
ကြယ်ရောင်မှ လုံးလုံးမပျောက်သေးဘဲ
(နည်းနည်းဖြစ်ဖြစ်)
လမ်းကိုဆက်လျှောက်ကြည့်ကြပါ
ခြေရာတွေကို မြင်နိုင်သေးသမျှ။
ဆူးကြမ်းကန္တာရ
အဝေးဆုံးခရီးဖြစ်ပစေ
နှလုံးသားခုန်လှုပ်နေသေးသမျှ။ ။
(စက်တင်ဘာ (၁၈) စစ်အာဏာရှင်တို့ ပြည်သူလူထုကို ကျွန်ပြုခဲ့ခြင်း အမှတ်တရ)
(၁၄-၉-၀၇)
ခေတ်ပြိုင်
မြန်မာပြည်မှ သင့်ကိုအလိုရှိသည်
(အေကေ ၄၇)
လူတွေက ငါးတွေကိုဖမ်းတိုင်းသာ
ငါးတွေကုန်မယ်ဆိုရင် ပင်လယ်မှာ
ငါးမရှိနိုင်ဘူး။
တောမီးတွေ လောင်တိုင်းသာ
သစ်ပင်တွေ သေရမယ်ဆိုရင်
ဒီကမ္ဘာမှာ သစ်ပင်ဘယ်မှာရှိတော့မလဲ။
လေတိုက်တိုင်းသာ သစ်ရွက်တွေ ကြွေရမယ်ဆိုရင်
သစ်ပင်မှာသစ်ရွက်တွေ
ရှိပါ့တော့မလား။
ဆင်းရဲတာကို ကံကြမ္မာလို့ ရိုးမယ်ဖွဲ့ရင်
အဲဒီကံကြမ္မာဆိုတာကြီးကိုဖွဲ့ဖို့
စာရွက်တွေ မရှိတော့ဘူးထင်တယ်။
ဒီလိုပါပဲ
တော်လှန်ရေးဆိုတာ
စခန်းတခုကို ရန်သူကသိမ်းတိုင်း သိမ်းတိုင်း
ငါတို့လူတွေ စိတ်ဓာတ်ကျလို့ နိုင်ငံခြားသွား၊ ဘေးထွက်ထိုင်ရင်
ငါတို့နဲ့အတူ ဒီကမ္ဘာပေါ်ကလူတွေဟာ
မီးကိုမသုံးတတ်ဘူး
အ၀တ်မ၀တ်တတ်တော့ဘူး
နေစရာအိမ် လုပ်တတ်တော့မှာမဟုတ်ဘူး
နောက်ပြီး ကမ္ဘာမှာ
မြန်မာဆိုတာ ဂျိုနဲ့လားလို့မေးစရာဖြစ်လာမယ်။
အသစ်ကိုလိုချင်ရင်တော့
အဟောင်းကို စွန့်ပစ်ရဲတဲ့သတ္တိတော့ရှိရမယ်။ ။
(၇-၉-၀၇)
ခေတ်ပြိုင်...မှ
ပြတ်လတ်နေတဲ့ ကုန်
(ငြိ်မ်းလူ)
သဘာဝက လူတွေကိုမလှည့်စားဘူး
လူတွေက သဘာဝနဲ့ လတ်တလောကြုံတွေ့နေတာတွေကို
ခုတုံးလုပ်ခဲ့ကြတာ
ရေကြီးတာလား
လေဆင်နှာမောင်းလား
ပရိုပိုဆယ်ကောင်းကောင်းပြင်ကြ။
ခေတ်ကြီးကိုက
စတော့ရှယ်ယာဆန်တယ်
ကုန်ဈေးနှုန်းက
ကျောမွဲတွေပုခုံးကို နာရီမပြတ်
နင်းဖြတ်နေတာပဲကြည့်ပေါ့။
ဘန်ကီမွန်းဆိုတာက တမျိုး
ဂန်ဘာရီပြောတာက တခြား
တို့အမျိုးကို လှည့်စားနေတာများ
အချင်းပွားနေလိုက်ပုံက
ညံ့လှတယ်။
အကျိုးစီးပွားက ဇာတ်ရှုတ်နေတာ
ရှင်းနေတဲ့ကိစ္စ
အာဏာရှင်ကိုတိုက်ဖို့
ပုတီးစိတ်ဖို့မလိုအပ်တော့တာအမှန်လို့
သိနေရက်သားနဲ့…။
လယ်ယာတွေ အသိမ်းခံရတာထက်
ဂန်ဘာရီတယောက်
မြန်ပြည်ကိုရောက်မယ့်ရက်
မျှော်သူကမျှော်
မဲပြာအိုးထဲ ကျသွားတဲ့
မြေခွေးဆိုးတွေက တမှောင့်
ရောက်လေရာအရပ်
ခြေရာချင်းထပ်လို့…။
ကန်ပြင်အဖြတ်မှာ
ရောင်ပြန်ဟပ်တာကိုပျော်လို့…။
လူတွေကိုက
ဂိုက်ကျ ဆိုက်ကျနဲ့ပါ…။
နှိုက်သမျှ ပါလာတဲ့အထဲ
နိုင်ငံရေးက မွဲတေပါ့…။
ဒီကြားထဲ
တရုတ်ပြည်ကို မဝေဖန်ရသလားလို့
ဒိုနာများက ဆူလိုဆူ….။
ဒါနဲ့ပဲ
လွတ်လပ်တဲ့ မီဒီယာအစွဲတဲ့…။
ဒီမိုကရေစီဆိုတာ
လူထုကိုပေးစရာမရှိတော့ဘဲ
သူ့တို့သုံးစွဲတာနဲ့
မွဲ………။
ပြတ်လတ်သွားတဲ့
ကုန်စည်ထဲမှာ…….။ ။
(၃-၉-၀၇)
ခေတ်ပြိုင်...မှ
သိုက်စာ
(သစ်ကောင်းအိမ်)
ပြီးခဲ့တဲ့နှစ်ကလည်း
ပြီးခဲ့တဲ့အဖြစ်အပျက်ပဲ။
မြွေပွေးပဲ ခါးပိုက်ပိုက်မိသလို
မာဖီးယားဂိုဏ်းထဲ လိုက်မိသလို
အမိဝမ်းကျွတ်ခဲ့ကြပုံက …
သန်းခေါင်လွန်ခဲ့ပြီ
ကျီးပြိုညများ မဆုံးသေးပါ
ခွေးအူသံတွေ ထပ်ကြားနေပြန်ရ …
ကိုယ်တည်မိတဲ့ဘုရားပျက်အောက်
ဥစ္စာသိုက်၊
ကိုယ်ပြန်စောင့်နေရ
ငါကိုယ်တိုင်လည်း အစိမ်းသရဲတယောက်ပဲ။
အော်သံများ …
သွေးပျက်ဖွယ်
တမလွန်တွေခြားခဲ့
အော်သံများ …
အော်သံများ …
ရတနာမြေပုံအညွှန်းက
ပင်လယ်ဓားပြသင်္ဘောနဲ့
အော်သံများ …
အော်သံများ …
ရင်ခေါင်းနက်နက်ထဲ
ငရဲအဆက်ဆက်
အော်သံများ …
အရက်ပုလင်းခွံလွတ်တလုံးနဲ့
ထည့်၊…
ဒီရာစုထဲမျောခဲ့။ ။
(၃၀-၈-၀၇)
ခေတ်ပြိုင်...မှ
မှတ်ကျောက်ရာသီ
(ကမာပုလဲ)
ဘ၀မှာ
ပွဲကြည့်သူမရှိ။
(ဂျူးလိယက်ဖူးချစ်)
ကိုယ်ပိုင်နှင်းတွေ အကြောင်းကို
တူတူတန်တန် ပြောချင်လွန်းလို့
ဥရောပသွား တောလားကို
ဧည့်သွားဧည့်လာ
သူစိမ်းဝတ်စုံ ငှားပြီးရေးတယ်
ခေါင်းထဲမှာ
ဂျပန်ချယ်ရီတွေနဲ့ ရှုပ်ကုန်ပါရော။
တရွေ့ရွေ့ ပဲ့ပဲ့ကျနေတဲ့ ကမ်းပေါ်မှာ
အဓမ္မနဲ့ အပေးအယူ ဧကစာကျင့်
ဘ၀ကို မရိုးသားမှုနဲ့ ရွက်လွှင့်ရင်း
တိုက်ပွဲဝင် စီးဆင်းနေတဲ့မြစ်ကို
ဝန်တိုပျက်ရယ်ပြုလို့။
ရာဇ၀င်သမိုင်းရဲ့
အနာဂတ်ဆီသွား
သမိုင်းခေတ် ရထားကို
ဘယ်အရာကမှ တားလို့မရဘူး
မလိုက်ရဲ မလိုက်ချင်လို့
ချန်ရစ်တဲ့ ခရီးသည်တွေဆိုတာ
စောင့်ကြည့်ဘူတာရုံ အတွက်တော့
အမှိုက်ပဲ။
နည်းနည်းလေးမှ
တိမ်းလို့ယိမ်းလို့ မရတဲ့အဖြစ်
ဆိုကရေးတီးရဲ့ သစ္စာလမ်းဟာ
တွေဝေအညံ့ခံချင်သူတွေအတွက်တော့
ကျယ်နေလျက်နဲ့ကျဉ်းသွားတယ့့့့် ။ ။
(၂၄-၈-၀၇)
ခေတ်ပြိုင်...မှ
အစိမ်းသေည… အမှတ်တရ
(ချိုစိမ့်)
စိမ်းမြ…သစ်ရွက်တို့
ကြွေနေဆဲ…
ဝုန်းကနဲ… ဒီ ဂီတလှိုင်းအကြွ
ခုန်နှုန်း တလိမ့်လိမ့် ထ
ဟောဒီ နှလုံးအိမ်တွေ ပွက်ထခဲ့ကြပေါ့…..။
မဟူရာ မြွေတကောင်ပေါ်က
လက်သီးဆုပ်များ…
ရိုးမ မိုးမခ မိုး နွေ ဆောင်း အချစ်သည်းခဲ့မှုများ…
တောင်ယာစိမ်းလေးနံဘေး
ငါတို့ ပေးခဲ့ကြတယ်
ကျော ရင် ၀မ်း ခန္ဓာ
အဲဒီ အရင်းတွေဟာ
သေချာတယ်
တောင်ကုန်း ကမ်းပါးနဲ့ မြေပြန့်တွေမှာ
ရိက္ခာ ရှာမယ်
တော်လှန် ကဗျာ တပုဒ်အတွက်
အမိုးရေ
ရေ တခွက်အတွက်
ငါ့မှာ
သွေးတစက် ရှိတယ် တဲ့…..။
ဟောဒီ့
ရဲဘော်တွေ ဆီမှာ
ရေ မပါခဲ့ ရှာကြဘူး
အမိုးရေ
သူတို့ လက်ထဲမှာ
ပြာ ၈၈ ပြာ
အရိုးပြာ
သူတို့ ရင်ထဲမှာ
အပြာ
ရေ တခွက်လောက် ပေးပါ အမိုးရာ…..။ ။
(၇-၈-၀၇)
ခေတ်ပြိုင်...မှ
၅၀ သံခိပ်
(ခင်လွန်း)
နောက်ခံကာလ
ရောင်စုံမီးတောက်မီးလျှံများ
ငြိမ်းချမ်းရေတေးသံများ
ဇာတိ
လူသိနည်း ရေတို့ခဲတတ်ရာ
အရှေ့မြောက် တောင်တန်းတနေရာ
ဆယ်စုနှစ်များ
၁၀ နှစ်သား
မျက်လုံးပေမှေး
ဖဝေးကောင်လေးတယောက်
မြို့တော်၏ ဆန်းကျယ်စွာကြိတ်ဝါးစိန်ခေါ်သံများ
ရထားဈေးသည်
၂၀ …
ရုပ်ဝါဒဖတ်စာ
ဥပစ္ဆေဒက ချစ်သူဈာပန
ငယ်သူ့အလွမ်း
အမေ့ဆိပ်ကမ်းမှ ပထမဆုံးရွက်လွှင့်
ဂျုံခင်းထဲမှာ လိုက်ဖမ်းသူ
(Catcher in the Rye)
ဟိုလ်ဒင်ကော့ပါးဖီးရဲ့လိပ်ပြာ
ရသစာပေတပ်မက်မှု
၃၀ လူထုဆင်ဖိုနီ
နွေဦးကြိုဂီတ ဟိန်းထခေါ်သံ
တောများ တောင်များ
(ဆရာကြည်အောင်ပြောတဲ့)
ကျားဆိုးပေါရာ
မျှစ်ချိုးထွက်ခဲ့သူ
၄၀
အချို့သော တောင်တန်းတောင်ထွဋ်များသည်
ပင်လယ်သမုဒ္ဒရာတို့အောက်
ငုပ်လျှိုးပုန်းအောင်းနေခဲ့ကြရာ၏
၅၀
ကိုယ်ရေးကိုယ်တာ ၀ါကျတကြောင်း
စာလုံးပေါင်းသင် သဒ္ဒါသင်ဆဲ စာပြင်ဆဲ။ ။
(၃၀-၇-၀၇)
ခေတ်ပြိုင်...မှ
ပန်းကြွေနဲ့မြေပြင်
(စိုးနေလင်း)
(ဖြောင့်မတ်သူ၏ အလင်းသည် ရွှင်လန်း၏။
မတရားသောသူ၏ မီးခွက်မူကား သေရလိမ့်မည်။
သုတ္တံကျမ်း- ၁၃း၉)
အလှပဆုံးပွင့်လွ
မွှေးမြတော့မယ့် ပန်းခင်းကိုမှ
ခြွေချနင်းခြေပစ်ရက်ပလေ။
ဘယ်သူဖြေဆည်နိုင်မှာလဲ
ကျားကုတ်ကျားခဲ ဇွဲမာန်မြဲခဲ့သူတို့ရင်ဘတ်ထဲ
ကျည်စကြဲပစ်
မြစ်ရေကြည်မြကို နှောက်ပစ်ခဲ့ကြပြီ။
နေခြည်ဖြာလည်းမနွေး
တစစ အေးခဲကျုံလှီလာခဲ့ကြ
အမှောင်ညပြီး… အမှောင်ည… အမှောင်ည
ညဥ့်ကနက်ဆဲ မိုးမလင်းနိုင်
(စကတည်းက)
မခိုင်ခဲ့တဲ့ ပေါင်းကူးတံတားနဲ့နဲ့ပေါ်မှာ
အနာဂတ်တို့ မှုံဝါးဆဲ
သဲထဲရေသွန်ဖြစ်ခဲ့ရပြီ။
ပျံသန်းရင်း မြားစူးလွင့်ကြွေ
မြေခသူရဲကောင်းတုိ့ သင်္ချိုင်းရာကိုတောင်မှ
လွတ်လွတ်လပ်လပ် ဦးညွှတ်ခွင့်မရ
အဲသည်အမိုက်မည်းဆုံးညကို
လင်းအရုဏ်ဦး ဆွတ်ခူးမပေးနိုင်ခင်
မြေပြင်ပေါ်မှာ ရှင်သန်နေချင်သေးတယ်။ ။
(ဤကဗျာဖြင့် ၁၉-၇-၁၉၄၇ နေ့က ကျဆုံးသွားခဲ့ကြသော
အာဇာနည်ခေါင်းဆောင်ကြီးများအား ဦးညွတ်ဂုဏ်ပြုပါသည်)
(၁၈-၇-၀၇)
ခေတ်ပြိုင်...မှ
လိပ်တကောင်ရဲ့ အိပ်ရာထအတွေး
(မောင်ကြီးပြည်စိုး)
ထုံးစံအတိုင်းမနက်လို
ယောင်ချာချာ
တကယ်လုပ်ရမှာကအများကြီး
ချိန်းထားတဲ့လူတွေရှိ
စကားတခွန်းပြောရမယ်
မေးခွန်းတခုမေးရမယ်
ဟင့်အင်း သို့မဟုတ်
အင်း လုပ်ရလိမ့်မယ်
မသိသလိုနေလိုက်ရမယ့်
နည်းဗျူဟာဖြစ်ဖြစ်သုံးရမယ်
ကိုယ့်စိတ်ကို မမြင်စေရဘူး။
လူဟာ
ကိုယ့်အတွက်ကိုယ်စဉ်းစားကာ နိုးလာတာဖြစ်တယ်
မဟုတ်မှလွဲရော
ဒါ ငါမှမဟုတ်ပါဘူးလို့
တန်းညှိမိသေး
နောက်တကြိမ်လူဖြစ်ဖို့ဆိုတာက
ပိုပြီး ဒုလ္လဘဆန်သွားတယ်လို့တွေး။
ကိုယ့်ဖို့ချန်ထားပြီးမှဝေပါ
ကိုယ့်ဖို့ပါ ထည့်ဝေပါ
အညီအမျှလို့ထင်စားခံလိုက်ရချိန်မှာ ဣနြေ္ဒမပျက်နေပါ
လူဟာအထင်တလုံးနဲ့နေရဖို့ထက်
အထင်ကြီးခံလိုက်ရတာ ပိုကောင်းတယ်
မျက်နှာမသစ်ခင်အထိ။
ပုထုဇနော ဥမ္မတကောတဲ့
လိပ်တကောင်က
ဘယ်တော့မှ မျက်နှာမသစ်ဘူးလေ။ ။
(၁၃-၇-၀၇)
ခေတ်ပြိုင်...မှ
ခွပ်ဒေါင်းသွေးနှင့် လင်းပွင့်ကောင်းကင်
(စိုးနေလင်း)
ဖက်ဆစ် စစ်အာဏာရှင်က
လက်ညှိုးတကွေး လက်အားတဖိနဲ့
ခွပ်ဒေါင်းတို့သွေး နီစွေးပွက်ပွက်
အဓိပတိလမ်းနဲ့ မြက်ခင်းစွန်းကွက်
အမျိုးသားကျက်သရေဆောင်သမဂ္ဂကြီးပြိုပျက်
ရက်စက်ရိုင်းမိုက်လိုက်ပလေ…။
ကမ္ဘာကျေလည်း ဥဒါန်းမကျေ
မျိုးဆက်သစ် ခွပ်ဒေါင်းတို့
ကောင်းကင်သစ်ကို ချစ်မက်
ဖက်ဆစ်သံခွာအောက်က ရုန်းထွက်
သွေးတစက်တည်းကျန်လည်း အလံစွဲဖက်
ဆက်လက်တိုက်ပွဲဝင်မည်လေ…။ ။
(ဤကဗျာဖြင့် (၇၊ ၇၊ ၆၂) နေ့မှစ၍ စစ်အာဏာရှင်ဆန့်ကျင်ရေး တိုက်ပွဲအဆက်ဆက် အသက်၊ ဘ၀၊ သွေးချွေး ပေးဆပ်ခဲ့သော ကျောင်းသားသူရဲကောင်းအပေါင်းတို့အား ဦးညွတ်ဂုဏ်ပြုပါသည်။)
(၆-၇-၀၇)
ခေတ်ပြိုင်...မှ
သားချော့တေး
(သစ်ကောင်းအိမ်)
ကိုယ့်ကလောင်ကို
ချိုးဖြူငှက်အတောင်လုပ်လို့
ပျံသန်းလိုက်စမ်းပါ ငါ့သား…
မင်းသင်ရတဲ့ ပထ၀ီဝင်ထဲ
တို့နိုင်ငံရဲ့
မြေပုံချပ်ကိုဖြန့်ခင်း
နှစ်ခြောက်ဆယ်စစ်တလင်းကိုတွေ့လိမ့်မယ်
ကိုယ့်ကလောင်ကို
ချိုးဖြူငှက်အတောင်လုပ်လို့
ပျံသန်းလိုက်စမ်းပါ ငါ့သား…
မင်းသင်ရတဲ့သမိုင်းကတော့
ကမ္ဗည်းမတင်ရသေးတဲ့
သူရဲကောင်းတွေရဲ့သွေးသမိုင်းနဲ့
ရိုင်းစိုင်းနေလိမ့်မယ်
ကိုယ့်ကလောင်ကို
ချိုးဖြူငှက်အတောင်လုပ်လို့
ပျံသန်းလိုက်စမ်းပါ ငါ့သား…
မင်းသင်ရမယ့်ကမ္ဘာ့မြေပုံမှာ
သံလွင်ခက်ပေါ်ဓားစိုက်
ကမ္ဘာကျော်လူမိုက်တို့
မိုက်ကြေးခွဲကြ
ကမ္ဘာ့တိုက်ကြီး (၇) တိုက်ဟာ (ကမ္ဘာ့တိုက်ကြီး (၇) တိုက်ဟာ)
မှောင်မိုက်နေလိမ့်မယ်
ပျံသန်းလိုက်စမ်းပါ ငါ့သား…။ ။
(၃-၇-၀၇)
ခေတ်ပြိုင်
တောနက်တဲ့မြို့
(ကိုလတ်)
တနင်္ဂနွေဆို
မျက်ကွင်းညိုညို ပိုးဟပ်ဖြူများ
ဈေးထဲမှာ တိုးကြိတ်ရွေ့လျား။
“တမျိုး ငါးဘတ်
ငါးမျိုး နှစ်ဆယ်
ရွေးမယ် ၀ယ်မယ်
ချက်မယ် ပြုတ်မယ်
ချွေတာစားရင်
တပတ်စာတော့ ဖူလုံတယ်” တဲ့။
အဖေအမေအတွက် ဆေးဖိုးဝါးခ
မောင်ညီမလေးတွေအတွက် ကျောင်းလခ
အကိုအမတွေအတွက် ၀တ်ကောင်းစားလှ
ဘတ်နဲ့ကျပ်တွေ လဲလှယ်ကြ။
ရေကြည်ရာလား
မြက်နုရာလား မစဉ်းစားအား
လက်မှတ်ပါလား
ရွှေခေါင်းတွေ ပတ်နေလား
ဒါကိုပဲ သူတို့စဉ်းစား
သိမ်ငယ်ညှိုးချုံး မျက်နှာများ
ကျီးလန့်စာစား အကြည့်များ။
အခြေအနေပေးရင်
ဘန်ကောက်အထိ လျှောက်သူလျှောက်
ကံမကောင်းရင်
နှစ်ထပ်အချုပ် ရောက်သူရောက်
မိုးမှောင်ကျပြီဆိုရင်တော့
အရှက်နဲ့သိက္ခာ မှောက်သူမှောက်
အသက်နဲ့လိပ်ပြာ ပျောက်သူပျောက်။
“ကျနော့် မိန်းမ
ဟိုတည အလုပ်ကအပြန်
လမ်းမှာ ရုတ်တရက် ဆုံးပါးသွားလို့
ရက်လည် ဆွမ်းသွတ်
လာဖြစ်အောင်လာခဲ့ပေးပါ”
အကျိုးအကြောင်း မမေးသာ
မျက်ရည်မဲ့မဲ့ ဖိတ်ကြားစာ။
တယောက်ကို တယောက်
(တကယ့်ကို)
မရှုနိုင် မကယ်နိုင်
ပုရွက်ဆိတ်တွေလို
လက်တဖျစ်စာ ဘ၀တွေ။ ။
(၂၆-၆-၀၇)
ခေတ်ပြိုင်...မှ
မှိုကျင်းလမ်း
ခင်လွန်း
ဒီအသိုက်နဲ့
သူ့တောင်ပံတွေ မဆန့်တော့ဘူး
အချက်ပြမီးအရ
ဘီးချလိုက်ရမှာလည်း
ပြေးလမ်းက တိုတောင်းလွန်းနေ…
ခြေမန်းကွင်းကို ထိုးဖြုတ်
လောကထဲခုန်ချလိုက်ဖို့ဆိုတော့လည်း
ခမျာ့မှာ
ပျံသန်းခြင်းအတတ်တောင်မေ့လို့။
လေဥ ဥထားတဲ့နေ့တွေကို
ကိုယ်ငွေ့လေး ပေးနေရသူမှာ
သူ့အတိတ်သူ တသသ
စားမြုံ့ပြန်ကြည့်ရတာနဲ့
လေချဉ်တက်ကြည့်ရတာနဲ့
တနေ့တနေ့
ပြန်ပြန်ပွတ်သပ်နေခဲ့ရ။
မနက်ဖြန် ဘာဖြစ်လာမှာလဲ
မနက်ဖြန် ဘာဖြစ်လာမှာလဲ
မနက်ဖြန် ……..
သူကတော့
မနေ့ကတွေ့တဲ့မှိုကျင်းရှိရာ
ကောက်ကောက်ပါအောင် ထွက်ခဲ့ပြီ။ ။
(၁၉-၆-၀၇)
ခေတ်ပြိုင်...မှ
NI – 063328/C
(ပုရစ်)
ဒုက္ခရွာထဲ
ဆူးတွေက ဖူးလိုဖူး
ဖရုံပင် ပဲပင်
အညွန့်ဖြတ်ကြ
ဘူးသီးနုနု
အမွှေးသတ်ခံရ
ညနေအေးတချို့ 
အကြွေးမှတ်ပြန်ရ
သြော်…
ဘာသာစကားတချို့တောင်
အတော်တတ်လာရ။
ဒုက္ခရွာထဲ
အယ်လ်ဇိုင်းမားကို
ခုတုံးလုပ်ကြ
မီးညောင့်ရိုးငုတ်တိုကို
ဖုထုံး ထုံးကြ
သိက္ခာအတွက်
ရိက္ခာနဲ့
ကုထုံးလုပ်ရ။
ဒုက္ခရွာထဲ
ဒုက္ခသည်ကို
ဒုက္ခညစ်ကြ
ဒီလိုနဲ့
အလုပ်ဖြစ်ကြ
ဘုရားစာအုပ်
ခေါင်းအုံးလုပ်ကြ
တချို့ကြတော့
ပေါင်မုန့်မရှိလို့တဲ့
ကိတ်မုန့်စားရ။
ဒုက္ခရွာထဲ
ဗေါ်လံတီယာတချို့ရဲ့ 
အိတ်ကပ်ထဲက ကွန်းပတ်စ်
ပရိုပိုဇယ်က မြောက်အရပ်တဲ့
တခါတခါ
ငါ- UN နံပါတ်နောက်မှာ
မျဉ်းစောင်းစီသာ
ကပ်လိုက်ချင်တော့တယ်။ ။
မျဉ်းစောင်းစီ - /C= ထောင်နံပါတ်နောက်ဆက်တွဲထောင်ကျသင်္ကေတ
(၁၃-၆-၀၇)
ခေတ်ပြိုင်...မှ
မီးခြစ်တဆံ
မောင်သော်က
အနှစ် ၂၀ ဆိုပါလားဟေ့…။
အမြင်ကပ်လောက်အောင်
ကိုယ့်ကိုယ်ကို တပ်မက်စိတ်ရှိသူများက
ကြောင်သူတော် သောကနဲ့လေ…။
အနှစ် ၂၀ ဆိုပါလားဟေ့…။
ကောက်ကျစ်သော
အမြင်တိုသော
ကိုယ်ကျိုးငဲ့ ရန်လိုစိတ်နဲ့
လူလားမြောက်လာတဲ့
အာဏာပါးကွက်သားတို့က
ကိုယ့်ကိုယ်ကို လေးစားခြင်းငှာ
မတတ်စွမ်းနိုင်တဲ့
ကောက်ရိုးမျှင် ဥပဒေနဲ့လေ…။
အနှစ် ၂၀ ဆိုပါလားဟေ့…။
အကောင်းအဆိုးအပေါ်မှာ
ရှက်ဖွယ်လိလိ ဥပက္ခာပြုနိုင်သူများက
ယုတ်ညံ့သိမ်ဖျင်းမှုနဲ့
မသန့်စင်သောအရာ မှန်သမျှရဲ့
မုသားပုဒ်မနဲ့လေ…။
အနှစ် ၂၀ ဆိုပါလားဟေ့…။
ရုပ်မှာအာဏာနဲ့ ကျည်ဆန်
နာမ်မှာဖက်ဆစ်
မအောင်မြင်တဲ့ သူရဲကောင်းများရဲ့
အာဃာတထက် အဆိပ်အတောက်ပြင်းတဲ့
ခုံရုံးအမိန့်နဲ့လေ…။
မီးပွားကလေးက နေပြီး
မီးတောက်ကြီး ဖြစ်လာတဲ့အခါမှာ
ကမ္ဘာမြေပေါ်မှာရှိတဲ့
အညစ်အကြေးဟူသမျှနဲ့
လူလေလူလွင့် ဂျပိုးတေလေတွေကို
လောင်စားသွားလိမ့်မယ်(ဂေါ်ကီ)
မောင်သော်ကရဲ့ မီးခြစ်တဆံဟာ
နောင်…အနှစ် ၂၀ ကြာသောအခါမှာ
လောင်စာများရဲ့ ပြာနဲ့ထုဆစ်
သမိုင်းဝင်ကျောက်တိုင်ဖြစ်လာလိမ့်မယ်။ ။
(အင်းစိန်အကျဉ်းထောင်တွင်းတွင် ရေးစပ်သည်)
နေညိုချိန် ညနေခင်းများအကြောင်း
နန္ဒအိမ်
အလွမ်းကိုသီကုံးမယ်
လွမ်းတယ်…
တမ်းတမ်းတတ လွမ်းတယ်။
ဒါမှမဟုတ်
ထောင်စုနှစ်အကူးမှာ
နျူးကလီးယားထိပ်ဖူးနဲ့
ဟိုနိုင်ငံ ဒီကူး
ဒီနိုင်ငံ ဟိုကူး
နိုင်ငံရေးစိတ်ကူးများနဲ့
ငါတို့အားလုံး
နေညိုချိန်ညနေခင်းမှာ
တော်လ်စတွိုင်းရဲ့ စစ်နဲ့ငြိမ်းချမ်းရေးလို
ဘာကြောင့်တေးသီနေမှာလဲ။
ဒါမှမဟုတ်
အတွေးအခေါ်အရ အငြင်းပွားကြ
မူဝါဒအရ တိုက်ခိုက်ကြ
လူထုကို သူနိုင်ကိုယ်နိုင်ဦးဆောင်ကြ
အပြောင်းအလဲများကြ
ငါတို့အားလုံး
နေညိုချိန်ညနေခင်းမှာ
အာသာငမ်းငမ်း ဘုန်းတန်ခိုးတော်ဝတ္ထုများလို
ဘာကြောင့် အတ္တတကြီးရေးဖွဲ့နေရမှာလဲ။
ဒါမှမဟုတ်
ရာသီစာ ဦးနှောက်များနဲ့
အချိန်အခါအလိုက်ဟစ်ကြွေး
သူ့အရေးလည်း ကိုယ့်အရေး
ကိုယ့်အရေးလည်း သူ့အရေး
ခပ်ရေးရေးအတွေးများနဲ့
ငါတို့အားလုံး
နေညိုချိန်ညနေခင်းမှာ
ရှောင်တခင်သီအိုရီလို
ဗီဒိုအာဏာကို
ဘာကြောင့်အခါခါ သုံးနေရမှာလဲ။
ဒါမှမဟုတ်
အရေးတကြီးဘ၀အတွက်
ဆရာကတပည့်မွေး
တပည့်ကဆရာမွေး
ကိုယ်လိုရာဆွဲတွေးကြတဲ့
ဗျူရိုကရက်လက်သစ်ထဲ
အကြမ်းထည် ပဋိပက္ခများနဲ့
ငါတို့အားလုံး
နေညိုချိန်ညနေခင်းမှာ
အရေးပေါ်ကာလရဲ့တင်ကြိုဇာတ်ညွှန်းလို
ဘာကြောင့် ပြသခွင့်ပေးနေရမှာလဲ။
ဒါမှမဟုတ်
ဟိုအကြောင်း ဒီပြော
ဒီအကြောင်း ဟိုပြော
ဟိုဒီဟိုပြော
အမနာပပြောလုံးများနဲ့
ငါတို့အားလုံး
နေညိုချိန် ညနေခင်းမှာ
မြသန်းတင့်ရဲ့မာယာဘုံလို
ဘာကြောင့် နောက်ကျောဓါးထိုးနေရမှာလဲ။
ဒါမှမဟုတ်
ပစ္စက္ခပျက်လုံးများနဲ့
ငါတို့အားလုံး
နေညိုချိန်ညနေခင်းမှာ
မင်းလူရဲ့ ယမကာလုလင်လို
ဘာကြောင့်စားသုံးနေရမှာလဲ။
ဒါမှမဟုတ်
….. ….. ။
ဒါမှမဟုတ်
…..။
အလွမ်းကိုသီကုံးမယ်
လွမ်းတယ်…
အဖိနှိပ်ခံ လူထုကြီးကိုလွမ်းတယ်
အမေအိုကို လွမ်းတယ်
ညီမလေးကို လွမ်းတယ်
ချစ်သူကို လွမ်းတယ်
သူငယ်ချင်းကို လွမ်းတယ်
ငါတို့အားလုံး
နေညိုချိန်ညနေခင်းမှာ
ရင်ထဲက အနာတွေကိုထုဆစ်ပြီး
တမ်းတမ်းတတကို လွမ်းတယ်။
(အမှတ်မထင်တွေ့ဆုံခဲ့ရသော
ညနေခင်းများအား ပုံဖော်ရေးဖွဲ့သည်။)
(၇-၆-၀၇)
ခေတ်ပြိုင်...မှ
၁ / ၂၇ / ၃၀ .. မေလ
ကမာပုလဲ
ခုနှစ်စင်အလွမ်းတွေလည်း
စခန်းသိမ်းခွင့် မကြုံသေးဘူး။
ချစ်သူစစ်စစ်တွေနဲ့
မှတ်မထင် ဆုံကြတဲ့အခါ
သူစိမ်းဆံဆံ နေကြရ
ဒါလည်း
ဒို့ခေတ်ရဲ့ပြဋ္ဌာန်းချက်ပဲလေ။
ဘ၀ကို တန်ဖိုးရှိစွာဖွဲ့နွဲ့ဖို့
ယုံကြည်ခံယူချက်တွေသာ
ငါတို့ရဲ့ တဘ၀စာ အိပ်မက်
ချစ်လျက်နဲ့ ဆွံ့အသင့်သော အမူအရာများ
ဒါအရေးကြီးတဲ့ ဘာသာစကားပဲ။
ပါရီကျဆုံးခန်းမှာ
ဂျူးလိယက်ဖူးချစ်ရဲ့ အမေ
ဘယ်တော့မှ မသေ။ ။
(၂၅-၅-၀၇)
ခေတ်ပြိုင်...မှ
`လာလိုက် သွားလိုက်´
ပုရစ်
အသက်တွေက
ငယ်ငယ်လာလိုက်
ကြီးကြီးသွားလိုက်
ဆံပင်တွေက
တိုတိုသွားလိုက်
ရှည်ရှည်လာလိုက်
ဖြူဖြူလာလိုက်
မည်းမည်းသွားလိုက်။
မြက်ခင်းတွေက
စိမ်းစိမ်းလာလိုက်
ရော်ရော်သွားလိုက်
တောင်တွေက
ပေါ်ပေါ်လာလိုက်
ပျောက်ပျောက်သွားလိုက်။
ဘာထူးလဲ
မြို့တော်ကြီးလည်း
ဒီလိုပါပဲ
ပုလင်းခွံတွေ ပုံပုံလာတယ်
အချိုရည်တွေသာ
ကုန်ကုန်သွားတယ်။ ။
(၁၅-၅-၀၇)
ခေတ်ပြိုင်...မှ
လူဘွန်ဆိုင်း
တင်မိုးမြိုင်
ဘွန်ဆိုင်းဥယျာဉ်ထဲ
ငါရောက်သွားခဲ့။
အသက် ၄၀၊ ၅၀
အရွယ်မျိုးစုံ၊ အပင်မျိုးစုံ
ဘွန်ဆိုင်းပင်များ
သက်ကြီးပင်ပု
ဘွန်ဆိုင်းပင်များကိုကြည့်ရင်း
ငါကိုယ်တိုင်ဘွန်ဆိုင်းပင်ဖြစ်သွား။
ဘွန်ဆိုင်းဆိုတာ
အခက်အလက်မကြီးထွားရေး
ကိုင်းကိုဖြတ်တောက်
ကြီးထွားမှုကို ကြိုးသိုင်း
အသက်ရှင်ရုံလေး
ရေကိုအကန့်အသတ်နဲ့ပေး။
ငါတို့ဘ၀တွေ
အသက်မသေရုံ
ကြုံလှီကြီးရင့်
ဘွန်ဆိုင်းပင်တွေပဲမဟုတ်လား။ ။
ဘွန်ဆိုင်း (Bonsai)- အိုးငယ်နှင့်(အလှ)စိုက်သည့်သက်ကြီးပင်ပု။
(၁၁-၅-၀၇)
ခောတ်ပြိုင်...မှ
တစ္ဆေခေါ်သံ
နှင်းခါးမိုး
၁။
ရဲရဲတောက်ကြတုန်းကတော့
တခြိမ်းခြိမ်းနဲ့၊
ဂျုံးဂျုံးကျတော့လည်း
ကြူကြူကိုပါလို့။
တော်ပါတော့
နိဗာနတေးတွေ
သံဝေဂလင်္ကာတွေ
တကိုယ်တော်ထွက်ပြေးရေးကဗျာတွေ
ထွက်ပေါက်မဲ့အဘိဓမ္မာတွေ။
၂။
လမ်းဆုံးပြီထင်ရင်လည်း
တိုက်ပေါ်ကခုန်ချလိုက်ကြ
ရေထဲဆင်းသေကြ၊
စိတ်ကျရောဂါကိုတော့
နောက်ဆုံးပေါ်ဖက်ရှင်လိုလို
ပွဲနေပွဲထိုင်မလုပ်ကြနဲ့။
၃။
လူသာလဲတယ်
လက်ကအလံကမလဲဘူး၊
အထကကျောင်းသူလေး
ညညတံခါးလာလာခေါက်တယ်။ ။
(၈-၅-၀၇)
ခေတ်ပြိုင်...မှ
အိပ်ပျက်ညများ
စိုးနေလင်း
အားလုံးနေမကောင်းကြဘူး
ဆူးဘယ်လောက် နက်နက်စူးခဲ့ကြပြီလဲ
ကြေကွဲပြီးရင်းကြေကွဲ
လဲနေသူ ထူမပေးနိုင်ကြတော့။
အပျော့ညံ့ဆုံး လှိုင်းလုံးတလုံးအတွက်တောင်
ဖောင်ကိုမဖျက်ရဲခဲ့ကြ
နေ့ရောညပါ ကျဆုံးသွားခဲ့ရပြီ။
ဒါကို … ဒဏ္ဍာရီတပုဒ်အဖြစ်
နှစ်မြှုပ်ပစ်လိုက်ကြတော့မှာလား
ပစ်လွှတ်ခဲ့တဲ့ မြားအစင်းပေါင်းများစွာမှာ
ဘ၀ကို လောင်စာထိုးပစ်ခဲ့ကြရ။
တကယ်တော့
ပါးနပ်လိမ္မာတယ်ဆိုပြီး
စည်းရိုးပေါ်လဲလျောင်း
ရာသီကောင်းကိုစောင့်စား
နဖားကြိုးမှာ မာနတက်နေသူတွေကြောင့်သာ။
ဒါနဲ့ပဲ
အိပ်မရခဲ့တာ
အနှစ်လေးဆယ်ကျော်ကြာခဲ့ပေါ့။ ။
(၁-၅-၀၇)
ခေတ်ပြိုင်...မှ
အချဉ်ဖောက်ထားတဲ့ကဗျာ
ရဲဝင့်သူ
“ဒါတကယ့် ပြဿနာ”
ငါမမွေးတဲ့ ငါ့ကိုယ်ငါ
ဘယ်မှာထားရမှန်းမသိ
ငါမပိုင်တဲ့ မနက်ဖြန်ကို
ဘယ်လိုကြိုရမှန်းမသိ
ငါထိန်းမရတဲ့ နှလုံးသားကို
ဘာကြွေးရမှန်းမသိ
ငါမမြင်ရတဲ့ လမ်းမပေါ်
ဘယ်ခြေလှမ်းရမှန်းမသိ
မသိ … လုံးဝမသိ
ဘယ်သူမှကို မသိ။
Black & White လောကထဲ
သူ့ကာလာငါရှာ၊ ငါ့ကာလာသူရှာ
ကာလာအကြောင်းငြင်းကြရင်း
Global Warming ကိစ္စကို
မီနီစကတ်တွေနဲ့ပဲ
လတ်တလောဖြေရှင်းလိုက်ရပြီ။
“မီးလောင်နေပြီ”
မီးတွေလောင်နေပြီ …
ရင်ဘတ်တွေထဲမှာ မျက်လုံးတွေထဲမှာ
ဟော့ဒီ ကမ္ဘာမြေကြီးထဲမှာ၊ ထမင်းပန်းကန်တွေထဲမှာ
နေရာတကာမှာ …
သမိုင်းအဆက်ဆက်ရှာနေကြတဲ့ကာလာတွေ
အဲ့ဒီမီးတွေထဲမှာ ….
ဘယ်တော့မှ မငြိမ်းတော့တဲ့ မီးတွေထဲမှာ
ကာလာစစ်စစ်တွေလေ။ ။
(၂၇-၄-၀၇)
ခေတ်ပြိုင်...မှ
တော်လှန်ရေးနေ့ တို့မမေ့
တင်မိုး
ပြည်သူတွေ အပေါင်း
လှည်းနေ လှေအောင်း
မြင်းဇောင်း မကျန်
ဖက်ဆစ်ရန် ဖက်ဆစ်အန္တရာယ်ကို
ဘယ်နည်းနဲ့ပဲ တော်လှန်ရ တော်လှန်ရ
ကျရာတာဝန် ညွှန်ရာအရပ်မှာ
စိတ်ဓာတ်ညီညီ လူညီညီနဲ့
ကြယ်နီရောင် အရုဏ်တက်မှာ
တခဲနက်တော်လှန်ခဲ့ကြတယ်။
တော်လှန်ရေးနေ့ကို
သွေးနဲ့မော်ကွန်းထိုးခဲ့ကြတယ်။
တော်လှန်ရေးနေ့ရဲ့
လေးနက်တဲ့ အဓိပ္ပာယ်ကို
ပျက်ပြယ်ရအောင်
ကြံဆောင် သရုပ်ဖော်ပြီး
ဖက်ဆစ်သံ စစ်မာန်ပေါက်အောင်
ကောက်ကျစ်ယုတ်မာစွာ လွှဲပြောင်း
သူရဲကောင်းစစ်ဝါဒကို
လက်နက်ပြ ရိုက်သွင်း
စစ်မင်းနဲ့ စစ်မြင်းတွေကို ဇာတ်လိုက်လုပ်
ပွဲထုတ် သရုပ်ဖျက်ခဲ့တယ်။
တော်လှန်ရေးနေ့ တို့မမေ့နိုင်
တပ်မတော်နေ့ ပြောင်းရွှေ့မခံနိုင်။
သမိုင်းမှာ နေရာလု
ပြည်သူ့အခန်းကို ပယ်ဖျောက်ဖို့
စစ်ထောက်လှမ်းရေးအဖွဲ့တွေရဲ့ အကြံဆိုးကို
ရိုက်ချိုးပစ်ရမယ်။
တပ်မတော်နေ့
တို့မေ့ … တို့မေ့ …။
တော်လှန်ရေးနေ့
တို့နေ့ … တို့နေ့…။ ။
(ကဗျာဆရာကြီးတင်မိုး၏ကဗျာကို “တော်လှန်ရေးနေ့” အမှတ်တရအဖြစ် ပြန်လည်ဖော်ပြပါသည်။)
(၂၇-၃-၀၇)
ခေတ်ပြိုင်
ကြိုးစားခြင်း
ငြိမ်းလူ
ခါးဆစ်ရိုးဖောင်းပွပွနဲ့
ကလေးတသိုက် …
ငိုက်မြည်းနေချိန်မတော့
သူတို့က မြို့ပြကို
တခုပ်တရ
ရှူကြ ရှိုက်ကြ
ဘလက်ကာယပြုခံရတဲ့
အလုပ်သမတဦးရဲ့
စ်ာပနက
ကျေးကျွန်ပြုသူတွေရဲ့
အာဟာရဖြစ်လေတော့
အရည်ပျော်စ
တိမ်တိုက်တွေက
နွေအကူးမှာ
ပုရစ်ဖူးတွေကို
ချွေချခဲ့တယ်။
သဘောတူညီချက်
စာချုပ်တွေရဲ့မျက်နှာဟာ
ဈေးပေါင်ကျ ငါးသည်နဲ့တူတယ်
ပုဇွန်ကိုငါးစားတော့
ပုဇွန်ငါးဖြစ်တယ်
အဲ့ဒီငါး လူစားတော့
လူပုဇွန်ငါးတဲ့။
သင်္ချာတွေလွယ်သလိုပဲ
နိုင်ငံရေးလည်းလွယ်လာတယ်
မြက်စားနေတဲ့နွားချိုဖျားမှာ
နားနေတဲ့ယင်ကောင်က
မြက်ပင်စိမ်းတွေကို
တိမ်းမူးအောင်ပြောတယ်
သူနားတာနဲ့ပဲ
ချိုသွေးထားတဲ့နွား
ဦးညွတ်သွားတယ်တဲ့
ဒါနဲ့ပဲ သနားပြီးပြန်အထမှာ
ညွှတ်သွားတဲ့ ခေါင်းဟာပြန်ကြွ။
ခပ်စုတ်စုတ်ပါမုန့်တချပ်နဲ့
ထမင်းကြမ်းခဲဟာ
လမ်းသရဲလို့အမည်တပ်တဲ့
ငယ်ငယ်က ကျော်ဟိန်းနဲ့တူလာတယ်။
မြက်စားတဲ့နွားတကောင်က
တွန်တဲ့အခါ
မင်းနားတာလည်းငါမသိ
ပြန်သွားတာလည်းငါမသိ
မင်းနဲ့တူတာရှိတယ်တဲ့
စီးပွားရေးပိတ်ဆို့မှုမှာ
သဘောတူ၏ မတူ၏တဲ့။ ။
(၂၇-၃-၀၇)
ခေတ်ပြိုင်...မှ
ကြားလူ
ငြိမ်းလူ
အပြာရောင်သံတံခါးတွေရဲ့
ဟိုဘက်မှာ
မီးခိုးမထွက်တဲ့
အပ်ချုပ်စက်တွေတန်းစီထားတယ်
ခြေလှုပ်လက်လှုပ်
ထမင်းတလုပ်ဟာ
စပ်ကြောင်းနှစ်ခုကြားက အပ်သွားလိုပဲ မြန်တယ်
တရားရုံးတက်တဲ့
လျော်ကြေးငွေရရေးမှာ
တချို့အသက်တွေပေးရ
ကွေးတရို့ရောင်းတဲ့လူလည်း
သူဌေးခေါ်ရ
မနက်ခင်းပင်လယ်ပြင်အလှကို
အမှောင်တွေပဲကြီးစိုးစေတယ်။
ဒါနဲ့များ
အိုင်အယ်အိုရုံးတံခါးကို
စစ်သုံးဓားတွေနဲ့ထုဆစ်ခဲ့တာ
ကျုပ်ဖြင့်ဗျာ
တရားတွေအပ်နှံဖို့
ပုတ်သင်ညိုလောက်ရှိတဲ့
ကမ္ဘာ့မြေပုံထဲကမြို့မှာ
ကိုးရိုးကားရားနိုင်လှတဲ့
ကဗျာတပုဒ်ကို
လက်ဝါးအုပ်ရွတ်ဆိုခဲ့တာများလား။
ကုလားနဲ့တရုတ်ကြားက
စစ်အုပ်စုတန်းလျားမှာ
အာရေဗျပုံပြင်ထဲက
ကုလားအုပ် ခေါင်းလျှိုနေတာလား။
ဟိုမှာလည်း
သူကယ်နိုးနိုးနဲ့
ရယ်ပွဲတွေဆင်ခဲ့ကြ
ရာစုထက်ဝက်မကပါ
လှိုင်းကမောင်
သောင်ကကျမနဲ့
ကျန်နေခဲ့
ခရုတွေကိုပဲ
အဆင်တန်ဆာအဖြစ်
လည်မှာဆွဲကြပေလိမ့်မယ်။ ။
ကွေးတရို့ - ထိုင်းရိုးရာအစားအစာ
အိုင်အယ်အို (ILO) - အပြည်ပြည်ဆိုင်ရာအလုပ်သမားအဖွဲ့ချူပ်
(၁၃-၃-၀၇)
ခေတ်ပြိုင်...မှ
ဆိုခဲသောစကားတို့ဖြင့် သီဖွဲ့မြဲစေအပ်သော …..
ကမာပုလဲ
အလွဲမယူပါနဲ့
ဒါ …
အရွယ်နဲ့မမျှအောင် မျိုသိပ်ထိန်းချုပ်ထားတဲ့
လှလှပပ နေရာဒေသဖြစ်တယ်။
စမ်းချောင်းကလေးတွေကို ချစ်တယ်
ပန်းကလေးတွေကို အလေ့ကျ မွေးဖွားတယ်
သစ်ရွက်သေတွေကို တယုတယမြှုပ်နှံတယ်
သူတို့လက်ကြမ်းကြီးတွေနဲ့ ထက်မြ၀င်းပဓားတွေက
သူတို့အမျိုးရဲ့
ဇာတိ၊ ဓလေ့နဲ့ အစဉ်အလာကိုထိန်းသိမ်းတယ်
အသားမာတက်ခြေဖ၀ါးတွေက
သူတို့အမိမြေပေါ်မှာ နုရွကြွကြွ
သူတို့မရောက်တဲ့နေရာ မရှိသမျှပါဘဲ
ရေရှာပေးတဲ့ငါးကလေးတွေကို မစားဘူး
ရန်သူလာ အသံပေးတတ်တဲ့ ငှက်ကလေးတွေအတွက်လုံခြုံရာ
ဘ၀ကို အိပ်မက်နဲ့လက်ထပ်ထားတဲ့
ရိုးမြေကျ ချစ်သူ့နယ်မြေလည်းဖြစ်တယ် …။
အကြိမ်ကြိမ်အခါခါ ငိုကြွေးနေရပေမယ့်
လူရှေ့ သူရှေ့မှာ မျက်ရည်ကျမပြတတ်ဘူး
အခါခါဖန်တရာ မျက်ရည်ကျရပေမယ့်
အသနားခံမျက်နှာမျိုး မဖော်ပြတတ်ဘူး
ထိုအရပ်၌ မာရ်နတ်သည်
အပြစ်မဲ့သူတို့ နှလုံးသွေးနဲ့
ခြေဆေးပျော်ပါးနေသော်ငြား
ကျမ်းစာလာ ထာဝရဘုရားသခင်ရဲ့မေတ္တာတော်မျိုးဟာ
(ဘုရားသခင်ဆိုတာ ရှိသည်ဖြစ်စေ၊ မရှိသည်ဖြစ်စေ
ကြားသည်ဖြစ်စေ၊ မကြားသည်ဖြစ်စေ
ဒါမှမဟုတ်
ကိုယ်တော်ကိုယ်တိုင် သိသည်ဖြစ်စေ၊ မသိသည်ဖြစ်စေ)
သူတို့နှလုံးသားထဲမှာ ထာဝရကိန်းဝပ်နေတယ် …။
ချစ်သူတွေအကျိုးအတွက်
မိမိအသက်ကိုစွန့်သော မေတ္တာတရားထက်
သာ၍မြတ်သော မေတ္တာတရားသည်မရှိ … တဲ့
ရှင်ယောဟန် ခရစ်ဝင်ကျမ်းရဲ့အဆို
သူတို့ဆီမှာ မျက်မြင်ဒိဋ္ဌတွေ့လိုက်ရတဲ့အခါ
သည့်ထက်လှတဲ့အလှ
ဘ၀မှာ ရှာမတွေ့နိုင်ခဲ့ဘူး
ဒီလိုနဲ့
ကျွန်းတွေအခါခါပွင့်ခဲ့
မြစ်ချောင်းကလေးရဲ့ မိုးမခပင်တွေကတောင်
မတွေ့ရမမြင်နိုင်အောင်ဖြစ်ရတဲ့အဖြစ်
…………. ချစ်တယ်။
နှစ်နှစ်ကာကာချစ်ရခြင်းတွေနဲ့
တောင်ပေါ်မိုးစက်ပွင့်ကလေးတွေက
သူတို့ဘ၀ကို တခန်းရပ်သွားရတဲ့အခါ
ယဉ်ယဉ်ကျေးကျေးလှပလာတဲ့ မြစ်ချောင်းကလေးတွေက
ခရုကလေးတွေကို လက်ဆောင်အဖြစ်ပေးတယ်
မျှစ်ပြန်ကလေးတွေကို အမောတကောချိုးပြီး
တောင်ယာဆန် တာလပေါဟင်းနဲ့
ငါးပိစိမ်းစားထောင်းကို လွေးလိုက်ရတဲ့အခါ
ဇာတိမြေနဲ့ အမေ့ကိုသတိရ
နှစ်တွေ ကမ္ဘာချီအမှတ်ရနေတော့မှာပဲ …။
ဖီးနစ်လို့ခေါ်တဲ့
ပြာကျပြီးမှရှင်ရတဲ့ ဒဏ္ဍာရီငှက်တွေလို
ဟောဒီတောင်တန်းကြီးတွေရဲ့အသက်ဟာ
နွေရာသီတောမီးတွေရဲ့ ၀ါးမျိုမှုအောက်
မျိုးစေ့ကလေးတွေ အညှောင့်ပေါက်လာတယ်
ပြီးတော့
ပုတတ်စာတွေပွင့်ပြတယ်
ရွက်နုကလေးတွေဆို စိမ်းလို့မြလို့
သူတို့ရင်မှာ နားခိုရင်း
သူတို့ကို စိမ်းကားဥပေက္ခာပြုသွားတဲ့
မမြဲခြင်းတိမ်တိုက်တွေကို ခွင့်လွှတ်ပြနိုင်ခဲ့တယ် …။
သူတို့ဟာ
ကျေးဇူးတရားကို
(ဖြစ်နိုင်ရင်)
အချိန်နဲ့အမျှပွားများတယ်
ဟန်ဆောင်ပန်ဆောင် နှုတ်ခမ်းကလေးတွေလှုပ်ပြနေတာမဟုတ်
ရင်ထဲအသည်းထဲကဆိုတာ
လက်ကလေးတွေက ဖော်ပြတယ်
ခြေလှမ်းတိုင်းမှာ မြင်နိုင်တယ်
မျက်ဝန်းမှာ မှတ်ကျောက်တင်ထားတယ်
တကယ်လို့
ရိုးသားမှုဟာ စစ်မှန်ခဲ့ရင်
ဧည့်သည်တယောက်ရဲ့မျက်လုံးအမှိတ်မှာ
နှစ်နှစ်ခြိုက်ခြိုက် သူအိပ်နိုင်တယ်
နံနက်ခင်းဟာ
သူတို့စေတနာ၊ သူတို့တာဝန်သိမှုတွေနဲ့
နိုးထရှင်သန်နေကြမြဲ …။
အစော်ကားခံရသော လူသားတို့၏အောင်ပွဲကို
လူ့သမိုင်းက စိတ်ရှည်စွာစောင့်ဆိုင်းနေရ၏။
(ရာဘင်ဒြာနတ်တဂိုး၏ ငှက်တေလေ)
မိခင်က ရင်သွေးကို
မပီကလာ ပီကလာအရွယ်မှစလို့
ဈာပနသီချင်းကိုဆိုပြ
လရောင်အောက်က အပျို၊ လူပျို ခေါင်ရည်ချိုမြ၀ိုင်းတွေမှာ
တောင်ယာကောက်သစ်စားပွဲမှာ
နွေနေအောက်မှာ ကျွန်းခွေတဲ့အခါ
စပါးမျိုးစေ့ကို စုပေါင်းဆူးထိုး စိုက်ပျိုးချိန်မှာ
နေ့နေ့ညည ဂစ်တာတီးဝိုင်းကလေးတွေမှာ
အဲဒီသီချင်းဟာ ထာဝရဖြစ်လာတယ်
မြင်ယောင်တယ်
သေခြင်းတရားခမျာ
သူတို့တေးသွားတွေရဲ့ ရှင်သန်နေမှုအောက်
ချောက်ချောက်ချားချား ကျဆုံးနေပုံကို …။
ရင့်ရော်ပြောင်းလဲနေတဲ့ရာသီတွေနဲ့
မလွဲမသွေရင်ဆိုင်လာရတဲ့ ဆုံစည်းမှုသင်္ခါရတရားအတိုင်း
ချစ်သူတွေနဲ့ ကွေကွင်းသွားရတဲ့အခါ ခံစားရတဲ့ဒုက္ခ
သူတို့လည်းထပ်တူကြေကွဲနေကြမှာပါ …
တစိတ်တပိုင်းကနေ ဆုတ်ခွာလာရတိုင်း
တစုံလုံးအပေါ်မှာ ကျေးဇူးမမဲ့သင့်ဘူး
သခင်ယေရှုအတွက်တောင် ယုဒရှိခဲ့ရင်
သူတို့မှာလည်း သစ္စာဖောက်ဆိုတာရှိမှာပဲ
သေချာတာက
မနက်ဖြန်ဆိုတာ သစ္စာမဲ့သူတွေရဲ့ခေတ် မဟုတ်ဘူး …။
မင်းသားကြီး ကိုမြတ်လေးရဲ့
ပန်းတိုင်းပွင့်ပါစေ သီချင်းထဲကလို
မညီညာမပြေပြစ်တဲ့ဘ၀တွေ
တနေ့မှာတသားတည်း ဖြစ်လာမယ်
စက်ရုံတွေထဲကလက်နဲ့ စိုက်ခင်းပျိုးခင်းတွေထဲကလက်
ပေါင်းယှက်သွေးစည်းညီညွတ်သွားကြတဲ့အခါ
အရာရာဟာ
ဆရာဒဂုန်တာရာရဲ့ ငြိမ်းချမ်းရေးရုပ်ပုံလွှာကို
မွေးဖွားသန့်စင်လာလိမ့်မယ်
ခုတော့ … တောင်တန်းဒေသရဲ့
မောင့်ဂန္ထ၀င်နှင်းဆီမရေ
ဦးမညွှတ်သော တိုက်ပွဲတွေနဲ့အတူ …. လွမ်းရစ်နေဦးတော့။ ။
(၂-၃-၀၇)
ခေတ်ပြိုင်...မှ
လူမဟုတ်တဲ့ လူ
ဒီလက်မျိုး
တခါတခါ
ကောင်းကင်ကိုမော့ကြည့်မိတော့
အလွမ်းချည်းပဲ ရွာချတယ်။
လူဖြစ်ခဲ့ရတဲ့ ၃၄ နှစ်မှာ
ဘ၀ကကြမ်းတယ်။
လက်ဖက်ရည်တခွက်ထက် မချိုမြိန်သောလွတ်လပ်ခြင်းမှာ
သေခြင်းတရားကို ခေါင်းအုံးအိပ်တယ်။
မာရာဒိုနာကန်တဲ့
ဘောလုံးကန်ဖိနပ်တစုံကို
ဒေါ်လာသန်း (၅၀) လောက်တန်နေချိန်မှာ
မြန်မာပြည်မှာ
လူပေါင်းသန်း (၅၀) ငတ်နေခဲ့တယ်။
ကလေးတွေလည်း မပျော်ရွှင်ဘူး
လူကြီးတွေလည်း မချမ်းမြေ့ဘူး
သံဃာတွေလည်း သီလမမြဲဘူး။
တကယ်တမ်းပြန်တွေးကြည့်တော့
ဒီလိုခေတ်မှာ
လူလာဖြစ်ရတာလည်း
လူမဟုတ်တော့ဘူး။ ။
(၂၇-၂-၀၇)
ခေတ်ပြိုင်
ဝတ်ဖြည့်ကဗျာ
ခွန်ဆိုင်း
ရင်ကွဲနာဆိုတာ ဆေးပညာမပေါ်ခင်ကတည်းက
ရှိနှင့်ခဲ့တဲ့ကိစ္စပဲ
ဆရာဝန်ဆိုတာက ရင်ဘတ်အောင့်ရင်
စိုးရိမ်မယ်၊ အမည်တပ်ဖို့ကြိုးစားမယ်
ကဗျာဆရာကျတော့ ရင်ဘတ်အောင့်ရင်
ကဗျာပင်တွေကိုစိုက်တယ်
ပွင့်လာတဲ့ပန်းကလေးတွေကို ကြဲဖြန့်တယ်လေ။
ဒီလိုနဲ့ ဒီလမ်းကြောင်းပေါ်မှာ
နှလုံးသားတွေချခင်း
နှလုံးသားဒဏ်ရာတွေ အကြိမ်ကြိမ်ရကြရင်းက
ရင်တွေလည်း အခါခါကွဲ လဲကျလဲကျသွားခဲ့ကြရတာ
အဘသော်၊ အဘတော်
ဗိုလ်စက်ရောင်၊ အောင်မေသုမှသည်
ကဗျာဆရာကြည်တင်ဦး
အေဘီတပ်ဦးက ကဗျာဓားတလက် ကိုထက်မိုး
သမဂ္ဂကြယ်စင်တစင်း ကိုသက်ဝင်းအောင်
နောင်တော်တွေ နောင်တော်တွေ
ညီတော်တွေ ညီတော်တွေများစွာ
ရင်နာနာနဲ့ အလေးပြုခဲ့ကြရ
ဒီတခါတော့
ဆရာပေါ့နော်။
ကျနော်သိပါတယ်ဆရာ
ထီးကလေးနဲ့မနီ
ဖန်မီးအိမ်အောက်က ကလေးတွေကိုမှ
အချစ်ပိုတတ်တဲ့ဆရာဟာ
ကိုယ့်မြေ ကိုယ့်ရေ ကိုယ့်အမွေကိုမှ
ရိုသေမြတ်နိုး တန်ဖိုးထားချစ်တတ်တဲ့ဆရာဟာ
ထာဝရရိုးရှင်း
ပုန်းရည်ဟင်းနဲ့ပဲနှပ်
အညာဓာတ် အညာဓလေ့ အညာငွေ့တွေကိုမှ
အောက်မေ့တမ်းတတတ်တဲ့ဆရာဟာ
သူများမြေမှာ ဘယ်လာခေါင်းချချင်ပါ့မလဲ။
ရင်ထဲကလာတဲ့အတိုင်း ကဗျာတွေကိုရေး
ရန်သူကပေးတဲ့ပြစ်ဒဏ်ခံရဲခဲ့တာ
လေးစားရမှာပါဆရာ
ဦးညွှတ်လိုက်ပါတယ်ဆရာ
စေတနာဟာ ကံပဲ
ဆရာလည်း ဗုဒ္ဓဘာသာ၊ ကျနော်တို့လည်း ဗုဒ္ဓဘာသာ
ကောင်းမှုကံတွေရဲ့ ကတိက မြဲပြီးသားဆိုတာ
ကံမြဲရွာသား ဆရာတယောက်သိခဲ့ပြီးသားပါ။
ဟောဒီရွာ ဟောဒီအညာ ဟောဒီကမ္ဘာမှာ
ဆရာချခဲ့တဲ့မျိုးစေ့တွေက ကွင်းလုံးပြည့်လို့
ရောင်စုံပန်းတွေက ရနံ့စုံထုံသင်းလို့
ဝင်းလို့ လင်းလို့ ၀င့်လို့ တင့်လို့ နေတော့မှာ
ဒီကဗျာနဲ့ ၀တ်ဖြည့်လိုက်ပါတယ်ဆရာ။ ။
(၂၃-၂-၀၇)
ခေတ်ပြိုင်...မှ
ဆယ်စုလွန်စစ်တမ်း
YMO
ငါတို့တတွေ လေထဲမှာ
အိမ်ဆောက်မိခဲ့ပြီလား
ပုံပြင်ထဲက တရုတ်လက်သမားလို
တံတွေးဆွတ်မှတ်ခဲ့မိလို့
ဆယ်စုလွန်အိပ်မက်ထဲမှာ
ဆားမပါတဲ့ ဟင်းချိုသောက်တာ
များလွန်းခဲ့ပြီ
နွေဦးလေအဝှေ့မှာ
နှင်းဆီကြွေတချို့လည်း
ကြွေမွလွင့်စင်
တချို့ပစ္စုပ္ပန်တွေပျောက်
တချို့သံတိုင်အုတ်တံတိုင်းတွေနောက်မှာ
အနာဂတ်တွေ တောင်ရောက်မြောက်ရောက်
တချို့အတ္တတွေပွေ့ဖက်ရင်း
တတိယနိုင်ငံအိပ်မက်မက်ကြ
တချို့အကြောက်တရားတွေပွေ့ဖက်ရင်း
လှောင်အိမ်ထဲက မိခင်ကို
ဧရာဝတီလိုစီးဆင်းစေချင်ကြတယ်။
နယူတန်ရဲ့ နိယာမကို
သတိတရရှိနေမယ်ဆိုရင်
သက်ရောက်မှုတိုင်းမှာ
တန်ပြန်သက်ရောက်သတဲ့
အဲ့ဒီလိုပဲ
ဘ၀ဆိုတာကိုပေးမှ
ဘ၀ဆိုတာရမယ်။ ။
(၂၀-၂-၀၇)
ခေတ်ပြိုင်...မှ
ရိုးပြတ်မွေးနေ့
AMT
ခြုံစောင်ပါးပါး
ဆောင်းညထူထူ
ကမ္ဘာကြီး ပူနွေးလာတယ်ဆိုတာ
ရေဒီယိုလေးက ယုံတယ်
ဒုက္ခသည်စခန်းက မယုံဘူး
ညားခါစ ငါ့သူငယ်ချင်းစုံတွဲက ပိုမယုံဘူး ….
“သောမတ်စ် ဖရိုက်မင်း” ရဲ့အပြောအရ
ကမ္ဘာပြားပြီတဲ့
မြန်မာ့အရေးမှာ
ကမ္ဘာကြီးမကျော်နိုင်ခဲ့တဲ့တောင်တွေက
အမျိုးသားအကျိုးစီးပွားကိုပြောကြရဲ့ ….
ပြောကြသလို
ကမ္ဘာကြီးက ရွာကြီးတရွာလား
ဒါဆို ….
ဒုက္ခသည်စခန်းဆုံးရင် ရွာတွေ့မယ်ထင်ပ …..
အားနာနေတယ် ကမ္ဘာလောက
ဂိုးပေါက်ကသိပ်ကျယ်နေတော့
လောကဓံရဲ့ သွင်းဂိုးတိုင်း မလှမပ ….
နွေသုံးဆယ်
မိုးသုံးဆယ်
စိုက်ထူလိုသမျှကပဲ
တွင်းဝင်မဖြောင့်ခဲ့သလား
ဆောင်းညမွန်းတည့်ကြီးကပဲ
စောင်းရွဲ့နေရော့သလား
အနှစ် (၃၀) ပြည့်မြစ်ကျဉ်းတနေရာမှာ
ငါ့အရိုးအိုး မျောလို့နေရဲ့……..။
(၁၆-၂-၀၇)
ခောတ်ပြိုင်
သက်ပြင်းချပြီးရေးတဲ့ကဗျာ
ရဲဝင့်သူ
ဒီအစိမ်းပုပ်ရောင် မြစ်သေထဲ
အနက်ရောင် အတ္တဆီချေးတွေ
ဟန်ပါပါပေါလောပေါ်နေရဲ့
ကယ်သူမဲ့လက်တွေ မြုပ်လိုက်ပေါ်လိုက်
ကြောက်ရွံ့အော်သံတွေသက်သက်နဲ့
ခပ်ညံ့ညံ့ယိမ်းကနေသလို
ခေါင်းငုံ့လက်အုပ်မိုးပြီး
မြက်တဆုပ်ကိုင်ရရေး
ဟုတ်ကဲ့ … မင်္ဂလာပါ…
ရွှေကြယ်ပွင့်ပိုင်ရှင်အတ္တပေါများ
နှလုံးသားတွေပေါ် ပြောင်လက်ရှူးဖိနပ်နဲ့
ကုလားထိုင်များဆီ နင်းလျှောက်သွားနေကြ
Coke သောက် ဟမ်ဘာဂါစားသူနေသူများ
Hiphop သီချင်းနဲ့ လီဘာပုတ်ပြီး
“အားလုံးကောင်းပါတယ်”
ကြယ်မမြင်လမ်းမကြီးထက်
မီးကြီးထိုးသူထိုး မီးသေးထိုးသူထိုး
ကိုယ့်မီးနဲ့ကိုယ် …
မီးအိမ်သာရှိသူအများ
အမှောင် တောင်မှန်းမြောက်မှန်းမသိ
တလမ်း သွားလမ်းမကြီးထက်
တောနိယမနဲ့ ခရီးဆက်
အမည်းတွေဖြူ အဖြူတွေမည်း
ဒီခေတ်ကြီးထဲ ငါတခုပဲတောင့်တ
အနားသတ်မရှိတဲ့ခြေလှမ်းတွေ …။ ။
(၆-၂-၀၇)
ခေတ်ပြိုင်...မှ
အဇ္ဈတ္တအစီရင်ခံစာ
လူမွှေး
အလွမ်းတွေပေါင်းထူလွန်းတဲ့ ယာခင်းပါကွဲ့။
အမုန်းတွေ ဒဏ်ရာတွေကိုသာ
တသက်တာ စားသုံးခဲ့ရသူဖြစ်လို့မို့
ကိုယ့်ဝတ်စုံဟာ အနီရောင်ဖြစ်ခဲ့တယ်။
(ဒါပေမယ့် အနီရောင်ဟာ
ကိုယ့်ဒဏ်ရာဒဏ်ချက်တွေထဲက
စိမ့်ထွက်လာတဲ့ သွေးတွေပါကွယ်။)
အချစ်ရယ် …
တကယ့် တကယ် ကိုယ်ချစ်တာက … အပြာ။
အရှေ့အလယ်ပိုင်းက သေနတ်သံတွေကြားယောင်
ကိုယ့်နိုင်ငံ တောင်ယာထဲက သွေးတွေကိုမြင်ယောင်
ကိုယ့်ရင်ထဲက အမှန်တကယ်အတ္တတွေကို
ယောင်လို့တောင် ဖော်ပြခွင့်မရခဲ့။
နေစကြ၀ဠာအဖွဲ့အစည်းထဲက
သက်ရှိတွေနေတဲ့ ကမ္ဘာဂြိုဟ်တဲ့လား
မီးခိုးမဆုံး၊ မိုးမဆုံး၊ ယမ်းငွေ့တွေဖုံးလွှမ်း
စိတ်ငြိမ်းချမ်းရာ ငတ်မွတ်ခေါင်းပါးရပ်ဝန်း။
တိရစ္ဆာန်က တိရစ္ဆာန်ကိုသတ်
တိရစ္ဆာန်က လူကိုသတ်
လူက တိရစ္ဆာန်ကိုသတ်
လူက လူကိုသတ်
ကမ္ဘာကြီးလုံးတယ်ဆိုတာ
ဒါကိုများ ပြောတာလား။
လတ္တီတွဒ်၊ လောင်ဂျီတွဒ်တွေနဲ့
ထိန်းခတ်ခံထားရတဲ့ အကျဉ်းသားတွေပါကွယ်။
ကိုယ်တိုင်မှာကလည်း
အနေမှန် အရေပြားတွေအောက်က
ဧကန်တရားတွေ ထူးခတ်ခံထားရတဲ့ အကျဉ်းသား
အခိုးအငွေ့တွေ များလွန်းလို့ထင်ရဲ့
အိုဇုံးလွှာ ပေါက်ပြဲသွားရတယ်တဲ့
ကူးစက်ရောဂါတွေ ထင်တာထက်များပြားနေတယ်။
နှစ်ဆယ့်တစ်ရာစုမှာ
ရေရှားပါးမှုအန္တရာယ်ရှိသတဲ့
ရင်တွေပူလိုက်တာ။
အလွမ်းတွေပေါင်းထူလွန်းတဲ့ယာခင်းပါ
ဗုံးပေါက်ကွဲသံတွေနဲ့ ခြားနားစွာ
ချစ်ရသူတွေရဲ့ ရင်ခုန်သံကို ကြားနာချင်တယ်။
အချစ်ရယ် …
တကယ့် တကယ် ကိုယ်ချစ်တာက … အပြာ။ ။
(၂-၂-၀၇)
ခေတ်ပြိုင်...မှ
တို့ခေတ်ကျမှညံ့ကြတော့မှာလား...
