ပင်ညဲရိုးလာပြန်ပြီ
ဂမ်ဘာရီပြန်ပြန်ပြီ
မင်းကိုနိုင်ရေ
လာရင်လာတယ်လို့မှတ်
ပြန်ရင်ပြန်တယ်လို့မှတ်။
ရဲဘော်တို့ရေ
ငါတို့ရဲ့ မေတ္တာစမ်းတွေမခမ်းသမျှ
ခြေလှမ်းတွေလှမ်းနေသမျှ
ပန်းတိုင်ဟာ နီးနီးလာမှာမုချ
လမ်းမတွေကတော့
ထုံးစံအတိုင်းစိုလိုက်ခြောက်လိုက်ပေါ့။
အဓမ္မ၀ါဒီတို့ရေ
မိစ္ဆာတို့သွားရာလမ်းကို
ဆဒမ်ဟူစိန်ကညွှန်ပြခဲ့ပြီ။
အဲဒီ အမှောင်ခါးခါးကြီးကို
ငါတို့မျိုချလိုက်နိုင်တဲ့အခါ
ဝဋ္ဋ်ကိုနောက်ဘ၀ထိစောင့်စရာမလိုတော့ပါဘူး။
ငရဲကြီးရှစ်ထပ်မှာလည်းမင်းတို့အတွက်
နေစရာတွေကအဆင်သင့်ပြင်ပြီးသား။
ကိုယ့်လူတို့ရေ
စင်ပေါ်က မင်းသားခေါင်းလေးဆောင်းပြလိုက်တာနဲ့
အဲဒီလိုဖင်တကြွကြွဖြစ်မနေပါနဲ့။
၈၈ အစ ဒီပဲယင်းအလယ် ၂၀၀၇ အဆုံး
နောက်ဘာတွေဖြစ်လာအုံးမလဲ
အရုဏ်ဦးဆိုတာ ရင်နဲ့ပျိုးယူရတယ်။
မြတ်သစ်(dawn)
Tuesday 27 November 2007
အရုဏ်ဦးဆိုတာ ရင်နဲ့ပျိုးယူရတယ်
Subscribe to:
Post Comments (Atom)
No comments:
Post a Comment