စိုးနေလင်း(၂၆-၁-၀၇)
ခေတ်ပြိုင်...မှ
အချိန်က - လူဝတ်လဲထားတဲ့ စစ်အာဏာရှင် လက်အောက် ကျနော်တို့ ကျရောက်နေတဲ့ အချိန်
နေရာက - ၃၃ လမ်း၊ ရွှေကြည်အေး လက်ဖက်ရည်ဆိုင်၊ ရန်ကုန်
ဆရာ့ကို မိတ်ဆွေကဗျာဆရာ စာရေးဆရာ ကြီးငယ်တွေနဲ့ စကားစမြည်ပြောဆိုနေတာ ကို မကြာခဏ တွေ့တွေ့နေရတယ်နော် ဆရာ၊ ဆရာတို့က တ၀ိုင်း ကျနော်တို့လူငယ် ကဗျာရေးသမားတွေကတ၀ိုင်း ခပ်လှမ်း လှမ်းက လှမ်းပြီး လေးစားကြည်ညိုအားကျ ခဲ့တဲ့အချိန်၊ “ဲဒါ ဆရာတင်မိုးလေ” ဆိုပြီး ကိုယ့်ထက်ပိုပြီး စာပေနယ်နဲ့ရင်းနှီးထိစပ်တဲ့ မိတ်ဆွေတယောက်က ခပ်တိုးတိုး အသိပေးလိုက်တယ်ဆိုရင်ပဲ “သြ ဆရာတင်မိုး ကိုး” ဆိုပြီး တငေးတမော ကြည့်လို့အားမရနိုင်ခဲ့တဲ့အချိန်။
ဆရာက တကယ့်ပီဘိ တောသူတောင်သား လူရိုးလူကောင်းကြီးတယောက်ဆိုတာ ထင်းခနဲလင်းခနဲ မြင်သာထင်ရှားပါတယ်။ တိုးတိုးတချို့ ကျယ်ကျယ်တချို့ ပြောလိုက် တဟားဟားရယ်မောလိုက်နဲ့ ဆရာဟာ သိပ်ပြီး ပေါ့ပါးလန်းဆန်းနေပုံပါပဲ။
ကျနော်ဆရာ့ကိုသိတယ်၊ လေးစားချစ်ခင်တယ်။ ကျနော့်ကိုတော့ ဆရာမသိနိုင်ဘူးပေါ့ဆရာရယ်။
ဒီလိုနဲ့ပဲ…
“ဖက်ဆစ်အောင်ပွဲ”
၁၉၄၅ မတ်လ
ပြည်သူတွေကတော်လှန်
ဖက်ဆစ်စနစ်ဆိုးနဲ့ဂျပန်
ဖက်ဆစ်တွေကျဆုံး
ပြည်သူတွေအားလုံးအောင်ပွဲခံ။
၁၉၈၉ မတ်လ
ပြည်သူတွေရင်ဝမှာ
သွေးစတွေပေကျံ
မြန်မာမျိုးချစ်ဆိုတဲ့
ဖက်ဆစ်စစ်တပ်ကဖိနှိပ်
တိရစ္ဆာန်လိုသဘောထား
ပြည်သူအများက အညှဉ်းဆဲခံ
ဖက်ဆစ်အားလုံး
လက်ရုံးဆန့်တန်း
အခမ်းအနားနဲ့အောင်ပွဲခံ
စစ်သံ စစ်မာန် စစ်အလံ
အဲဒါ မြန်မာနိုင်ငံ။ ။
တင်မိုး
(၂၇-မတ်-၁၉၉၉)
အချိန်က - ဆရာတို့ ကျနော်တို့နဲ့ ကျနော်တုိ့ပြည်သူတွေအားလုံး အမျိုးသားဖက်ဆစ်စနစ်အောက် ကျရောက်ခဲ့တဲ့အချိန်ပေါ့ဆရာရယ်။
နေရာက - ကန်တော်လေး (၁၀၁) လမ်း၊ အိပ်မက်ဖူးမဂ္ဂဇင်းတိုက်၊ ရန်ကုန်
ဆရာနဲ့ ကျနော်တို့ကို အိပ်မက်ဖူးမဂ္ဂဇင်းအယ်ဒီတာတွေဖြစ်တဲ့ မောင်သာချိုနဲ့ ခင်လွန်းတို့က မိတ်ဆက် ပေးတော့ ဆရာက ပြုံးပြုံးကြီးနဲ့ အားရ၀မ်းသာ လက်ဆွဲနှုတ်ဆက်ခဲ့တဲ့အချိန်မှာ ကျနော်ဝမ်းသာဂုဏ်ယူ ရပါတယ် ဆရာရယ်။ ကျနော်တို့ငယ်ငယ်က ကြိုက်နှစ်သက်ခဲ့တဲ့ကဗျာလေးတွေ ရေးစပ်ခဲ့တဲ့ ကဗျာ ဆရာကြီး၊ ကျနော်လေးစားကြည်ညို ခင်မင်ချစ်ခင်တဲ့ ကဗျာဆရာကြီးနဲ့ သိကျွမ်းခင်မင်ရပြီမဟုတ်လား ဆရာ။
အဲဒီတုန်းက ဆရာနဲ့ အခြားဆရာကြီးတချို့ ပါလာသေးပေမယ့် ကွယ်လွန်သူ ဆရာလင်းယုန်မောင်မောင် တယောက်ကိုပဲ ကျနော်အမှတ်ရတော့တယ်ဆရာ။ အဲဒီအချိန်က ကျနော့်မှာလည်း ကျနော့်အရေးနဲ့ ကျနော်၊ ကျနော့်သောကနဲ့ ကျနော် ဖြစ်နေခဲ့ရတယ်လေ။ ဆရာနဲ့ ပထမဦးဆုံးသိကျွမ်းမိတ်ဆွေဖြစ်ခဲ့ရတဲ့ အဲဒီအချိန်မှာ အမှတ်ရစရာလေးတခုလည်း ဖြစ်ခဲ့ရတယ်နော် ဆရာ။ အဲဒီအချိန်မှာ အိပ်မက်ဖူးမဂ္ဂဇင်းမှာ နေ့ရောညပါလာပြီး ကူညီလုပ်ကိုင်ပေးနေတဲ့ ကဗျာဆရာ နေဇော်နိုင်ကလေးလည်း ရှိနေတယ်လေဆရာ။ ဆရာတို့တိုက်ပေါ်မှာရှိနေတုန်း သူက အောက်ထပ်ကပြေးတက်လာပြီး ကျနော့်ကို မျက်ရိပ်မျက်ခြည်ပြ တိုက်ခန်းနောက်ဘက်ခေါ်ပြီး “ဆရာဂျမ်းကိုပဲလား အစ်ကိုတို့ကိုပဲလားတော့ မသိဘူး၊ အောက်မှာတော့
MI တွေလာပြီး စောင့်ကြည့်နေပြီအစ်ကို” လို့ လာပြီး အထိတ်တလန့် သတိပေးခဲ့တယ် ဆရာ။ သူက စစ်သားလူထွက်ဆိုတော့ လူတွေရဲ့ပုံပန်းကိုကြည့်လိုက်တာနဲ့ သိနေတာပေါ့ဆရာရယ်။ ဆရာတို့လူကြီး တွေကတော့ ပြောလားဆိုလား ရယ်လားမောလားဆိုတော့ သတိတောင်ထားမိပုံမရပါဘူး။ နောက်ဘာမှ သိပ်မကြာခင်မှာဘဲ ကျနော်က ဆိပ်ဖလူးနံ့သင်းပျံတဲ့ ဘ၀တက္ကသိုလ်ကို ရောက်သွားခဲ့ရတော့ ဆရာနဲ့ နောက်ထပ်ဆုံစည်းခွင့်မရခဲ့တော့ဘဲ ဆရာ့ရဲ့တက်ကြွတဲ့ ဒီမိုကရေစီရေးလှုပ်ရှားမှုသတင်းတွေ၊ ကဗျာ သီချင်းတွေနဲ့ လူထုကြားဆင်းပြီး အမျိုးသားဒီမိုကရေစီအဖွဲ့ချုပ်အောင်ပွဲရရေးအတွက် စည်းရုံးလှုံ့ဆော် မှုတွေကိုပဲ တဆင့်စကား တဆင့်နားနဲ့ပဲ ကြားသိခွင့်ရခဲ့တော့တယ်ဆရာ။ ဆရာနဲ့ ရဲဘော်ရဲဘက် ကဗျာဆရာ၊ စာရေးဆရာတွေရဲ့ မှန်ကန်ရဲရင့်တဲ့ရပ်တည်ချက်နဲ့ အရည်အချင်းပြည့်ဝတဲ့ စည်းရုံးရေး ခရီးစဉ်တွေရဲ့ အောင်မြင်မှုတွေအတွက် ကျနော်တို့ မမြင်ကွယ်ရာကဘဲ ၀မ်းသာပီတိဖြစ်ခဲ့ရပါတယ်။ ကျနော် ဆရာ့ရဲ့ ကဗျာရွတ်သံကို စိတ်ထဲကကြားယောင်ရင်း တကယ်ပဲလွမ်းခဲ့ရပါတယ် ဆရာ။
အချိန်က - ၂၀၀၆ ခု၊ စစ်အာဏာရှင်စနစ်အောက် မြန်မာပြည်ကျရောက်နေဆဲ
နေရာက - ခေတ်ပြိုင်ဂျာနယ်တိုက်၊ ဘင်းခင်း၊ ဘန်ကောက်မြို့၊ ထိုင်းနိုင်ငံ
ကျနော်ထင်တာထက် ဆရာပိုပြီး ၀ဖြိုးလာသလို လှုပ်ရှားမှုတွေလေးလံနေသလိုပဲ၊ ကျနော့်ကိုလည်း ပြန်ပြောမှ တစွန်းတစပြန်အမှတ်ရသွားပြီး ပြုံးနေကျအပြုံးနဲ့ လက်ဆွဲနှုတ်ဆက်ပြီး “၀မ်းသာတယ်ဗျာ၊
ဝမ်းသာတယ်” လို့ တဖွဖွပြောနေခဲ့တယ်။ ဆရာက ကျနော်တို့တွေ့ဆုံပြီးနောက်ပိုင်း ဖြစ်ပုံတွေကိုိုပြန်ပြောပြ။ နောက် သူ့ရဲ့ ဆိပ်ဖလူးရနံ့ကာလနဲ့ ကျနော့်ရဲ့ဆိပ်ဖလူးရနံ့ကာလ အတွေ့အကြုံတွေ ဆုံခဲ့ရသူ တွေကို အပြန်အလှန် ကြေကွဲဆွတ်ပျံ့ကြ၊ နောက် ဆရာ့ရဲ့ နိုင်ငံရပ်ခြားအတွေ့အကြုံ ဒီမိုကရေစီရေး လှုပ်ရှားမှု၊ စာပေဟောပြောပွဲတွေအကြောင်း၊ တော်လှန်တိုးတက်သူတွေ ဖောက်ပြန်သူတွေအကြောင်း၊ နယ်စပ်ဒေသ ဒီမိုကရေစီအင်အားစုတွေအပေါ်ထားရှိတဲ့ ဆရာ့ရဲ့သံယောဇဉ်နဲ့ အတွေ့အကြုံတွေကို စီးကရက်တွေ တလိပ်ပြီးတလိပ်ဖွာရှိုက်ရင်း အားပါးတရပြန်ပြောပြနေတဲ့ ဆရာ့ရဲ့ပုံရိပ်လွှာဟာ ကျနော့် မျက်စိထဲမှာ ထင်ထင်ရှားရှား စွဲမြဲနေတုန်းပါပဲ ဆရာရယ်။
“လှည်းကျိုးစီးတဲ့ခရီး”
သက္ကရာဇ်အပုပ်အသိုးတွေကို
လှည်းကျိုးအောင်ထမ်းတင်ပြီး
ခယောင်းပြင်မှာ မောင်းနှင်ခဲ့တဲ့
မဟာခရီးကြမ်းကြီးမှာ။
နေရာကလေးတခုအတွက်
အလုအယက် အကန်အကျောက်
အိပ်ပေါက်နဲ့ ဖားကောက်ရသလို
ဟိုကယို သည်ကဖိတ်နဲ့
စိတ္တဇလူနာတွေ ပြည့်သိပ်လျက်နေ၏။
စမြိန်စာကလဲ
မြိန်စရာမရှိ။
သဲချောင်းလမ်းမှာ
လှည်းမောင်းတမ်းကစားနေရသလိုရှိ၏။
လှမ်းသာလှမ်းခဲ့ရ
ပန်းတိုင်ကဘယ်မှာမှန်းမသိ။
မသိခရီးမှာ
သတိကြီးကြီးထားဖို့လို၏။
ဖူးငုံလဲရှိ ဆူးချုံလဲရှိ။ ။
တင်မိုး
(၁၁၊ ဧပြီ၊ ၁၉၉၉)
မှန်ပါတယ်ဆရာ။ ဆရာ့ရဲ့ကဗျာလေးက ပီပီသသ၊ ထိထိရှရှ ရှိလှပါရဲ့။ ကျနော်ကတော့ ဆရာ့ရဲ့လှည်း ထဲမှာ ခရီးသည်အဖြစ် ဆက်ပြီးစီးနင်းလို့ နေတုန်းပေါ့ဆရာ။ ဒါပေမယ့် တနေ့နေ့မှာတော့ အမိနိုင်ငံပြန်ရ မယ်လို့ ဆရာယုံကြည်ခဲ့တယ်နော်။
“အမေ့ထံပြန်လာမည်”
တနေ့နေ့မှာ
အမေ့နိုင်ငံ အမေ့ထံသို့
ငါပြန်လာမည် ပြန်ခဲ့မည်။
အမေ့ကိုနှိပ်စက်၊ လက်ကိုရိုက်ချိုး
ကြိုးဖြေပြီးမှ၊ ပြန်ခွင့်ရမည်
ပထမ အမေ လွတ်လပ်ရမည်။
အမေ့ရင်ခွင် သားခိုဝင်ဖို့
နေ့စဉ်ကြိုးပမ်းပါမည်အမေ။
အမေ့လက်များ တုတ်နှောင်ထားပြီး
အားရပါးရ နှိပ်စက်ကြသည်ကို
သားမကြည့်ရက်နိုင်ပါ။
အမေ့အိမ်ကို
လိမ်လည်သိမ်းပိုက်၊ ဓားပြတိုက်၍
ရိုက်လားနှက်လား သေနတ်များနှင့်
နားကိုဆို့ပိတ်၊ မျက်စိပိတ်လျက်
နှိပ်စက်ဗိုလ်ကျ မင်းမူကြပြီး
မထနိုင်တော့ဘူးလား အမေရယ်။
အမေ့ဖြစ်ချက်၊ မကြည့်ရက်ပါ
လက်နက်အပိုင် ကလောင်ကိုင်၍
အနိုင်တိုက်ပွဲ ရင်ဆိုင်နွှဲဖို့
ငါလဲ ဆုံးဖြတ်ခဲ့ပါပြီ။
အမေ့သားတွေ သမီးတွေလဲ
အောင်မြေနင်းရေး အသက်သွေးတွေ
ပေးဆပ်ခဲ့ကြရပါပြီ။
အမေမုချ လွတ်မြောက်ရမည်
အမေ့ဘ၀ လှပရမည်။
အမေ့သားကောင်း ဒို့ခွပ်ဒေါင်းလည်း
ဇာတ်ပေါင်းခန်းမှာ
ချီတက်လာပြီး
မာစေ သာစေ တို့အမေဟု
မိုးမြေတုန်အောင် ကြွေးကြော်မည်။
တနေ့နေ့မှာ
အမေ့နိုင်ငံ ဒို့နိုင်ငံသို့
ပြန်လာခဲ့မည် ပြန်ခဲ့မည်ဟု
ယုံကြည်ပါလေ အမေရေ …။ ။
တင်မိုး
(၁၁၊ စက်တင်ဘာ၊၁၉၉၉၊ ဥရောပ တလပြည့်)
ဆရာရေ အခုတော့ ဆရာသိပ်ချစ်ခဲ့တဲ့ အမိနိုင်ငံကို ဆရာမပြန်နိုင်ဘဲ ရေခြားမြေခြားမှာ ဆရာကြွေလွင့် ခဲ့ရပြီ။ လူဆိုတာသေမျိုးမို့ မဆန်းလှပေမယ့် ဆရာ့လို တိုင်းပြည်သားကောင်းရတနာ ကဗျာစာဆို တော်လှန်ရဲဝံ့သူတယောက်ကို မသေစေချင်သေးဘူးဆရာ။ နှမြောတသကြေကွဲရ လွမ်းရပါတယ်ဆရာ။ ဒါပေမယ့် …
“မျက်နှာပြောင်တဲ့ရှင်သေမင်း”
ကံကြမ္မာကို မင်းတို့ကနိုင်တော့
ပြိုင်သမျှရှုံးရတဲ့ဒို့ဘ၀
ဒုက္ခတွေပင်လယ်ဝေပြီပေါ့။
မကောင်းသမျှဥသျှောင်
မင်းတို့ရဲ့ခေါင်းဆောင်တွေ
ဒေါင်ဒေါင်မည်ကျန်းမာ
ဘီလူးပြိတ္တာ အသက်ရှည်ပါဘိခြင်း။
လူကောင်း လူလိမ္မာ
ပညာရှိ ပညာရှင်
စိတ်နေ ယဉ်သူတို့ကို
သေမင်းငင်ခေါ်ဆောင်
မျက်နှာပြောင်လှတဲ့ ကံကြမ္မာပါလား။
မကျေမနပ်တောက်ခေါက်
မျက်ရည်ပေါက်ကြီးငယ်ကျရတဲ့
သောကတွေသာ မီးတောက်ဖြစ်ခဲ့ရင်
ခေတ်ကြီးတခုလုံး
မီးဟုန်းဟုန်းကျွမ်းချေရဲ့။ ။
တင်မိုး
(၂၇၊ မတ်၊ ၁၉၉၉)
ဆရာက လူထုခေါင်းဆောင် ဒေါ်အောင်ဆန်းစုကြည်ရဲ့ခင်ပွန်း မစ္စတာမိုက်ကယ်အဲရစ် ကွယ်လွန်တဲ့ အကြောင်းကြားပြီး ဒေါမနဿနဲ့ရေးခဲ့တဲ့ ကဗျာလေးလေဆရာ။ ခု ဆရာရဲ့ အဲဒီကဗျာလေးကိုဖတ်ပြီး ကျနော်လည်း ဒေါမနဿ ဖြစ်ရပြန်ပါပြီဆရာ။ ကျနော်တို့အားလုံးဟာ ဆရာပြောတဲ့ မီးဟုန်းဟုန်း ကျွမ်းနေတဲ့ ခေတ်ကြီးထဲကနေ ဖီးနစ်ငှက်တွေလို ရှင်သန်ပျံတက်ဖို့ ကြိုးစားရင်း ဆရာ့ကို ထာဝရ လွမ်းနေကြမှာပါ။ ။
(ဤစာဖြင့် ကွယ်လွန်သူ တော်လှန်ကဗျာစာဆိုကြီး တင်မိုး (ဦးဘဂျမ်း) အား ဦးညွှတ်ဂုဏ်ပြုနှုတ်ဆက်ပါသည်)
Sunday, 5 July 2009
ဆရာဂျမ်းသို့ လွမ်းလို့ရေးတဲ့စာ
မလွတ်လပ်ရေးနေ့အကြောင်း
ဂါမဏိ (၃-၁-၀၇)
ခေတ်ပြိုင်...မှ
ကျနော် ကလေးဘ၀ သိတတ်စအချိန်တွင် လွတ်လပ်ရေးနေ့ကို စတင်တွေ့ထိခဲ့ရပါသည်။ မုန့်စားပြေးပြိုင်ပွဲ၊ ဂုန်အိပ်စွပ်ပြေးပြိုင်ပွဲများကို
ဝင်ရောက်ယှဉ်ပြိုင်ကစားရသည်၊ ကျနော့်ထက်ကြီးသော ကိုကို၊ မမတို့ကတော့ ရေအိုးရွက်ပြေးပြိုင်ပွဲ၊ မျက်စိအ၀တ်စည်း သံပုံးရိုက်ပြိုင်ပွဲ စသည်တို့ကို ဆင်နွှဲရပါသည်၊ ကျနော်လည်း ကိုကိုတို့ အရွယ်ရောက်သောအခါ ထိုကစားပွဲများ၌ ရယ်မောပျော်ရွှင် ပါဝင်ခွင့် ရလာပါသည်။ အစ်ကိုကြီးများ၊ ဦးလေးများက တော့ ချောတိုင်တက်ပွဲ၊ ခေါင်းအုံးရိုက်ပြိုင်ပွဲများ ကို တပျော်တပါး ဆင်နွှဲကြပါသည်။
ဇန်န၀ါရီ (၄) ရက် လွတ်လပ်ရေးနေ့ဆိုသည်မှာ ကစားနည်းမျိုးစုံကစားရ၊ မုန့်မျိုးစုံစားရပြီး လွတ်လပ်စွာရယ်မော ပျော်ရွှင်သော နေ့တနေ့အဖြစ်သာ စွဲမှတ်ခဲ့မိပါသည်၊ ထိုရက်ကို လွန်မြောက်သွားသောအခါ ကလေးတို့ထုံးစံအတိုင်း အခြားအရေးကြီး သို့မဟုတ် ဦးစားပေး ကစားခုန်စားမှုများတွင် နစ်မျောသွားခဲ့ပြန်ပါသည်။ ထို့အပြင် စိတ်ညပစ်စရာကောင်းလှသော စားသင်ရခြင်းနှင့် စာကျက်ရခြင်းတို့ကိုလည်း မပျော်ရွှင်စွာ ဖြတ်သန်းရပါသေးသည်၊ အဆော့လွန်၍ မိဘများ၏ ဆဲဆိုငေါက်ငန်းမှုမှသည် ရိုက်နှက်ကန်ကျောက်မှုအဆုံး မျက်ရည်နှင့် ရင်ဆိုင်ရခြင်းမှာလည်း မဆန်းလှ။ စင်စစ် ကလေးဘ၀သည် သီချင်းထဲကလို လုံးဝအပူအပင်ကင်းတဲ့ဘ၀တော့ မဟုတ်ဟု ယူဆမိပါသည်။
ဤသို့ဖြင့် လွတ်လပ်ရေးနေ့များကို နှစ်စဉ်နှစ်စဉ် ဖြတ်သန်းလာရင်း ထိုတနှစ် တနှစ်စီ၌ မလွတ်လပ်သောနေ့များ ကလည်း အမှတ်ထင်ထင်ဖြစ်လာခဲ့ပါသည်၊ ထိုမှသည် လက်တွေ့လူမှုစီးပွားနယ်ပယ်၌ ကူးခတ်နေရသော ဘ၀များနှင့် တရွေ့ရွေ့ နီးကပ်ယှက်ဖြတ်လာရသလို ရှောင်လွှဲမရသော အထွေထွေသုတအသိပညာတို့ကလည်း ကျနော်၏အတွေးအခေါ်များအပေါ် အရိပ်ထိုးလာခဲ့ပါသည်။
စစ်အာဏာရှင်စနစ်အောက် စီးပွားရေးအဆိုးဆုံးသံသရာတွင်းမှ မိဘများ၏မွန်းကြပ်မှု၊ ရပ်ရွာ
ပတ်ဝန်းကျင်မှ ဆွေမျိုးများ၊ မိတ်ဆွေအပေါင်းအသင်းများ၊ အသိအကျွမ်းအရပ်သားများတို့၏ မောဟိုက်မှုများသည် ကလေးဘ၀မှ မလွတ်လပ်ရေးနေ့များကို အရည်အချင်းအရလည်းကောင်း၊ အရေအတွက်အရလည်းကောင်း ပြောင်းလဲ အရောင်ဆိုးပစ်လိုက်ပါသည်။
ဇန်န၀ါရီ (၄) ရက် လွတ်လပ်ရေးနေ့၏ အရိပ်ကို ကျနော့်နှလုံးသားထဲမှ အပြီးအပိုင် ပျောက်ကွယ်သွားစေခဲ့သော (ကျနော့်အတွက်) ပထမဆုံး မလွတ်လပ်ရေးနေ့မှာ ၁၉၇၄ ဇွန် (၆) ရက်နေ့ဖြစ်ပါသည်။ ဆင်းရဲပင်ပန်းစွာ ခွန်အားစိုက်ထုတ် အလုပ်လုပ်ရသော အလုပ်သမားကြီးများ စားစရာမရှိ၍ ငြိမ်းချမ်းစွာ ဆန္ဒပြတောင်းဆိုသည်ကို အစုလိုက်အပြုံလိုက် ပစ်သတ်လိုက်ခြင်းအား ကျနော်ကြုံတွေ့ရသည့်အခါ ကျနော့်ဘ၀၌ လွတ်လပ်ရေးနေ့ ပျောက်ဆုံးသွားပါတော့သည်၊ ဇန်န၀ါရီ (၄) ရက်နေ့သည် မလွတ်လပ်သော လွတ်လပ်ရေးနေ့ ဖြစ်သွားရပါသည်။
ထိုမှတဖန် နောက်ခြောက်လအကြာ ၁၉၇၄ ဒီဇင်ဘာ (၁၁) ရက်တွင် ကမ္ဘာ့ငြိမ်းချမ်းရေးဗိသုကာ ဦးသန့်၏ဈာပနကို ငြိမ်းချမ်းစွာစုဝေးလျက် စီစဉ်ခင်းကျင်းနေသော ကျောင်းသားများ၊ သံဃာတော်များနှင့် ပြည်သူလူထုများအား အကြမ်းဖက်တိုက်ခိုက်ပြီး ထောင်သွင်းအကျဉ်းချ၊ ပစ်ခတ်သတ်ဖြတ်ပြန်သောအခါ ကျနော့်အတွက် ဒုတိယမြောက် မလွတ်လပ်ရေးနေ့ကို တွေ့ရှိခဲ့ရပြန်သည်။ ဤသို့ဖြင့် နောက်ထပ်ခြောက်လအကြာ ၁၉၇၅ ဇွန် (၁၁) ရက်နေ့သည်လည်းကောင်း၊ ၁၉၇၆ ခု မတ်လ (၂၃) ရက်သည်လည်းကောင်း နောက်ထပ်နောက်ထပ် မလွတ်လပ်ရေးနေ့များဖြစ်ခဲ့ရပါသည်၊
စင်စစ်အားဖြင့် ကျနော်တဦးတည်းအနေဖြင့် မစဉ်းစားမခံစားဘဲ မြန်မာနိုင်ငံလူ့အဖွဲ့အစည်းအရ ကြည့်လျှင်မူ ၁၉၆၂ ခု မတ်လ (၂) ရက်နေ့သည် ပထမဦးဆုံးသော မူလလက်ဟောင်း မလွတ်လပ်ရေးနေ့ဖြစ်သည်ကို နောက်ပိုင်းတွင် ကျနော်သိလာခဲ့ရပါသည်။ တနည်းအားဖြင့် ဘ၀များနှင့် ဆက်နွယ်ပြီး လောကအမြင်များ ရရှိလာသလို ထိုဘ၀များကို ထင်ဟပ်နေသည့် စာပေ၊ စာနယ်ဇင်းတို့မှလည်း လောကအသိတရားများ ရရှိလာခဲ့ပါသည်။
၁၉၇၄ ဇွန် (၆) ရက်၊ ၁၉၇၄ ဒီဇင်ဘာ (၁၁) ရက်၊ ၁၉၇၅ ဇွန် (၁၁) ရက်၊ ၁၉၇၆ မတ် (၂၃) ရက်တို့သည် ၁၉၆၂ မတ်လ (၂) ရက်နေ့မှစတင်ခဲ့သော မလွတ်လပ်ရေးနေ့ရှည်ကြီးအတွင်းမှ ၁၉၆၂ ခု ဇူလိုင် (၇) ရက်လို မလွတ်လပ်ရေးနေ့၊ ကစားခုန်စားပွဲများသာ ဖြစ်နေသည်ကို တုန်လှုပ်ချောက်ချားစွာ တွေ့ရှိသွားမိပါသည်။ ဤသို့ဖြင့် ၁၉၈၈ ခု မတ်လ (၁၃) ရက်သည်လည်းကောင်း၊ ၁၉၈၈ ခု ဇွန်လ (၂၁) ရက်သည်လည်းကောင်း၊ ၁၉၈၈ သြဂုတ် (၈) ရက်သည်လည်းကောင်း၊ မလွတ်လပ်ရေးနေ့ မပျော်ပွဲမရွှင်ပွဲများ အထူးဝှဲချီးကျင်းပရာကာလများ ဖြစ်သွားပါတော့သည်။
၁၉၈၈ ခု သြဂုတ် (၁၂) ရက် ဖက်ဆစ်လက်ရုံး လူသတ်သမ္မတ ရာထူးကျပြီးနောက် သြဂုတ် (၂၆) ရက် ရွှေတိဂုံ အနောက်မုခ်၌ ဒေါ်အောင်ဆန်းစုကြည် ထူထုရင်ထဲသို့ လွတ်လပ်ရေးပန်း မျိုးစေ့ချလိုက်သည့်အခါ ပျောက်ဆုံးနေခဲ့သော လွတ်လပ်ရေးနေ့၏ ရနံ့များကို ဝေ့ခနဲ ရှူလိုက်ရပါသည်၊ သို့သော် လွပ်လပ်ရေးနေ့၏ ရနံ့မွှေးမြမြလေးမှာ တလမကြာမီ လွင့်ပြယ်သွားခဲ့သည်။ ၁၉၈၈ ခု စက်တင်ဘာ (၁၈) ရက်သည် ရိုင်းစိုင်းညစ်ထေးလှသော မလွတ်လပ်ရေးနေ့သစ်အဖြစ် ယမ်းငွေ့ တလူလူလွင့်ကာ မပျော်ပွဲမရွှင်ပွဲ အကြီးအကျယ်ပွဲခံခဲ့ပါသည်။
မလွတ်လပ်ရေးနေ့သည် ၁၉၆၂ ခု မတ်လ (၂) ရက် သို့မဟုတ် ၁၉၈၈ ခု စက်တင်ဘာ (၁၈) ရက်တို့တွင်သာ မြစ်ဖျားခံခဲ့သည်မဟုတ်ပါ။ မြန်မာပြည်ဖွားတိုင်းရင်းသားလူမျိုးစုများအတွက် သီးသန့်မလွတ်လပ်ရေးနေ့များ စောစွာကတည်းက ရှိခဲ့သည်ကို ကြည့်သောသူ မြင်တွေ့သိမှတ်လာရပါသည်။
၁၇၅၇ ခု မေလ (၆) ရက်သည် မွန်အမျိုးသားတို့၏ လွတ်လပ်သော ဟံသာဝတီနိုင်ငံကို မုဆိုးဘိုရွာသူကြီး တဖြစ်လဲ ရွှေဘိုဘုရင် ဦးအောင်ဇေယျက သိမ်းပိုက်ဖျက်ဆီးလိုက်သော မလွတ်လပ်ရေးနေ့ တနေ့ဖြစ်ပါသည်။ မွန်တို့မှာ ၁၇၄၀ ခုနှစ်စ၍ အင်းဝဘုရင် မဟာဓမ္မရာဇာဓိပတိကို စတင်တော်လှန်ခဲ့သော်လည်း ၁၇၅၁ ခုနှစ်ကျမှ လွတ်လပ်သော တတိယမွန်နိုင်ငံ ပြန်လည်ထူထောင်နိုင်ခဲ့သည်ဖြစ်၍ လွတ်လပ်ရေးနေ့ကို (၆) နှစ်သာ ခံစားလိုက်ရပါသည်။ သည့်အရင်ကမူ ၁၀၅၇ ခု အနော်ရထာဘုရင် သထုံမသိမ်းမီ ပထမမွန်နိုင်ငံ နှစ်ပေါင်း (၅၀၀) ခန့်၊ ပုဂံပျက်ပြီးနောက်ပိုင်း ၀ါရီရူမင်း၏ အဆက်အနွယ်များ ယိုးဒယားမင်းသြဇာခံဘ၀မှ ရုန်းထွက်နိုင်ခဲ့သည့် ၁၃၄၀ ခုနှစ်နှင့် တောင်ငူဘုရင်တပင်ရွှေထီး ဟံသာဝတီသိမ်းသည့် ၁၅၃၆ ခုကြား ဒုတိယမွန်နိုင်ငံ နှစ်ပေါင်း (၂၀၀) နီးပါး စသည်ဖြင့် လွတ်လပ်ရေးနေ့များကို ခံစားခဲ့ရပါသည်။ ပထမဦးဆုံးသော မွန်လွတ်လပ်ရေးတိုက်ပွဲဖြစ်သည့် ၁၀၈၃ ခု ငရမန်ကန်း၏တော်လှန်ရေးကို ကျန်စစ်သားက ချေမှုန်းပစ်ခဲ့သလို နောက်ဆုံး မွန်လွတ်လပ်ရေးတိုက်ပွဲဖြစ်သည့် ၁၈၂၇ ခုနှစ်ဆန်း သမိန်ဗရူးခေါင်းဆောင်သော မွန်နှင့်ကရင်တို့၏ တော်လှန်ရေးကိုလည်း ဘကြီးတော်မင်းက နှိမ်နင်းပစ်ခဲ့ပါသည်။
အလောင်းဘုရားခေါ် ဦးအောင်ဇေယျနှင့် ဗမာအမျိုးသားတို့မှာ ၁၇၅၂ ခု မတ်လ (၁၁) ရက်တွင် အင်းဝဘုရင် မဟာဓမ္မရာဇာဓိပတိအား ဟံသာဝတီနိုင်ငံက လက်ရဖမ်းဆီးပြီး အင်းဝတနိုင်ငံလုံးကို သိမ်းပိုက်လိုက်ချိန်မှ ၁၇၅၄ ခု ဇန်န၀ါရီ (၃) ရက်တွင် အင်းဝမြို့တော်ကို မွန်တို့လက်လွှတ်လိုက်ရချိန်အထိ မလွတ်လပ်ရေးနေ့ကို ခံစားခဲ့ရသည်။ ယင်း၏အကျိုးဆက်အဖြစ် ဦးအောင်ဇေယျက မွန်အမျိုးသားတို့ကို ၁၇၅၇ ခု၌ မလွတ်လပ်ရေးနေ့ တန်ပြန်သက်ရောက်စေခဲ့ပါသည်။ သို့ရာတွင် လူမျိုးရေးအရ လက်စားချေသန့်စင်ပစ်မှုကြောင့် မွန်အမျိုးသားတို့ ခံစားရသော မလွတ်လပ်ရေးနေ့မှာ ပို၍ပြင်းထန်ခါးသီးခဲ့ပါသည်။ တချိန်က မွန်အမျိုးသားတို့ ပျံ့နှံ့ပွားစီးရာ အောက်မြန်မာပြည် မြစ်ဝကျွန်းပေါ်ဒေသကြီးတခုလုံးတွင် မွန်များ ပြောင်တလင်းခါသွားခဲ့ပါသည်။
၁၇၈၄ ခု ဒီဇင်ဘာ (၂၈) ရက်မှာမူ ရခိုင်အမျိုးသားတို့၏ မလွတ်လပ်ရေးနေ့ဖြစ်ခဲ့ပါသည်။ ယင်းနေ့တွင် အင်းဝဘုရင် ဘိုးတော်ဘုရားခေါ် မောင်ဝိုင်းက လွတ်လပ်သော မြောက်ဦးနိုင်ငံကို သိမ်းပိုက်ခဲ့ပါသည်။ ယခင်က ပုဂံမင်း၊ အင်းဝမင်း ဟံသာဝတီမင်းတို့ထံ လွတ်လပ်ရေးဆုံးရှုံးခဲ့ရခြင်းများ ရှိသော်လည်း ယခုနောက်ပိုင်းအကြိမ်လို ကြာရှည်ခြင်းမရှိခဲ့။
ရှမ်းတို့၏ မလွတ်လပ်ရေးမှာမူ ၁၅၅၈ ခုကပင် စတင်ခဲ့ပါသည်။ ယင်းနှစ်တွင် တောင်ငူ-ဟံသာဝတီဘုရင် ဘုရင့်နောင်က ယခုအထက်မြန်မာနိုင်ငံနှင့် ရှမ်းပြည်နယ်ရှိ လွတ်လပ်သော ရှမ်းစော်ဘွားနယ်အားလုံးကို အပြီးအပိုင် သိမ်းပိုက်လိုက်ခြင်းဖြင့် ရှမ်းတို့၏မလွတ်လပ်ရေးနေ့များ စတင်ခဲ့ပါသည်။ သည့်အရင်က ရှမ်းတို့သည် ၁၄၅၀ ခုအထိ ရွှေလီကို ဗဟိုပြုသော လွတ်လပ်သည့် မောရှမ်း ဘုရင့်နိုင်ငံကြီးကို တည်ထောင်စိုးစံခဲ့ဖူးပါသည်။ ထိုမျှမက ပုဂံပြည်ကို မွန်ဂိုတို့ သိမ်းပိုက်ဖျက်ဆီးပြီးနောက် ရှမ်းတို့က လွတ်လပ်သော အင်းဝနိုင်ငံ ထူထောင်ခဲ့ရာ ၁၅၅၅ ခု အင်းဝကို တောင်ငူဘုရင် တပင်ရွှေထီး သိမ်းပိုက်သည့်အချိန်ထိ ရှမ်းမင်းများ၊ ဗမာမင်းများ သို့မဟုတ် ရှမ်းဗမာကပြားမင်းများက ရှမ်း-ဗမာပူးတွဲနိုင်ငံဖြစ်သော အင်းဝထီးနန်းကို အုပ်စိုးခဲ့ကြပါသည်။
ကရင်နီတို့၏ မလွတ်လပ်ရေးနေ့မှာ ၁၉၄၈ ခု သြဂုတ်လ (၉) ရက်ဖြစ်ပါသည်၊ ၁၈၇၅ ခု အင်္ဂလိပ်-မြန်မာ စာချုပ်အရ အနောက်ပိုင်းတခြမ်း လွတ်လပ်ရေးရထားသော ကရင်နီပြည်ကို ဖဆပလဦးနု၏တပ်များက ထိုနေ့တွင် တိုက်ခိုက်သိမ်းပိုက်လိုက်သဖြင့် မလွတ်လပ်သွားခြင်းဖြစ်ပါသည်။
လက်နက်အားကိုး စုစည်းထားသော ရှေးဟောင်းမြန်မာနိုင်ငံအဖို့ ကမ္ဘာ့နယ်ချဲ့စနစ်ဟူသော ပထမဂလိုဘယ်လိုက်ဇေးရှင်းနှင့် ကြုံရသည့်အခါ မြန်မာနိုင်ငံ နယ်နိမိတ်အတွင်းရှိ တိုင်းရင်းသားလူမျိုးအားလုံးအတွက် မလွတ်လပ်ရေးနေ့များပေါင်းဆုံသွားခဲ့ပါသည်။ ရန္တပိုစာချုပ် ချုပ်ပြီး ပထမအင်္ဂလိပ်-မြန်မာစစ် အဆုံးသတ်သွားသော ၁၈၂၆ ခု ဖေဖေါ်ဝါရီ (၂၄) ရက်သည်လည်းကောင်း၊ ဒုတိယစစ်အပြီး အောက်မြန်မာနိုင်ငံကို ဗြိတိသျှသိမ်းပိုက်ကြောင်း ကြေညာသည့် ၁၈၅၂ ခု ဒီဇင်ဘာ (၁၇) ရက်သည်လည်းကောင်း၊ တတိယစစ်အပြီး မြန်မာ့အချုပ်အခြာပြယုဂ် သီပေါမင်း ပါတော်မူသည့် ၁၈၈၅ ခု နိုဝင်ဘာ (၂၉) ရက်သည် လည်းကောင်း၊ တတိယစစ်အပြီး မြန်မာ့အချုပ်အခြာ၏ပြယုဂ် သီပေါမင်း ပါတော်မူသည့် ၁၈၈၅ ခု
နိုဝင်ဘာ (၂၉) ရက်သည်လည်းကောင်း၊ မြန်မာတနိုင်ငံလုံးအား ဗြိတိသျှအင်ပါယာတွင်း
တရားဝင်သွတ်သွင်းလိုက်သည့် ၁၈၈၆ ခု ဇန်န၀ါရီ (၁) ရက်နေ့သည်လည်းကောင်း ထပ်ဆင့်မလွတ်လပ်ရေးနေ့များ ဖြစ်ခဲ့ပါသည်။
ဤသို့သော မလွတ်လပ်ရေးနေ့များသည် ၁၉၄၇ ခု ဖေဖေါ်ဝါရီ (၁၂) ရက်၌ တခုတည်းသော လွတ်လပ်ရေးနေ့အဖြစ်သို့ လှပစွာ ပေါင်းစည်းသွားနိုင်မည့် အခွင့်အလမ်း ရရှိခဲ့ပါသည်။ အမြော်အမြင်ကြီးမားပြီး စိတ်ရင်းစေတနာ ပြည့်ဝလှသော အမျိုးသားခေါင်းဆောင်ကြီး ဗိုလ်ချုပ်အောင်ဆန်းသည် အလားတူ ဉာဏ်ပညာကြီးမားသော တိုင်းရင်းသားခေါင်းဆောင်တို့နှင့်အတူ၊ ပင်လုံစာချုပ်အားဖြင့် မြန်မာပြည်ဖွား တိုင်းရင်းသားအားလုံးအတွက် လွတ်လပ်ရေးနေ့ကို ဆောင်ကြဉ်းနိုင်ရန် လုံ့လစိုက်ထုတ်ခဲ့ပါသည်။
သို့ရာတွင် ယင်းတိုင်းရင်းသားအားလုံး၏ လွတ်လပ်ရေးနေ့အလင်းစသည် ဗိုလ်ချုပ်ကျဆုံးခြင်းနှင့်အတူ ပိတ်ဖုံးသွားခဲ့ရပါသည်။ ၁၉၄၈ ခု ဇန်န၀ါရီ (၄) ရက် လွတ်လပ်ရေးနေ့သည် အနော်ရထာ-ကျန်စစ်သား၊ တပင်ရွှေထီး-ဘုရင့်နောင်၊ ဦးအောင်ဇေယျ-ဘိုးတော်မောင်ဝိုင်းတို့၏ မျိုးဆက်သစ် ဖဆပလ-ဆိုရှယ်လစ်ခေါင်းဆောင်များက တိုင်းရင်းသားတို့အပေါ် မလွတ်လပ်ရေးပေးသောနေ့ ဖြစ်သွားခဲ့ပါသည်။ တိုင်းရင်းသားလူမျိုးစုများသာမကဘဲ ကျောမွဲနင်းပြားလူတန်းစားများအတွက်လည်း မလွတ်လပ်ရေးနေ့ဖြစ်နေခဲ့ရပါသည်။
ဤမလွတ်လပ်ရေးနေ့များသည် ၁၉၆၂ ခု မတ်လ (၂) ရက်တွင် အဆင့်သစ်တခုဆီ ပေါင်းဆုံတိုးတက်သွားခဲ့သည်။ လက်တဆုပ်စာ စစ်အုပ်စုမှအပဖြစ်သော လူမျိုးအားလုံး၊ လူ့အလွှာအားလုံး၊ လူတန်းစားအားလုံး၏ မလွတ်လပ်ရေးနေ့များသည် ၁၉၈၈ ခု စက်တင်ဘာ (၁၈) ရက်တွင် နောက်ထပ်တဖန် တဆင့်မြင့်ပေါင်းစည်းသွားခဲ့ပြီး၊ ၁၉၉၀ မေ (၂၇) ရက်နေ့တွင်မူ မလွတ်လပ်ရေးနေ့အောက်မှ ပျော်ပွဲရွှင်ပွဲကို ထူးထူးခြားခြားကျင်းပနိုင်ခဲ့ပါသည်။ သို့ရာတွင် ထုံးစံအတိုင်း ဤပျော်ပွဲရွှင်ပွဲသည် မကြာမီခဏတိုအတွင်း မပျော်မရွှင်ပွဲအဖြစ်သို့၊ မလွတ်လပ်ရေးနေ့စစ်စစ် အဖြစ်သို့ ကြေကွဲနာကျင်စွာပြောင်းလဲသွားရပါသည်။
ကျနော်တို့အားလုံး၏ မလွတ်လပ်ရေးနေ့များကို သာယာပျော်ရွှင်ဖွယ်ကောင်းသော၊ တခုတည်းသော လွတ်လပ်ရေးနေ့အဖြစ် တပျော်တပါးဝိုင်းဖွဲ့ဆင်နွှဲ ခံစားနိုင်ဖို့ အားလုံးမှာ အိပ်မက်များရှိနေပါသည်။ ။
ရှားပါးမှု၊ တောင်ကျချောင်းနှင့် ရေသတ္တ၀ါများ
ပွင့်သစ် (ကရိန်ကန်)(၂၇-၄-၀၇)
ခေတ်ပြိုင်... မှ
ချောင်းရေသည် တိတ်ဆိတ်မှုနှင့် ကျနော်တို့အား စောင့်ကြိုနေသည်။ ကျနော်တို့ရောက်ခဲ့ကြပြီ။ မည်သူမျှ အခါမလင့်ကြ။ ကျနော်တို့နေထိုင်ရာ
ဒေသသည် မိမိ၏ စိတ်ဆန္ဒတွင်တည်ရှိသော
စားသောက်ဖွယ်ရာများကို လွယ်လင့်တကူ ရရှိနိုင်သည်မဟုတ်။ အခွင့်အခါကြုံမှသာ တွေ့မြင် ထိတွေ့ခွင့်ရသည် မဟုတ်လော။ ထို့အတွက် ဤမနက်ခင်းတွင် ယမန်နေ့ညတုန်းက မည်မျှပင် ခေါင်သောက်များသည်ဖြစ်စေ၊ အိပ်ရေးပျက် သည်ဖြစ်စေ၊ မည်သူမျှ နောက်ကျမခံကြ။
အိပ်ရေးပျက်နေသည့်၊ အမူးလွန်နေသည့် မျက်လုံးနီရဲရဲများဖြင့်၊ အိမ်မှ ဘုစုခရုများ၊
ချစ်လှစွာသောဇနီးများ၊ တောလိုက်ရာတွင်အသုံးကျသည့် သတ္တ၀ါများ (အထူးသဖြင့် ခွေးများ) ကို တစုတစည်းတည်း ပေါင်းစုခေါ်ဆောင်ကာ သုံးနှစ်ကြာမျှ စောင့်မျှော်ခဲ့ရသည့် စားကျက်ဆီသို့ ချီတက်လာခဲ့ကြသည်။ နှင်းအကြွင်းအကျန်အချို့၏ ဖွဲ့တည်မှုကြောင့် တောင်ယာဖုန်းဆိုးများပေါ်တွင် ရေစက်များထိကပ် နေသော မြက်ရိုင်းပင်များကို တရှဲရှဲတိုး၍ မပွင့်တပွင့် အရုဏ်အောက်၌ ကျနော် အပါအ၀င် ရွာသူ ရွာသားတပ်ပေါင်းစုကြီး၏ အုတ်အုတ်ကျက်ကျက် အသံများကြောင့် ချောင်း၊ တောတောင်တို့သည် ထိတ်လန့်တကြား လန့်နိုးထလာခဲ့သည်။ ကျနော်တို့ “ဟုန်း” ထုရန် လာခဲ့ကြလေပြီ။
ဤအခွင့်အရေးသည် လွယ်ကူလှသည်တော့မဟုတ်။ အချိန်ကာလများကို စောင့်မျှော်ရသည်။ အကြိမ်ကြိမ်မကသော ဆွေးနွေးညှိနှိုင်းမှုများကို နေ့ရောညပါ ကျင်းပခဲ့ရသည်။ ခြေမြန်တပ်သား များကို နီးစပ်ရာရွာများဆီသို့ စေလွှတ်ရသည်။ အသိပေးရန်ရှိသည့် အနီးဝန်းကျင်ရွာများအား ဤဟုန်းထုပွဲတွင် ပူးပေါင်းပါဝင်မည်လောဆိုသည်ကို ဆွေးနွေးရသည်။ ပူးပေါင်းဆောင်ရွက် မည်ဆိုပါက မည်သည့်နေ့ရက်ဆိုသည်ကို ညှိကြရသည်။ ထိုကဲ့သို့သော လုပ်ငန်းဆိုင်ရာများကို သေချာစေရန် စီမံဆောင်ရွက်မှုများဖြင့် ဖန်တီးခဲ့ရသည်။
ထိုသို့သောလုပ်ငန်းစဉ်များ ပြုမူဆောင်ရွက်နေဆဲကာလအတွင်း ကျနော့်ထံ ကျေးရွာအုပ်ချုပ်မှု ကော်မတီမှ စေလွှတ်လိုက်သည့် ဆက်သားတဦး ရောက်ရှိလာသည်။ သူ့တွင် အလုပ်ခန့်အပ်စာ တစောင် ပါလာသည်။ ကျနော် “ဟုန်း” ကော်မတီဖြစ်သည့်စာ။ ဟုန်းဆိုသည့်စကားလုံးမှာ ကျနော်နှင့်မရင်းနှီးသည့် အသုံးအနှုံး။ သို့သော် ကျနော်မှလွဲ၍ ကျန်သော ကျေးရွာသူရွာသား
များက ရင်းနှီးကြသည်။ အဘယ့်ကြောင့်ဆိုသော် ကျနော်က ဒေသခံမဟုတ်။ လက်နက်ကိုင် တော်လှန်ရေးသမားတဖြစ်လည်း ကျောင်းဆရာတဦး သို့တည်းမဟုတ် အပစ်ရပ်နယ်မြေတခု၏ မြို့နယ်နှင့်သက်ဆိုင်သည့် တရားရေးဌာနမှ။
ကျနော်ရပ်တည်နေရသည့်ဒေသသည် ရေထွက်ပစ္စည်းများ အရောက်အပေါက်နည်းသည်။ သို့အတွက် ရေထွက်သတ္တ၀ါအခြောက်အခြမ်းများသည်ပင် ဒေသခံတို့၏အလိုဆန္ဒကို မဖြည့်
တင်းနိုင်။ ထိုအလိုဆန္ဒအား ဖြေဖျောက်နိုင်ရန် ဟုန်းဆိုသည့်အရာကို အားကိုးအားထားပြုရသည်။ ဟုန်းဆိုသည်က ရေတွင်မှီတင်းနေထိုင်သော ရေသတ္တ၀ါများကို မူးမိုက်စေသည့် အစေးခပ်ပျစ်ပျစ် များထွက်သည့် နွယ်ဆန်ဆန်အမြစ်များ။ ထိုအမြစ်များကို အသုံးပြု၍ သူတို့၏ ဒေသအတွင်းရှိ ချောင်းများတွင် မှီတင်းနေထိုင်သည့် ငါးများကို ရှာဖွေစားသုံးကြရသည်။ သူတို့အနာဂတ်ဖြစ်သော ဆန်စပါးများရရှိရေးအတွက် တောင်ယာဆူးထိုးသောအခါ ရေသတ္တ၀ါများ၏အရသာသည် မရှိမဖြစ် လိုအပ်လာသည်။ အကြောင်းမူ သူတို့၏ဘ၀တူများက လာရောက်၍ သူတို့အားကူညီသောအခါ ကျွေးမွေးရန်အလို့ငှာဖြစ်သည်။
ဤနေရာတွင် တခုပြောရန်ရှိသည်မှာ ဟုန်းကော်မတီဝင်များသည် အခြားသော ရွာသူရွာသား များထက် အခွင့်သာမှုတခုရှိသည်။ ကော်မတီဝင်တိုင်းသည် ရွာသူရွာသားများအား သတ်မှတ် ထားသော ဟုန်းမြစ်အရေအတွက်ကို ပေးဆောင်ရန်မလိုပါချေ။ သို့အတွက် ကျနော့်ကို ဟုန်း ကော်မတီအဖွဲ့ဝင်ခန့်သည်မှာ အားနာသည်ကတကြောင်း၊ ဟုန်းမြစ်အား မည်သို့ရှာရမည်ကို မသိသည်ကတကြောင်းကြောင့် ဖြစ်သည်။ လိုအပ်လျှင်ကား လက်လီဝယ်၍ရသည့် ဟုန်းမြစ်
ရှာသူများရှိသည်။ သို့သော် ကျနော်ဝယ်လျှင် မည်သူမျှရောင်းမည်မဟုတ်သည့်အပြင် အလကား ပေးရမည်ဖြစ်ခြင်းကြောင့် ဟုန်းကော်မတီဝင်အဖြစ် နားအေးပါးအေး ခန့်လိုက်ဟန်ရှိသည်။
ကျနော်တို့ ဟုန်းထုရန်သတ်မှတ်ထားသောနေရာ ရောက်သောအချိန်တွင် နေခြည်သည် အရှေ့ ဘက်အရုဏ်ဦးမှ ပေါ်လာ၍ ချောင်းအတွင်းသို့ မရောက်တရောက်အချိန်သာဖြစ်သည်။ ဟုန်း
ကော်မတီဝင်တဦး၏တာဝန်ကို တွေးကြည့်ပါက စိတ်ညစ်ညူးဖွယ်ကောင်းလှသည်။ သို့သော် မတတ်သာ။ တာဝန်သည် တာဝန်သာဖြစ်သည်။ အလုပ်သည် အလုပ်သာဖြစ်သည်။ ကျနော်က
တာဝန်ယူခဲ့ပြီးဖြစ်သည်။ ထို့အတွက် ကိုယ့်ကိုယ်ကို အားပေးသည်။ ရဲဘော် …. ဆက်လုပ်ဟူ၍။
စစခြင်း ကျနော်တို့ အပ်ချည်တလုံးဖြင့် ကြိုးတားရသည်။ ထိုနေရာသည် ဟုန်းမြစ်များအား စတင်ထုရန်၊ ဟုန်းအမြစ်မှ ခပ်ပျစ်ပျစ်အစေးများအား စတင်၍ ရေစီးထဲတွင် မျောရမည့်နေရာ ဖြစ်သည်။
ထို့နောက် မိသားစုတစုချင်းသည် ကျနော်တုိ့ ဟုန်းကော်မတီအခြေစိုက်သောနေရာသို့ မိမိတို့ မိသားစုတွင်ပါလာသည့် ဟုန်းမြစ်များကို သယ်ပိုး၍ရောက်ရှိလာသည်။ ထိုအခါ ကော်မတီက ချိန်ခွင်တလက်ဖြင့် ချိန်တွယ်ပေးရသည်။ ဟုန်းမြစ်တူးရာတွင် သတ်မှတ်ချက်ရှိသည်။ လူကြီး ငါးပိဿာ၊ ကလေး သုံးပိဿာ စသဖြင့်။ သို့သော် နားလည်မှုသည် နေရာတိုင်းတွင် ထွန်းကား
သည်။ ဟုန်းပြည့်ချင်း မပြည့်ခြင်းသည် ဆွေမျိုးညာတိစိတ်ဓာတ်နှင့် မကင်းမကွာ။ သွေးရင်း သားရင်းစိတ်ရှိကြသည်။ ပြုံးကြ၊ ရယ်မောကြသည်။ နောက်ကြပြောင်ကြသည်။ သို့သော်
မည်သူမျှ အလေးချိန်မပြည့်ဟုဆိုပြီး ဟုန်းပွဲမှ မထွက်ခွာသွားစေရ။ ဘ၀ဒဏ်ကြောင့် မပျော်ရွှင် နိုင်သော ဒေသအတွက် ဤကဲ့သို့ ရွာလုံးကျွတ်စု၍ ငါးဖမ်းရခြင်းသည်ပင် ပင်ပန်းသော်ငြား ပွဲတော်တခုပင် မဟုတ်ပါလား။
ထိုအချိန်တွင် ချောင်းနံဘေး၌ သစ်ခုတ် ၀ါးခုတ်သံ ပွက်ညံနေသည်။ ငါးဘူးနှင့် ထမင်းဖုတ်သည့်
အနံ့ ပျံ့လွင့်နေသည်။ ရယ်မောကြည်စယ်သံများ သောသောအုတ်အုတ်ရှိသည်။ ခေါင်ဖောက်သူ ဖောက်၊ သောက်သူသောက်နှင့် ငိုသည့်ကလေးကငို၊ ဆူသည့်အမိုးကဆူကြ။ ချောင်းရေက ထိုအချိန်တွင် ကြည်လင်စွာစီးဆင်းနေဆဲ။
ဖျတ်ခနဲ ခြေသံကြား၍ လှည့်ကြည့်လိုက်တော့ ကျနော်၏တောင်ပေါ်သူ၊ “ထမင်းစားမယ်လေ၊ အမိုးကခေါ်ခိုင်းလိုက်တယ်” ဆိုတော့ ကျနော့်ခြေလှမ်းများက သူ့နောက်ပါသွားခဲ့သည်။ ဖောက် ခေါင်ပြင်းပြင်းကို ၀ါးခွက်နှင့် နှစ်ခွက်လောက်သောက်မိပြီး ထမင်းစားရင်း စကားပြောတော့ စကားသံများက ချောင်းရေစီးသံနှင့်အပြိုင်။ ချောင်းနံဘေး တဖက်တချက်ဆီမှာတော့ ဟုန်း မြစ်များကို ပေါ်နေသည့်ကျောက်တုန်းများအပေါ်တင်၍ ထုနေသည့်အသံများက ရီဝေနေသည့် နားများထဲသို့ စူးစူးရဲရဲတိုးဝင်လာသည်။
နေလည်းမြင့်လှပြီ။ လူများလည်း သွေးကြွနေကြပေပြီ။ သူတို့၏မျက်ဝန်းများတွင် မိသားစုအတွက် စားကောင်းသောက်ဖွယ်ဖြစ်သည့် ရေသတ္တ၀ါများအား တွေ့နေရပြီဖြစ်သည်။ သူတို့၏လက်မောင်း များသည် အိမ်နီးနားချင်းများအား ဟင်းကောင်းတခွက်ပေးရန်အတွက် ရေသတ္တ၀ါများအား ဖမ်းဆီး ရန် အသင့်ဖြစ်နေလေပြီ။ သူတို့၏ခြေလှမ်းများသည်လည်း ထို့အတူပင် တောင်ပေါ်ဒေသမှ မြေပြန့် ဒေသသို့ ရေသတ္တ၀ါများကို မရောက်ရှိသွားစေရန်အတွက် အပြေးလှမ်းရန် အသင့်ဖြစ်နေလေပြီ။ ထိုအရာများကို မည်သူမျှ သင်ပေးသည်မဟုတ်။ သူတို့၏ဘ၀က သူတို့၏အသက်ရှင်နေထိုင်မှုကို ပြဋ္ဌာန်းခဲ့သည်မဟုတ်လော။
လူအုပ်တအုပ်၏ စိတ်မရှည်သည်းမခံနိုင်မှုကို မည်သူမျှ တားဆီးနိုင်မည်မဟုတ်ချေ။ ကော်မတီဖွဲ့၍ တားခဲ့လျှင်လည်း အချိန်သည် တဒင်္ဂမျှသာ ရရှိနိုင်မည်ဖြစ်သည်။ သို့အတွက် ပေါက်ကွဲလုဆဲဆဲ အချိန်တွင် ကျနော်တို့ ဟုန်းကော်မတီသည် သတ်မှတ်ထားသည့် အချိန်မတိုင်မီ အနည်းငယ်စောစွာ တူမီးသေနတ်ကို ဖောက်လိုက်နိုင်လေသည်။ ထိုအခါ လူအုပ်ကြီးသည် ရေထဲတွင်ရှိသည့် အရာ အားလုံးသည် မိမိတို့တဦးချင်းစီနှင့်သာ သက်ဆိုင်သည်ဆိုသည့် အမူအရာမျိုးနှင့် ချောင်း၏ ရေအလျင်နှင့်အတူ ပြေးလွှားသွားကြသည်။ ငါးမိနစ်ခန့်ကြာသောအခါ နောက်ကျိနေသည့်
ချောင်းရေပြင်အလယ်တွင် ကျနော်တဦးတည်းသာ ကျန်ခဲ့သည်။ ငါးများစတင်၍ မူးဝေမှုကြောင့် ရေမျက်နှာပြင်အပေါ်သို့ တက်လာကြပြီဖြစ်သည်။ ကျနော်နှင့် ရှေ့ကိုက်တရာအကွာတွင် ရွာမှ ကျနော်နှင့်ခင်မင်သော အဖွားကြီးများ။ ကျနော် အမီလိုက်ရသည်။ သူတို့က ယက်သဲ့နှင့် ချောင်း နံဘေးတလျှောက် ငါးမှုန် ငါးမွှားများ ထိုးနေခြင်းဖြစ်သည်။ သို့သော် ထိုငါးများသည်ပင် မူးယစ် နေကြပြီ။ အသက်ကုန်နေကြလေပြီ။ သူတို့နှင့်အပြိုင်လု၍ ယက်သဲ့ထိုးသော်လည်း ဘ၀အတွေ့
အကြုံက လက်တွေ့ကိုပြဋ္ဌာန်းသည် မဟုတ်လော။ သို့အတွက် ကျနော်သည် သူတို့လောက် မကျွမ်းကျင်၍ သူလို့လောက်မရချေ။
ကျနော်ဆက်၍ လျှောက်သွားသည်။ ချောင်းသည် တဖြည်းဖြည်းကျဉ်းလာသည်။ တခါတရံ နက်သွားသည်။ နေခြည်သည်လည်း အနောက်ဘက်စွန်းစွန်းသို့ မျက်စပစ်နေသည်။ ချောင်း အောက်ပုိုင်းရောက်လာသည်နှင့်အမျှ အခြားရွာ၏ ရေပိုင်နက်နှင့် နီးသောနေရာ ရောက်လေလေ၊ အရှေ့မှဆင်းသွားသောလူများကို မီလာလေလေ ဖြစ်လာသည်။ ဖြစ်ချင်တော့ ချောင်း၏ ရေနက် ပိုင်းတနေရာတွင် ရွာသားများက ရေငုပ်၍ ငါးဆယ်နေကြသည်။ ထိုနေရာ ရောက်သောအခါ ကျနော်လည်း စတန့်ပြချင်သည့်သဘောလား၊ ငါးရချင်သည့် ဆန္ဒကြောင့်လားမသိ၊ ချောင်းထဲသို့ ရေငုပ်လိုက်မိသည်။ ထိုအခါ ဘေးပတ်ဝန်းကျင်တွင်ရှိ ကျနော်၏ချစ်သောရွာသားများက ၀ါးခနဲ
ရယ်ကြသည်။ အဘယ်ကြောင့်ဆိုသော် ကျနော် ရေသာငုပ်လိုက်သည်၊ ငါးတကောင်ရသည်ကား မှန်ပါသည်။ ကျနော်ရေငုပ်စဉ် ယခင်ငါးဖမ်းစဉ်က လွယ်ခဲ့သော ပလိုင်းအား ချွတ်ရန်မေ့ခဲ့သည့် အတွက် ပလိုင်းထဲရှိငါးများအားလုံး ရေထဲသို့ ပါသွားခဲ့၍ဖြစ်သည်။
ညနေစောင်းပြီဖြစ်၍ တဖြည်းဖြည်းနှင့် ချမ်းစပြုချေပြီ။ အဖော်အဖြစ်ရှိနေသည့် အမိုးများထံမှ ခေါင်အိုးတောင်း၍ သောက်ပြီး ဆေးရွက်ကြီးကို မြုံ့လိုက်သည်။ နည်းနည်းတော့ နွေးသွား
သလိုပင်။ ဆက်၍ နည်းနည်းလျှောက်တော့ ရွာနယ်နိမိတ်သတ်မှတ်ထားသော တောင်တက်
လမ်းအား မြင်နေရပြီ။ ငါးက ဘာမှမရသေး။
ဘေးရေထဲသို့ ခဲတလုံးကျသံကြားရသည်။ မော့ကြည့်တော့ ချောင်းကမ်းပါးစပ်မှာ တောင်ပေါ်သူ။ တက်ခဲ့ရန် အချက်ပြသည်။ အမိန့် မလွန်ဆန်နိုင်ပါ။ တက်သွားတော့ သူနှင့် သူ့မောင်လေးငယ်ငယ်။ “ပြန်ကြရအောင်” ဆိုသည်။ ဘာမှမပြောမိ။ သူက အရှေ့က ပလိုင်းနှင့်တရွေ့ရွေ့။ နေရောင်က ရွာပြန်သည့် တောင်ကုန်းအမြင့်ပေါ်ရောက်လေလေ သူ့ခန္ဓာကိုယ်မှာ စူးစူးရဲရဲ။ လမ်းတ၀က် ရောက်လုဆဲမှ “ပြကြည့်ပါဦး၊ ငါးဘယ်လောက်ရလဲ” မေးသည်။ “မကြည့်ပါနဲ့၊ ဘာမှမရဘူး” “မဟုတ်ဘူးလေ၊ ကြည့်တယ်ဆိုတာ မရဘူးဆိုတာတော့ သိတာပေါ့။ ဒါမှ ကျန်တဲ့ ဆေးမှူးတုိ့၊
ရဲဘော်တို့ကို စားဖို့ထည့်ပေးဖို့အတွက် ချိန်လို့ရတာပေါ့”။ အဲဒီကျတော့လည်း ကျေးဇူးတင်ပါ တယ်ပေါ့။ ရွာအ၀င် ဘုရားကျောင်းနံဘေးရောက်တော့ လမ်းခွဲရတော့မယ်။ သူကတလမ်း၊ ကျနော်ကတလမ်း။ လမ်းခွဲရောက်လုနီးကာမှ သူ့မောင်လေးကို လက်ဆွဲခေါ်ပြီး ပြောသည်။ “ညကျရင် အိမ်မှာခေါင်လာသောက်ပြီး ထမင်းစား၊ ပြီးတော့ ဟုန်းကော်မတီလည်း ဘယ်တော့မှ မလုပ်နဲ့၊ ရှက်စရာကြီး၊ ငါးက ဘာမှလည်းရတာမဟုတ်ဘူး။” သူကျီစယ်မှုမှန်းတော့ သိပါသည်။ သို့သော် ယောက်ျားဖြစ်ဖြစ်၊ မိန်းမဖြစ်ဖြစ် အတွေ့အကြုံဆိုသည်မှာ ဤကဲ့သို့သာ သင်သွားရသည် မဟုတ်ပါလား။
ဘာပဲဖြစ်ဖြစ် ထိုညကတော့ ကျနော် သူ့အိမ်သွားပြီး ငါးဟင်းမြည်းလို့၊ ခေါင်ရည်တွေသောက် လုပ်ခဲ့သေးသည်။ ကဲ နောက်တခါလုပ်မယ့် ဟုန်းပွဲတော်က နောက်သုံးနှစ်ကြာမှတဲ့။ ဘယ်သူ
တွေက အဝေးရောက်၍ ဘယ်သူတွေကျန်ခဲ့မလဲ။ မည်သူမျှ မှန်းဆနိုင်တော့မည်မဟုတ်။ အဝေး ရောက်သူတွေကတော့ ဝေးဝေးကသာ သတိရနေရပေမည်။ ကျန်ခဲ့သူတွေကတော့ ပင်ပန်းတကြီး ဟုန်းပဲဆက်ထုနေရမှာလား၊ အပစ်ရပ်ခြင်းရဲ့ အကျိုးဆက်အရ ရေသတ္တ၀ါများကို ဖောသီစွာ စားသုံးနေနိုင်မည်လား။ အခုတော့ အိမ်တိုင်းတွင် ငါးကျပ်တင်သည့် ရနံ့က ရွာလေထုအတွင်း ပျံ့နှံ့နေဆဲ။ ။
ကလေးငိုသံ-အလံတလက်-ခေတ်ပျက်တခု
(မြတ်နိုး)(၂၀-၆-၀၇)
ခေတ်ပြိုင်...မှ
ဆောင်းယွန်းနွေဦး၏ တခုသောဝေလီဝေလင်း
တွင် ကျနော်အိပ်ရာမှနိုးလာခဲ့ပါသည်။ အိပ်ခန်း ခေါင်းရင်း ပြတင်းကို ဖွင့်လိုက်သောအခါ အရှေ့ မိုးကောင်းကင်တခိုတွင် ပတ္တမြားရည်တို့ ဖိတ်စင် စွန်းထင်းစ ပြုနေပါပြီ။ တညလုံး ကြီးစိုးမင်းမူ နေခဲ့သော အမှောင်သည် တဖြည်းဖြည်းပါးလျား အားပျော့ ဆုတ်ခွာစပြုနေပါပြီ။ မနက်ခင်း ညင်းလေပြည်သည် နေ့သစ်၏ ကိုယ်သင်းနံ့ လက်ဆောင်ကိုပေးကာ ဆက်လက်ထွက်ခွာ
သွားပါသည်။ ထိုအခိုက်မှာပင် `အူဝဲ အူဝဲ´ ဟူသော မွေးကင်းစ ကလေးငယ်၏ ခွန်းဆင့်ရှိုက်ငင် ငိုကြွေးသံကို ကျနော်ကြားလိုက်ရပါသည်။
တဘက်ခြံတွင်းရှိ အိမ်ငယ်လေးဆီမှ ကိုယ်ဝန်သည် အလုပ်သမလေးသည် သူ၏ရင်သွေးငယ်အား အောင်မြင်စွာ မွေးဖွားပေးလိုက်လေပြီ။ ကျနော်သည် ဆေးပေါ့လိပ်ကို မီးညှိဖွာကာ အရှေ့အရုဏ်ဦး မိုးကောင်းကင်ဆီ မျှော်ငေးရင်း အတွေး တံလျှပ်များအကြား လျှောက်သွားနေမိခဲ့ပါသည်။
ကျနော့်အနီးဝန်းကျင်၌ လူသားသစ်ကလေးငယ်တဦး လူ့အဖွဲ့အစည်းအတွင်း ချဉ်းနင်းဝင်ရောက်
လာခဲ့လေပြီ။ သူ မမွေးဖွားမီကပင် ရှိနှင့်ပြီးဖြစ်သော ခေတ်ကြီးတခေတ်ကလည်း သူ့အား အသင့် စောင့်ကြိုလျက်ရှိပါသည်။ ဤလူသားငယ်နှင့် ဤခေတ်ကြီးအကြား နှောင်ဖွဲ့ ရက်ရှယ်ထားသည့် ပင့်ကူအိမ်ကို ကျနော် တွေးကြည့်နေမိပါသည်။
စင်စစ်ကလေးငယ်သည် လူ့လောကသို့ သူ့အလိုဆန္ဒအရ ရောက်လာရခြင်းမဟုတ်ပါ၊ ရှိနှင့်ပြီး လူသားမိဘနှစ်ပါး၏ သံယောဇဉ်ပယောဂဖြင့် ဘုမသိဘမသိ လက်ကမ်းခံလိုက်ရခြင်းသာ
ဖြစ်ပါသည်။ သူမွေးဖွားကြီးပြင်းရမည့် ခေတ်ကြီးတခေတ် ရှိနေနှင့်သည်ကိုလည်း သိခွင့်ရခဲ့သည် မဟုတ်ပါ။ ထိုခေတ်ကြီး၏ ကောင်းကျိုးဆိုးပြစ်မှန်သမျှတွင်လည်း သူ့၏ကံသုံးပါး (ကာယကံ၊
ဝစီကံ၊ မနောကံ) အနက် တပါးပါးသော်မှ ပါဝင်ပတ်သက်ခဲ့ခြင်းမရှိပါ။ ထို့ကြောင့် သူမွေးဖွားရာ ခေတ်ကြီးနှင့် ပတ်သက်၍ သူ့တွင်တစုံတရာ တာဝန်ယူရန်အကြောင်းမရှိပါ။ သို့ရာတွင် ထိုခေတ်
ကြီး၏ ကောင်းမွေဆိုးမွေမှန်သမျှကိုကား သူ့ဆန္ဒအလျဉ်းမပါဘဲ ဆက်ခံရတော့မည်သာဖြစ်ပါသည်။ သူရောက်ရှိရာ တည်ဆဲခေတ်ကြီးကလည်း ဘုရားစူးမိုးကြိုးပစ် ယဉ်ကျေးထသော တောရိုင်းဝါဒ ဂလိုဘယ်လိုက်ဇေးရှင်းခေတ်ကြီးဖြစ်နေပြန်ပါသည်။ သည်လိုခေတ်ကြီးအတွင်း ဖြူစင်သန့်ရှင်း အပြစ်ကင်းသည့် ကလေးငယ်တယောက် ရောက်လာခဲ့ရသည်မှာ မွန်မြတ်သောဆုလာဘ်လော၊ ခါးသီးသောအပြစ်ဒါဏ်လော၊ ကျနော်ဝေခွဲရ ခက်နေမိပါသည်။
လူအတော်များများ (အထူးသဖြင့် သူတို့ကိုယ်သူတို့ ခေတ်မီသည်ဟု ယူဆနေသူများ) သည် အသစ်အသစ်တို့ကိုသာ လိုလားနှစ်သက်ကြောင်း ကြွားဝါပြောဆိုလေ့ရှိကြပါသည်။ နောက်ဆုံးပေါ် ဇိမ်ခံကားသစ်၊ အ၀တ်အစား ဖက်ရှင်သစ်၊ အဆောက်အဦ ဒီဇိုင်းသစ်၊ ရုပ်ရှင်ကားသစ်၊ ကဗျာသစ်၊ နှစ်သစ်၊ အချစ်သစ် စသည်ဖြင့် စုံနေပါတော့သည်။ ကမ္ဘာဟောင်းတွင် နှစ်ခြိုက်စွာ ငိုက်မြည်းရင်း အသစ်ကိုသာ နှစ်သက်သည်ဆိုသော ထိုသူများသည် သူတို့ခေတ်က မွေးထုတ်လိုက်သော မျိုးဆက်သစ်လူသားလေးများနှင့် ထိုက်တန်သည့် ခေတ်သစ်တခုကို အတွေးသစ်ဖြင့် ဖန်တီးတည် ဆောက်ကာ အမွေပေးခဲ့ရန်ကိုကား မေ့လျော့ထားကြဟန်ရှိပါသည်။ ထို့ထက်ပို၍ စက်ဆုပ်ဖွယ် ကောင်းသည်မှာ ခေတ်၏ မျိုးဆက်သစ်များအား သူခိုးကြမ်းပိုး၊ ခါးပိုက်နှိုက်၊ သူတောင်းစား၊ ကလေးပြည့်တန်ဆာ စသည့် အနိဋ္ဌာရုံများအတွင်း ကျုံးသွင်းမောင်းပို့နေသော ဤလိုခေတ်ကြီးအား မျက်နှာပေါင်းတင် အလှပြင်ကာ စင်တင်ပွဲထုတ်နေကြခြင်းပင် ဖြစ်ပါသည်။ ဤသို့ ဤနှယ် အတွေး ဇာချဲ့နေဆဲမှာပင် မွေးကင်းစကလေးငယ်အား တိုင်တည်ပြောကြားလိုက်သော မည်သည့်အရပ်မှ ရောက်လာသည်မသိနိုင်သော အောင်မြင်ခန့်ညားသည့် စကားသံကို ကျနော်ကြားလိုက်ရ
ပြန်ပါသည်။
“အို လူသားကလေးငယ်…။ ငိုကြွေးလော့…။ ရှိုက်ကြီးတငင် ငိုကြွေးခြင်းဖြင့် သင့်ခွန်အားကို စတင်ဖြည့်တင်းလော့…။ လူ့လောက၌ ခွက်ထိုးခွက်လန် ရယ်မော၍ မွေးဖွားလာသော လူသား ကလေးငယ်ဟူ၍ မရှိစကောင်း။ ငိုကြွေးခြင်းသည် မွေးကင်းစ လူသားသစ်မှန်သမျှ၏ ဂုဏ်ဒြပ် လည်းဖြစ်၏။ မူကြိုဘာသာစကားလည်း ဖြစ်၏။ ပြုံးရွှင်ရယ်မောခြင်း အတတ်၏ ရှေ့တော်ပြေးလည်း ဖြစ်၏။ ငိုကြွေးခြင်းမှ အစပြု၍သာ လူ့ဘာသာစကား အလုံးစုံကို သင်လူသားငယ် သင်ယူ တတ်မြောက်နိုင်လိမ့်မည်။ တရွေ့ရွေ့ တတ်မြောက်လာသော ဘာသာစကားသည် သင့်အား တွေးခေါ်ခြင်းကိုပါ တဆင့်တက်သင်ကြားပေးလိမ့်မည်။”
“တွေးခေါ်ခြင်းသည် ဘာသာစကားမှတဆင့် လောကသစ္စာကို သင်မြင်တွေ့နိုင်အောင် ကိုယ်ထင်ပြ လိမ့်မည်။ အတွေးအခေါ်နှင့် ဘာသာစကားဆိုသည်မှာ နေမင်း၏ အလင်းနှင့်အဆင်းပမာ မခွဲမခွါ ပေါင်းစည်းနေသောအရာဖြစ်သည်။ ဘာသာစကား၏ အပြင်ဘက်၌ တွေးခေါ်ခြင်းဟူ၍မရှိ။ ဆွံ့အ နေသူတဦး၏ အိမ်မက် ဇာတ်ကြောင်းပြန်နှင့် သူ၏ဘ၀ ဒဿန ဟောပြောချက်များကို မည်သူမျှ ကြားနာခွင့်ရနိုင်မည်မဟုတ်။ တစုံတခုသော တွေးခေါ်ဆင်ခြင်မှုကို မဖော်ပြသည့်ဘာသာစကားဟူ၍ မရှိ။ ဘာသာစကားအား ဥပက္ခာပြုနိုင်စွမ်းရှိသော တွေးခေါ်မှုဟူ၍လည်းမရှိ။ ဘာသာစကားဖြင့်သာ တွေးခေါ်မှုကိုဖော်ပြနိုင်ပြီး တွေးခေါ်မှုဖြင့်သာ ဘာသာစကား၏ ကျယ်ဝန်းနက်ရှိုင်းတောက်ပမှုကို ဖန်ဆင်းနိုင်သည်။”
“အို ကလေးငယ်…။ သင်မွေးဖွားကြီးပြင်းရာ ခေတ်ကြီးသည် `မောဟနှင့်သစ္စာ´ တို့ လိမ်ယှက် ရက်ဖောက်ရာ မာယာဘုံ ဖြစ်၏။ တွေးခေါ်ခြင်းကို ဘာသာစကားမှတဆင့် သင်ယူလော့။ ဘာသာစကားမှတဆင့် `ကိုယ်ထင်ပြလေ့ရှိသော တွေးခေါ်မှု၏ လောကသစ္စာကို မြင်အောင်ရှုလော့´
`သစ္စာတရားသည်သာ သင့်၏ ကိုယ်စောင့်နတ်အမှန်ဖြစ်၏။ သစ္စာတရားဖြင့်သာ သင်သည် သစ္စာသိသူ၊သစ္စာရှိသူ ဖြစ်လာနိုင်၏။”
“အို ကလေးငယ်…။ သင်ဖြတ်သန်း ကြီးပြင်းရမည့် ခေတ်ကြီးသည် `ယဉ်ကျေးသောကမ္ဘာ´
အမည်ရှိ လှပသော နီယွန်မီးပွင့်ဆိုင်းဘုတ်အောက်မှ အကျည်းတန် အရိုင်းခေတ်ကြီးသာတည်း။ ခွန်အားကြီးသူက ခွန်အားနည်းသူကို၊ ဥစ္စာဓန ကြွယ်ဝသူက ဥစ္စာဓနမဲ့သူကို၊ အာဏာလက်နက် ရှိသူက အာဏာလက်နက်မဲ့သူကို စော်ကားနှိပ်စက်လေ့ရှိသော ခေတ်ရိုင်းခေတ်မိုက်ကြီးသာတည်း။ လူသားချင်းကိုပင် ကျွဲနွား တိရိစ္ဆာန်များပမာ ရောင်းဝယ်ဖောက်ကားနေသော ဈေးခင်းကြီးသာ
တည်း။ ဤခေတ်ကြီးအတွင်း၌ ငွေကြေး ဥစ္စာ၊ လက်နက်အာဏာ အရာရာပြည့်စုံသော အုပ်စိုးသူများ သည် ခေတ်၏အသီးအပွင့်မှန်သမျှကို အပိုင်စီးရိတ်သိမ်းရန် လိုင်စင်ရနေကြ၏။ သူတို့သည် လူသားအပေါင်း လဲလျောင်း မှီခိုရာဟူ၍ လက်ရှိခေတ်ကြီးမှတပါး အခြားမရှိဟူသော တရား ဒေသနာကို ဟောကြားပို့ချနေကြသည်။ သူတို့၏ နိဗ္ဗာန်ဘုံဖြစ်သော လက်ရှိခေတ်ကြီးအား ပြိုလဲမသွားစေရန် ကျားကန်ဒေါက်ထောက် ထိန်းသိမ်းစောင့်ရှောက်နေကြသည်။
“အုပ်စိုးခံ လူများစုကြီးမှာကား ဥစ္စာဓနမရှိ၊ လက်နက်အာဏာမရှိ၊ သူတို့ဘ၀ဖြင့် ရင်းနှီးစိုက်ပျိုးရာမှ သီးပွင့်လာသော ခေတ်၏ကောက်နှံများကို ရိတ်သိမ်းခွင့်မရကြ။ သူတို့သည် ခေတ်၏ရိုးပြတ်တော အလယ်မှ ကောက်သင်းကောက်သူများသာဖြစ်ကြသည်။ သူတို့မွေးဖွားသေဆုံးရာ ငရဲဘုံဖြစ်သော ထိုခေတ်ကြီးကိုလည်း မနှစ်မြို့နိုင်ကြ။ လောကကို အလှဆင်သူတို့၏ ဂုဏ်သိက္ခာနှင့်ထိုက်တန်သော ခေတ်သစ်ကို သူတို့မျှော်လင့်တောင့်တခဲ့ကြသည်။ ထို့အတွက် သူတို့၏ အသက်ကို ပေးအပ်ခဲ့ကြ၏။
“ဤနည်းအားဖြင့် တည်ဆဲခေတ်ကြီးသည် အုပ်စိုးသူနှင့်အုပ်စိုးခံတို့၏ ပဋိပက္ခဖြင့် တိုက်ပွဲဖြစ်လျက် ရှိသည်။ လူသမိုင်းနှင့်အမျှ ရှည်လျားကြာမြင့်ခဲ့လေပြီ။ သင်သည် ဘက်နှစ်ဘက်ပဋိပက္ခတွင် တဘက် ဘက်၌ ရပ်ရပေတော့မည်။ ကြားနေခြင်းသည် သင့်အတွက်လည်းကောင်း၊ လူ့လောကအတွက် လည်းကောင်း ကောင်းကျိုးရှိမည်မဟုတ်။ ကြားနေသူတို့၏ အကောင်းဆုံး ဆုလာဘ်မှာ ဘက်နှစ် ဘက်၏ အမုန်းမီးတောက်အောက်တွင် ပြာဖြစ်ရခြင်းသာဖြစ်ပေလိမ့်မည်။ အုပ်စိုးသူများသည် ယခင်ကထက် စိတ်ကောင်းစေတနာပြည့်ဝလာကာ လက်ရှိခေတ်ကြီးသည်လည်း ရှေးယခင်ကထက် နေချင့်စဖွယ်ဖြစ်လာလိမ့်မည်ဟု သင်မမျှော်လင့်အပ်။ ပုဂ္ဂလိက အတ္တချော်ရည်တို့ဖြင့် ဗွက်ပေါက် နေသော ခေတ်ကြီးအတွင်းမှ၊ လူသားအများစု(လူ့အဖွဲ့အစည်း) အတွက် ကောင်းကျိုးချမ်းသားကို မျှော်လင့်ခြင်းသည် ကျားရဲအား သူတော်စင်ဖြစ်နိုးနိုး မျှော်ကိုးခြင်းမျိုးသာဖြစ်သည်။ ခေတ်အဆက် ဆက်မှ သင်၏ဘိုးဘွားမိဘအပေါင်းသည် နှောင်းသားမြေးမြစ်အတွက် ထိုက်တန်သော ခေတ်သစ် တခေတ်ကို အမွေအဖြစ် မပေးနိုင်ခဲ့ကြသေး။ သင့်အားသူတို့ ပေးနိုင်ခဲ့သည်မှာ `မပြီးဆုံးသေး သောတိုက်ပွဲနှင့် သူပုန်အလံတလက်´ သာလျှင်ဖြစ်၏။
“ခါးသီးသော ထိုအမွေကို ဆက်ခံခြင်းဖြင့်သာ သင်သည် ခေတ်၏သားကောင်းတယောက် ကျောက် ကောင်းတစေ့ ဖြစ်နိုင်၏။”
“အို…ကလေးငယ်၊ ငိုကြွေးခြင်းဖြင့် သင့်ခွန်အားကိုဖြည့်လော့။ သင့်အမွေ သူပုန်အလံကို မြင့်မားစွာ လွှင့်ထူလော့…။ အချိန်ကာလတည်းဟူသော သိန္ဓောမြင်းကို ဇက်ခွံ့စီးကာ တိုက်ပွဲစစ်မျက်နှာသို့ ခရီးနှင်လော့…။”
တိကျရေရာစွာ ညွှန်ပြရန်ခက်ခဲသော၊ နက်ရှိုင်းဝေးလံရာအရပ်မှ ထွက်ပေါ်လာသည့် ထိုအသံသည် အရှေ့ဘက် မိုးကောင်းကင်ထက်ဝယ် ပဲ့တင်ထပ်ကာ ဖြည်းဖြည်းဝေးဝေး ပျောက်ကွယ်သွားခဲ့
ပါသည်။
နေမင်းသည် အရှေ့မိုးကုတ်စက်ဝိုင်း ထီးရိပ်အောက်မှ မြနှစ်ရောင်တောင်ကလပ်ပေါ်ဝယ် စံပယ်နေ ပါပြီ။
ကျနော်၏ အာရုံတွင် ရိပ်ရိပ်ရေးရေးပြေးလွှားနေသည့် အချိန်ကာလတည်းဟူသော သိန္ဓောမြင်း ထက်မှ သူပုန်အလံကို ဝှေ့ရမ်းကာ တိုက်ပွဲစစ်မျက်နှာသို့ တဟုန်ထိုး ချီတက်သွားသော ကလေး ငယ်အား မြင်ယောင်လာမိပါသည်။
ခေတ်ပြိုင်မြို့ကလေး၏ ဂန္တ၀င်နံနက်ခင်း (၈၈)
ကမာပုလဲ (၇-၈-၀၇)
ခေတ်ပြိုင်...မှ
အဲဒီနေ့က မိုးစက်ကလေးတွေ ရွာသွန်းနေသည်။ သည်းသည်းမည်းမည်းမဟုတ၊် ဖွဲဖွဲကလေးမျှသာ။ ရွာသွန်းဖြိုးလိုက် တိတ်သွားလိုက်။ နံနက်ခင်း၏ နေခြည်လည်း ဖြာဆင်းလာလိုက် ညိုမှောင်လိုက် နှင့် မြေသင်းရနံ့ကလေး၏ လွှမ်းခြုံနေမှုအောက်မှာ မြို့ကလေးသည် သွားလာလှုပ်ရှားနေသော မြို့သူ မြို့သားများနှင့်အတူ ဣနြေ္ဒရရ တည်ငြိမ်သက်ဝင်
နေခဲ့သည်။
သက်ဝင်တည်ငြိမ်နေသော မြို့ကလေး၏မျက်နှာသည် ခါတိုင်းနေ့တွေကဲ့သို့မဟုတ်၊ တစုံတရာကို ဖွင့်ဟပြောပြချင်နေသလိုလို။ တစုံတခုကို ဖွင့်မပြခင် ၀ှက်သိုမြိုသိပ်ထားသလိုလိုနှင့် တိကျဖော်ပြ ခြင်းငှာ မစွမ်းသာသော နိမိတ်ပုံကို ဆောင်နေသည်။ မြို့ကလေး၏ လမ်းမတွေသည်လည်းကောင်း၊ လမ်းသွားလမ်းလာ မြို့သူမြို့သားများ၏ တယောက်နှင့်တယောက် အကြည့်တို့သည်လည်းကောင်း၊ ဈေးရောင်းဈေးဝယ်သူများ၊ ယာဉ်မောင်းနှင့်ယာဉ်စီးခရီးသည်များ၊ လက်ဘက်ရည်ဆိုင်နှင့် လက်ဘက်ရည်ဆိုင် ထိုင်သူများ စသည်တို့၏ ဆက်ဆံရေးယဉ်ကျေးမှုသည် ခါတိုင်းနေ့တွေကဲ့သို့ မဟုတ် ထူးခြားစွာလှုပ်ခတ် လှုပ်ရှားနေလျက်ရှိသည်။
မြို့ကလေး၏ ထိုနေ့နံနက်ခင်းသည် ထူးခြားနေသော တိတ်တခိုးရင်ခုန်သံတို့ဖြင့် အတိပြီးလျက် ရှိသည်။ အချိန်မှန်ထွက်ရမည့် သင်္ဘော၊ မော်တော်၊ ကူးတို့သမ္ဗာန်တို့သည် ထွက်ခွာရန် အချက် အလက်တို့ ပြည့်စုံနေသော်ငြား သင်္ဘော၊ မော်တော်၊ ကူးတို့သမ္ဗာန်တို့သည်လည်းကောင်း၊ ဦးဆောင်မောင်းနှင်တာဝန်ယူထားကြသည့် မာလိန်မှူး တက်မကိုင်သင်္ဘောသားများနှင့် ခရီးသည် တို့သည်လည်းကောင်း၊ ညို့ယူစရာမလိုသော သဘောတူညီမှုဖြင့် ကမ်းမှခွာရန် ငြိမ်သက် ငြင်းဆန် နေကြသည်။
ဈေးရောင်းသူက သူ၏ကုန်ပစ္စည်းဈေးနှုန်းကို ပြောရာတွင် အယောင်ယောင်အမှားမှားနှင့် ဈေးနှုန်း လျော့ပြောနေကြသလို ၀ယ်သူများကလည်း ပြန်အမ်းငွေယူရန် အမေ့မေ့အလျော့လျော့နှင့် ဖြစ်နေ ခဲ့ကြသည်။ အုံနာခ မပြည့်မီခဲ့ရင်ဟူသော သောကဖြင့် အသားကျနေတတ်သည့် ဆိုက်ကားဆရာ တို့သည် လက်ဘက်ရည်တခွက်၊ အကြမ်းရည်တအိုးနှင့်အတူ လက်ဘက်ရည်ဆိုင်အတွင်း
ကျောက်ချထိုင်နေခဲ့ကြသည်။
မြို့ကလေး၏ တဘက်ကမ်းမှ အတန်းလိုက်တည်ရှိနေသော ဆန်စက်တို့၏ စက်ခေါင်းတိုင်များသည် မီးခိုးငွေ့တို့ ပျောက်ဆုံးနေကာ အသက်ရှူဖို့ကို မေ့နေကြသည်။ ဆန်စက်တာဝန်ခံတွေရှိနေကြသည်။ ဆန်စက်အလုပ်သမားတွေရှိနေကြသည်။ ကြိတ်ခွဲရမည့်စပါးတွေလည်း အဆင်သင့်ရှိနေကြသည်။ ဆန်စက်ကြိတ်ခွဲလည်ပတ်ရန် စက်ယန္တရားများနှင့် လိုအပ်သည့် အချက်အလက်တို့သည်လည်း ချွတ်ယွင်းချက်မရှိ အသင့်ဖြစ်နေပြီးဖြစ်သည်။ သို့သော်မြို့ကလေး၏ တဘက်ကမ်းသည် မြို့ကလေး ဆီသို့ တမျှော်မျှော်၊ တကြည့်ကြည့်နှင့် နားစွင့်ရင်ခုန်နေလျက်ရှိနေသည်။
ပုံမှန်နံနက်ခင်းများကဲ့သို့ မြို့ကလေး၏ ရင်နှစ်သည်းခြာ ကျောင်းသူကျောင်းသားကလေးများ ကျောင်းသို့သွားနေကြသည်။ အဖြူနှင့်အစိမ်းရောင် ကျောင်းတက်ဝတ်စုံကိုဝတ်ဆင်ထားကြသော ကျောင်းသားကျောင်းသူကလေးများ မိခင်ကျောင်းတော်ကြီးများရှိရာသို့ အသီးသီးသွားနေကြသည်။ ထူးခြားနေသည်။ ခါတိုင်းလိုစက်ဘီးစီးသူများက ကျောင်းသူကျောင်းသားကလေးများအနီးသို့ရောက် ရှိချိန်တွင် ကပ်၍ကွေ့ကာစီးနင်းသွားခြင်းမရှိကြ။ စက်ဘီးကို ရပ်ပေးလိုက်ကြသည်။ ဆိုက်ကား ယာဉ်များကလည်း အဖြူနှင့်အစိမ်းဝတ်ကလေးများအနီးသို့ ရောက်လာလျှင် ဘီးကို မလှိမ့်တော့။ မရွေ့တော့။ စိတ်ရှည်စွာ ရပ်တန့်ပေးနေကြသည်။
မြို့သူမြို့သားများကလည်း အဖြူအစိမ်းဝတ် ကျောင်းသူကျောင်းသားကလေးများကို ခါတိုင်းထက် ပိုလို့ဂရုစိုက်ကြည့်နေကြသည်။ ထူးခြားမှုတွေထဲက ထူးခြားမှုတခုမှာ စာသင်ကျောင်းအသီးသီးရှေ့ရှိ မုန့်ဆိုင်ကလေးများ၊ ကုက္ကိုလ်ပင်ရိပ်များအောက်တွင် ကျောင်းသူကျောင်းသားများ၏ မိဘများ အရင်နေ့တွေကထက် ပိုများနေသလို ကလေးများ ကျောင်းအတွင်းသို့ ၀င်သွားသည်ကိုမျက်စေ့ဖြင့် တပ်အပ်မြင်နေကြပါလျက် အိမ်သို့ပြန်ရန် တွန့်ဆုတ်နေကြသည့်မြင်ကွင်းပင်ဖြစ်သည်။
မြို့ကလေး၏ အမှတ် (၁) အထက်တန်းကျောင်းမှ ကျောင်းတက်ခေါင်းလောင်းထိုးသံကြားရသည်။ ထိုနေ့က ကျောင်းတက်ခေါင်းလောင်းထိုးသံတွင် အမည်ဖော်မရသော ထူးခြားမှုတခု သက်ဝင်နေ သည်ဟုထင်ရသည်။ ကျောင်းတော်ကြီးသည် အပ်ကျသံပင်မကြားရ တိတ်ဆိတ်ငြိမ်သက်နေသည်။ ခဏအကြာတွင် “အားလုံးမတ်တပ်ရပ်” အသံကို ကြားနေကြအတိုင်း ကြားလိုက်ရသည်။
တဆက်တည်းတွင် “ကမ္ဘာမကျေ” သီချင်းကို သံပြိုင်ဆိုလိုက်သည့်အသံကိုကြားရသည်။ ကျောင်း တော်ကြီးသည် “ကမ္ဘာမကျေ” သီချင်း သံပြိုင်သီဆိုသံများအောက်ဝယ် သိမ့်သိမ့်ခါနေသည်ဟု ခံစားရသည်။ “မင်္ဂလာပါဆရာ”၊ “မင်္ဂလာပါဆရာမ” ဆိုသည့် ကြားနေကျ အသံများကြားရသည်။ ထို့နောက်ကျောင်းတော်ကြီးသည် ထူးခြားလွန်းစွာ တဖန်တိတ်ဆိတ်သွားပြန်သည်။ ထိုစဉ်ခဏမှာပင်
“အားလုံးသတိ”
“ကျဆုံးလေပြီးသော အာဇာနည်ကျောင်းသားများအားအလေးပြု”
“ကမ္ဘာမကျေသီချင်းဆို”
“ကမ္ဘာမကျေ … ဗမာပြည် … ဒါဒို့ပြည် … ဒါဒို့မြေ … ”
ဆန်းကြယ်လွန်းလှပါလား။ ထူးခြားဆန်းကြယ်လွန်းလှပါလား။ ကျောင်းတော်ကြီးရှေ့ရှိ လွတ်လပ် ရေးအားကစားကွင်းနှင့် ကပ်လျက် ကုက္ကိုလ်ပင်ရိပ်လွှမ်းသော လမ်းမထက်ဆီမှ အဖြူအစိမ်း
ဝတ်ထားသော ကျောင်းသားကျောင်းသူများကို တွေ့မြင်လိုက်ရသည်။ သူတို့ဆီမှ ရင်ခုန်လှိုင်းထ ဖွယ်ရာကြွေးကြော်သံများ သတိ၊ အလေးပြု၊ ကမ္ဘာမကြေသီချင်း သီဆိုသံများကို ကြားရသည်။
ကျောင်းသူ ကျောင်းသားကလေးများအားလုံး (၁၆၊ ၁၇) နှစ် ထက်မကျော်၊ ရိုးရှင်းသော၊ ရဲရင့်သော၊ အပြစ်မဲ့ကင်းသော နုပျိုဖူးသစ် မျက်နှာကလေးများကို ပိုင်ဆိုင်ထားကြသည်။ သူတို့သည် စည်းကမ်း တကျ လေးယောက်တတန်း စီလိုက်ကြသည်။ အားလုံးငါးဆယ်ခန့်ရှိသည်။ ရှေ့ဆုံးမှ ကျောင်းသား တယောက်က ၀ှက်ယူလာခဲ့သော ကြယ်ငါးပွင့်ပါ နိုင်ငံတော်အလံကို ၀ါးလုံးဖြင့် တပ်ဆင် ချီနှောင်ကာ အလံကို လွှင့်ချီလိုက်ပြီး ရှေ့ဆုံးမှ ချီတက်လာသည်။ သူ့နောက်မှ တယောက်လက်တယောက် ဆုပ် ကိုင်ရင်း စည်းကမ်းတကျ လေးယောက်တတန်းချီတက်လာကြသည်။ သူတို့ထံမှ
“ဒီမိုကရေစီရရှိရေး … ဒို့အရေး”
“မဆလပါတီ … အလိုမရှိ”
“အရေးတော်ပုံ … အောင်ရမည်”
သူတို့ချီတက်လာကြသည်။ စနစ်တကျတန်းစီထားသော အဖြူအစိမ်းဝတ် ကျောင်းသူ ကျောင်းသား လေးများ ချီတက်လာကြသည်။ ရှေ့ဆုံးမှကျောင်းသားက အလံကိုင်ချီတက်လာသည်။ သူ့နောက်မှ တန်းစီချီတက်လာသော ကျောင်းသားများက ကြွေးကြော်သံများတိုင်ကာ ပြိုင်တူဟစ်ကြွေးရင်း ချီတက်လာသည်။ သူတို့၏ ကျောင်းတော်ကြီးရှေ့အရောက်တွင် ချီတက်လာသော ကျောင်းသူ ကျောင်းသားများရပ်လိုက်ကြသည်။
ခွေးခြေခုံတန်းလျားတခု ဘယ်ကဘယ်လို ရောက်လာသည်မသိ ရောက်လာသည်။ အထက်တန်း ကျောင်းသားတယောက်က ခုံပေါ်တက်မတ်တပ်ရပ်လိုက်သည်။ သူ့ခေါင်းတွင် လျှပ်ပန်းနီပိတ်စ ကလေးကို စည်းနှောင်ထားသည်။ သူက သူခံစား နားလည်သမျှ မဆလပါတီ၏ ဖိနှိပ်မှု၊ မဆလ ပညာရေးစနစ်၊ မဆလစစ်အာဏာရှင်စနစ်၏ ယုတ်မာပက်စက်မှု၊ မကြာသေးမီကမှ ကျဆုံးသွား
သော ရဲဘော်ဖုန်းမော် (စက်မှုတက္ကသိုလ်ကျောင်းသား)၊ (၂၁) ဇွန်လ အရေးအခင်း၊ (၁၉၆၂) ခုနှစ် ဇူလိုင် (၇) ရက် ကျောင်းသားအရေးတော်ပုံနှင့် မိုင်းခွဲဖျက်ဆီးခံလိုက်ရသော သမိုင်းအစဉ်အလာ ကြီးမားသည့် ကျောင်းသားသမဂ္ဂအဆောက်အဦအကြောင်း စသည်ဖြင့်သူသိသမျှကို ဟောပြော လေသည်။ သူခံစားရသမျှကို ဟောပြောနေသည်။ မပြည့်စုံသော်လည်း အချက်အလက်တို့သည်
မမှား၊ သူ့အရွယ်နှင့်သူသိသမျှ သမိုင်းဒဏ်ရာဒဏ်ချက်တွေကို ကျောင်းသားများကိုယ်စား ပြောပြ နေခြင်းဖြစ်သည်။
သူတို့ကို မြို့သူမြိ့သားများက ၀ိုင်းရံလိုက်ကြသည်။ လက်ခုပ်သံဖြင့် ထောက်ခံအားပေးလိုက်ကြသည်။ မြို့သူမြို့သား တနည်းအားဖြင့် မြို့ကလေး၏ ပြည်သူလူထုက ဆန္ဒပြကျောင်းသူကျောင်းသားကလေး များကို သူတို့ရင်ခွင်အတွင်းလွတ်လပ်စွာ လှုပ်ရှားစေရန် ဆွဲသွင်းဝန်းရံလိုက်ခြင်းဖြစ်သည်။ အကယ်၍ အာဏာပိုင်များက သေနတ်အားကိုး၍ ပစ်ခတ်လာလျင် မြို့ကလေး၏ ပြည်သူလူထုက အရင် အသေ ခံသွားကြမည့် သဘောဖြစ်သည်။
ကြိုတင်ညှိယူမထားသော ပိုင်းဖြတ်ချက်ဖြစ်သည်။ ရိုက်နှက်နှိမ်နှင်းလျင်လည်း လူထုက ရှေ့က ခံမည်ဖြစ်သည်။ ကျောင်းသားသုံးလေးယောက် ဟောပြောအပြီးတွင် ဆန္ဒပြကျောင်းသားများ
အားလုံး စနစ်တကျချီတက်ကြပြန်သည်။ လူထုကလည်း ကျောင်းသားများကို နံဘေးမှကာရင်း ချီတက်လာသည်။ ကျောင်းတော်ကြီးကို ရှေ့မှနောက်သို့ပတ်သော လမ်းအတိုင်း ချီတက်လာကြ
သည်။ ကျောင်းတော်ကြီးအတွင်းမှ တိတ်ဆိတ်ငြိမ်သက်မှုသည် ဆူညံလှုပ်ရှားစပြုလာသည်။
စာသင်ခန်းတံခါးများ အားလုံး ပွင့်သွားသည်။ ဆရာဆရာမများကို တိုးဝှေ့ရှောင်ဖယ်ရင်း ကျောင်းသူ ကျောင်းသားလေးများ ထိုးထွက်လာကြသည်။ ကျောင်းဝင်းတံခါးပိတ်ထားသဖြင့် ကာရံထားသော သွပ်ဆူးကြိုးတန်းများကြားမှ ခက်ခက်ခဲခဲ တိုး၍ လမ်းမပေါ်သို့ ထွက်လာကြသည်။ ဆန္ဒပြ ကျောင်းသားများနှင့် ပူးပေါင်းပါဝင်လိုက်ကြသည်။
ကျောင်းသူလေးတဦးက သံဆူးကြိုး ကပ်ရိုက်ထားသော တိုင်အတိုင်းအဆင့်ဆင့်တက်၍ လမ်းမ ဘက်ကိုခုန်ဆင်းနေရာ သူ့အခက်အခဲကို ကျောင်းသားလေးတဦးက လမ်းမဘက်ခြမ်းမှ ကူညီ၍ အောက်သို့ချပေးနေသည်။ လက်ချင်းဆုပ်လျှက်၊ ကျောင်းသူကလေးရဲ့ ဖိနပ်မဲ့ခြေဖ၀ါးတဖက်က ကျောင်းသားကလေးရဲ့ လက်ဖ၀ါးပေါ်နင်းကာ ကျောင်းတော်ကြီး၏ အ၀န်းအ၀ိုင်းအပြင်ဘက်ကို ရောက်ရှိသွားခဲ့ပုံမှာ ဘယ်တော့မှမေ့လို့မရနိုင်သော သမိုင်းရုပ်ပုံလွှာကားတချပ်။
ဆန္ဒပြကျောင်းသူကျောင်းသားများသည် ကမ္ဘာမကျေသီချင်းကိုဆိုရင်း၊ တောင်းဆိုချက်များကို သံပြိုင်ဟစ်အော်ရင်း၊ အင်အားတိုးပွားလာရင်း မြို့ကလေး၏ ပြည်သူလူထုကြီးရဲ့ ၀န်းရံအားပေး ပူးပေါင်းရင်းဖြင့် ချီတက်လာကြသည်။ အမှတ် (၁) အလယ်တန်းကျောင်း ရှိရာ၊ အမှတ် (၂) အထက်တန်းကျောင်းရှိရာ၊ မြို့၏အလယ်ဗဟို ဈေးရုံဈေးတန်းကြီးရှိရာသို့ တလမ်းဝင်တလမ်းထွက် ချီတက်လာကြသည်။
အိမ်တွင်ရှိနေသော မြို့သူမြို့သားများက ရေကြည်အေးမြ ထွက်တိုက်ကြသည်။ အချိုရည် တိုက်နိုင် သည့်အိမ်က အချိုရည်ထွက်တိုက်ကြသည်။ မြို့ကလေး၏ ကျောင်းသူ ကျောင်းသားတစုက စတင် လိုက်သောဆန္ဒပြပွဲကြီးသည် တမြို့လုံးဆိုင်ရာ လက္ခဏာဆောင်သွားသည်။ ဆိုက်ကားဆရာများက ဆိုက်ကားများကိုမနင်းဘဲ လက်ဖြင့်တွန်းကာလိုက်ပါချီတက်နေကြသည်၊ စာရေးစာချီများ၊ ဈေး သည်များ၊ ဆရာဆရာမတချို့။ ၀န်ထမ်းများအားလုံးပါဝင်လာကြသည်။ တိုက်ပွဲ၏အမှန်တရားသည် အင်အားဖြစ်လာသည်။ ထိုအင်အားသည် တစက်မှ တမျက်နှာဖြစ်လာသည်။
ချီတက်ဆန္ဒပြလာသော ကျောင်းသားထုထဲမှ ထူးခြားဆန်းကြယ်သော အလံတလက်မိုးယံထက်မှာ လွင့်ချီလာခဲ့သည်။ ထိုအလံကို အထက်တန်းကျောင်းသားကြီးတယောက်က လွှင့်ထူလာခြင်းဖြစ်
သည်။ ဘာအလံလဲ။ မမြင်ဘူးပါလား။ မြင်ဖူးသလိုလိုပဲ။ “ဟင် … ဒါ … ငါတို့ကျောင်းသားသမဂ္ဂရဲ့ တိုက်ပွဲဝင်ခွပ်ဒေါင်းအလံကွ”။ အသက်ငါးဆယ်ခန့်ရှိ မြို့ကလေး၏ကျောင်းသားဟောင်းကြီးများဆီမှ အသံ၊ သူတို့မျက်နှာတွင် ပီတိနှင့်မျက်ရည်များ။ သူတို့အသီးသီး၏ အကြောပြိုင်းပြိုင်းထနေသော လက်သီးဆုပ်များကိုတွေ့ရသည်။ ကျောင်းသားသမဂ္ဂအဆောက်အဦကို မိုင်းခွဲဖြိုဖျက်နိုင်သော်လည်း သမိုင်းဝင်ကျောင်းသားသမဂ္ဂနှင့် တိုက်ပွဲဝင်ခွပ်ဒေါင်းအလံကို ဖျက်လို့ မရနိုင်ပါလား။ ဒါဟာ
ဘယ်လိုမှ ပြောင်းလဲပျက်သုဉ်းမသွားနိုင်သည့် သမိုင်းသစ္စာတရား။
ချီတက်လာသော ဆန္ဒပြကျောင်းသားများနှင့် မြို့ပြည်သူလူထုကြီးနှင့်အာဏာပိုင်တို့ ထိပ်တိုက် တွေ့ကြသည်။ ရဲစခန်းထိပ်တွင်ဖြစ်သည်။ အာဏာပိုင်တွေကစည်းသုံးတန်တားကာ သေနတ်များ နှင့်တန်းစီ မောင်းထိုးချိန်ထားသည်။ ဆန္ဒပြကျောင်းသားနှင့်လူထုကြီးကလည်း စည်းသုံးတန်နား အရောက်ကပ်၍ ရပ်လိုက်သည်။ နောက်သို့ လုံးဝမဆုတ်။ လှည့်ပြန်မသွား။ ဆူပူလှုပ်ဆော်ရေး သမားများဟု မတရားတံဆိပ်ကပ် ဖမ်းဆီးထားသော ကျောင်းသားများအား လွှတ်ပေးရန် တောင်း ဆိုသည်။ အာဏာပိုင်များက လွှတ်မပေး။ ကျောင်းသားထုနှင့်လူထုကြီးကလည်း နောက်မဆုတ်။
တဖြည်းဖြည်းနှင့် အခြေအနေတင်းမာလာသည်။ ဆန္ဒပြကျောင်းသားများနှင့်လူထုကြီးက အဖမ်း ဆီးခံကျောင်းသားများကို လွှတ်မပေးလျှင်မပြန်။ ပစ်လျှင်လည်းအသေခံမည်ဖြစ်သည်။ ဒါဟာ ဘယ်သူတဦးတယောက်ကမှ သွေးထိုးလှုံ့ဆော်မှုကြောင့်ဖြစ်ပေါ်လာသော ပိုင်းဖြတ်ချက်များမဟုတ်။ မညှိဘဲညီခဲ့ကြသော အဖိနှိပ်ခံတို့၏ တိုက်ပွဲဝင် သွေးစည်းညီညွတ်ခြင်းပင်ဖြစ်သည်။ ကျဆုံးသွား
သော တိုက်ပွဲဝင်ကျောင်းသားပြည်သူလူထုကြီး၏ အရိုးတွန်သံဖြစ်သည်။ အဖိနှိပ်ခံဘ၀ထိုထို၏ လွတ်မြောက်ရေးတိုက်ပွဲအိပ်မက် အသက်ဝင်လာခြင်းဖြစ်သည်။
အာဏာပိုင်များဘက်က လက်လျှော့လိုက်ပါသည်။ အရှုံးပေးလိုက်ရပါသည်။ အဖမ်းဆီးခံ ကျောင်း သားများကို ပြန်လွှတ်ပေးလိုက်ရသည်။ မြို့ကလေး၏ ဆန္ဒပြကျောင်းသားနှင့် ပြည်သူလူထု၏ ညီညွတ်စည်းလုံးမှုဖြင့် အောင်ပွဲကိုရရှိခဲ့ခြင်းဖြစ်သည်။ သို့သော် တိုက်ပွဲသည်မဆုံးသေး။ အဖိနှိပ်ခံ တို့၏ တိုက်ပွဲသမိုင်းသည်မဆုံးသေး။ အနာဂတ်က အဖိနှိပ်ခံတို့၏တိုက်ပွဲနှင့် အောင်ပွဲသမိုင်းကို စောင့်မျှော်နေသည်။ အဖိနှိပ်ခံတို့ညီညွတ်ရေး အစဉ်ခိုင်မာလျင် အောင်ပွဲအသေအချာရရှိမည်ကို မြို့ကလေးက ထိုနေ့နံနက်ခင်းတွင် ရုပ်ကျကျ သက်သေပြခဲ့သည်။
လွမ်းပါတယ်မြို့ကလေး.....။ ။
ခွဲဝေပေးရမည့်အရာများ
( မြင့်ဇေ)(၂၇-၇-၀၇)
ခေတ်ပြိုင်...မှ
နွားလှည်းတစီးသွားဖို့သာသာလောက်သာ ရှိတဲ့ လမ်းကလေးအတိုင်း ကျနော်တို့ လျှောက်လာ ခဲ့ကြတယ်။ တောအုပ်အတွင်း နှစ်နာရီလောက် ဖြတ်သန်းလျှောက်ပြီးတော့ ကျယ်ပြန့်ပြီး မြက်ပင်တွေဖုံးလွှမ်းနေတဲ့ စားကျက်မြေတခုကို ကျနော်တို့ ရောက်သွားတယ်။ ကျနော်တို့ ဖြတ်လာခဲ့တဲ့ လမ်းရဲ့ ညာဘက်တကြောမှာက
ဝါခင်းတွေ၊ နှမ်းခင်းတွေ၊ သခွားခင်းတွေနဲ့ အခြားရိတ်သိမ်းရမယ့်သီးနှံစိုက်ခင်းတွေ။
ဟိုအဝေးလှမ်းကြည့်ရင် အခြားသစ်ပင်ငယ်တွေကို အရိပ်မိုးနေတဲ့ အုန်းပင်ရှည်ရှည်တွေ။
အိမ်ခေါင်မိုး နှစ်ခု သုံးခုကို သစ်ပင်အုပ်ကြားကနေ လှမ်းတွေ့ရတယ်။ တခြား အိမ်ခေါင်မိုးတွေ
ကတော့ သိပ်သည်းတဲ့ သစ်ကိုင်းသစ်ခက်တွေရဲ့ အနောက်မှာ ကွယ်နေတယ်။ နောက်ဆုံးတော့ ကျနော်တို့ရဲ့ ရည်မှန်းချက် ခရီးလမ်းဆုံးကို နီးကပ်လာခဲ့ပြီ။
ဒီခရီးမှာ ကျနော်နဲ့အတူ စာနယ်ဇင်းသမားနှစ်ယောက် ပါလာခဲ့တယ်။ သူတို့က ရွာနဲ့ ပတ်သက်တဲ့ စာမတတ်သူ ရာခိုင်နှုန်းကို အချက်အလက်စုဖို့ လိုက်လာတာပါ။ ကျနော်က ပညာသင်ကြားရေးမှာ အထောက်အကူအဖြစ် အသုံးချနိုင်မယ့် ကျေးလက်လူထုပါးစပ် ပုံပြင်တွေကို မှတ်တမ်းတင်ဖို့ပါ။
လမ်းဘေးအတိုင်း ကျနော်လျှောက်လာရင်း မမှားယွင်းနိုင်စိတ်ခံစားမှုတွေ၊ အမှတ်ရဖွယ်ရာတွေ ပြန်နိုးထလာတယ်။ ကျနော်ဟာ ကိုယ့်မွေးရပ်ဇာတိကို ဘယ်လို ခွဲခွာသွားခဲ့တယ်၊ ဘယ်လိုပြန် ရောက်လာခဲ့တယ် စတာတွေကို ကျနော် တွေးတောနေခဲ့တယ်။ ဖြတ်ခနဲ ပေါ်လာတဲ့ ဒီလို စိတ် လှုပ်ရှားစဖွယ် အမှတ်သညာ ပုံရိပ်တွေနဲ့ အတူလျှောက်လာဆဲမှာပဲ လေထဲမှာလွင့်လာတဲ့ ခီအိုမြက် (လော အခေါ်အဝေါ်ပါ) ရဲ့ စူးရှတဲ့ရနံ့ကို ခံစားနေရတယ်။
တပင်နဲ့တပင် ပွတ်တိုက်မိနေတာကြောင့်ထင်တယ်။ ၀ါးပင်ရဲ့ အကိုင်းအခက်တွေဆီက ထွက်လာတဲ့ တဂျိဂျိ အသံ.. ။ အဝေးဆီက ကြီးမားကြည်လင်တဲ့ သူတို့ရဲ့ အတောင်ပံတွေနဲ့ ရည်ရွယ်ရာမဲ့ အော်နေတဲ့ စီကာဒါ ပိုးကောင်တွေရဲ့ အသံတွေ။ ကျနော့်နားစည်ထဲမှာ လှပတဲ့ ဂီတသံတခုလို ပဲ့တင်ထပ်နေတယ်။ ကြားနေရတဲ့အသံတွေက ကျနော့်ဇာတိချက်ကြွေနဲ့ တူညီလှတဲ့ ပတ်ဝန်းကျင် အနေအထားတခုကို ပဉ္စလက်ဆန်ဆန် ဖန်တီးနေပေမယ့် တကယ်တမ်းကတော့ ကျနော့်နဲ့အတူ ပါလာတဲ့ ခရီးသွားဖော်တဦးဖြစ်တဲ့ ဘွန်ခမ်းရဲ့ မွေးရပ်မြေကို ပြန်လာခဲ့ကြတာပါ။
သူ့ ဇာတိရွာကလေးကို ကွက်ကွက်ကွင်းကွင်း မြင်ရချိန်မှာတော့ စိတ်လှုပ်ရှားမှုအတိနဲ့ ဘွန်ခမ်းက ပြောပြတယ်။ “ကျနော် ဒီရွာကို ခွဲခဲ့တာ နှစ် နှစ်ဆယ်ရှိသွားခဲ့ပြီ။ ကျနော့်ရွာဆီ ရောက်မယ့်
သယ်သွားမယ့်လမ်းကလေးကို မြင်လိုက်ရတော့ မောပန်းနွမ်းနယ်မှုတွေအားလုံး ပျောက်ကွယ်သွား သလိုပဲ။ ပန်းချီကားတချပ်ကို ဆွဲထားသလိုမျိုး ဖြစ်နေတယ်။” ဘွန်ခမ်းရဲ့ အသံဟာ ပျော်ရွှင် ရယ်မောသံနဲ့ ပြည့်လျှမ်းနေတယ်။
ဒီနေရာမှာ သူမွေးဖွားခဲ့တဲ့အကြောင်း။ ပြီးတော့ ဒီနေရာမှာပဲ သူအသက်ရှစ်နှစ်သားမှာ သူ့အမေဟာ ကွယ်လွန်သွားခဲ့တယ်ဆိုတဲ့အကြောင်း။ သူ့အဖေဟာ အခြားရွာက အမျိုးသမီးတယောက်နဲ့ နောက် အိမ်ထောင်ပြုခဲ့ပြီး စစ်ပွဲနဲ့ ရုန်းကန်ထကြွမှုတွေကြောင့် တိုင်းပြည် အစိတ်စိတ်အမွှာမွှာ ဖြစ်နေချိန် နှစ်ပေါင်းများစွာ အတောအတွင်း သူတို့မိသားစုဟာ တရွာပြီးတရွာ ပြောင်းရွှေ့ပြီးနေထိုင်ခဲ့ရတဲ့ အကြောင်း ဘွန်ခမ်းက ကျနော်တို့ကို ပြန်ပြောပြတယ်။
အခုအချိန်တိုင်အောင် သူမွေးရပ်ကို ပြန်လာဖို့အတွက် တခါမှ အခွင့်အလမ်းလည်း မရခဲ့ဘူးလေ။ ရွာမှာတော့ သူ့အမေရဲ့အကို သူ့ဦးကြီးတယောက်ရှိနေဆဲဖြစ်ပေမယ့် အလွန့်ကို အိုမင်းနေပါပြီ။ ဘွန်ခမ်းဟာ သူ့ဦးကြီးကို လေးစားတန်ဘိုးထားကြောင်း ပြဖို့အနေနဲ့ လက်ဆောင်အဖြစ် နို့ဆီ နှစ်ဘူးကို သယ်ဆောင်လာခဲ့တယ်။ လမ်းကကြမ်းတမ်းလွန်းပြီး နို့ဆီဗူး အပိုတွေက သယ်ဆောင်
ရာမှာ လေးလံလွန်းမှာ ဖြစ်တဲ့အတွက်ကြောင့် ဘွန်ခမ်းအနေနဲ့ ဒီထက် ပိုမယူလာနိုင်ခဲ့ပါဘူး။
“ရွာထဲက လူတွေက ခင်ဗျားကို မှတ်မိပါ့မလား” ကျနော်မေးတော့
“ဘယ်သူမှ မှတ်မိမှာ မဟုတ်ဘူးဗျ၊ ဒါပေမယ့်ဦးကြီးအိမ်နေရာကို ကျနော်တိတိကျကျ မသိတော့လို့ ရွာထဲက လူတွေဆီမှာပဲ မေးမြန်းစုံစမ်းရမှာပဲ။”
ကျနော်တို့လည်း ဥယျာဉ်များ၊ သစ်သီးခြံများ ပေါများကြွယ်ဝမှုကို အံ့သြချီးကျူးရင်း ဟိုကြည့်၊ ဒီကြည့်နဲ့ ဆက်လျှောက်လာကြတယ်။ အဲဒီလိုနဲ့ ကျနော်တို့ရဲ့ ဘယ်ဘက်မှာရှိတဲ့ ဥယျာဉ်တခုကနေ စုံလင်လှတဲ့ ဟင်းသီးဟင်းရွက်အပြည့်နဲ့ ပလိုင်းကို ပိုးထားတဲ့ ကိုယ်ဝန်ဆောင်အမျိုးသမီးတဦး ထွက်လာတယ်။
“နေကောင်းရဲ့လား ဒေါ်ဒေါ်၊ ဘယ်နားမှာ နေတာလဲခင်ဗျ။” ယဉ်ကျေးစွာနဲ့ ဘွန်ခမ်းက နှုတ်ဆက်ပြီး မေးတယ်။
“ဒီနားမှာပါပဲကွယ်” ကျနော်တို့က မျက်နှာစိမ်းတွေဖြစ်တာကြောင့် သံသယရှိပုံရတယ်။ တွန့်ဆုတ် တွန့်ဆုတ်နဲ့ ပြန်ဖြေတယ်။
“ကျနော်တို့က မြို့ပေါ်ကလာတာပါ။ ကျနော်ကို ဒီရွာမှာ မွေးခဲ့တာပါ။ ဒါပေမယ့် ကျနော် ရွာကနေ ထွက်သွားတာကတော့ နှစ်တော်တော်ကြာသွားပါပြီ။” ဘွန်ခမ်းက ရှင်းပြနေတယ်။ အမျိုးသမီးကြီးရဲ့ မယုံကြည်မှု ပျောက်ကွယ်စေဖို့ပေါ့။
“ဟုတ်လား။ အဒေါ်ကတော့ ဒီမှာ ကြီးသွားတဲ့ မင်းတို့အရွယ်ကလေးတွေကို မမှတ်မိတော့ပါဘူး
ကွယ်။ ဒါနဲ့ ဘယ်သူ့ရဲ့သား ၊ ဘယ်သူ့ရဲ့တူလဲ။”
ကျနော်တို့နာမည်တွေကို ပြောပြတော့ ဘွန်ခမ်းက သူ့မိဘများရဲ့ နာမည်တွေရော၊ သူ့ဦးကြီးရဲ့ နာမည်ကိုပါ ထည့်ပြီး ပြောလိုက်သေးတယ်။ ကိုယ်ဝန်ဆောင် အမျိုသမီးကြီးက သူ့ဦးကြီးကို ကောင်းကောင်းသိတယ်။ ရွာတောင်ပိုင်းမှာ နေတယ်လို့လည်းပြောတယ်။ သူကတော့ ရွာမြောက် ပိုင်းမှာနေတဲ့ “အမေကြီးပွန်း” (မယ့်ပွန်း-မယ့်ဆိုတာထိုင်းမှာ အမေကို ခေါ်တာပါ။ လောက ထိုင်းနဲ့ နီးတော့ လောမှာလည်း ဒီစကားက အမေကို ခေါ်တာဖြစ်နိုင်ပါတယ်။ ဘာသာပြန်သူ) ဖြစ်ကြောင်း လည်း မိတ်ဆက်ပါတယ်။ ဘွန်ခမ်းက ဒီနာမည်ကို မကြားခဲ့ဖူးကြောင်း အမူအရာပြတယ်။ ဒါပေမယ့် စကားပြောတဲ့အခါမှာတော့ သိခဲ့လေသယောင် ပုံစံမျိုးနဲ့ ပြန်ပြောခဲ့ပါတယ်။ “အမေပွန်း၊ ကျနော်တို့ ရွာရဲ့အခြေအနေကရော ဘယ်လိုလဲ” လို့မေးတော့
အမယ်ကြီးက ရွာသူရွာသားတွေ အားလုံး အဆင်ပြေချောမွေ့ကြောင်း ပြန်ဖြေတယ်။ “သူတို့အားလုံး လုံလုံလောက်လောက်စားနိုင်ကြပါတယ်။ တယောက်တည်း လုပ်စာနဲ့ တအိမ်လုံးထိုင်စားလို့ရတယ်။ အသီးအနှံတွေကတော့ အများကြီးရောင်းရပေမယ့် အမြတ်က အရမ်းနည်းလွန်းတယ်ကွယ့်။
ဘာလို့လဲဆိုတော့ လမ်းပန်းဆက်သွယ်ရေးက ခက်ခဲတာကိုး။” အဲဒီလိုပြောပြီး လမ်းညာဘက်မှာ
ရှိတဲ့ စပါးခင်းထဲကို ဆင်းသွားတယ်။ အိမ်က၀က်တွေအတွက် ၀က်စာကျိုဖို့ အပင်တွေ ခူးရဦး မယ်ဆိုပြီးတော့ ပြောသွားသေးတယ်။
ဘွန်ခမ်းက သူ့မှာပါလာတဲ့ နို့ဆီနှစ်ဗူးထဲက တဗူးကို ထုတ်ပြီး အမယ်ကြီးကို လှမ်းခေါ်တယ်။ “ခဏလေး ဒေါ်ဒေါ်၊ ဒီနို့ဆီဗူးလေးကို ယူသွားပါ” လို့ပြောပြီးပေးတော့
“နတ်ကောင်းနတ်မြတ်စောင်မပါစေ၊ ငါ့သားရယ်” ဆိုပြီး အမယ်ကြီး ဆုပေးတယ်။ ဆုပေးပြီးတော့ လမ်းခွဲထွက်ခွာသွားတယ်။
အလျင်ကလမ်းအတိုင်းပဲ ကျနော်တို့ဆက်လျှောက်လာကြတယ်။ ကျနော်ကတော့ ဘွန်ခမ်းရဲ့ ကြင်နာတတ်မှုကို ချီးကျူးနေမိတယ်။ သူ့ဦးလေးအတွက် ရည်ရွယ်ပြီး နို့ဆီနှစ်ဘူးကို ယူလာခဲ့
ပေမယ့် တဗူးကို လုံးဝမသိတဲ့ လူစိမ်းတဦးကို ပေးလိုက်တဲ့အတွက်ကြောင့်ပါ။
“ကျနော်တို့မိသားစုမှာ ဒါမျိုးလုပ်ဆောင်ဖို့အတွက် ကျနော်တို့ကို အမွေပေးခဲ့တာပါ။ အထူးသဖြင့် ကျနော့်ကိုပေါ့။” ဘွန်ခမ်းရဲ့ ပြန်ရှင်းပြတဲ့ စကားကြားရတော့ ကျနော့်မှာ ဂုဏ်ယူခြင်းရော၊ ၀မ်းမြောက်
မှုပါ နှစ်ခုစလုံး ခံစားရတယ်။ “ကျနော့်အမေက ဒီလိုအလုပ်မျိုး လုပ်ဖြစ်ဖို့ သွန်သင်ပေးခဲ့တာပါ။
ကိုယ်ဝန်ဆောင်အမျိုးသမီးတဦးကို တွေ့တဲ့အချိန်မှာ ကျနော်တို့ဆီမှာ အစားအသောက်တခုခု ပါလာ ခဲ့တယ်ဆိုရင် သူ့အတွက် ခွဲဝေပေးသင့်တယ် ဆိုတာကိုပေါ့။ နည်းတာများတာက အကြောင်း မဟုတ်ဘူး။ ဘယ်လောက်ပဲ ဖြစ်ဖြစ် ခွဲဝေပေးရမယ်။ ဒါဟာ ကျနော်တို့ရဲ့ ထိန်းသိမ်းရတဲ့ ရိုးရာ အစဉ်အလာပဲ။ ဒီရွာက လူတော်တော်များများက ဒါကို လုပ်ကြတယ်။”
ဘွန်ခမ်းက ဆက်ပြောတယ်။ “အဖေက သူ့ကို အမေပြောခဲ့ဖူးတဲ့ ဇာတ်လမ်းတခု ပြန်ပြောပြဖူး
တယ်။ အမေကျနော်ကို ကိုယ်ဝန်ဆောင်ထားတဲ့အချိန်မှာပေါ့။ အမေက ရွာပြင်ထွက်ပြီး လမ်း လျှောက်ရတာကို ကြိုက်တယ်။ တရက်ကျတော့ လမ်းအတိုင်း အမေ လျှောက်နေတုန်း အမဲ လိုက်ရာက ပြန်လာတဲ့ ကျနော်တို့ရွာသား လေးငါးခြောက်ယောက်နဲ့ သွားဆုံတယ်။ သူတို့က သမင်တကောင်ရလာတယ်။ အရည်ခွံလည်း ခွာပြီးသား။ အမဲလိုက်သူတွေအကြား ခွဲဝေဖို့အတွက် ခုတ်ထစ်နေတုန်း။ ဒါနဲ့ အမေ့ကို မုဆိုးတွေက သမင်သားဝေစု အများနည်းတူ ခွဲဝေပေးတယ်။ ကျနော်တို့ရဲ့ ရိုးရာအစဉ်အလာအရ ဒါဟာ ကိုယ်ဝန်ဆောင်တယောက်ရဲ့ အခွင့်အရေးပဲ။ အများဆုံး ရတဲ့သူကတော့ သေနတ်ပိုင်ဆိုင်တဲ့ မုဆိုးပါပဲ။ သူက အခြားသူတွေထက် နှစ်ဆရတဲ့အပြင်
ခေါင်းရယ် ခြေလေးချောင်းရယ် အရေခွံရယ်ပါရတယ်။”
“အဲဒီညနေမှာပဲ ကျနော်မိသားစုဟာ ကြွယ်ဝခြင်းနဲ့ ကံကောင်းမှုအထိမ်းအမှတ်ဖြစ်တဲ့ သမင်သားကို စားကြတယ်။ နောက်နေ့မနက် အရုဏ်တက်ခါနီးမှာ အမေဟာ ယောင်္ကျားလေးတယောက်ကို မွေးပါလေရော။ အဲဒီယောင်္ကျားလေးက သူ့ရဲ့ဇာတိကို အခုလမ်းလျှောက်ပြီး ပြန်လာနေတဲ့ ကျနော် ပေါ့ဗျာ။”
ကျနော်တို့ အရမ်းကို စိတ်လှုပ်ရှားသွားကြတယ်။ စာနယ်ဇင်းသမားတဦးက “အဲဒီသမင်က ဘွန်ခမ်း ဆိုပြီး ပြန်ဝင်စားတာ ဖြစ်နိုင်တယ်” လို့ အရွှန်းဖောက်တော့
“ရွာသားတွေကတော့ အဲဒီလို ထင်ကြတာပဲ။ တကယ်လို့ အဲဒီသမင်ဟာ သေဆုံးပြီး နောက်သမင် တကောင်အဖြစ် ပြန်မွေးလာရင်လည်း ထပ်ပြီး အပစ်သတ်ခံရဦးမှာ သေချာသလောက်ပဲပေါ့။ ရွာသားတွေရဲ့ တဆင့်စကားကို ကျနော်ကြားရတာကတော့ ဒီဒေသက တောထဲမှာ သမင်တွေ မရှိသလောက်ဖြစ်သွားပြီ။”
“ဘယ်လောက်ဆိုးရွားလှတဲ့ ပျက်သုဉ်းမှုလဲ” ကျနော်အလန့်တကြားရေရွတ်မိတယ်။ ဘွန်ခမ်းက သူ့ဇာတ်လမ်းကို ဆက်ပြောတယ်။
“ကိုယ်ဝန်ဆောင်တဦးဟာ သူ့ခန္ဓာကိုယ်ထဲက သူ့ရင်သွေး အာဟာရ ဖြစ်ဖို့အတွက် အစားအသောက် ကို ပုံစံတကျ လုံလုံလောက်လောက် စားဖို့လိုပါတယ်။ ကိုယ်ဝန်ဆောင် မိခင်တဦးဟာ အစားအစာ ပါလာတဲ့ တစုံတဦးကို ဆုံမိရင် ဆင်တကောင်လုံးကိုတောင်မှ စားပစ်နိုင်သလိုမျိုး အလွန်အမင်း ဆာလောင်လာတယ်။ ကိုယ်ဝန်ဆောင်တဦးက ကျနော့်ကို ဒါနဲ့ပတ်သက်ပြီး ပြောခဲ့ဘူးသေးတယ်။
တစုံတယောက်က သူ့ကို အစားအသောက်ရှိရက်နဲ့ မခွဲဝေပေးဘူးဆိုရင် အဲဒီလူကို ဘယ်တော့မှ မမေ့တော့ဘူး။ သူ့အပေါ် ကြင်နာမှု မရှိတဲ့သူဆိုပြီး အဲဒီလူအပေါ် ခါးခါးသီးသီးဖြစ်မှုက ရှိနေ
လိမ့်မယ်။ ကျနော့်အဖေအပြောအရ အမေဟာ အပစ်သတ်ခံခဲ့ရတဲ့ သမင်အတွက် အလွန့်ကို စိတ်မကောင်းဖြစ်ခဲ့တယ်တဲ့။ သူကိုယ်တိုင်လည်း နောက်ပိုင်းသမင်သားကို ဘယ်တော့မှ မစားတော့ဘူး။
ဒါပေမယ့် သူရတဲ့ ဝေစုကိုတော့ အိမ်သားတွေအတွက် ယူလာလေ့ရှိတယ်။ ဒါမှသာ အသားစားဖို့ အခွင့်အလမ်း အိမ်သားတွေရမှာကိုး။ ကျနော့်ကို မွေးပြီးတော့ အမေဟာ အရမ်းကို ကျနော့်ကို ချစ်တယ်။ ကြင်နာတယ်။ ဒါပေမယ့် အမေဟာ သူ့အချစ်ဆုံးသားတယောက် လူလားမြောက်ပြီး ပျော်ရွှင်နေတဲ့ မျက်နှာကိုတော့ တွေ့မြင်ရဖို့ အခွင့်အလမ်း ဘယ်တော့မှ မရတော့ပါဘူး။ ကျနော့်ကို ဘွန်ခမ်းလို့ အမည်ပေးခဲ့ပေမယ့် အမေကတော့ “ငါ့အချစ်ဆုံးလေး” ဒါမှမဟုတ်ရင် “မေမေ့ အချစ်ရ ဆုံးလေး” လို့ ခေါ်ရတာကိုပဲ နှစ်ခြိုက်တယ်။”
အဲဒီအချိန်မှာ ကျနော်တို့ဟာ ရွာထဲဝင်တဲ့ ဂိတ်တံခါးအနားကို ရောက်နေပါပြီ။ လမ်းကတော့ ကြမ်းလွန်းလှပါတယ်။ ဘွန်ခမ်းရဲ့ ဇာတ်လမ်းကို နားထောင်ပြီး ခုနက ကိုယ်ဝန်နဲ့ အမယ်ကြီး ထွက်သွားရာဘက်ကို နောက်ပြန်လှည့်ကြည့်မိတော့ လယ်ကွင်းထဲမှာ သူရဲ့ပုံရိပ်က ပျောက်ကွယ် လုဆဲဆဲ။ ဒါပေမယ့် ကျနော်မှတ်ဥာဏ်ထဲမှာတော့ သူဟာ စွဲထင်ကျန်ရစ်ခဲ့ပါတယ်။ ဒီကမ္ဘာထဲကို ၀င်ရောက်လာမယ့် အလွန်သေးငယ်လှတဲ့ လူသားတဦးအတွက် ကူညီဖို့ ခွဲဝေပေးရမယ့် တာဝန် ရှိတယ်ဆိုတဲ့ အသိတခုကို ပထမဆုံးအကြိမ်အဖြစ် ကျနော် ခံစားခဲ့ရတယ်။
လောစာရေးဆရာ Outhine Bounyavong ရဲ့ Mother beloved ကို ပြန်ဆိုပါတယ်။
Monday, 8 June 2009
ဗိုလ်ချုပ်တစုနဲ့ ဒီအမှု
ဗသြ
အခုတော့ ဒီအမှုတခုလုံးကိုက ပြန်စဉ်းစားစရာ ဖြစ်နေပါတယ်။ တိုက်ဆိုင်တာပဲဆိုဆို၊ နှိုင်းယှဉ်တာပဲပြောပြော ဒေါ်အောင် ဆန်းစုကြည်အပေါ် ဒီတခါ အမှုဆင်ပုံဟာ သူ့ဖခင် ဗိုလ်ချုပ်အောင်ဆန်းကို လုပ်ကြံတုန်းက အင်္ဂလိပ် အစိုးရက လုပ်ပုံတွေနဲ့ တူနေတဲ့အချက်တွေဟာ စဉ်းစားစရာတွေရှိနေပါတယ်။
ဒေါက်တာတင်မျိုးဝင်းကို တရားရုံးအရိပ်နားတောင် မသီနိုင်အောင် နအဖ က ဘယ်လိုပဲ ဖိနှိပ်ထား၊ ခြိမ်းခြောက်ထားပေ မယ့် ဂျွန်ယက်တောကို နအဖ က တမင်သွင်းလွှတ်လိုက်တယ်ဆိုတဲ့အချက်ဟာ ထင်ရှားသထက် ထင်ရှားလာပါ တယ်။
ဒီ အမေရိကန်လူမျိုး ဂျွန်ယက်တောကို ဒုတိယအကြိမ် ဝင်ခွင့်ပြုလိုက်တာဟာ ၁၉၄၇ ခုနှစ်တုန်းက ဗြိတိသျှ ကိုလိုနီ အစိုးရ က ဂဠုန်ဦးစောကို ဘရင်းဂန်း အလက် ၂၀၀ နဲ့ တခြားလက်နက်ကျည်ဆံတွေ ထုတ်ပေးလိုက်တာကို သတိ ရစေပါတယ်။......
Wednesday, 27 May 2009
‘ သံတိုင်ကြားက လရောင် ဆီ ... ’
( ဝင်းတင့်ထွန်း )
ထောင်နန်းစံ ရ အောင်
ထောင်ဖမ်းကာ အမှု အလီလီဆင် လို့
အာဏာရှင် ထင်ရာစိုင်းပုံ က
ရာဇဝင် စာတင်အောင် ရိုင်းပြီ မို့
အတိုင်းတိုင်း အနယ်နယ်မှာ
ကိုင်း - ကြားလို့မှ မဖွယ်မရာ ...၊၊
အောင်ဆန်းစုကြည် - ဆိုတာ
အောင်လမ်း ရှု့ချီ ရာ လတမင်း ပေမို့
လမင်းကို တိမ်အို ဖုံး သော်လဲ
တိမ်ဖုံးပေမဲ့ သာ မြဲ သာ ... ၊၊
နအဖ ဆိုတာ ကလိမ်ယုတ်တွေ မို့
တိမ်ပုပ် ကနေ မှောင်မဲရင်းသာပါ့
အိမ်ချုပ် ကနေ ထောင်ထဲသွင်းပါ လို့
လမင်းကို ထောင်ဒဏ်ချ ပေမဲ့
သံတိုင်ကြားက လရောင်ဟာ
အုတ်ရိုးကြားက လရောင်ဟာ
တဖြာဖြာနဲ့ ဝင်းပရင်း ...
ကမ္ဘာကပါ မြင်ရ ရင်း ... ၊၊
ကြယ်နီ တို့ -
ကြယ်ဝါ တို့ -
ကြယ်ဖြူ တို့ -
ကြယ်စင်တို့ ရေ ...
အမှောင်တွေကို တကယ်မုန်းရင် ဖြင့် -
စုရုံးကာ ပိုင်ရာအလင်းတွေ နဲ့
လမင်းအနား အတူယှဉ် လို့
ဒီ ကောင်းကင် ကြည်စင်သစ်ရ အောင်
တိမ်ညစ် တိမ်မှောင် တိမ်လွှာပုပ် တို့ကို
တောထုတ် ဖြို ခွင်း ...
( ကိုင်း - ) ပြ ကြ အလင်း ... ၊၊ ၊၊
( ဝင်းတင့်ထွန်း )
၂၇ - ၅ - ၂ဝဝ၉
(မတရားသဖြင့် အမှုဆင် ရုံးတင် တရားစွဲဆိုခြင်း ခံနေရတဲ့၊ လူထုခေါင်းဆောင် ဒေါ်အောင်ဆန်းစုကြည်..သို့ )
http://www.naytthit.com ... မှ
Saturday, 23 May 2009
ဒေါ်အောင်ဆန်းစုကြည်ကို ရုံးတင်စစ်ဆးခြင်းနဲ့ပတ်သက်၍ ဗမာပြည်ကွန်မြူနစ်ပါတီ ပြောရေးဆိုခွင့်ရှိသူ၏ ထုတ်ပြန်ချက် အမှတ်၂/၂၀၀၉
(၂၃-၅-၂၀၀၉)
နအဖ ဟာ ဒေါ်အောင်ဆန်းစုကြည်ကို ရုံးတင်နိုင်တာဟာ သူတို့အချက်ပဲဆိုပြီး ၀မ်းသာအူမြူးနေကြပါတယ်။ ဒါပေမဲ့ သူတို့ရဲ့ ဒီအချက်ဟာ အခု သူတို့အတွက် အခက်ဖြစ်မှန်းမသိ ဖြစ်လာပါပြီ ......
Wednesday, 20 May 2009
Friday, 15 May 2009
Thursday, 14 May 2009
သခင်ကိုယ်တော်မှိုင်းနဲ့တိုင်းရင်းသားအရေး
ရခိုင်တိုင်း ရင်းသားတွေ အကြီးအကျယ်ကြိုဆို ထောက်ခံတဲ့ ဗမာခေါင်းဆောင်ဆိုတာ သခင်ကိုယ်တော်မှိုင်းနဲ့ ဒေါ်အောင်ဆန်းစုကြည် နှစ်ယောက်ဘဲရှိမယ်ထင်ပါတယ်။ ဗမာအမျိုးသမီးတွေတင်မက တိုင်းရင်းသူအမျိုးသမီး တွေကပါ သခင်ကိုယ်တော်မှိုင်းသွားရာလမ်းမှာ ဆံပင်ဖြန့်ခင်းပေးတာတွေ ဖြစ်ခဲ့ပါတယ်။ ဒါတွေကိုကြည့်ခြင်း အားဖြင့် ပြည်တွင်းကတိုင်းရင်းသားတွေနဲ့ သခင်ကိုယ်တော်မှိုင်း ဆက်ဆံရေးအနေအထားကို အလွယ်တကူသိ နိုင်ပါတယ်။ ...(ဂါမဏိ)
၂ဝ၁ဝ၊ အရာရှိငယ်နဲ့ အသိဂလိုဘယ်
(ဂါမဏိ)
၁၉၉ဝ ရွေးကောက်ပွဲ၊ ၁၄ နှစ်ကြာအမျိုးသားညီလာခံနဲ့ ၂ဝဝ၈ ဆန္ဒခံယူပွဲအတွေ့အကြုံတွေ ရထားတဲ့ စစ်အုပ်စုဟာ ၂ဝ၁ဝ ပွဲမှာတော့ အတိုက်အခံတွေ ဘယ်လိုမှနေရာမရအောင် လုပ်ဖို့ စီစဉ်ပြင်ဆင်ထားမှာ မြေကြီးလက်ခတ် မလွဲပါဘဲ။ နောင်မှာ ယောင်းမမြင်းစီးထွက်လို့ ပွဲပျက်နိုင်တဲ့ ရူးကြောင်မူးကြောင်လက်ကိုင်ဒုတ်တွေကိုတောင် နေရာပေး မယ့်အလားအလာ မရှိပါဘူး၊ အချိန်တခု အသုံးချ လူမိုက်မွေး တာလောက်ဘဲလုပ်ပြီး ဘုရားပြီး ငြမ်းဖျက်ခံရမှာ မြင်ယောင် ပါသေးတယ်။ စစ်အုပ်စုဆိုတာ ကိုယ့်လူရင်း ကိုယ့်စက်ရုပ်ကလွဲပြီး တခြား ဘယ်သူ့ကိုမဆို ဦး ၄ စာရင်းထဲထည့်တဲ့ အစွန်းရောက်စစ်အာဏာ မူရင်းစွဲဝါဒီ Military Fundamentalist ဖြစ်ပါတယ်။ သမိုင်းတ လျှောက်မှာ ဗိုလ်လက်ျာ၊ ဗိုလ်တင်ထွဋ်၊ ဗိုလ်စောကြာဒိုး၊ ဗိုလ်စမစ်ဒွန်း၊ ဗိုလ်ကျော်ဇော၊ ဗိုလ်အောင်ရွှေ၊ ဗိုလ်မောင်မောင်၊ ဗိုလ် အောင်ကြီး၊ ဗိုလ်ကြည်မောင်၊ ဗိုလ်စောမြင့်၊ ဗိုလ် တင်ဖေ၊ ဗိုလ်စိန်မြ၊ ဗိုလ်မောင်ရွှေ၊ ဗိုလ်တင်ဦး (ယခု NLD)၊ ဗိုလ်ထွန်းလင်းနဲ့ မဆလအတွင်းရေးမှူးအဖွဲ့၊ ဗိုလ်တင်ဦး (မျက်မှန်)၊ ဗိုလ်စောမောင်၊ ဗိုလ်ထွန်းကြည်-ဗိုလ်ကျော်ဘနဲ့ နဝတတိုင်းမှူး တပ်မှူးဟောင်းအဖွဲ့၊ ဗိုလ်တင်ဦး(တွင်း-၂)၊ ဗိုလ်နေဝင်း နဲ့ မဆလ-တစညတပ်မှူးဟောင်းအဖွဲ့၊ ဗိုလ်ခင်ညွန့် စသဖြင့် အထင်အရှား ရှိပါတယ်။ အခု ၂ဝ၁ဝ အတွက်ပြဿနာက အတိုက်အခံအဖြစ် ပြည်တွင်းပြည်ပက သိထားကြတဲ့ အဲန်အယ်လ်ဒီတွေ၊ ကျောင်းသားတွေ၊ တိုင်းရင်းသားတွေ မ ဟုတ်ပါဘူး။ ဒါတွေကို ဗိုလ်သန်းရွှေရဲ့ကိုယ်ပိုင် အထူးသီးသန့် ကြပ်ပြေးမြို့တော် သစ်ကြီးက မဟာလွှတ်တော်သစ်ကြီးမှာ စတိသ ဘောတောင် ခြေချခွင့်မပေးဖို့ အညှိုးတကြီးနဲ့ ပြတ်ပြတ်သားသား ဆုံးဖြတ်စီစဉ်ထားပါတယ်။ ဒါပေမဲ့ အခုတော့ ဒီ့ထက်ဆိုးတဲ့ ပြဿနာကို ဗိုလ်သန်းရွှေတယောက် မရှောင်နိုင်မလွှဲနိုင် ရင်ဆိုင်နေရပါပြီ။ ...
Wednesday, 6 May 2009
သမာသတိနဲ့ သတ္တိရှိတဲ့ဆုံးဖြတ်ချက်
(စိုးနေလင်း)
အမျိုးသားဒီမိုကရေစီအဖွဲ့ချုပ် စဉ်းစားဆုံးဖြတ်ရတဲ့ ကိစ္စကတော့ အရေးအကြီးဆုံး ဆုံးဖြတ်ရတဲ့ ကိစ္စပါ။ တရားဝင်ပါတီဖြစ်တဲ့အပြင် ၁၉၉၀ ရွေးကောက်ပွဲမှာ တပါတီထဲအစိုးရဖွဲ့နိုင်လောက်တဲ့ မဲအရေအတွက်ထက် အများ ကြီးပိုရရှိခဲ့တဲ့ ရွေးကောက်ပွဲအနိုင်ရ ပါတီတရပ်အနေနဲ့ ဒီမိုကရေစီရဲ့အခြေခံအကျဆုံးဖြစ်တဲ့ ရွေးကောက်ပွဲကို ၀င်မလား မ၀င်ဘူးလား လို့ဆုံးဖြတ်ရတဲ့ ကိစ္စဖြစ်ပါတယ်။ နိုင်ငံရေးပါတီတခုအနေနဲ့ ရွေးကောက်ပွဲကို ဖြတ်သန်းရ မှာဟာ သဘာဝဖြစ်ပါတယ်။ ဒါပေမယ့် ... အပြည့်အစုံသို့
Saturday, 2 May 2009
Monday, 27 April 2009
အမေရိကန်မြန်မာဆက်ဆံရေးတင်းမာမှု လျော့ကျလာမှုအပေါ် တရုတ်၏စိုးရိမ်မကင်းဖြစ်မှု
http://naytthit.com မှ ကူးယူဖေါ်ပြပါသည်။
(အီးမေးမှရသော ဘာသာပြန်ဆောင်းပါးတပုဒ်ဖြစ်ပါတယ်)
(The Institute of International Studies at Fudan University, Shanghai, China က Asistant professor Jian Junbo ရဲ့ အမေရိကန် - မြန်မာ ဆက်ဆံရေးအပေါ် တရုတ်နိုင်ငံရဲ့ သဘောထားကို သုံးသပ်ထားတဲ့ ဆောင်းပါးကို ပရိတ်သတ် တဦးက ဘာသာ ပြန်ပြီး သူ့ သုံးသပ်ချက်နဲ့အတူ ပေးပို့လာလို့ တင်ပြပေးလိုက်ပါတယ်။ တချို့ နေရာတွေမှာတော့ စာရေးသူရဲ့ ခွင့်ပြုချက်နဲ့ စာဖတ် ရတာ ပိုချောအောင် ပြင်ထားပါတယ်။)
၂၀၀၉ ဧပြီလ အစောပိုင်းက အမေရိကန်၏ အရှေ့တောင် အာရှဆိုင်ရာရုံး ဒါရိုက်တာ Stephen Blake ကို မြန်မာသို့ သံတမန် အဖြစ် စေလွှတ်ခဲ့ရာ အဲဒီလို စေလွှတ်တာဟာ ပြီးခဲ့တဲ့ ခုနှစ်နှစ် အတွင်းမှာ ပထမဆုံး အကြိမ် ဖြစ်ပါသည်။ ဧပြီလ ထဲမှာပဲ US Deputy Secretary of State James Steinberg က “မြန်မာနိုင်ငံကို အထီးကျန် စေခြင်းကနေ ကင်းလွတ်စေဖို့အတွက် အာရှဒေသတွင်း အခြား နိုင်ငံများ နှင့်အတူ ဘုံဗျူဟာတခု ချမှတ်နိုင်ဖို့ ၀ါရှင်တန်က မျှော်လင့်ပါတယ်” ဟု ပြောခဲ့သည်။
အခုလို အခြေအနေ မျိုးနဲ့ ပြောင်းလဲမှု တွေဟာ သမ္မတဘုရှ် အုပ်ချုပ်မှု ကာလတုန်းက ဘယ်တုန်းကမှ မရှိခဲ့ဘူးပါ။ ဘုရှ် လက်ထက်က မြန်မာအပေါ် ဒီမိုကရေစီ ပြောင်းလဲရေးကို ဖိအားပေးမှု နှင့် အပြင်းအထန် ဆန့်ကျင် ရှုံ့ချမှု တို့သာ ရှိခဲ့သည်။
လက်ရှိ အခြေအနေတွေ အရ သမ္မတ အိုဘားမားရဲ့ အစိုးရဟာ အရင် သမ္မတ လက်ထက်က မြန်မာ နှင့် "axis of evil" ဟု ဘုရ်ှက ခေါ် ခဲ့သော အီရန်၊ အီရတ် နှင့် မြောက်ကိုရီးယား တို့အပေါ် ထားတဲ့ မူဝါဒနဲ့ လုံးဝ ပြောင်းလဲ ကျင့်သုံးနေသည်။ ။ ဥပမာ အနေနဲ့ - မကြာခင် ကပင် အိမ်ဖြူတော်မှ တီဟီရန် (အီရန်) အပြန်အလှန် ဆွေးနွေးပွဲကို လည်းကောင်း၊ ခိုင်မာတဲ့ အပြန်အလှန် ဆက်သွယ်မှု နှင့်အတူ ပြုံးယမ်း (မြောက်ကိုရီးယား) ၏ ခြောက်နိုင်ငံ ဆွေးနွေးပွဲကို လည်းကောင်း အာရုံစိုက် လာကြောင်းကို ပြသခဲ့ သကဲ့သို့ ကျူးဘား ကိုလည်း အမေရိကန် ကွန်ဂရက် အဖွဲ့ဝင် (ဥပဒေပြု လွှတ်တော်အမတ်) တဦးကို စေလွှတ်ခဲ့သည်။
အပေါ်ယံအားဖြင့် အိုဘားမား၏ နိုင်ငံခြားရေး မူဝါဒဟာ ၎င်းအရင် သမ္မတ၏ မူဝါဒကို လျင်မြန်စွာ လုံလုံးလျားလျား ပြောင်းလဲလိုက်ဟန် ရှိပါသည်၊ သို့သော် ဤပြောင်းလဲမှုတွေ အားလုံးဟာ အုပ်ချုပ်မှုနည်းဗျူဟာ ပုံစံအသစ်၏ အစိတ်အပိုင်း တချို့သာ ဖြစ်ပါသည်။ အိုဘား မား လက်ထက်မှာ နိုင်ငံခြားရေး မူဝါဒဟာ ဖြစ်လာမှ တုံ့ပြန်ခြင်းထက် ဖြစ်အောင် အခြေအနေကို ဖန်တီး ယူမှုကို အခြေခံသော ခိုင်မြဲသော နိုင်ငံတကာဆိုင်ရာ တရားမျှတမှု နှင့် သမ္မတဘုရှ် လက်ထက်မှာ လျော့နည်း ဆုတ်ယုတ် လာခဲ့ရသည် ဟု ဟီလာရီ ကလင်တန် (Secretary of State) က ပြောခဲ့သော “soft power or smart power” ကို ပြန်လည်တည်ဆောက်ရေးကို ဦးတည် လာခဲ့သည်။
အိုဘားမားက သမ္မတဘုရှ် လက်ထက်မှာ များစွာအားနည်း လာခဲ့ရတဲ့ တကမ္ဘာလုံး ဆိုင်ရာ ဦးဆောင်မှု အခန်းကဏ္ဍကို ပိုမိုခိုင်မြဲ တည်တံ့စေဖို့ အတွက် အမေရိကန်၏ နိုင်ငံခြားရေးမူဝါဒ ချိန်ခွင်ကို ယခင်နှင့်မတူ တခြား ဦးတည်ချက်ကို ဦးတည်ပြောင်းလဲနေဟန် ရှိပါသည်။ အထူးသဖြင့် ဘုရ်ှလက်ထက်က ခေါင်းဆောင်မှု အပိုင်း၏ အဓိက အားနည်းချက်မှာ ၂၀၀၃ ခုနှစ် အီရတ်အပေါ် စစ်ရေးအရ ကျူးကျော်မှုပင် ဖြစ်သည်။ လက်ရှိ လက္ခဏာ နှင့် အခြေအနေ တွေအရ ပြောင်းလဲမှု များသည် ယခင် ဘုရှ် လက်ထက်က ဆုံးရှုံးခဲ့သော ညင်သာ ပျော့ပျောင်းသော လွှမ်းမိုးမှုကို ပြန်လည် ရရှိဖို့ အတွက် ဖြစ်ဟန် ရှိသည်။ အထက်ပါ ပြောင်းလဲမှုများကို ကြည့်ခြင်းအားဖြင့် အိုဘားမား ၏ မြန်မာနိုင်ငံဆိုင်ရာ မူဝါဒ အသစ်ဟာ ၁၉၇၀ နှစ်လယ်ပိုင်း ဗီယက်နမ်စစ်ပွဲ ပြီးကတည်းက ဆုံးရှုံးခဲ့သော အမေရိကန်၏ မြန်မာနိုင်ငံအပေါ် လွှမ်းမိုးမှုကို ပြန်လည် ရယူနိုင်ဖို့ ဆိုတာကို မြင်သာ နိုင်ပါသည်။
ပထ၀ီနိုင်ငံရေး အရလဲ အိုဘားမား၏ မူဝါဒဆိုင်ရာ ဦးတည်မှုများဟာ အရှေ့တောင်အာရှ ဒေသတွင်း အင်အားညီမျှမှုကို စိန်ခေါ်မှု တရပ် ဖြစ်လေမလားဟု မေးခွန်း ထုတ်စရာလဲ ဖြစ်နိုင်ပါသည်။ ၎င်းအပြင် အမေရိကန်၏ မူဝါဒဆိုင်ရာ ပြောင်းလဲမှုများဟာ အထူးသဖြင့် မြန်မာ၏ အိမ်နီးချင်း အင်အားကြီး နိုင်ငံများ ဖြစ်သည့် တရုတ်နှင့် အိန္ဒိယ ကဲ့သို့ နိုင်ငံများအတွက် အာရုံစိုက်စရာ ဖြစ်နေပါသည်။ တနည်းအားဖြင့်လဲ အမေရိကန်၏ မြန်မာနိုင်ငံဆိုင်ရာ မူဝါဒအသစ်ဟာ ကမ္ဘာမှာ အမေရိကန်၏ ပုံရိပ်ကို ကြီးမြင့်လာစေရုံသာမက ၀ါရှင်တန်က ညီညွတ်အဆင်ပြေစွာနှင့် အောင်မြင်စွာဆောင်ရွက်နိုင်သော ဒေသတွင်းပထ၀ီနိုင်ငံရေး တည်ဆောက်မှု ပုံစံအတွက် ပြောင်းလဲမှုတရပ်လဲ ဖြစ်ပေသည်။
မကြာသေးခင် နှစ်များအတွင်း အမေရိကန်သည် အာဖဂန်နစ္စတန် အကြမ်းဖက် တိုက်ဖျက်ရေး၊ အီရတ်၊ ပါကစ္စတန်နှင့် အချို့နေရာရှိ စစ်ပွဲတို့ဖြင့် အလုပ်များ နေခဲ့သည်။ ၎င်း အခြေအနေများကပင် မြန်မာနိုင်ငံ အပေါ် အမေရိကန်၏ လူ့အခွင့်အရေး၊ ဒီမိုကရေစီ ဖော် ဆောင်ရေးနှင့် အစိုးရနှင့် သဘောထား ကွဲလွဲသူများကို လွှတ်ပေးရေး စသော တောင်းဆိုမှု များနှင့်အတူ ရန်လို ဖိနှိပ်ပြီး တွန်းအားပေး လိုသော မူဝါဒမျိုးကို ဖြစ်ပေါ်စေခဲ့သည်။ သို့သော် လက်တွေ့မှာ အမေရိကန် အနေနှင့် ဤ ရန်လို ဖိနှိပ်လိုပြီး တပါတီ အာဏာရှင် စနစ်ကို ဆန့်ကျင်ရေး မူဝါဒများဖြင့် အထီးကျန် နိုင်ငံများကို လက်လျော့ လိုက်လျောစေမှု အပါအ၀င် မည်သည့် အကျိုးအမြတ်ကိုမျှ မရ ရှိခဲ့ပေ။ ဘုရှ် အစိုးရသည် မြန်မာအစိုးရ အပေါ် ဖိနှိပ်အုပ်ချုပ်သော အစိုးရ တရပ်ဟု ယူဆခဲ့ချိန်မှ စ၍ ၀ါရှင်တန်ဟာ မြန်မာနိုင်ငံအပေါ် စီပွားရေး ပူးပေါင်းဆောင်ရွက်မှုပိုင်းတွင် ဖယ်ကျဉ်ထားပြီး၊ စီးပွားရေး ဖွံဖြိုးမှုဆိုင်ရာ အကူအညီ ပေးရေးကိုလည်း ငြင်းပယ်ထားခဲ့ပါ သည်။
ဤကဲ့သို့သော အခြေအနေအရပ်ရပ်ကို တရုတ်က ကောင်းစွာ အသုံးချပြီး နိုင်ငံရေးနှင့် မူဝါဒပိုင်းဆိုင်ရာ ကျောထောက် နောက်ခံအ တွက် အရေးပါသော မြန်မာနှင့် စီးပွားရေး အကျိုးတူ ပူးပေါင်း ဆောင်ရွက်မှုကို ပိုမို တိုးတက်အောင် ဆောက်ရွက်ခဲ့သည်။ လက်ရှိ အခြေ အနေအရ ဆိုလျှင်လဲ တရုတ် မြန်မာ အပြန်အလှန် မှီတည် ဆက်နွယ် နေမှုသည် နှစ်နိုင်ငံလုံး အကျိုးအတွက် လက်တွေ့ကျကျ အ ကောင်အထည် ပေါ်နေပြီ ဖြစ်သည်။ အပေါ်ယံ အားဖြင့် ကြည့်လျှင်လည်း အမေရိကန်၏ မြန်မာနိုင်ငံ အပေါ် သြဇာ လွှမ်းမိုးမှုကို ပြန် လည် ရယူနိုင်ရန် ကြိုးစားမှုဟာ တရုတ်နိုင်ငံ၏ လွှမ်းမိုးမှုကို လျော့နည်းစေနိုင်သော သို့တည်းမဟုတ် အဆုံးသတ် စေနိုင်သော စိန်ခေါ်မှု တရပ်လေလားဟု မေးခွန်းထုတ်စရာလည်း ဖြစ်ကောင်း ဖြစ်နိုင်ပေသည်။ အရှေ့တောင်အာရှ နိုင်ငံများအပေါ် အင်းအားကြီး နိုင်ငံကြီးများ ၏ ပထ၀ီနိုင်ငံရေး လွှမ်းမိုးမှုကို ရယူရန် ကြိုးစားမှုသည် ဒေသတွင်း နိုင်ငံတွေအတွက်တော့ ကောင်းမွန်သော အချက်မဟုတ်ပါ။ သို့သော် မည်သို့ပင်ဖြစ်စေ တရုတ် အနေနှင့်ကတော့ မြန်မာနှင့် အလွန်ကြီးမားသော စီးပွားရေးဆိုင်ရာ ပူးပေါင်းဆောင်ရွက်မှုများကို ဆောင်ရွက် နေပြီ ဖြစ်သည့်အတွက် လက်လျှော့ ဆုတ်ခွါမည့် ဟန်မရှိပါ။ တရုတ်အနေဖြင့် မြန်မာမှ ကုန်ကြမ်း ပစ္စည်းများကို ရယူလိုပြီး အထူးသဖြင့် အာဖရိကနှင့် အရှေ့အလယ်ပိုင်းဒေသမှ နိုင်ငံများနှင့် ကုန်သွယ်မှု အတွက် ဆိပ်ကမ်းတခုနှင့် ကြားခံစခန်းတခု ရရှိရန် လိုနေပေသည်။
(စာရေးသူမှတ်ချက်။ ။ တရုတ်က အာဖရိက နှင့် အရှေ့အလယ်ပိုင်းမှ ရေနံနှင့် တွင်းထွက်များကို ရခိုင်ကမ်းရိုးတမ်းမှတဆင့် မြန်မာ ကုန်းတွင်းပိုင်းကို ဖြတ်၍ တရုတ်ပြည်မ အတွင်းသို့ သယ်ယူလိုပြီး ၎င်း လမ်းကြောင်းမှပင် တရုတ် ထွက်ကုန်များကို အဆိုပါ နိုင်ငံများသို့ မြန်မာနိုင်ငံကို ဖြတ်၍ တင်ပို့မည် ဖြစ်သည်။ ယခင် မလေးရှားနှင့် အင်ဒိုနီးရှားကြား မလက်ကာရေလက်ကြားမှဖြတ်ကာ စင်္ကာပူ ဆိပ် ကမ်းမှ ပတ်ပြီး သယ်ယူရေးထက် စီးပွားရေးအရ အလွန်တွက်ခြေကိုက်သော နည်းလမ်း ဖြစ်ပါသည်၊ တနည်းအားဖြင့်လဲ အလွန်လုံခြုံ စိတ်ချရပြီး ပထ၀ီနိုင်ငံရေးကိုလဲ တဘက်တလမ်းက အကျိုးသက်ရောက်နိုင်သည်ဟု တရုတ် အနေနှင့် ယူဆမည်ဟု စာရေးသူ ယုံကြည် မိသည်။ မျက်မှောက်ခေတ်မှာ မြန်မာနိုင်ငံရဲ့ ပထ၀ီနိုင်ငံရေး အရေးသာမှုဟာ ကမ္ဘာ့ထိပ်တန်း နိုင်ငံကြီးများအပေါ် လွှမ်းမိုးမှု အတော်အ တန်ကြီးမားနေသည်ကို မြန်မာတိုင်း ဂရုထားသင့်သည်ဟုလည်း ယူဆမိသည်။)
အပြင်ပန်းအားဖြင့်လဲ ၀ါရှင်တန်၏ မြန်မာနိုင်ငံအပေါ် စိတ်ဝင်စားမှုကို ပြနေသော မူဝါဒ အသစ်ဖြစ်သော ပထ၀ီနိုင်ငံရေး ယှဉ်ပြိုင်မှုဟာ ဒေသတွင်း အငြင်းပွားမှုများကို ဦးတည် စေနိုင်ပါသည်။ ဒါပေမယ့် ဒီအချက်တွေဟာ ဒေသတွင်း နိုင်ငံတကာ မူဝါဒရေးရာမှာ မုချအမှန် ဖြစ်လိမ့်မည်ဟုလဲ သေချာပေါက် မပြောနိုင်သေးပါ။ နိုင်ငံတကာ မူဝါဒ ရေးရာ၏ အစိတ်အပိုင်း တခုမျှသာ ရှိပါသေးသည်။ မြန်မာနိုင်ငံ အပေါ် ထားရှိလာသော အမေရိကန်၏ မူဝါဒ အသစ်နှင့် ပတ်သက်၍ အကျိုးဆက်များကို စမ်းစစ် မလေ့လာမှီ “အမေရိကန် အနေနှင့် မြန်မာနှင့် မည်သို့မည်ပုံ နားလည်သဘောတူညီမှုကို ရယူမလဲ” ဆိုတဲ့ မေးခွန်းကို အရင် မေးသင့်ပေသည်။
ပထမတနည်းနေနှင့် အမေရိကန်ဟာ မြန်မာ ခေါင်းဆောင်ပိုင်းနှင့် တိုက်ရိုက်အပြန်အလှန် တွေ့ဆုံဆွေးနွေးခြင်းဖြင့် ချဉ်းကပ်ပြီး၊ မြန်မာ နိုင်ငံအပေါ် နိုင်ငံတကာ အသိုင်းအ၀ိုင်းအတွင်း မူဝါဒရေးဆိုင်ရာ အကူအညီများ၊ စီးပွားရေးဆိုင်ရာ အကူအညီများ နှင့်အတူ ဒီမိုကရေဆီ ပြောင်းလဲရေးကို ကူညီဆောင်ရွက် ပေးခြင်းဖြင့် နည်းလမ်းရှာကောင်း ရှာနိုင်ပေသည်။ ဒါပေမယ့် ဒီ ချဉ်းကပ်နည်းဟာ ဘောင်တခုအ တွင်း ကန့်သတ်ထိန်းချုပ်မှုကို ဦးတည်တာ ဖြစ်သောကြောင့် လက်တွေ့မှာတော့ တကယ်အကောင်အထည် ဖော်ဖို့ဆိုတာ လွယ်တော့ မလွယ်လှပါ။ မြန်မာ အနေနှင့်လည်းပဲ ၎င်း၏ နိုင်ငံရေးမူဝါဒစနစ်ကို ၀ါရှင်တန်မှ ချပေးသော ပုံစံမျိုးဖြင့် ပြုပြင်ပြောင်းလဲမည် မဟုတ် သကဲ့သို့ ၎င်း၏ ပြည်တွင်းရေး ကိစ္စရပ်များကိုလည်းပဲ အမေရိကန်နှင့် ဆွေးနွေးလိမ့်မည် မဟုတ်ပါ။
ဒုတိယ တနည်း အနေနှင့် အမေရိကန်ဟာ မြန်မာ့ အဓိက အတိုက်အခံ ပါတီ ဖြစ်သော NLD ပါတီ၊ ဒါမှမဟုတ် လက်ရှိ စစ်အုပ်ချုပ်ရေး စနစ်ကို ဖြုတ်ချလိုသော အတိုက်အခံ အုပ်စုများနှင့် တွေ့ဆုံ သဘောတူညီမှုများ ရယူကောင်း ယူနိုင်ပေသည်။ ရှင်းရှင်း ပြောရလျှင်တော့ ဤကဲ့သို့သော နည်းလမ်းကို CIA အပါအ၀င်၊ ယခင် ဘုရှ် အစိုးရတို့က ကြိုးစားကျင့်သုံးပြီးဖြစ်ပြီး အကျိုးရလဒ် ထူးထူးခြားခြား ရလာစရာ အကြောင်း မရှိတော့ပေ။ ထို့ကြောင့် ဤနည်းလမ်းသည် ပထမနည်းလမ်းလောက်ပင် ကောင်းမွန်မှု မရှိဘဲ၊ အကျိုးသက်ရောက်မှု မရှိကြောင်း ကိုလဲ ၀န်ခံ သက်သေပြပြီးဖြစ်သည်။
တတိယတနည်းအနေနှင့် အမေရိကန်ဟာ မြန်မာအပေါ် စီးပွားရေး ဆိုင်ရာ ပူးပေါင်းဆောင်ရွက်မှု နှင့် အတူ ငွေရေးကြေးရေး ဆိုင်ရာ အကူအညီများ ပေးပြီး ခေါင်းဆောင်ပိုင်းကို ချဉ်းကပ်ရေးပင် ဖြစ်သည်။ သို့သော် တဖက်ကလည်း အမေရိကန် အနေနှင့်လဲ ဖွံဖြိုးဆဲ နိုင်ငံများနှင့် ပတ်သက်ပြီး ရင်းနှီးမြှုပ်နှံမှုနှင့် အကူအညီပေးရေး ဆိုင်ရာမှာ မရှိမဖြစ်သော ပြဌာန်းချက်နှင့် စည်းကမ်းချက်များကလဲ ရှိနေသေးပေသည်။ မြန်မာ အနေနှင့် ကလည်းပဲ တခြား ရရှိနေသော စီးပွားရေးဆိုင်ရာ အထောက်အကူများ ကလဲ ရရှိ နေပေသေးသည် ဥပမာ အားဖြင့် တရုတ် ထံမှဖြစ်သည်။ ထို့ကြောင့်ပင် မြန်မာက အခြေအနေအရ ဖြစ်လာသော အမေရိကန်၏ ပြောင်းလဲမှု အကူအညီကို လက်ခံလိမ့်မည် မဟုတ်ပေ။ တဖန် အမေရိကန်အနေနှင့်ကလည်းပဲ မြန်မာအပေါ် နိုင်ငံရေးမပါသော စီးပွားရေးပူးပေါင်း ဆောင်ရွက်မှုမျိုး ဆိုတာကလဲ မဖြစ်နိုင် သကဲ့သို့ ၎င်း၏ မြန်မာနိုင်ငံအပေါ် မူဝါဒရေး ပြောင်းလဲမှု၏ ရည်ရွယ်ချက်နှင့်လဲ ကိုက်ညီမှု မရှိလှပေ။ US Deputy Secretary of State James Steinberg ကလဲပဲ မြန်မာနိုင်ငံအပေါ် အမေရိကန်မူဝါ၏ အဓိက ဦးတည်ချက်က ပြောင်းလဲမည် မဟုတ်ဟု ဖော်ပြခဲ့ပေသည်။ သို့ပေမယ့်လဲ အမေရိကန် အနေနှင့် မြန်မာအပေါ် ပိုမို ပွင့်လင်းမှုနှင့် လူ့အခွင့်အရေးကို လေးစား လိုက်နာပြီး ကမ္ဘာ လုံးဆိုင်ရာ စီးပွားရေးကဏ္ဍမှာ ၎င်းကိုယ်တိုင် ပါဝင် ဆောင်ရွက်မှုကို မျှော်လင့်နေပေသည်။
အမေရိကန်ဟာ မြန်မာနှင့် သဘောတူညီမှုရရန်မှာ ခက်ခဲကြောင်းကို မကြာခင်မှာပဲ သိမြင်လာမှာ ဖြစ်ပါတယ်။ ထို့ကြောင့်ပင် တရုတ် အနေနှင့် အမေရိကန်၏ အရှေ့တောင်အာရှ ဒေသအတွင်းသို့ အမြင်အားဖြင့် လျင်မြန်စွာ ထိုးဖောက်ဝင်ရောက် လာမှုကို စိုးရိမ်မှု မရှိပေ။ ဖြစ်ကောင်း ဖြစ်လာနိုင်ပေမယ့် ပထ၀ီနိုင်ငံရေး ပြိုင်ဆိုင်မှုဟာ ဖြစ်အံ့ဆဲဆဲ အခြေအနေမျိုးတော့ မဟုတ်ပါ။ တရုတ် အနေနှင့် လဲပဲ ၎င်း၏ မဟာဗျူဟာ ပိုင်းဆိုင်ရာ ကိစ္စများအပြင် မြန်မာနိုင်ငံအပေါ် အမေရိကန်၏ နိုင်ငံရေး မူဝါဒပိုင်းဆိုင်ရာ နှုတ်တိုက်ပုံတူကူးချရန် တိုက်တွန်း မှုနှင့် သြဇာလွှမ်းမိုးမှုအတွက် မည်သည့် သဘောတူညီမှုမျိုးကိုမှ လက်ခံမည် မဟုတ်ပေ။ အဘယ်ကြောင့် ဆိုသော် ဤကိစ္စရပ်များသည် မြန်မာနိုင်ငံ၏ ဒေသတွင်း တည်ငြိမ်မှုကို ခြိမ်းခြောက်နိုင်သော နိုင်ငံတွင်း ဆူပူအုံကြွမှုများကို ဖြစ်စေနိုင်သောကြောင့် ဖြစ်ပေသည်။
သို့သော် တရုတ်အနေ နှင့် အမေရိကန်၏ မြန်မာနိုင်ငံ အပေါ် စီးပွားရေးနှင့် ကုန်သွယ်မှု ပိုင်းဆိုင်ရာ သဘောတူညီမှု များကိုတော့ ကြိုဆို သွားမည်ဖြစ်သည်။ လူမှုရေး တည်ငြိမ်မှုရှိပြီး ဥစ္စာဓန ပေါကြွယ်ဝသော မြန်မာနိုင်ငံ ကဲ့သို့သော နိုင်ငံနှင့် အရှေ့တောင်အာရှ နိုင်ငံများ အသင်း (ASEAN) ၀င် နိုင်ငံများဟာ တရုတ်၏ စိတ်ဝင်စားမှုနှင့် ကိုက်ညီလျက် ရှိသည်။ အမေရိကန် အနေနှင့် မြန်မာနိုင်ငံ အပေါ် စီးပွားရေး ဆိုင်ရာ အောင်မြင် ဖြစ်ထွန်းမှုကို အကူအညီပေးမှုဟာ ASEAN အတွင်း စည်းလုံးမှုကို အထောက်အကူ ဖြစ်စေနိုင်ပါသည်။ ASEAN ၏ စည်းလုံးမှုနှင့် အကျိုး သက်ရောက်မှုရှိခြင်းဟာ ဒေသတွင်း တည်ငြိမ်မှုကို ထိန်းသိမ်းနိုင်ပြီး၊ တရုတ် အနေနှင့်လဲ ဤအချက် ကို အမြဲ ကြိုဆိုနေမည် ဖြစ်သည်။
အတုန့်အပြန် အားဖြင့်လဲ အမေရိကန်၏ မြန်မာနိုင်ငံ အပေါ် ပြည်တွင်းရေး စွက်ဖက်မှုပိုင်း ဆိုင်ရာ နည်းဗျူဟာများဟာ အပြုသဘော ဆောင်နေခဲ့လျှင်တောင် ဒေသတွင်း တည်ငြိမ်မှုကို ပျက်ပြားစေနိုင်ပါက တရုတ် အနေနှင့် ပြင်းထန်စွာ ဆန့်ကျင်ကန့်ကွက်သွားမည် ဖြစ် သည်။ ထို့ပြင် အမေရိကန်သည် မြန်မာနှင့် သဘောတူညီမှု ရယူရန် ကြိုးပမ်းမည် ဆိုလျှင်လဲ အရှေ့တောင်အာရှ ဒေသတွင် တရုတ်ဟာ အဓိက အရေးကြီးသော ဇာတ်ဆောင် ဖြစ်သည် ဆိုတာကို အသိအမှတ် ပြုရမည် ဖြစ်ပြီး၊ နိုင်ငံရေးမူဝါဒအသစ်ဖြင့် မြန်မာကို တရုတ် နိုင်ငံနှင့် ဖယ်ကြဉ်စေရန် ဆောင်ရွက်မည် ဆိုပါက အလွန့်အလွန် ကြီးမားသော ခက်ခဲမှုမျိုးနှင့် ရင်ဆိုင်ရပေလိမ့်မည်။
အမေရိကန် အနေနှင့် မြန်မာနိုင်ငံနှင့် သဘောတူညီမှု ရယူရန် ကြိုးပမ်းမှုတွင် မြောက်ကိုရီးယား ကဲ့သို့ ခြောက်နိုင်ငံ ဆွေးနွေးရေး ကိစ္စလိုမျိုး အသွင်ဖြင့် မကြိုးပမ်း သင့်ပေ။ US Deputy Secretary of State James Steinberg က လွန်ခဲ့သော ရက်အနည်းငယ် အတွင်းတွင် ထုတ်ဖော်ပြောကြား ခဲ့သော်လည်း တရုတ်၊ မြန်မာ နှင့် ASEAN တို့က ဤကဲ့သို့သော အကြံပြုချက်မျိုးကို လက်ခံလိမ့်မည် မဟုတ်ပေ။ မြန်မာဟာ မြောက်ကိုရီးယား ကဲ့သို့ အခြားနိုင်ငံများကို ခြိမ်းခြောက်နေသော နိုင်ငံ မဟုတ်ပါ။ မြန်မာ့ အရေးဟာ နိုင်ငံတကာ လုံးဆိုင်ရာ ၀င်ရောက်ဆွေးနွေးရန် အရေးကိစ္စ မဟုတ်ပါ၊ ထို့ကြောင့် မြန်မာ့ အရေးနှင့် ပတ်သက်လာလျှင် ဘက်ပေါင်းစုံ ပါဝင်သော ဆွေးနွေး သုံးသပ်မှု ပုံစံမျိုးဖြင့် ပြုလုပ်ရန် မလိုအပ်ပါ။
မြန်မာနှင့် အောင်မြင်စွာ သဘောတူညီမှုရယူရန် အမေရိကန်၏ ကြိုးပမ်းမှုတွင် ယခင် ဘုရှ် လက်ထက်က အသုံးပြုခဲ့သော အသုံးမ၀င် တော့ဘဲ ခေတ်နောက်ကျနေပြီ ဖြစ်သော ချဉ်းကပ်မှုမျိုးကို နောက်တကြိမ် ထပ်သုံးဦးမည်ဆိုလျှင် အမေရိကန်အတွက် လွယ်ကူလိမ့် မည် မဟုတ်ပေ။ တရုတ် အနေနှင့်လဲ ၎င်းကိစ္စ မျိုးကို ဘယ်တော့မှ လက်ခံမည် မဟုတ်ပေ။ သို့သော် အမေရိကန် အနေနှင့် မြန်မာနိုင်ငံ အပေါ် သန့်ရှင်းသော စီးပွားရေး လုပ်ဖော်ကိုင်ဖက်သဘောမျိုး ရရှိရန်အတွက် ကြိုးပမ်းခဲ့မည် ဆိုလျှင်တော့ ဘေဂျင်း(Beijing) အနေနှင့် ၀မ်းသာစွာ ကြိုဆိုနေမည် ဖြစ်သည်။ အခြေခံအားဖြင့် မြန်မာနိုင်ငံအပေါ် အမေရိကန်၏ ချဉ်းကပ်မှု အောင်မလား ရှုံးမလား ဆိုတာ ကတော့ တခြားနိုင်ငံတွေရဲ့ ၎င်း ချဉ်းကပ်မှု နည်းလမ်းအပေါ် ထင်မြင်ယူဆချက်ထက် အမေရိကန် ကိုယ်တိုင် အသုံးပြုသော နည်းလမ်း က ပို၍ အရေးပါ ပေလိမ့်မည်။
မူရင်း ဆောင်းပါးကို ဖတ်ချင်လျင် http://www.atimes.com/atimes/China/KD17Ad01.html ၌ ဖတ်ရှုနိုင်ပါသည်။
Copyright 2009 Asia Times Online:
စာရေးသူ၏ ဖြည့်စွက် သုံးသပ်ချက်။ ။ လက်ရှိ ဆောင်းပါးဟာ ရှန်ဟိုင်း နိုင်ငံတကာ လေ့လာရေးတက္ကသိုလ် လက်ထောက် ပါမောက္ခ Dr Jian Junbo ၏ အာဘော်ကို တိုက်ရိုက်ဘာသာပြန်ထားခြင်းဖြစ်သည်။ Dr Jian Junbo က အမေရိကန် မြန်မာ ဆက်ဆံရေး ပြန်လည် ကောင်းမွန်လာမှုဟာ တရုတ်၏ ဒေသတွင်းပထ၀ီနိုင်ငံရေး အတွက် အရေးကြီးပုံ၊ ပြောင်းလဲလာသော အမေရိကန်၏ မြန်မာနိုင်ငံဆိုင်ရာ မူဝါဒရေးရာနှင့် ပတ်သက်ပြီး တရုတ်၏ ပတ်သက်ဆက်စပ်နေပုံနှင့် တရုတ်၏ တုန့်ပြန်သုံးသပ်ပုံတို့ကို မျက်မှောက်ခေတ်နှင့်အညီ သုံး သပ်တင်ပြထားသည်။
တရုတ်က အမေရိကန်ဟာ မြန်မာကို ကူညီလျှင်တောင် ကိုယ်ကျိုးမဖက်ဘဲ သီးခြားကူညီဖို့ ခက်တယ်ဆိုတာကို မြန်မာကို ပြောချင်ပုံရ သည်။ ထို့ပြင် တရုတ်သာ မြန်မာ၏ အဓိက မိတ်ဆွေဖြစ်ပြီး အမေရိကန်ဟာ အခြေအနေအရ ဖန်တီးလာသော ညှိနှိုင်း ဆောင်ရွက်မှုသာ ဖြစ်သည်ဟု သတိပေးချင်ဟန် ရှိပေသည်၊ ၎င်းကိုယ်တိုင်ကလဲပဲ အမေရိကန် မြန်မာကြား သဘောတူညီမှု တခုခုကို ဦးတည်သွားမှာ ကိုလည်း စိုးရိမ်နေပုံ ရသည်။ ASEAN အပေါ်တွင်လဲ ၎င်းကပင် သြဇာ လွှမ်းမိုးပြီး အဓိက key player အနေနှင့် ရှိနေချင်ဟန် ရှိသည်။
သို့သော် အမေရိကန်၏ မြန်မာအပေါ် ချဉ်းကပ်မှုပိုင်းဆိုင်ရာကို ဖော်ပြရာ၌ နည်းလမ်းသုံးသွယ်ဖြင့် ဖော်ပြထားပြီး ဒုတိယနည်းလမ်းမှာ နှစ်ပေါင်းများစွာတိုင်အောင် ကျင်သုံးပြီးဖြစ်သော်လည်း မအောင်မြင်သည်မှာ ထင်ရှားပြီးဖြစ်သည်။ သို့သော် ပထမ နှင့် တတိယနည်း တို့မှာမူ အမေရိကန်၏ မြန်မာနိုင်ငံဆိုင်ရာ မူဝါဒအသစ်နှင့် ဆက်စပ်မှု ရှိနေပြီး အကောင်အထည် ပေါ်လာကောင်း ပေါ်လာနိုင်ပေသည်။ သို့သော် Dr Jian Junbo ကမူ ၎င်း ပထမ နှင့် ဒုတိယ အချက်တို့ကိုလည်း သိပ်မဖြစ်နိုင်ဟု ဖော်ပြသွားခဲ့ပေသည်။ တကယ်တမ်းကျ တော့ သိပ်မဖြစ်နိုင် ဆိုတာထက် ၎င်းနည်းလမ်းများအတိုင်း ဖြစ်လာမှာကို တရုတ်က အလွန်စိုးရိမ်လျက်ရှိသည်ဟု စာရေးသူ ယုံကြည်မိသည်။ ဖြစ်လာခဲ့ လျှင်တောင် တရုတ် အနေနှင့် ပထ၀ီ နိုင်ငံရေးနှင့် ပတ်သက်လျှင် မည်သည့် ချဉ်းကပ်မှုမျိုး ကိုမဆို ကန့်ကွက်မည့်ပုံ ရှိပေသည်။ ဤချဉ်းကပ်မှု နည်းလမ်းများဖြင့် ချဉ်းကပ်လာခဲ့လျှင် အမေရိကန် အနေနှင့် အခက်အခဲ များနှင့် ရင်ဆိုင် ရမည်ဟု တရုတ်က ပြောနေသော်လည်း၊ ချဉ်းကပ်မှု နည်းလမ်းများ မအောင်မြင်ခဲ့လျှင်တော့ ဟုတ်သည်ပေါ့၊ သို့သော် အမေရိကန်၏ ချဉ်းကပ်မှုများ အောင်မြင်ခဲ့ လျှင်မူကား တရုတ်ပြောခဲ့သော အခက်အခဲများဟာ အမေရိကန်အတွက် မဟုတ်ဘဲ ၎င်း တရုတ်နိုင်ငံ အတွက်သာ ဖြစ်ပေ လိမ့်မည်ဟု စာရေးသူ ယူဆမိသည်။
ထို့ပြင်လည်းပဲ တရုတ်ဟာ မြန်မာနိုင်ငံ ရခိုင်ကမ်းခြေမှာ အခြေဆိုက် ဆိပ်ကမ်း တခုကို ထားပြီး အာဖရိကနှင့် အရှေ့အလယ်ပိုင်း ဒေသများနှင့် ကုန်သွယ်မှု အတွက် မြန်မာနိုင်ငံ၏ ကုန်းတွင်း လမ်းကြောင်းကို မြန်မာနှင့် အကျိုးတူ အသုံးပြု လိုပေသေးသည်။ ထို့အတွက်လဲ မြန်မာအပေါ် သြဇာ လွှမ်းမိုးမှုကို အမေရိကန် ကိုမှမဟုတ် မည်သူ့ မည်သူကိုမျှ ခွဲဝေပေး လိုလိမ့်မည် မဟုတ်ပေ။ ၎င်းလမ်းကြောင်းသည် တရုတ်အတွက် စီးပွားရေးအရ အလွန် တွက်ခြေကိုက်ပြီး လုံးခြုံ စိတ်ချရသော လမ်းကြောင်း ဖြစ်ပေသည်။ ဤကဲ့သို့သော အရေးကိစ္စများသည် စစ်အေးခေတ် နှောင်းပိုင်း လက်ရှိ မျက်မှောက်ရေးရာ ကမ္ဘာ့ ချိန်ခွင်ကို ပြောင်းလဲနိုင်သော အာရှ အခန်းကဏ္ဍတွင် စာရေးသူတို့ နိုင်ငံ၏ ပထ၀ီ နိုင်ငံရေး အရ လွှမ်းမိုးနိုင်မှုနှင့် အရေးပါမှု တို့ပင် ဖြစ်ပေသည်။
၎င်းအပြင် စာရေးသူ အနေနှင့် မြန်မာဟာ ဒေသတွင်း ASEAN နိုင်ငံများ အပေါ်လဲ လွှမ်းမိုးမှုနှင့် အားသာချက်များ ရှိနေပေကြောင်း ကိုလဲ ပြောချင်သေးသည်။ မြန်မာနိုင်ငံ တည်နေရာအရ မြန်မာဟာ အာဖရိက၊ အရှေ့အလယ်ပိုင်း နိုင်ငံတို့နှင့် ကမ္ဘာ့အရှေ့ပိုင်း နိုင်ငံများ (တရုတ် ကဲ့သို့သော) ၏ ကုန်သွယ်မှု လမ်းကြောင်းပေါ်တွင် တည်ရှိနေသည်။ သို့သော် ပင်လယ်ကူးသင်္ဘောများသည် အိန္ဒိယ သမုဒ္ဒရာ၊ ကပ္ပလီပင်လယ် မှတဆင့် မလက္ကာ ရေလက်ကြားကို ဖြတ်ပြီး စင်္ကာပူမှပတ်ကာ ထိုင်းပယ်လယ်ကွေ့နှင့် အရှေ့ပိုင်း နိုင်ငံများသို့ ဦးတည် လျက် ရှိပေသည်။ အကယ်၍သာ ထိုင်းက ၎င်းနိုင်ငံကို ဖြတ်ပြီး စူးအက်တူးမြောင်းကဲ့သို့ တူးမြောင်းမျိုး ကိုသာ ဖောက်ခဲ့မည် ဆိုလျှင် ၎င်းကို အမှီပြု၍ မြန်မာ၏ ကူးသန်း ရောင်းဝယ်မှုနှင့် စီးပွားရေးအရ အချက်အခြာ ကျမှုတို့ဟာ ပို၍ အရေးပါလာပေလိမ့်မည်၊ သို့သော် ပွဲစား သဘောမျိုးဖြင့် အသက်မွေးနေသော စင်္ကာပူကိုမူကား ထိုင်း၏ တူးမြောင်းက အခက်တွေ့ကောင်း တွေ့စေနိုင်ပေသည်၊ လက်ရှိ မျက်မှောက် အခြေအနေမှာပင် နည်းပညာပိုင်းဆိုင်ရာ မြင့်မားလာမှုကြောင့် အချို့သော ပင်လယ်ကူးသင်္ဘောများနှင့် လေယာဉ်များဟာ စင်္ကာပူမှ တထောက် ရပ်နားခြင်းမျိုး မရှိဘဲ တိုက်ရိုက်ပျံသန်းသွားလာ နေတဲ့အတွက် စင်္ကာပူရဲ့လက်ရှိ ရပ်တည်မှုဟာ စိတ်ချရလောက် တဲ့ အနေအထားမှာ မရှိပေ၊ အချိန်မရွေး ပြောင်းလဲသွား နိုင်ပေသည်။
ထိုင်းကသာ တူးမြောင်း တူးဖော်မှုကို အကောင်အထည်ဖော်ခဲ့လျှင် ပို၍ဆိုးပေဦးမည်။ သို့သော် ထိုင်း၏ တူးမြောင်းသည် ကုန်သွယ်မှု လမ်းကြောင်းကို မြန်မာနှင့် ပို၍ နီးကပ်လာစေမည်ဖြစ်တဲ့အ တွက်ကျယ်ပြန့်သော ကမ်းရိုးတမ်းအရှည်နှင့် သဘာဝသယံဇာတ အပါအ ၀င် မြိတ်ကျွန်းစုကို ပိုင်ဆိုင်သော မြန်မာဟာ ပို၍အရေးပါ လာပေလိမ့်ဦးမယ်။ ထိုင်း အနေနှင့်လဲ စင်္ကာပူ၏ သင်ခန်းစာကိုယူပြီး အ ကောက်အခွန်နှင့် အကျိုးအမြတ်ကို လိုချင်ကောင်း လိုချင်သောကြောင့် ဖြစ်ပေမည်။ ထို့ထက် ပိုအရေးကြီးသော အချက်မှာကား ထိုင်း အနေနှင့် မြန်မာနှင့်သာ စစ်ဖြစ်ခဲ့လျှင် သို့တည်းမဟုတ် အခြားအကြောင်းတခုခုကြောင့်ဖြစ်စေ ၎င်း၏ စစ်သင်္ဘောများကို ဘင်္ဂလားပင် လယ်အော်သို့ ရောက်ဖို့အတွက် မလက္ကာရေလက်ကြားမှတဆင့် စင်္ကာပူကိုပတ်ကာ လာနေရပေသည်။ ဤအချက်သည် ထိုင်းရေတပ် အတွက် အလွန့်အလွန် ကြီးမားပြီး ခရီးဖင့်နေရသော အခက်အခဲ ဖြစ်ပေသည်။ ထိုင်းအနေနှင့် ၎င်းအခက်အခဲကိုလဲ ဖြေရှင်းရင်း စီးပွားရေးအရလဲ တွက်ခြေကိုက်အောင် စီစဉ်လျက် တချက်ခုတ်နှစ်ချက်ပြတ် စီမံကိန်းကို စဉ်းစားဟန် တူပေသည်။ (ဤဖော်ပြချက်ကို ထိုင်းက တူးမြောင်း တူးမည်ဟူသော သတင်းများကြောင့် ထည့်သွင်း ဖော်ပြခြင်း ဖြစ်ပေသည်။ သတင်း အတိအကျနှင့် သတင်း source ကိုတော့ မမှတ်မိတော့ပါ။)
စာရေးသူ အနေနှင့် လက်ရှိ သုံးသပ်ချက်တွင် မြန်မာနိုင်ငံ၏ သယံဇာတ အရင်းအမြစ် ပေါကြွယ်ဝမှု အပြင် ပထ၀ီ နိုင်ငံရေးနှင့် စီးပွားရေး အချက်အခြာ ကျမှုတို့ကို အရင်းခံပြီး မိမိနိုင်ငံ၏ တန်ဖိုးကို ဖော်ထုတ်လိုသောကြောင့်သာ ဤကဲ့သို့သော ဖော်ပြချက်များဖြင့် သုံးသပ် တင်ပြခြင်း ဖြစ်ပေသည်။ လက်ရှိ အစိုးရကို သော်လည်းကောင်း၊ အတိုက်အခံများကို သော်လည်းကောင်း ထည့်သွင်းစဉ်းစားခြင်းမပြု လိုပါ။ မိမိနိုင်ငံ၏ တန်ဖိုးကိုသိပြီး တန်ဖိုးထား ထိန်းသိမ်းသင့်သော၊ သွေးစည်း ညီညွတ်သင့်သော အမြင်၊ အမျိုးသား နိုင်ငံရေး အမြင် ဖြင့် တင်ပြလိုက်ပါသည်။ ထို့ကြောင့် မည်သို့သောအခက်အခဲ မည်သို့သော အခြေအနေ များတွင်ဖြစ်စေ မြန်မာဟာ အမြဲ ရွှေမြန်မာ ပင် ဖြစ်နေရပေမည်၊ တိုင်းရင်းသားအားလုံး သွေးစည်း ညီညွတ်စွာဖြင့် ရင်းရင်းနှီးနှီး အတူတကွ နေထိုင်ရင်း ရွှေမြန်မာ၏ တည်တံ့မှုနှင့် ခန့်ထည် တည်ကြည်မှု၊ မြင့်မြတ်သော ဘာသာရေး ဖြစ်ထွန်းတည်ရှိမှု တို့ကို ကမ္ဘာတည်သရွေ့ မြန်မာအားလုံး (တိုင်းရင်းသား အားလုံး ကို ဆိုလိုသည်) က နိုင်ငံရေးအမြင်၊ စီးပွားရေးအမြင်၊ စစ်ရေးအမြင် တို့ဖြင့် ထိန်းသိမ်းသွားသင့်ပေသည်ဟု တင်ပြလိုက်ရပေသည်။
Saturday, 4 April 2009
တတိယလှိုင်း
ရှစ်လေးလုံးလူထုအရေးတော်ပုံတုံးက အာဏာသိမ်းပြီးနောက်တရက် စက်တင်ဘာ (၁၉)ရက်မှာ ကမာရွတ် စံရိပ်ငြိမ်မှာ စစ်ပြန်စစ်မှု ထမ်းဟောင်း (၁၆) ယောက်က သေနတ် (၁၆) လက်နဲ့ အာဏာသိမ်း နဝတ စစ်တပ်ကို ခြုံခိုတိုက်ခိုက်ခဲ့ပါတယ်။ ဒီတိုက်ပွဲမှာ လူထု ဘက်တော်သား စစ်သည်ဟောင်းတယောက်ပဲ နိုင်ငံနဲ့ပြည်သူအတွက် အသက်ပေးလှူသွားခဲ့ပြီး နဝတစစ်သား ၄-၅-၁ဝ ယောက် ထက်မနည်း ကျသွားပါတယ်။ ဒီသေနတ်တွေကတော့ ကုန်သွယ်ရေးရုံးအရေးအခင်းမှာ သိမ်းရထားတဲ့လက်နက်တွေဖြစ်ပုံရပါတယ်။
တကယ်လို့သာ ဒီထက်မက လက်နက်တွေ ရန်ကုန်မြို့အနှံ့ ဖြန့်ကျက်ပြီး လူထုဘက်တော်သားစစ်သည်တွေ၊ စစ်မှုထမ်း ဟောင်းတွေ လက်ထဲမှာရှိနေရင်၊ တနည်းအားဖြင့် ကျောင်းသားလူငယ်ပထမလှိုင်းနဲ့ ရဟန်းသံဃာ ဒုတိယလှိုင်း မာန်ဟုန်သာမက တတိယလှိုင်းမာန် ဟုန်ကိုပါ အရှိန်ပြည့်စီးနင်းလိုက်ပါဖို့ ပိုင်းဖြတ်ချက်နဲ့ ပြင်ဆင်မှု ရှိခဲ့ရင် သမိုင်းဟာ ၁၉၈၈ ခုကတည်းက သစ်သွားမှာဖြစ်ပါတယ်။
ဒါပေမဲ့ ရှစ်လေးလုံးအရေးတော်ပုံအတွင်းမှာ လူထုတိုက်ပွဲခေါင်းဆောင်တွေဟာ တပ်မတော်သားတွေ လက်နက်နဲ့ တကွ လူထုဘက် ပူးပေါင်းလာဖို့ ကမ်းလှမ်းချက်ကို ပယ်ချခဲ့ပါတယ်။ ဒီလိုနဲ့ပဲ မြန်မာ့ဒီမိုကရေစီတော်လှန်ရေးရဲ့ တတိယလှိုင်းဟာ အရှိန်ယူစမှာတင် အ ညွန့်ချိုးခံလိုက်ရပါတယ်။
လှိုင်းဆိုတာမျိုးက လေပင့်ရင် ကြီးသထက်ကြီးလာတတ်တဲ့အပြင်၊ အထူးသဖြင့် စစ်တပ်ပုန်ကန်မှုဆိုတာ ရေခံမြေခံ မှန်သွားတဲ့အခါ မှာ snowballing effect လို့ခေါ်တဲ့ တစက်မှတမျက်နှာ ပျံ့နှံ့သွားတတ်ပါတယ်။ ဒါကြောင့် လူထု တိုက်ပွဲအတွင်းမှာ စစ်အာဏာရှင် စနစ်ကို လက်နက်နဲ့ပြန်တိုက်တဲ့ တပ်မတော်သားတွေကို သိသာထင်ရှားတဲ့ အရေအတွက် မြင်နေရပြီဆိုရင် နောက်ထပ်တပ်မတော် သားတွေအပေါ် ဂယက်ရိုက်ပြီး လူထုဘက်ကူးပြောင်းရေးအတွေးအခေါ် ကူးစက်ပျံ့နှံ့သွားတာဖြစ်ပါတယ်။
အောင်မြင်တဲ့ လူထုတိုက်ပွဲတွေမှာ လှိုင်းသုံးလှိုင်း ယှဉ်တွဲရိုက်ခတ်တာ အမြဲတွေ့ရပါတယ်။ ပထမလှိုင်းဟာ အခြေခံ ရုပ်အင်အားလှိုင်း ဖြစ်ပြီး ကျောင်းသားလူငယ်တွေ၊ အလုပ်သမား-လယ်သမားတွေ၊ သာမန်မြို့ပြပြည်သူပြည်သားတွေနဲ့ နိုင်ငံရေးပါတီတွေ၊ နိုင်ငံရေး အင်အားစုတွေ ပါဝင်ဖွဲ့စည်းထားပါတယ်။ ဒုတိယလှိုင်းကတော့ ပါဝါအပျော့ဖြစ်တဲ့ ရှေ့ဆောင် နာမ်ပိုင်းအင်အားလှိုင်း (သို့မဟုတ်) တွေးခေါ်မြော်မြင်မှုအင်အားလှိုင်းဖြစ်ပြီး ရဟန်းသံဃာစတဲ့ သာသနာပိုင်း၊ အဲန်ဂျီအို အပါအဝင် ပညာတတ်ပိုင်း၊ သို့မဟုတ် လွတ်လပ် တဲ့တရားရေးပိုင်းတို့ပါဝင်ပြီး တချို့အခြေအနေတွေမှာ နိုင်ငံရေးပါတီတွေ၊ နိုင်ငံရေးအင်အားစုတွေလည်း ပါဝင်တတ်ပါတယ်။ တတိယ လှိုင်းကတော့ ပါဝါအမာလှိုင်းဖြစ်ပြီး စစ်တပ်၊ ရဲ၊ လုံထိန်း၊ သူပုန်နဲ့ စီးပွားရေးအင်အားစုတွေပါဝင်ပါတယ်။ ဒီထဲမှာ အဓိကကတော့ နိုင်ငံရဲ့ ပင်မ လက်နက်ကိုင်အင်အားစုဘဲဖြစ်ပါတယ်။ ဒီနေရာမှာ အကြမ်းဖက်ရေး မဖက်ရေးဟာ အဓိကမကျဘဲ လက်နက်ကိုင်တပ် အင်အားပြရေးကသာ အဓိကဖြစ်ပါတယ်။ ဒါကြောင့် အကြမ်းဖက်မှုမဖြစ်၊ လက်နက်ကိုင်မတိုက်ရဘဲနဲ့လည်း လူထုတိုက်ပွဲတွေ အောင်မြင်သွားတာကို တွေ့ကြရတာဖြစ်ပါတယ်။ ဒါပေမဲ့ အခြေအနေအရ အကြီးအကျယ်လက်နက်ကိုင်တိုက်ရတာ (သို့မဟုတ်) နည်းနည်းပါးပါးလောက် အကြမ်းဖက်ရတာလည်း ရှိနိုင်ပါတယ်။
ဂေါတမဗုဒ္ဓရဲ့ အောင်ခြင်းရှစ်ပါးမှာ ပထမအောင်ခြင်းဖြစ်တဲ့ လက်နက်မျိုးစုံကိုင်ထားတဲ့ လက်ရုံးတထောင်နဲ့ မာရ်နတ်နဲ့ နတ်စစ်သည် တွေ အပေါ်အောင်ခြင်းဟာ မေတ္တာဓာတ်နဲ့ ဟောပြောဆုံးမ စည်းရုံးနားချပြီး အောင်မြင်တာ မဟုတ်ဘဲ ပထဝီမြေကိုသက်သေပြုတဲ့ အတွက် ဝသုန္တရီနတ်သမီးက စစ်ကူလာပြီး ဆံရေကိုညှစ်ချလို့ မာရ်နတ်နဲ့ သူ့တပ်ကြီး ရေထဲမျောပါပျက်စီးသွားခဲ့တာဖြစ်ပါတယ်။ ပဉ္စမအောင်ခြင်းဖြစ်တဲ့ စိဉ္ဇမာနကိုဆုံးမခန်းမှာတော့ ကိုယ်ဝန်အတုပြုတ်ကျအောင် နတ်တွေက ကြွက်ယောင်ဆောင်ပြီး ဗိုက်အတု ချီထားတဲ့ ကြိုးတွေကိုကိုက်ဖြတ်ပစ်လို့ အယောင်ဆောင်တာပေါ်ပြီး အနိုင်ရတာဖြစ်ပါတယ်။ သတ္တမအောင်ခြင်းမှာဆိုရင် နန္ဒောပနန္ဒ နဂါးမင်းကို နှိမ်နင်းဖို့ ရှင်မောဂ္ဂလန်ကို တာဝန်ပေးလိုက်တဲ့အခါ သူ့ထက်ကြီးတဲ့နဂါးပုံ ဖန်ဆင်းပြီး ဖိညှစ်ပစ်တာ၊ ပိုကြီးတဲ့မီးလျှံလွှတ် ‘ကျွေးတာ’၊ ဂဠုန်ယောင်ဆောင်ပြီး လိုက် ‘ဗျင်းဒတာ’၊ နတ်ဘီလူးကြီးယောင်ဆောင်ပြီး ခြိမ်းခြောက်တာစတဲ့ လက်ရုံးရည်အင်အားကို အထူးတလည်သုံးခဲ့ရပါတယ်။ ကျန်တဲ့အောင်ခြင်းငါးပါးမှာပဲ မေတ္တာဓာတ် သို့မဟုတ် ဉာဏ်ပညာဆိုတဲ့ နှလုံးရည်နဲ့ သာယာညှင်း ပျောင်းစွာ အနိုင်ရခဲ့တာဖြစ်ပါတယ်။
ဘုရားနဲ့စစ်ပြိုင်လို့ရှုံးသွားတဲ့ မာရ်နတ်ဟာ နောက်နှစ်ပေါင်း ၂ဝဝ အသောကမင်းလက်ထက်မှာ ရဟန္တာရှင်ဥပဂုတ်ကို ထပ်မံစိန်ခေါ် တိုက်ခိုက်ပြန်တဲ့အခါ မာရ်နတ်က နွားရိုင်းကြီးပုံဖန်ဆင်းတိုက်ခိုက်ရင် ရှင်ဥပဂုတ်က ကျားပုံဖန်ဆင်း တုံ့ပြန်၊ မာရ်နတ်က နဂါးပုံဖန် ဆင်းတိုက်ခိုက်ရင် ရှင်ဥပဂုတ်က ဂဠုန်ပုံဖန်ဆင်း ပြန်ချ၊ မာရ်နတ်က ဘီလူးကြီးပုံ ဖန်ဆင်းတဲ့အခါ ရှင်ဥပဂုတ်က နှစ်ဆပိုကြီးတဲ့ ဘီလူးကြီးပုံ ဖန်ဆင်းပြီး ဘီလူးအယောင်ဆောင်မာရ်နတ်ကိုလိုက်ရိုက်၊ မာရ်နတ်က လူကြီးလူကောင်းပုံ ဖန်ဆင်းတဲ့အခါမှာတော့ လောက်တွေဖွေးနေတဲ့ ခွေးသေကောင်ပုပ်ကို လူယောင်ဆောင် မာရ်နတ်လည်ပင်းမှာ ဘယ်သူမှ ချွတ်မရအောင်ဆွဲ၊ နောက်ဆုံး မာရ် နတ်ကို တောင်ခါးပန်းမှာ ကြိုးတုပ် စသဖြင့် အကြမ်းဖက်တိုက်ပွဲဝင် နှိမ်နင်းခဲ့ရပါတယ်။
အာရှတိုက်ရဲ့ ဒီမိုကရေစီရေးလူထုတိုက်ပွဲကြီးတွေကို ဖိလိပိုင် (၁၉၈၆)၊ မြန်မာ (၁၉၈၈ နဲ့ ၂ဝဝ၇)၊ တိဘက် (၁၉၈၉ နဲ့ ၂ဝဝ၈)၊ တ ရုတ် (၁၉၈၉)၊ နီပေါ (၁၉၉ဝ နဲ့ ၂ဝဝ၆)၊ ထိုင်း (၁၉၇၃ နဲ့ ၁၉၉၂)၊ တောင်ကိုးရီးယား (၁၉၈ဝ နဲ့ ၁၉၈၇)၊ အင်ဒိုနီးရှား (၁၉၉၈) တို့မှာ ကြုံခဲ့ကြရပါတယ်။ ဒီထဲမှာ အောင်ပွဲရခဲ့တာတွေက ဖိလိပိုင်၊ နီပေါ (၂ဝဝ၆)၊ ထိုင်း၊ တောင်ကိုးရီးယား (၁၉၈၇) နဲ့ အင်ဒိုနီးရှား တို့ဖြစ် ပါတယ်။ အာရှအပြင်ဘက်မှာလည်း အရှေ့ဂျာမဏီ (၁၉၈၉)၊ ရူမေးနီးယား (၁၉၈၉)၊ ရုရှား (၁၉၉၁)၊ တောင်အာဖရိက (၁၉၉၄)၊ ဆား ဘီးယား (၂ဝဝဝ)၊ ဂျော်ဂျီယာ (၂ဝဝ၃)၊ ယူကရိန်း (၂ဝဝ၄) တို့မှာ ဒီမိုကရေစီ တော်လှန်ရေးတွေ အောင်ပွဲခံခဲ့ကြပါတယ်။ အောင်ပွဲ အားလုံး (အားလုံး) ဟာ တိုက်ရိုက်လက်နက်ကိုင်တိုက်ပွဲ သို့မဟုတ် သွယ်ဝိုက်တပ်မတော်အရှိန်သြဇာ၊ တနည်းအားဖြင့် တတိယ လှိုင်းကိုစီးနိုင်လို့ အောင်ပွဲရတာတွေချည်းပဲ ဖြစ်ပါတယ်။ တတိယလှိုင်းနဲ့ကင်းကွာတဲ့ မြန်မာ၊ တိဘက်၊ တရုတ်နိုင်ငံ လူထုတိုက်ပွဲတွေ ကတော့ အရှုံးကိုပဲ ပွေ့ပိုက်ခဲ့ရပါတယ်။
သမိုင်းကိုပြန်ကြည့်ရင် အိüိယနိုင်ငံမှာ အကြမ်းမဖက်ရေး အဟိံသဝါဒရဲ့ ဖခင်ကြီးဖြစ်တဲ့ မဟတ္တမဂန္နီကြောင့် အိန္ဒိယပြည်သူတွေ၊ ပညာတတ်တွေနဲ့ ဟိန္နူ-မွတ်ဆလင် ဘာသာရေးသမားတွေရဲ့ ပထမလှိုင်းနဲ့ ဒုတိယ လှိုင်းလုံးကြီးတွေ အရှိန်အဟုန်ကြီးကြီးနဲ့ ထကြွ လှုပ်ရှားလာခဲ့ပါတယ်။ ဒါပေမဲ့ နောက်ဆုံးမှာ ဗြိတိသျှနယ်ချဲ့သမားက အိန္ဒိယနိုင်ငံကို မဖြစ်မနေ လွတ်လပ်ရေး ပေးရတာကတော့ ဆူဘတ်ချန္ဒရာဘို့စ်ရဲ့ လက်နက်ကိုင်လှုပ်ရှားမှုကြောင့် ဗြိတိသျှကိုလိုနီစစ်တပ်ထဲက အိန္ဒိယစစ်သားတွေကို စိတ်မချရတော့တဲ့ အခြေ ဆိုက်လာတာကို ဒုတိယကမ္ဘာစစ်ပြီးခါနီးမှာ သဘောပေါက်ခဲ့လို့ဖြစ်ပါတယ်။ ဒုတိယကမ္ဘာစစ်တုန်းက ဂျာမဏီလက်ထဲ စစ်သုံ့ပန်း အ ဖြစ် အဖမ်းခံခဲ့ရတဲ့ ဗြိတိသျှစစ်တပ်တွင်းက အိန္ဒိယအမျိုးသားတွေဟာ ဟစ်တလာနဲ့ မဟာမိတ်ဖွဲ့ထားတဲ့ အိန္ဒိယလွတ်မြောက်ရေး တပ်ဖွဲ့ထဲ ထောင်နဲ့ချီဝင်ရောက်ခဲ့ကြတာကို ဗြိတိသျှတွေ တွေ့ရှိသွားခဲ့လို့ အကြီးအကျယ်အံ့သြချောက်ချားသွားခဲ့ပါတယ်။ ဒီဂယက် ဟာ မြန်မာပြည်လွတ်လပ်ရေးအတွက်ပါ အကျိုးပြုသွားခဲ့ပါတယ်။
၁၉၈၆ ခု ဖိလိပိုင်လူထုတိုက်ပွဲမှာ ပထမလှိုင်းအဖြစ် ကိုရာဇန်အကွီနိုက အာဏာရှင်မားကို့စ်ကို အတိအလင်းအံတုပြီး သောင်းချီတဲ့ လူထုကြီးက ဝိုင်းရံလို့ သမတကျမ်းသစ္စာကျိန်ဆိုပွဲ တဖက်သတ်လုပ်ခဲ့ပါတယ်။ ဒုတိယလှိုင်းကတော့ ဖိလိပိုင်နိုင်ငံ ဘုရင်ဂျီသာသာ နာပိုင် ဂိုဏ်းချုပ်ဘုန်းတော်ကြီး ကာဒီနယ်ဆင်းက ကက်သလစ်အသံလွှင့်ရုံကနေပြီး ဘာသာသူတွေနဲ့ သာသနာ့ဝန်ထမ်း ဘုရင်ဂျီ ရဟန်း သီလရှင်အားလုံးကို အံတုပုန်ကန်သူတွေထံသွား အားပေးဝန်းရံဖို့ ဆော်သြလှုံ့ဆော်ခဲ့ပါတယ်။
၁၉၈၆ ခု ဖေဖော်ဝါရီ ၂၄ ရက်မှာ ပုန်ကန်တဲ့တပ်မတော်သားတွေက ချယ်နယ်-၄ ရုပ်သံလွှင့်ရုံကို တိုက်ခိုက် သိမ်းပိုက်ပြီး ဖိလိပိုင် အာဏာရှင်မားကို့စ်ရဲ့ကြေညာချက်တွေ မထုတ်လွှင့်နိုင်အောင် အောင်မြင်စွာပိတ်ဆို့နိုင်ခဲ့ပါတယ်။ ပုန်ကန်တဲ့တပ်မတော်သားတွေနဲ့ ပြည်သူလူထုကို တိုက်ခိုက်ချေမှုန်းဖို့ အာဏာရှင်မားကို့စ် လွှတ်လိုက်တဲ့ လေတပ်ရဟတ်ယာဉ်တွေဟာ ပုန်ကန်သူတွေနဲ့ ပူးပေါင်း သွားခဲ့ပါတယ်။ ဒါ့အပြင် ပြည်သူ့ဘက်တော်သား စစ်ရဟတ်ယာဉ်တွေက ဗီလာမော်လေတပ်စခန်းကို ပစ်ခတ်တိုက်ခိုက်ပြီး မားကို့စ် ဘက်သားစစ်ရဟတ်ယာဉ်တွေနဲ့ စစ်ကားတွေကို ဖျက်ဆီးပစ်ခဲ့သလို မားကို့စ်နေတဲ့ မာလာကာနန်နန်းတော်ကိုလည်း ပြည်သူ့ဘက် တော်သား စစ်ရဟတ်ယာဉ်တစီးက ဒုံးကျည်နဲ့ တိုက်ခိုက်ခဲ့ပါသေးတယ်။ ဒီညနေမှာဘဲ ဖိလိပိုင်စစ်တက္ကသိုလ်ဆင်း စစ်ဗိုလ် အများ စုဟာ ကာကွယ်ရေးဝန်ကြီး အွန်ရင်လီ၊ ဒုဦးစီးချုပ် ဗိုလ်ချုပ်ရားမို့စ်တို့ရှိရာ ပြည်သူလူထုဘက် ကူးပြောင်း ခဲ့ကြပါတယ်။ နောက်တ ရက်မှာ မားကို့စ်သ္စာခံတပ်တွေ နေရာယူပစ်ခတ်နေတဲ့ ချယ်နယ်-၉ ရုပ်သံလွှင့်ရုံကို သူပုန်တပ်မတော်သားတွေက တိုက်ခိုက်ပြီး သိမ်း ပိုက်လိုက်တယ်။ မကြာခင်မှာဘဲ နောက်ထပ် ရုပ်သံလွှင့်ရုံတွေကိုပါ ပြည်သူ့ဘက်တော်သား စစ်တပ်တွေနဲ့ ပြည်သူတွေက သိမ်းပိုက် နိုင်ခဲ့ပါတယ်။
၁၉၉၈ ခု အင်ဒိုနီးရှားနိုင်ငံ လူထုတိုက်ပွဲမှာ အာဏာရှင်ဆူဟာတိုသစ္စာခံတပ်မတော်က လူမျိုးရေးအဓိကရုဏ်းတွေ ဖြစ်အောင် အသေ အချာစီစဉ်လှုံ့ဆော်ပေးခဲ့ပေမဲ့ သမတဆူဟာတို ပြည်ပရောက်နေချိန် လက်အောက်ခံ ဗိုလ်ချုပ်အချင်းချင်း အဝေမတည့် စားခွက် လုရာက ဒီမိုကရေစီတိုက်ပွဲဝင်လူထုပထမလှိုင်းနဲ့ ဗိုလ်ချုပ်ဝီရန်တို တတိယလှိုင်း မရှောင်မလွဲသာ ပေါင်းစည်းမိသွားတာဖြစ်ပါတယ်။ ဆူဟာတို့သားမက်ဗိုလ်ချုပ် စီစဉ်ဖန်တီးတဲ့ လူထု နှိမ်နင်းဖြိုခွဲရေးအကြမ်းဖက်မှုတွေဟာ တခြားဗိုလ်ချုပ်တွေရဲ့ အကျိုးစီးပွားတွေကို သွားထိခိုက်သွားစေတဲ့အတွက် တခြားဗိုလ်ချုပ်တွေဟာ လူထုနဲ့ပေါင်းသွားပြီး အင်ဒိုနီးရှားမှာ ဒီမိုကရေစီအောင်ပွဲခံသွားတာ ဖြစ်ပါ တယ်။ ထိုင်းနိုင်ငံမှာ လည်း ၁၉၇၃ ခုနဲ့ ၁၉၉၂ ခုတို့မှာ အဲသလိုအခြေအနေမျိုးနဲ့ကြုံပြီး ဒီမိုကရေစီထွန်းပေါ်ခဲ့တာဖြစ်ပါတယ်။
၂ဝဝ၅ ခု မေလမှာ နီပေါဘုရင်က စစ်အုပ်ချုပ်ရေးကြေညာ၊ အာဏာကုန်ယူလိုက်တဲ့အခါ အတိုက်အခံနိုင်ငံရေးပါတီ ၇ ပါတီက မဟာ မိတ်အဖွဲ့ဖွဲ့ပြီး ဆန့်ကျင်တိုက်ပွဲဝင်ခဲ့ပါတယ်။ ဒီ ၇ ပါတီဟာ ပါလီမန်လွှတ်တော်ထဲမှာ အမတ်နေရာ ၉ဝ ရာခိုင်နှုန်းရထားတဲ့ ပါတီတွေ ဖြစ်ပါတယ်။ ၇ ပါတီမဟာမိတ်အဖွဲ့က မော်ဝါဒီလက်နက်ကိုင်တော်လှန်ရေးအဖွဲ့နဲ့ ဒီဇင်ဘာလမှာ ၁၂ ချက် နားလည်မှုစာချုပ်ချုပ် နိုင်ခဲ့ပါတယ်။ ဒီလိုနဲ့ လူထုတိုက်ပွဲနဲ့ လက်နက်ကိုင်တိုက်ပွဲ ဟန်ချက်ညီ ပေါင်းစပ်နိုင်ခဲ့ပါတယ်။ ၂ဝဝ၆ ဧပြီ အထွေထွေသပိတ်ကြီး ဖြစ်တဲ့အခါ မော်ဝါဒီသူပုန်တပ်တွေက ၇ ပါတီ မဟာမိတ်အဖွဲ့နဲ့ ညှိနှိုင်းနားလည်မှုအရ အပစ်အခတ်ရပ်စဲပေးထားပြီး မြို့တော်ပတ် လည်မှာ အစိုးရတပ်တွေ မြို့တော်ကိုချီတက်ပြီး လူထုကိုမနှိမ်နင်းနိုင်အောင် လမ်းတွေပိတ်ဆို့ခြိမ်းချောက်ထားတာဘဲ လုပ်ခဲ့ပါတယ်။ မော်ဝါဒီ တော်လှန်ရေးတပ်တွေရဲ့ စစ်ရေးထိုးစစ်တွေကြောင့် အထိနာစစ်ပန်းနေရုံမက မော်ဝါဒီတွေနဲ့အတူ အတိုက်အခံ ပါတီအား လုံးနဲ့ ပြည်သူလူထုတရပ်လုံးကပါ ဘုရင်ကို တခဲနက် တညီတညွတ်တည်းဆန့်ကျင်နေတာ မျက်ဝါးထင်ထင် တွေ့နေရတဲ့အတွက် နီပေါဘုရင့်တပ်မတော်ဟာလည်း ဘုရင်ကို တက်တက်ကြွကြွထောက်ခံဖို့ စိတ်မပါတော့ပါဘူး။ နီပေါတော်လှန်ရေးမှာ ထူးခြားတာက နီပေါနိုင်ငံရဲ့ နယ်နိမိတ်ချင်းစပ်အိမ်နီးချင်းတွေဖြစ်တဲ့ တရုတ်နဲ့ အိန္ဒိယ နိုင်ငံတွေဟာ နီပေါဘုရင်ကို ထောက်ခံခဲ့တာဘဲ ဖြစ်ပါတယ်။ နီပေါစစ်တပ်အတွက် လက်နက်ခဲယမ်းကအစ ထောက်ပံ့ ကူညီပေးပြီး နီပေါကွန်မြူနစ်ပါတီ (မော်ဝါဒီ) ကိုဆန့်ကျင်ခဲ့တာဖြစ်ပါတယ်။ ဒီကြားထဲကနေ နီပေါကွန်မြူနစ်ပါတီ (မော်ဝါဒီ)နဲ့ ပြည်သူတွေက ဘုရင်ကိုဖြုတ်ချပစ်နိုင်ခဲ့တာဖြစ်ပါတယ်။
ခရစ်ယာန် သမ္မာကျမ်းစာထဲက ရှင်မဿဲခရစ်ဝင် အခန်းကြီး ၂၁ အခန်းငယ် ၁၂ မှ ၁၄၊ ရှင်မာကုခရစ်ဝင် အခန်းကြီး ၁၁ အခန်းငယ် ၁၅ မှ ၁၇၊ ရှင်လုကာခရစ်ဝင် အခန်းကြီး ၁၉ အခန်းငယ် ၄၅ မှ ၄၆ တို့မှာ အခုလိုဆိုထားပါတယ်။ “ဂျေရုဆလင်မြို့သို့ရောက် ကြသောအခါ ယေရှုသည် ဘုရားသခင်၏ ဗိမာန်တော်သို့ ဝင်တော်မူပြီးလျှင်၊ ဗိမာန်တော်၌ ရောင်းဝယ်သောသူအပေါင်းတို့ကို နှင် ထုတ်၍၊ ငွေလဲသောသူတို့၏ ပွဲစားခုံတို့ကို၎င်း၊ ချိုးငှက်ရောင်းသောသူတို့၏ ထိုင်နေရာများကို၎င်း၊ တွန်းလှဲတော်မူလျက်၊ ဗိမာန်တော် ထဲ၌ အဆောက်အဦးကို အဘယ်သူမျှ မဆောင်မရွက်ရမည့် အကြောင်း မြစ်တားတော်မူလျက်၊ ငါ့အိမ်ကို လူအမျိုးမျိုးဆုတောင်းရာ အိမ်ဟူ၍ ခေါ်ဝေါ်ကြလတံ့ဟု ကျမ်းစာ၌ လာသော်လည်း၊ သင်တို့သည် ထိုအိမ်ကို ဓားပြတွင်း ဖြစ်စေကြပြီတကားဟု ဆုံးမသြဝါဒ ပေးတော်မူ၏။-” ခရစ်ယာန်ဓမ္မဟောင်းကျမ်းမှာဆိုရင် ထာဝရဘုရားသခင်က မိစ္ဆာဓိဋ္ဌိတွေ၊ အပြစ်သားတွေကို လောင်မီးလက်နက် (သောဒုံနဲ့ ဂိုမိုးရ)၊ ရေလွှမ်းမိုးဘေး (နောဧ) စသည်ဖြင့် အစုလိုက်အပြုံလိုက် အကြမ်းဖက်သုတ်သင်ပစ်တဲ့ သာဓကတွေ ပိုလို့တောင် အများကြီးရှိခဲ့ပါတယ်။
၂ဝဝဝ ခု ဆားဘီးယားတော်လှန်ရေးမှာ အော့ပ်တော် လို့ခေါ်တဲ့ ကျောင်းသားလူငယ်လှုပ်ရှားမှု ပထမလှိုင်းကို အတိုက်အခံ ၁၈ ပါတီ ညွန့်ပေါင်းဖြစ်တဲ့ ဆားဘီးယားပြည် ဒီမိုကရက်တစ်အတိုက်အခံအဖွဲ့ ဒုတိယလှိုင်းက အားဖြည့်ခဲ့ပါတယ်။ မေ ၅ ရက် နေ့လည် ပါလီမန်ဘေးမှာ ဆန္ဒပြလူထုကြီးနဲ့ လုံထိန်းတွေဟာ ဒုတ်တွေ ခဲတွေ မျက်ရည်ယိုဗုံးတွေနဲ့ အပြန်အလှန်တိုက်ခိုက်ကြပါတယ်။ ညနေ ပိုင်းရောက်တော့ လူထုကြီးက ပါလီမန်ကို အတင်းဝင်စီးနင်းတဲ့အခါ လုံခြုံရေးယူနေတဲ့ လုံထိန်းရဲတချို့ဟာ လက်နက်နဲ့တကွ လူထု ကြီးနဲ့ ပူးပေါင်းလိုက်ပါတယ်။ တချို့ရဲတွေလည်း ထွက်ပြေးသွားပါတယ်။ ပါလီမန်လွှတ်တော်ကို မီးရှို့ပစ်လို့ တခြမ်းလောက် လောင် သွားပါတယ်။ အဲဒါပြီးတော့ လူထုကြီးဟာ သမတမီလိုဆီဗစ် တပြည်လုံးသို့ အဓိကဝါဒဖြန့်ချိဆက်သွယ်ရာ အာဏာရှင်စနစ်ရဲ့ အဓိက ပြယုဂ်ဖြစ်တဲ့ ဆားဘီးယားရေဒီယိုနဲ့ရုပ်သံလွှင့်ရုံကို သွားဝိုင်းခဲ့ပါတယ်။ ဘူဒိုဇာမောင်းသမား လျူဘိုဆက်ဗ် ဂျိုးကစ်က သူ့ဘူဒိုဇာ ကိုမောင်းပြီး ဆားဘီးယား ရေဒီယိုနဲ့ရုပ်သံလွှင့်ရုံကို အကြမ်းဖက်ဝင်တိုက် ဂိတ်တံခါးတွေ နံရံတွေ ဖြိုချခဲ့ရာကနေ အသံလွှင့်ရုံလုံခြုံ ရေး လုံထိန်းတွေကတဖက် ပြည်သူ့ဘက်တော်သားလုံထိန်းတွေ အပါအဝင် လူထုကြီးကတဖက် အပြန်အလှန်ပစ်ခတ် တိုက်ပွဲအပြင်း အထန်ဖြစ်ပြီးနောက် သိတ်မကြာခင်မှာဘဲ အသံလွှင့်ရုံ တခုလုံးကို လူထုကြီးက စီးမိသွားခဲ့ပါတယ်။ အသံလွှင့်ရုံကိုလည်း မီးတင်ရှို့ လိုက်လို့ မီလိုဆီဗစ်ရုပ်သံလွှင့် အစီအစဉ်တွေ ရပ်ဆိုင်းသွားပါတယ်။ (မကြာခင်မှာဘဲ ပြည်သူလူထုဘက်က ရုပ်သံလွှင့်အစီအစဉ် တွေကို စတင် ထုတ်လွှင့်နိုင်ခဲ့တယ်။) ဂျိုးကစ်ကို အသံလွှင့်ရုံထဲက မီလိုဆီဗစ်ရဲ့ လုံခြုံရေးတပ်တွေက သေနတ်တွေနဲ့ ဝိုင်းပစ်ခဲ့ပေမဲ့ ကံကောင်းထောက်မစွာနဲ့ တချက်မှမထိခဲ့ပါ။ ဆားဘီးယား တော်လှန်ရေးဟာလည်း ဘူဒိုဇာတော်လှန်ရေးလို့ နာမည်တွင် သွားခဲ့ပါ တယ်။
ဖက်ဆစ်အာဏာရှင်မီလိုဆီဗစ်လက်အောက်မှာ ဘော့စနီးယား-ဟာဇီဂိုဗီးနား၊ ခရိုအေးရှား နဲ့ ကိုဆိုဗိုမှာ အဓိပ္ပာယ် မရှိတဲ့ လူမျိုးကြီး ဝါဒနယ်ချဲ့စစ်ပွဲတွေ တိုက်ခဲ့ရပြီး လက်နက်ကိုင်ဘော့စနီးယားနဲ့ ခရိုအေးရှားပြည်သူတွေ၊ လက်နက်ကိုင် ကိုဆိုဗိုပြည်သူတွေနဲ့တကွ နာတိုးတပ်တွေရဲ့ အပြင်းအထန်လက်တုံ့ပြန်တိုက်ခိုက်မှုတွေကို မရှုမလှခံခဲ့ရ၊ အော့နှလုံးနာစရာကောင်းလှတဲ့ လူမျိုးတုံးသတ်ပွဲတွေ ကို ကျူးလွန်ခဲ့ရလို့ စစ်ပန်းပြီး ဂုဏ်သက္ခာာကျနေရတဲ့ ဆားဘီးယားစစ်တပ်ကလည်း ဒီလူထုအုံကြွမှုမှာ မီလိုဆီဗစ်ခိုင်းသမျှကို မလုပ် တော့ဘဲ လက်ရှောင်ခဲ့ပါတယ်။ စစ်တပ်ကိုစည်း ရုံးနိုင်ခဲ့လို့ စစ်တပ်ထိပ်သီးတချို့က ဆန္ဒပြလူထုကို ပစ်မှာမဟုတ်ကြောင်း ကြေညာ ခဲ့ပါတယ်။ ဒီလိုနဲ့ လက်နက်ကိုင်တပ်နဲ့ လက်နက်ကိုင်လှုပ်ရှားမှု ဆိုတဲ့ တတိယလှိုင်း က ပွဲသိမ်းပေးသွားတာဖြစ်ပါတယ်။
၂ဝဝ၃ နိုဝင်ဘာလ ဂျော်ဂျီယာနိုင်ငံရဲ့ နှင်းဆီတော်လှန်ရေးမှာ ပထမလှိုင်းခေါင်းဆောင် ဆာကာ့ရ်ှဗီလီ ဦးစီးတဲ့ ပြည်သူလူထုတွေဟာ ပါလီမန်လွှတ်တော်ကို အတင်းဝင်စီးတဲ့အခါ ဂျော်ဂျီယာအာဏာရှင် ရှဗာ့ဒ်နာဇေ က အရေးပေါ် အခြေအနေကြေညာ၊ စစ်တပ်နဲ့ လုံထိန်းတွေဆင့်ခေါ်ပြီး အင်အားသုံးရှင်းလင်းဖို့ အမိန့်ပေးခဲ့ပါတယ်။ ဒါပေမဲ့ အတိုက်အခံတွေနဲ့ ဂျော့ဆိုးရော့စ်ရဲ့အဲန်ဂျီအိုတွေ ဒေါ်လာ ၄၂ သန်းအကုန်ခံ ထိုးဖောက်စည်း ရုံးထားတဲ့ ဂျော်ဂျီယာ တပ်မတော်က အမိန့်နာခံဖို့ငြင်းဆန်ခဲ့တဲ့အတွက် တတိယလှိုင်း သြဇာအောက်မှာ သမတရှဗာ့ဒ်နာဇေ အာဏာစွန့်ခဲ့ရ ပါတော့တယ်။
၂ဝဝ၄ ခု ယူကရိန်း လိမ္မော်ရောင်တော်လှန်ရေးမှာ အာဏာရှင်ကိုအံတုတဲ့ သမတလောင်း ယူရှင်ကိုရဲ့ ရွေးကောက်ပွဲ ယှဉ်ပြိုင်မှုနဲ့ ပြည်သူလူထုအုံကြွမှုပထမလှိုင်းကို တရားရုံးချုပ်ရဲ့ မဲလိမ်မှုစီရင်ချက်ဒုတိယလှိုင်းက အားဖြည့်ခဲ့ပါတယ်။ ဒီလိမ္မော်ရောင်တော်လှန် ရေးမှာ တတိယလှိုင်းအဖြစ် (ယခင် ကေဂျီဘီထောက်လှမ်းရေး) ယခု ယူကရိန်းလုံခြုံရေးရာ ဌာနကနေ အတိုက်အခံတွေနဲ့ ပြည်သူ လူထုဆီကို အရေးကြီးသတင်းအချက်အလက်တွေ၊ မဲမသမာမှုနဲ့ပတ်သက်တဲ့ အတိအကျအချက်အလက်တွေ ပေးခဲ့သလို ဒီ (အက်စ် ဘီယူ)ယူကရိန်းထောက်လှမ်းရေးဌာနကြီးမှူး ဗိုလ်ချုပ် စမက်ရ်ှကို၊ ဂျီအာရ်ယူ တပ်မတော်ထောက်လှမ်းရေးဌာနမှူး ဗိုလ်ချုပ် အလက် ဇန်းဒါးဂါလာကာ၊ တပ်မတော် တန်ပြန်ထောက်လှမ်းရေးဌာနမှူး ဗိုလ်ချုပ်ရိုမန်ရှင်ကို တို့က လူထုကိုနှိမ်နင်းဖို့အမိန့်ပေးခံရတဲ့ လုံထိန်း တပ်တွေကို နောက်ပြန်ဆုတ်အောင် တင်းတင်းမာမာ ပြတ်ပြတ်သားသား သတိပေး တားမြစ်ခဲ့ကြလို့ လူထုတိုက်ပွဲ ဖြိုခွဲမခံရဘဲ အောင်ပွဲခံနိုင်ခဲ့ပါတယ်။ ဒီဗိုလ်ချုပ်တွေဟာ ရာဇဝတ်မှုနဲ့ ထောင်ကျဖူးတဲ့ ဂျလေဘီ ဖိုးတွမ်တီးဟောင်း ယာနူကိုဗစ်ခ်ျ သမတဖြစ်လာ ရင် သူ့အမိန့်နာခံလုပ်ကိုင်ရမှာကို မလိုလားကြတဲ့အတွက်လည်း အတိုက်အခံသမတလောင်း ယူရှင်ကိုဘက် ထောက်ခံကြတာ ဖြစ်ပါ တယ်။
ကျနော်တို့မြန်မာနိုင်ငံမှာ ၁၉၈၈ တုံးက ကျောင်းသားလူငယ်တွေနဲ့ ပြည်သူလူထုတွေရဲ့ ပထမလှိုင်း ထကြွခဲ့ပါတယ်။ ၁၉၉ဝ မှာ နိုင်ငံ ရေးပါတီတွေရဲ့ရွေးကောက်ပွဲအောင်ပွဲနဲ့ သံဃာတော်တွေကံဆောင်ပွဲ ဒုတိယလှိုင်း စကြွခဲ့ပြီး ၂ဝဝ၇ စက်တင်ဘာမှာတော့ သံဃာ တွေရဲ့ဒုတိယလှိုင်းဟာ တနိုင်ငံလုံးသာမက တကမ္ဘာလုံးတုန်ခါသွားအောင် အရှိန်အဟုန် ကြီးမားစွာနဲ့ ရိုက်ခတ်ခဲ့ပါတယ်။ ဒါပေမဲ့ ဒီမို ကရေစီတော်လှန်ရေးရဲ့ ပွဲသိမ်းလှိုင်းဖြစ်တဲ့ လက်နက်ကိုင်စစ်တပ် အရှိန်သြဇာ မပါဝင်သေးလို့ အောင်ပွဲမရခဲ့ကြပါဘူး။
နောက် မလွဲမသွေလာရမယ့် တတိယလှိုင်းအတွက် တဖက်မှာ လက်နက်ကိုင်တော်လှန်ရေးတိုက်ပွဲအရှိန်အဟုန်ကို ကြီးထွား ပြင်း ထန်အောင်လုပ်ရင်း နောက်တဖက်မှာ မြန်မာ့တပ်မတော်ကို စီမံကိန်းရှိရှိ နားလည်မှုရှိရှိ ထိုးဖောက် သိမ်းသွင်းဖို့ အကြီးအကျယ် လို အပ်ပါတယ်။ ဒီ တတိယလှိုင်း မထသရွေ့ မြန်မာနိုင်ငံမှာ ဘယ်တော့မှ ဒီမိုကရေစီ အပြောင်းအလဲ ဖြစ်မှာ မဟုတ်ပါ။
ဂါမဏိ
ကွယ်လွန်သူ ရဲဘော်မြင့်အောင် (ခေါ်) ဂုရု ABSDF ၏ ‘တတိယလူထုလှိုင်းဆီသို့’ စာတမ်း၊ ဆရာလူထုစိန်ဝင်း၏ ဆောင်းပါးနှင့် Mandela ၏ ကိုယ်တိုင်ရေးအတ္ထုပ္ပတ္တိတို့ကို ထပ်ဆင့်ခံစားခြင်း ဖြစ်ပါသည်။
ဒေါင်းအိုဝေ၊ အတွဲ(၁)၊ အမှတ်(၈)၊ မတ်လ ၂၀၀၉၊ မှ
တို့ခေတ်ကျမှညံ့ကြတော့မှာလား...
