(ကမာပုလဲ)
ဘယ်လိုခေတ်ကြီးလဲ
ကိုယ့်ရင်သွေးကို ရင်ထဲထည့် ၀ှက်တာတောင်
မလုံခြုံနိုင်တဲ့အဖြစ်။
အမေ့ကို လွမ်းလွန်းလို့
ကဗျာတပုဒ်ရေးကြည့်တယ်
စာရွက်ပေါ်မှာ မှင်တွေကမပြာဘဲ
သံဃာတော်တွေရဲ့ သွေးတွေသာ နီရဲလို့။
ကျနော်ပြန်အလာကို မစောင့်နိုင်တဲ့အမေ
ဒီကြေကွဲမှုတွေနဲ့ ဒီနိုင်ငံမှာ
အမေအကြွေစောပေမယ့်
မနှမြောတော့ဘူး။ ။
(၁၂-၁၀-၀၇)
ခေတ်ပြိုင်...မှ
တို့ခေတ်ကျမှညံ့ကြတော့မှာလား...(အေးမိဖြူ)
ကြိုးစင်ပေါ်မှမှတ်တမ်းများ (အိုးဝေဦးထွန်းအောင်နှင့်ဦးစံရွှေ) ချက်ဘာသာမှ မြန်မာပြန်ဆိုသည်
မောင်စမြ်းရည်
၂၀၀၇ အောက်တိုဘာ ၁၆
(ဌေးအောင်)
ဆီရွှဲပြီး နက်ပြောင်နေတဲ့ ဆံပင်ကို
အကျအနဖီးလို့
သနပ်ခါးကို မှုန်နေအောင် လိမ်းထားတဲ့
သမီးလေးဟာ
စိမ်းမြတဲ့ ရွက်နုတွေအကြား
ငုံနေတဲ့ စပယ်ဖြူလေးလို
လှပလန်းဆန်းနေတယ်။
အိပ်ရာထ၊ မျက်နှာသစ်၊ အ၀တ်လဲ
ကျောင်းသွားဖို့
ပြင်ဆင်နေတဲ့
သမီးလေးဟန်ပန်က
လေပြေနဲ့အတူ
ယိမ်းနွဲ့နေတဲ့ စပယ်ငုံလေးပေါ့။
သမီး
လမ်းကူးရင် သတိထားနော်
ဆော့လည်းမသွားနဲ့
ကျောင်းလွှတ်ရင် အိမ်ကိုတန်းပြန်ခဲ့
ဟုတ်လား… သမီး၊
နားထောင်နေတဲ့ သမီးလေးဟာ
ပါးချိုင့်လေးနဲ့ တခါပြုံး
အဖေ့ပါးကို တချက်နမ်းလို့
ပေါ့ပါးစွာပြေးထွက်သွားခဲ့တယ်
လွယ်အိတ်လေးကို
မနိုင့်တနိုင်ဆွဲလို့
ဂါဝန်လေးက လေမှာလွှဲလို့
ပြန်ရောက်မလာတော့ပါလား၊
“ခလေးတွေ သတ္တိ ရှိလိုက်ကြတာ
ခွေးတွေ ရက်စက်လိုက်ကြတာ
ကောင်မလေးတယောက်ဆိုရင်….”
အို…
တော်ကြပါတော့ တော်ကြပါတော့
ဆက်မပြောကြပါနဲ့တော့ဗျာ၊
သမီးလေးရယ်
အဖေနဲ့အမေတို့ရဲ့
အချစ်တွေနဲ့တင် မလုံလောက်လို့
ကမ္ဘာလောက တခုလုံးရဲ့အချစ်ကို
သိမ်းကြုံးပြီး အရယူသွားလေရော့သလားကွယ်။
No comments:
Post a Comment