Monday 6 July 2009

ဆယ်စုလွန်စစ်တမ်း

YMO

ငါတို့တတွေ လေထဲမှာ
အိမ်ဆောက်မိခဲ့ပြီလား

ပုံပြင်ထဲက တရုတ်လက်သမားလို
တံတွေးဆွတ်မှတ်ခဲ့မိလို့
ဆယ်စုလွန်အိပ်မက်ထဲမှာ
ဆားမပါတဲ့ ဟင်းချိုသောက်တာ
များလွန်းခဲ့ပြီ

နွေဦးလေအဝှေ့မှာ
နှင်းဆီကြွေတချို့လည်း
ကြွေမွလွင့်စင်

တချို့ပစ္စုပ္ပန်တွေပျောက်
တချို့သံတိုင်အုတ်တံတိုင်းတွေနောက်မှာ
အနာဂတ်တွေ တောင်ရောက်မြောက်ရောက်

တချို့အတ္တတွေပွေ့ဖက်ရင်း
တတိယနိုင်ငံအိပ်မက်မက်ကြ

တချို့အကြောက်တရားတွေပွေ့ဖက်ရင်း
လှောင်အိမ်ထဲက မိခင်ကို
ဧရာဝတီလိုစီးဆင်းစေချင်ကြတယ်။

နယူတန်ရဲ့ နိယာမကို
သတိတရရှိနေမယ်ဆိုရင်
သက်ရောက်မှုတိုင်းမှာ
တန်ပြန်သက်ရောက်သတဲ့
အဲ့ဒီလိုပဲ
ဘ၀ဆိုတာကိုပေးမှ
ဘ၀ဆိုတာရမယ်။ ။


(၂၀-၂-၀၇)
ခေတ်ပြိုင်...မှ

No comments:

 
/* EOT ----------------------------------------- */