အရိပ်မဲ့အရောင်

(စိုးနေလင်း)

အနာဂတ်ပုံပြမျဉ်းကို မှန်းဆမရ
ဒီကနေ့ မနေ့က
ဘာဆိုဘာမှ ကျောချစရာမရှိ
ဇာတိ ဇရာ၊ ဗျာတိ မရဏာ
သေချာခြင်းကို မသေချာချင်သေးသောခဏ။

နွံတွင်းနက်နက် တခုထဲမှာ
ဝေေ၀၀ါးဝါး
ဒါဟာ ဘာဝနာပွားတရားယူစရာလား
ကြာကြာဝါးစရာ မလိုသောခါးသည်းခြင်း
သီချင်းဖြစ်သွားတဲ့အခါ ရသ
အဝေးကြည့်မှာ လှပနေပြန်၏။

ကံကံ၏ အကြောင်းတရားဆိုလည်း
ခဲလေသမျှဖြစ်ခဲ့ရသော ကောင်းကင်ထဲ
စံလွဲတန်ဘိုးများက မင်းမူ
“လူ” ၏ အဓိပ္ပာယ်သတ်မှတ်စံနှုန်းကိန်း
ပိန်းပိန်းပိတ် ကွယ်ပျောက်ခဲ့ရပြီ။

ငါဟာ
စ်ိတ်ကူးယဉ် ဇာတ်လမ်းတပုဒ်ထဲ ကျွံနစ်
မြစ်ကိုအလျားလိုက် ကူးနေမိလေသလား
ပျားပန်းခတ် နေရာယူနေသူတွေကြားမှာ
(ဇာတ်သိမ်းခန်းကို)
နောက်ဆုံးတန်းက ကြည့်ခွင့်ရရင်ပဲ
သဲထဲရေသွန်ဘ၀ကို ကျေနပ်
ခပ်မဆိတ် နေပစ်လိုက်ချင်ပြီ။ ။


(၃၁-၁၂-၀၇)
ခေတ်ပြိုင်...မှ