Monday 6 July 2009

လွတ်မြောက်ရာ ဘ၀

(ငြိမ်းလူ)

ဒီညတော့
သူတို့ပုံရိပ်တွေပဲ
အထပ်ထပ်အခါခါ
ပြူးကြောင်ကြောင်မျက်လုံးတစုံက
အဖုံးမရှိတော့သလို…

သြဂတ်လမိုးစက်ထဲမှာ
ခန္ဓာကိုယ်ကရွှဲနစ်ပေါ့ …။

လူနှစ်ဆယ် ဖမ်းလိုက်တာနဲ့
နှစ်ထောင်လောက်ဖြစ်လာတဲ့
လမ်းမကို
အငမ်းမရနမ်းပစ်လိုက်တယ်။

သူတို့တွေသေမှ မသေသေးပဲနော်
ရဲဝံ့လိုက်ပုံများ
နှစ်ပေါင်း နှစ်ဆယ်နား… ကွာသွားတာတောင်
ချစ်သူတို့ရဲ့… ရဲဘော်တွေ
ကိုယ်ထင်ပြလိုက်ပုံများ
မောင်းပြန်ကို ဒေါင်းအလံနဲ့တိုက်မတဲ့။

ညမှ အပေါင်ဆိုင်ကပြန်ရွေးရတဲ့
စောင်ကလေးဘ၀
လွတ်မြောက်ရတော့မယ်ထင်ပါရဲ့…
ရောင်နီကလည်း သန်းလာလိုက်တာ
အိမ်ရှေ့လမ်းမှာ
မိုးစက်တွေကိုနမ်းလို့။ ။


(၁၈-၉-၀၇)
ခေတ်ပြိုင်...မှ

No comments:

 
/* EOT ----------------------------------------- */